اۆتونوميالى رايوندىق پارتكوم ارناۋلى تاقىرىپتىق ءماجىلىس اشتى
جوعارى ءونىمدى ءبىر تۇتاس جوسپارلاۋ قابىلەتىن، دەڭگەيىن جاپپاي جوعارىلاتىپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداۋ كەرەك
ما شيڭرۇي ءسوز سويلەدى، ەركىن تۇنياز، لي يفي قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق پارتكوم 8 - ايدىڭ 23 - كۇنى تۇستەن كەيىن ارناۋلى تاقىرىپتىق ءماجىلىس اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىردى، زات اينالىمىنىڭ ىركىلىسسىز بولۋىن قامتاماسىز ەتۋ، تىزبەكتى ورنىقتىرىپ قامداۋ، اۋىل شارۋاشىلىعى ءوندىرىسى، نەگىزگى حالىق تۇرمىسى، قيىنشىلىقتى شەشۋ سياقتى قاتىستى قىزمەتتەردەن بەرىلگەن مالىمەتتى تىڭداپ، ىندەتتەن ساقتانۋ - تىزگىندەۋ ونىمدىلىگىن ونان ارى جوعارىلاتۋ، بازار تۇلعالارىنىڭ قيىنشىلىعىن شەشۋ تەبىنىن كۇشەيتۋ، حالىق تۇرمىسىنا قىزمەت وتەۋ جانە ونى قامتاماسىز ەتۋ دەڭگەيىن جوعارىلاتۋ سياقتى قىزمەتتەردى اقىلداسىپ ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار ماجىلىسكە قاتىناستى.
ما شيڭرۇي بىلاي دەپ باسا دارىپتەدى: رايونىمىز ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋدىڭ ەڭ شۇعىل، ەڭ شەشۋشى كەزەڭدە تۇر. ”يكەمدى نولگە ءتۇسىرۋ“ باس باعىتىنا تيتتەي دە اۋىقتىماي تاباندى بولىپ، 9 - نۇسقاداعى ساقتانۋ - تىزگىندەۋ جوباسىنىڭ تالابى بويىنشا قوعامدىق جاقتا نولگە ءتۇسىرۋ نىساناسىنان كوز جازباي، نازاردى ءۇرىمجى، ىلە، سانجى سياقتى ءتۇيىندى وڭىرلەرگە شوعىرلاندىرىپ، جاپپاي، ەگجەي - تەگجەيلى سارالاپ تەكسەرۋدى تىڭعىلىقتى ورىستەتىپ، جوعارى دالدىكتە حىسۋان سىناما الىپ تەكسەرۋىن جانە تەكسەرۋ ناتيجەسى بولىمدى بولعانداردى قاداعالاۋ، اۋىستىرىپ تاسىمالداۋ، ەپيدەميولوگيالىق تەكسەرۋ، شيپاحانادان شىعارۋ ونىمدىلىگىن جوعارىلاتىپ، ”ءۇش رايوندى“ عىلمي بەلگىلەپ، ”توعىزعا جول قويماۋ“ تالابىن قاتاڭ تياناقتاندىرىپ، تۇرگە، دارەجەگە ءبولىپ، عىلمي، دالمە - ءدال ساقتانىپ - تىزگىندەپ، بەلگىلەنگەن شيپاحانالاردا جۇعىمدالۋدى تىزگىندەۋ، باسقارۋ جانە شوعىرلى اۋاشالاۋ تۇيىندەرى، قارتتاردى كۇتىمدەۋ، يگىلىك قۇرىلىمدارى سياقتى ءتۇيىندى ورىنداردا ساقتانۋ - تىزگىندەۋدى كۇشەيتىپ، ينفورماتسيا جاريالاۋ مەن قوعامدىق پىكىر جەتەكشىلىگىن كۇشەيتىپ، ىندەتتەن ساقتانۋ - تىزگىندەۋدىڭ تۇتاس تۇلعالىق ونىمدىلىگىن جوعارىلاتىپ، ەكونوميكالىق، قوعامدىق دامۋعا جانە بۇقارانىڭ ءوندىرىس، تۇرمىسىنا بولعان ىقپالىن ەڭ جوعارى شەكتە ازايتۋ كەرەك.
