انار بۇلت \ شينجياڭ گازەتىنىڭ ءتىلشىسى چىن چياڭۋي 8 - ايدىڭ 23 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر شەكتى سەرىكتەستىگىنەن ۇعىسۋىمىزشا، 8 - ايدىڭ 21 - كۇنىنە دەيىن، 2022 - جىلى شينجياڭ ەلەكتر تورىنىڭ حۋادۇڭ، حۋاجۇڭ، سىچۋان − چۇڭچيڭ سياقتى جەرلەرگە جەتكىزگەن جالپى ەلەكتر مولشەرى 70 ميلليارد كيلوۆات ساعاتتان اسىپ، جەتكىزىلگەن ەلەكتر مولشەرى وتكەن جىلعى سول تۇستاعىدان ءبىراز جوعارىلاعان.
جاز كىرگەننەن بەرى حۋادۇڭ، حۋاجۇڭ، سىچۋان − چۇڭچيڭ سياقتى جەرلەر جوعارى تەمپەراتۋرالى ەرەكشە اۋا رايىنا ىركەس - تىركەس تاپ بولىپ، ەلەكتردەن پايدالانۋ كوتەرىمدىلىگى ءۇرتىس جوعارىلاپ، كوپتەگەن ولكەلەردىڭ ەلەكتر تاپشىلىعى ۇزدىكسىز ارتىپ، قاۋىرت مەزگىلگە شوعىرلاندىرماي ەلەكتر پايدالانۋ جانە ەلەكتردەن ءتارتىپتى پايدالانۋ سياقتى رەتتەۋ شارالارىن ۇزدىكسىز اتقاردى، ەكونوميكالىق، قوعامدىق ءوندىرىس پەن حالىق تۇرمىسى ءبىرشاما زور ىقپالعا ۇشىرادى.
شينجياڭدا جاڭادان قوسىلعان گەنەراتور از، كوتەرىمدىلىگىنىڭ ارتۋى تەز بولۋ جاعدايىندا مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى قامداۋدى قامتاماسىز ەتۋ، جەتكىزۋدى ارتتىرۋ قىزمەت نىساناسىن ءبىر تۇتاس جوسپارلاپ، شينجياڭنىڭ ىشكى ەلەكتر مولشەرىنىڭ تەپە - تەڭدىگىن قامتاماسىز ەتۋمەن بىرگە، شينجياڭنىڭ ەلەكترىن جەتكىزۋ ساۋداسىن ۇيىمداستىرۋ تەبىنىن ارتتىرۋ، ولكە ءىشى، ولكە ارالىق ساۋدانى ۇيىمداستىرۋ ۋاقىت - ءتارتىبىن جاقسارتۋ، ەلەكتر تاراتۋ جوسپارىن رەتتەۋ ريتىم سانىن جوعارىلاتۋ سياقتى تاسىلدەر ارقىلى بۇكىل شينجياڭنىڭ ەلەكترمەن قامداۋ بايلىعىن مۇمكىندىكتىڭ بارىنشا رەتتەپ، قاتىستى ولكە، رايون، قالالاردىڭ ەلەكترمەن قامداۋدى قامتاماسىز ەتۋىنە كۇش سالا كومەك كورسەتتى.
6 - ايدان بەرى، شينجياڭ ەلەكتر تورى رايون اتتاعان، ولكە، اتتاعان ەلەكتر ساۋداسىن ۇيىمداستىرۋ ارقىلى حۋادۇڭ، حۋاجۇڭ، سىچۋان − چۇڭچيڭ ەلەكتر تورىنا 55 رەتتە ەلەكتر مولشەرىنەن 28 ميلليارد 500 ميلليون كيلوۆات ساعات كومەك كورسەتتى. بيىل ەلەكتردەن پايدالانۋدىڭ جازعى مەزگىلدەگى ەڭ قاۋىرت كەزىندە، ياعني 6 - ايدان 9 - ايعا دەيىن، شينجياڭ ەلەكتر تورىنىڭ بۇكىل ەل بويىنشا كومەكتەسىپ سىرتقا جەتكىزگەن ەلەكتر مولشەرى شامامەن 46 ميلليارد 100 ميلليون كيلوۆات ساعات بولىپ، سايكەس مەزگىلدەگىمەن سالىستىرعاندا ورنىقتىلىق بارىسىندا ارتۋدى ساقتايدى دەپ مەجەلەندى. 7 - ايداعى ءبىر ايدا سىرتقا جەتكىزىلگەن ەلەكتر مولشەرى 12 ميلليارد 981 ميلليون كيلوۆات ساعات بولىپ، اي سايىنعى سىرتقا جەتكىزۋ كولەمى تاريحتاعى جاڭا ورەگە كوتەرىلدى.
قازىر ورتا، شىعىس بولىك وڭىرلەردە جوعارى تەمپەراتۋرا ءالى دە جالعاسۋدا، بۇكىل ەلدىڭ ەلەكتر تورىنىڭ جازعى ەڭ قاۋىرت مەزگىلدى قارسى الۋ قىزمەتى ەڭ جاپالى، ەڭ شەشۋشى كەزەڭدە تۇر، مەملەكەت ەلەكتر تورى شينجياڭ ەلەكتر شەكتى سەرىكتەستىگى الداعى جەردە ءوز باسىمدىعىن تولىق ساۋلەلەندىرىپ، شينجياڭنىڭ ەلەكترىن سىرتقا جەتكىزۋ قۋاتىن سايكەستىرىپ، جوعارىلاتىپ، شينجياڭ ەلەكترىنىڭ بۇكىل ەلدىڭ ەلەكترمەن قامداۋدى قامتاماسىز ەتۋىنە كومەكتەسۋدەگى بەلسەندى رولىن ءۇرتىس ساۋلەلەندىرىپ، بۇكىل ەلدىڭ ەلەكترمەن قامداۋىنىڭ حاۋىپسىز، ورنىقتى، ءتارتىپتى بولۋىنا دەم بەرەدى.
