انار بۇلت \ شينجياڭ گازەتىنىڭ ءتىلشىسى لي ياڭ 8 - ايدىڭ 23 - كۇنى ۇرىمجىدەن حابارلايدى. 8 - ايدىڭ 23 - كۇنى تۇستەن بۇرىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 173 - رەتكى ۇنەمىلىك ىستەر ءماجىلىسىن باسقارىپ اشتى، ءماجىلىس اۆتونوميالى رايوننىڭ مەملەكەتتىك كەڭەستىڭ 9 - رەتكى جاپپاي قۋزاۋ - تەكسەرۋ بويىنشا تەكسەرۋىن قارسى الۋ قىزمەتى جونىندەگى مالىمەتىن تىڭدادى، كەزەكتەگى ەكونوميكالىق قىزمەتتى ويداعىداي ىستەۋدەگى ءبىرقانشا ساياسات - شارالاردى اقىلداستى، وڭدەلگەن مۇناي سياقتى ەنەرگيالارمەن قامداۋدى قامتاماسىز ەتۋدى كۇشەيتۋ، شينجياڭدى ساياحات ارقىلى گۇلدەندىرۋ، ەلەكتروندى كۋالىك قولدانىلاتىن سالالاردى كەڭەيتۋ سياقتى قىزمەتتەردى ورنالاستىردى.
ءماجىلىس مىنالاردى اتاپ كورسەتتى: ساياسي دەڭگەيدى شىن مانىندە جوعارىلاتىپ، مەملەكەتتىك كەڭەستىڭ 9 - رەتكى جاپپاي قۋزاۋ - تەكسەرۋىنىڭ ورنالاستىرۋلارىن، تالاپتارىن دالمە - ءدال يگەرىپ، سانالى تۇردە قولداپ، كۇش سالا سايكەسىپ، قۋزاۋ - تەكسەرۋ قىزمەتتەرىنىڭ ءساتتى جۇرگىزىلۋىنە شىنايى كەپىلدىك ەتۋ كەرەك. وسى رەتكى جاپپاي قۋزاۋ - تەكسەرۋدى وراي ەتىپ، تاجىريبەلەردى قورىتىندىلاپ، ماسەلەلەردى بايقاپ، جەتەرسىزدىكتەردى تاۋىپ، قىزمەتتى جاقسارتىپ، شىن مانىندە قۋزاۋ - تەكسەرۋ بارىسىن ماسەلەلەردى شەشۋ، قىزمەتتى جەبەۋ بارىسىنا اينالدىرىپ، ستيلدى ساپالىلاندىرۋ، تياناقتاندىرۋدى مىقتاپ يگەرۋ بارىسىنا اينالدىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىنىڭ، ورنالاستىرۋلارىنىڭ ناقتاپ تياناقتاندىرىلۋىن، ناقتى ونىمدىلىككە قول جەتكىزۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: ”ءاردايىم قام جەپ تۇراتىن“ جاۋاپكەرشىلىك سەزىممەن، اناعۇرلىم پارمەندى شارا قولدانىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن ەڭ جوعارى شەكتە ازايتىپ، ءۇشىنشى ماۋسىمداعى، اسىرەسە، 8 -، 9 - ايلارداعى ەكونوميكالىق قىزمەتتى عىلمي جوسپارلاۋ، ويداعىداي ىستەۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي يگەرىپ، زات اينالىمىنىڭ ىركىلىسسىزدىگىن، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن كۇش سالا قامتاماسىز ەتۋ كەرەك. كەلەلى نىسان قۇرىلىستارىن بەلسەنە ىلگەرىلەتىپ، ءتۇرلى ءادىس - امالدارمەن ۋاقىتتى ۇتىپ، ونىمدىلىكتى جوعارىلاتىپ، مەملەكەتتىڭ 300 ميلليارد يۋاندىق ساياسات سيپاتتى، اشۋ سيپاتتى فينانس قۇرالى ساياساتى ورايىن مىقتاپ يگەرىپ، ەكونوميكانىڭ دامۋىنا قوزعاۋشى قۋات ۇستەۋ كەرەك. ساياساتتىق قۇرالداردان ويداعىداي، تولىق پايدالانىپ، ساۋدا - زات اينالىمى، تولايىم - بولشەك ساتۋ، اس - سۋ دايىنداۋ، تۇسەلحانا اشۋ سياقتى كاسىپتەردىڭ اۋىرتپالىعىن جەڭىلدەتىپ، كومەكتەسۋ، سۇيەمەلدەۋ سەرپىنىن باعىتتامالى تۇردە كۇشەيتۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، ءتۇرلى جاراتىلىستىق اپاتتاردان ءونىمدى ساقتانىپ، ءتۇيىندى كاسىپ سالالارىن باقىلاۋ - باسقارۋدى كۇشەيتىپ، ءار ۇلت بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك.