ما شيڭرۇي بىلاي دەپ باسا دارىپتەدى: ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ءبىر تۇتاس جوسپارلاپ ويداعىداي ىستەپ، مەملەكەتتىڭ، اۆتونوميالى رايوننىڭ ارتۋدى ورنىقتىرۋعا قاتىستى ءبىر قىدىرۋ ساياسات - شارالارىن ناقتى، ەگجەي - تەگجەيلى تياناقتاندىرىپ، زات اينالىمىنىڭ ىركىلىسسىزدىگىن، تىزبەكتى ورنىقتىرىپ قامداۋ، اۋىل شارۋاشىلىعى ءوندىرىسى، نەگىزگى حالىق تۇرمىسى، قيىنشىلىقتى شەشۋ قىزمەتتەرىن ويداعىداي ىستەۋ، اسىرەسە، بازار تۇلعالارىن ورنىقتىرۋدى، جەكە ساۋدا - ونەركاسىپشىلەردىڭ جانە ورتا، شاعىن، ۇساق كاسىپورىنداردىڭ قيىنشىلىعىن ءونىمدى شەشۋدى كەزەكتەگى ءتۇيىندى قىزمەت رەتىندە، ناقتى، ويداعىداي يگەرۋ كەرەك. جۇيەلى زەرتتەۋدى، جوسپارلاۋدى كۇشەيتىپ، شىعارىلعان ساياسات - شارالاردى جاپپاي تياناقتاندىرۋ نەگىزىندە بازار تۇلعالارىنىڭ قاجەتىمەن دالمە - ءدال ۇشتاستىرىپ، كاسىپورىنعا پايدا جەتكىزەتىن، كاسىپورىنعا كومەكتەسەتىن، كاسىپورىندى ورنىقتىراتىن، كاسىپورىندى الاڭسىز ەتەتىن ءتۇرلى ساياسات - شارالاردى باعىتتامالى تۇردە زەرتتەپ جانە شىعارىپ، ساياساتتى دالمە - ءدال ۇشتاستىرۋدى، ودان تىكە يگىلىكتەندىرۋدى ىلگەرىلەتىپ، قوس ونىمدىلىگىن تولىق جارىققا شىعارۋ كەرەك. كاسىپورىنداردى ورنىقتىرۋ، قيىنشىلىعىن شەشۋ تەبىنىن ارتتىرىپ، سالىقتى ازايتۋ، اقىنى تومەندەتۋ شارالارىن تياناقتاندىرىپ، قوعامدىق قامسىزداندىرۋ اقىسىن كەشەۋىلدەتىپ تاپسىرۋ ساياساتىن كەڭەيتىپ، اتقارىپ، بازار تۇلعالارىنىڭ سۋدان، ەلەكتردەن، ينتەرنەتتەن پايدالانۋ جانە ءۇي جالداۋ سياقتىلارداعى وزىندىك قۇنىن تومەندەتۋ، كوپ ءتۇرلى فينانس قۇرالدارىنان يكەمدى پايدالانىپ، قارجىلىق قولداۋدى كۇشەيتۋ، جۇمىسسىزدىق قامسىزداندىرۋ قاراجاتىن جۇمىس ورنىن ورنىقتىرۋ بويىنشا قايتارىپ بەرۋ، سونداي - اق قوعامدىق قامسىزداندىرۋ تولىقتاما قاراجاتىن بەرۋ، باۋلۋ تولىقتاما قاراجاتىن بەرۋ سياقتى اۋىرتپالىقتى جەڭىلدەتۋ، جۇمىس ورنىن ورنىقتىرۋ، جۇمىستاندىرۋدى كەڭەيتۋ ساياساتتارىنىڭ تياناقتانۋىن جەدەلدەتىپ، ورتا، شاعىن كاسىپورىنداردىڭ ەسەپتەگى قارىز اقشاسىن اداقتاۋ تەبىنىن ارتتىرىپ، ساياساتتىڭ ونىمدىلىگىن ۇزدىكسىز جارىققا شىعارۋ كەرەك. ىرىقتىلىقپەن الدا ءجۇرىپ قىزمەت وتەۋدى كۇشەيتىپ، ساياساتتاردى ۇگىتتەۋدى، ءتۇسىندىرۋدى كۇشەيتىپ، ناقتىلاندىرۋ بارىسىن ىقشامداپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ساپالىلاندىرىپ، ساياساتتاردىڭ ناقتاپ تياناقتانۋىنا شىنايى كەپىلدىك ەتىپ، بازار تۇلعالارىنىڭ كوزبەن كورە الۋىنا، قولمەن ۇستاي الۋىنا، سەزىنە الۋىنا، ناقتى تيىمدىلىكتەن يگىلىكتەنۋىنە مۇمكىندىك جاساۋ؛ ءار دارەجەلى باسشىلار ىرىقتىلىقپەن ءبىر - بىرلەپ تەكسەرىپ، ارالاپ احۋال ۇعىسىپ، كوتەرمەگە الىپ، بايلانىس جاساۋدى، جەتەكشىلىك ەتۋدى كۇشەيتىپ، جالپىلىق ماسەلەلەردى شەشۋمەن بىرگە، دارالىق ماسەلەلەردى دە شەشۋ، كەزەكتەگى كوكەي تەستى ماسەلەلەردى شەشۋمەن بىرگە، ۇزاق مەزگىلدىك ۇلاسپالى سيپاتتى ماسەلەلەردى شەشۋگە دە باسا ءمان بەرىپ، شىن مانىندە بازار تۇلعالارىنىڭ قيىنشىلىعىن شەشۋ، ومىرشەڭدىك كۇشىن نىعايتۋ كەرەك.
ما شيڭرۇي بىلاي دەپ باسا دارىپتەدى: حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىنداعى اۋىرتپالىقتارعا كوڭىل ءبولىپ، بۇقارانىڭ ۇنىنە دەن قويا قۇلاق ءتۇرىپ، قوعام نازار اۋدارىپ وتىرعان ىستەرگە جاۋاپ قايتارىپ، ءتىپتى دە زور تەبىن، ءتىپتى دە ناقتى شارا ارقىلى بۇقارا ەڭ كوڭىل بولگەن، ەڭ تىكە، ەڭ رەال مۇددە ماسەلەسىن ويداعىداي شەشۋ كەرەك. بۇقاراعا قىزمەت وتەۋ جانە ونى قامتاماسىز ەتۋ تەبىنىن ارتتىرىپ، مەديتسينالىق ساقتانۋ - تىزگىندەۋ زاتتىق ماتەريالدارى جانە تۇرمىستىق قاجەتتى بۇيىمدار، ”استىق“، ”كوجە قاتىق“ سياقتى ءتۇيىندى حالىق تۇرمىسى زاتتىق ماتەريالدارىن قالىپتى وندىرۋگە، جەتكىلىكتى قامداۋعا، باعاسىنىڭ تۇراقتى بولۋىنا كۇش سالا كەپىلدىك ەتۋ، بۇقارانىڭ نەگىزگى تۇرمىسى مەن قاجەتتى سۇرانىسىن باتىل ويداعىداي قامتاماسىز ەتۋ كەرەك. قيىنشىلىقتاردى، تالاپ - تىلەكتەردى ىشكەرىلەي ىجداعاتتىلىقپەن شەشىپ، بۇقارانىڭ ءوندىرىسى، تۇرمىسى، اۋرۋ كورسەتۋى، ەمدەلۋى، وقۋعا ءتۇسۋى، جۇمىستانۋى سياقتى جاقتارداعى بوگەتتەردى، قيىن تۇيىندەردى سۇيىسپەنشىلىكپەن، جاۋاپكەرشىلىكپەن سايكەستىرە شەشىپ، ەرەكشە قيىنشىلىعى بار بۇقاراعا كوڭىل ءبولۋدى، قامقورلىق جاساۋدى جانە كومەكتەسۋ - سۇيەمەلدەۋدى، قۇتقارۋ - جاردەمدەسۋدى كۇشەيتىپ، يگى ءىستى، ناقتى ءىستى بۇقارانىڭ كوڭىلىنەن شىعارلىقتاي ەتىپ ناقتى ىستەپ، ولارعا پارتيا مەن ۇكىمەتتىڭ قامقورلىعىن، مەيىرىن سەزىندىرۋ كەرەك. مەحانيزمدى كەمەلدەندىرىپ، ونىمدىلىكتى جوعارىلاتىپ، بۇقارانىڭ تالاپ - تىلەگىن، اڭىسىن بىتىرەتىن ءونىمدى مەحانيزمدى اقاۋسىزداندىرىپ، ءار دارەجەلى، ءار ءتۇرلى اقپارات مەديالارى تۇعىرىنىڭ رولىن ساۋلەلەندىرىپ، اڭىس ەتۋ ارناسىن ىركىلىسسىزدەندىرىپ، قابىلداۋ، ءبولىپ تاراتۋ، ءبىتىرۋ، اڭىس قايتارۋ سياقتى بۋىنداردىڭ جوعارى ءونىمدى ۇشتاسۋىن ىلگەرىلەتىپ، بۇكىل رايوننىڭ ىندەتتەن ساقتانۋ - تىزگىندەۋ، ەكونوميكالىق، قوعامدىق دامۋ سياقتى ەڭ جاڭا ساياسات - شارالارىن دەر كەزىندە كەڭ كولەمدە ۇگىتتەپ، شىن مانىندە تاماشا قوعامدىق راي قالىپتاستىرۋ كەرەك.