ءماجىلىس مىنالاردى اتاپ كورسەتتى: ”ۇكىمەت جەتەكشىلىك ەتۋ، تاپسىرىسپەن ۇستىنە الىپ ساقتاۋ، جوسپارلى كەزەكتەستىرۋ، ءبىر تۇتاس ورنالاستىرۋ“ ءتاسىلى بويىنشا، اۆتونوميالى رايون دارەجەلى ۇكىمەتتىڭ وڭدەلگەن مۇناي قورىن قۇرىپ، ەنەرگيا حاۋىپسىزدىگىن ءونىمدى قامتاماسىز ەتۋ كەرەك. شىن مانىندە ەنەرگيامەن قامداۋدى قامتاماسىز ەتۋدى ويداعىداي ىستەۋدى حالىق تۇرمىسىن قامتاماسىز ەتۋدىڭ ماڭىزدى مازمۇنى، ەكونوميكانىڭ، قوعامنىڭ جوعارى ساپالى دامۋىنا تىرەك بولاتىن ماڭىزدى نەگىز ەتىپ، بۇكىل رايوننىڭ كومىر، ەلەكتر، مۇناي، تابيعي گاز اينالىمىن ءبىر تۇتاس جوسپارلاپ، ەكونوميكالىق، قوعامدىق دامۋ كەلەلى جاعدايىنا اناعۇرلىم ويداعىداي قىزمەت وتەۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار اۆتونوميالى رايوننىڭ ساياحاتتى دامىتۋ جينالىسىنىڭ رۋحىن مۇقيات دايەكتىلەندىرىپ، تياناقتاندىرىپ، شينجياڭدى ساياحات ارقىلى گۇلدەندىرۋ ستراتەگياسىن ىشكەرىلەي اتقارىپ، جۇڭچيۋ، مەملەكەت مەرەكەسى سياقتى كەزەڭدەردى مىقتاپ يگەرىپ، ساياحات تۇتىنۋىن ۇزدىكسىز جانداندىرۋ كەرەك. قىس ماۋسىمىنداعى قار - مۇز ساياحاتىن كۇنى بۇرىن جوسپارلاپ، ساياحات ونىمدەرىمەن قامداۋدى مولايتىپ، نەگىزدىك قۇرىلعىلاردى كەمەلدەندىرىپ، قىزمەت وتەۋ دەڭگەيىن ءوسىرىپ، ساياحات تۇتىنۋى ارقىلى ەكونوميكانىڭ ارتۋىن ءونىمدى جەبەۋ كەرەك.
ءماجىلىس مىنالاردى اتاپ كورسەتتى: ەلەكتروندى كۋالىكتىڭ قولدانىلۋ اياسىن كەڭەيتۋدى جانە بۇكىل ەلدە ءوزارا اۋىستىرۋدى، ءوزارا مويىنداۋدى ىلگەرىلەتۋ ۇكىمەتتىك قىزمەت وتەۋدى ولشەمدەندىرۋ، جۇيەلىلەندىرۋ، قولايلىلاستىرۋ دەڭگەيىن ءوسىرۋدىڭ پارمەندى تۇتقاسى. ەلەكتروندى كۋالىكتى قولدانۋدى ۇكىمەتتىك قىزمەت وتەۋ بويىنشا ”ولكەلەر ارا ءبىر تۇتاس ءبىتىرۋ“، ”ينتەرنەت جەلىسىندە ءبىر تۇتاس ءبىتىرۋ“ سياقتى رەفورمالارمەن تىعىز ۇشتاستىرۋدى كۇشەيتىپ، كاسىپورىنداردىڭ، بۇقارانىڭ تابىس سەزىمىن جانە رازى بولۋ دارەجەسىن اناعۇرلىم جوعارىلاتۋ كەرەك.
ءماجىلىس تاعى باسقا دا ىستەردى اقىلداستى.