ما شيڭرۇي بىلاي دەپ باسا دارىپتەدى: جۇيەلى ويلاۋعا، تۇتاس تۇلعالىق كوزقاراسقا تاباندى بولىپ، ەكونوميكانىڭ، قوعامنىڭ ورنىقتى، اقاۋسىز دامۋىن ءبىر تۇتاس جوسپارلاپ ىلگەرىلەتىپ، ءونىمدى قارجى قوسۋدىڭ شەشۋشى رولىن ساۋلەلەندىرىپ، سالىنىپ جاتقان نىسانداردىڭ ەرتەرەك سالىنىپ ءبىتۋىن، اياقتاعان نىسانداردىڭ ەرتەرەك وندىرىسكە قوسىلۋىن، جاڭادان سالىناتىن نىسانداردىڭ ەرتەرەك جۇمىس باستاۋىن، جوسپارداعى نىسانداردىڭ ەرتەرەك ىسكە كىرىسۋىن ىلگەرىلەتىپ، استىق، ماقتا سياقتى ماڭىزدى اۋىل شارۋاشىلىق ونىمدەرىنىڭ ءوندىرىس اينالىمىن قامتاماسىز ەتىپ، مۇناي، مۇناي حيميا، كومىر، كومىر حيميا ونەركاسىبى، ەلەكتر، جاڭا ەنەرگيا، جاڭا ماتەريال سياقتى سالالاردىڭ ءوندىرىستى ورنىقتىرىپ، ءونىمدى ارتتىرۋىن، قۋاتتى كەڭەيتىپ، ونىمدىلىكتى ارتتىرۋىن ىلگەرىلەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، بار كۇشپەن سىرتقى ساۋدانى، شەتەل قارجىسىن ورنىقتىرىپ، تولايىم ساتۋ، بولشەك ساتۋ، اس - سۋ، ساياحات سياقتى قىزمەت وتەۋ كاسىپتەرىنىڭ قايتا سەرپىلۋىن عىلمي، ءتارتىپتى ىلگەرىلەتىپ، ءتۇيىندى سالالاردا تۇتىنۋدىڭ تەز قالپىنا كەلۋىن جەبەپ، تۇتاس جىلدىق ەكونوميكالىق، قوعامدىق دامۋدىڭ مەجەلى نىساناسىن قۇلشىنا جۇزەگە اسىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك.
ما شيڭرۇي بىلاي دەپ باسا دارىپتەدى: جەر - جەر، تاراۋلار ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدەگى كوكەي تەستىلىك سەزىمدى، جاۋاپكەرشىلىك سەزىمدى ونان ارى كۇشەيتىپ، جاۋاپكەرشىلىكتى كوكەيدە ساقتاپ، جاۋاپكەرشىلىكتى ارقالاپ، جاۋاپكەرشىلىكتى ارەكەتتە اتقارىپ، جوعارى ءونىمدى ءبىر تۇتاس جوسپارلاۋ قابىلەتىن، دەڭگەيىن جاپپاي جوعارىلاتىپ، ءتۇرلى شارالاردىڭ تياناقتانىپ، ونىمدىلىك كورسەتۋىن ويداعىداي يگەرۋ كەرەك. تومەنگى شەكتە ويلاۋدى بەرىك ۇستانىپ، حاۋىپ - قاتەردەن ساقتانۋ، حاۋىپسىزدىكتى قامتاماسىز ەتۋ، ورنىقتىلىقتى قورعاۋ جاعدايىن، مىندەتىن دالمە - ءدال يگەرىپ، حاۋىپ - قاتەردەن ساقتانۋ - تىزگىندەۋ مەحانيزمىن كەمەلدەندىرىپ، حاۋىپ - قاتەردى جويۋ قابىلەتىن جوعارىلاتىپ، ەلەۋلى حاۋىپ - قاتەرلەردەن ساقتانۋ جانە ونى جويۋ قىزمەتتەرىنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك. دۇرىس ناتيجە كوزقاراسىن امالياتتا ايگىلەپ، شىندىقتى ءىس جۇزىنەن ىزدەۋگە تاباندى بولىپ، قىزمەت ستيلىن جاقسارتىپ، ”ءبارىن ءبىر شىبىقپەن ايداۋدان“، ”ساتى - ساتى بويىنشا اۋىرتپالىق قوسۋدان“ باتىل ساقتانىپ، فورماشىلدىقتى، تورەشىلدىكتى باتىل جويىپ، ءىس تىندىرمايتىن، بەتالدى ىستەيتىن جايتتەردى باتىل تيىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتى تياناقتاندىرىپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش بولعان قوعامدىق ورتانى، ستيلى پاك، سالتى دۇرىس ساياسي ورتانى ساقتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
چىن ۋيجۇن، ياڭ فاسىن، ءيۇسۇپجان مامەت، ەلزات احمەتجان، قادەن كابەن، جاروللا يسامدين، ماڭلىك سەيىت، سۇن حۇڭمەي قاتارلىلار ماجىلىسكە قاتىناستى.
