□ انار بۇلت \ شينجياڭ گازەتىنىڭ ءتىلشىسى ما ينيڭ
ەكونوميكالىق دامۋعا تىرەك بولاتىن ورنىقتىرعىش رەتىندە، ونەركاسىپتىڭ تاعانى ورنىقتى بولسا، ەكونوميكا دا ورنىقتى بولادى.
پارتيا 18 - قۇرىلتايىنان بەرى شينجياڭ مول دايىندىقپەن ونەركاسىپتە نەگىزدى كۇشەيتىپ، ونىمدىلىكتى ارتتىرۋدىڭ تىڭ جولىن تاۋىپ، كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدىڭ جاڭا ساپالىق كۇيىن قالىپتاستىرىپ، جاساۋ كاسىبىندە زەردەلى دامۋدىڭ جاڭا ارناسىن تۇلعالادى. 2012 - جىلدان 2021 - جىلعا دەيىن شينجياڭ ونەركاسىبىندەگى قوسىلعان قۇن جىلىنا ورتا ەسەپپەن ％6.02 ارتىپ، شينجياڭنىڭ بيىك شىڭعا ورلەۋ بەكىمىنە كۋا بولىپ، جاقىنعى 10 جىل ءۇشىن ەڭ جاندى تۇسىندىرمەگە اينالدى.
10 جىلدان بەرى شينجياڭ وڭىرلىك باسىمدىق پەن بايلىق باسىمدىعىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن قوزعاۋشى ەتىپ، مۇناي حيميا ونەركاسىبى، ەلەكتر قۋاتى، ءتۇستى مەتال، كومىر حيميا ونەركاسىبى سياقتى ەنەرگيا، بايلىق كاسىپ سالاسىن تىرەك، جاڭا ماتەريال، جاڭا ەنەرگيا، وزىق جابدىق جاساۋ سياقتى ستراتەگيالىق جاڭا وركەندەگەن كاسىپ سالالارىن جەتەكشى، توقىما جانە كيىم - كەشەك، اۋىل شارۋاشىلىعى قوسالقى ونىمدەرىن وڭدەۋ، ەلەكتروندى بۇيىمداردى قۇراستىرۋ سياقتى ەڭبەك شوعىرلانعان كاسىپ سالالارىن ەرەكشەلىك ەتكەن، شينجياڭ ەرەكشەلىگىنە يە، ءار ۇلت بۇقاراسىنا تيىمدىلىك جەتكىزەتىن، جوعارى ساپالى دامۋعا تىرەك بولاتىن وسى زامانعى ونەركاسىپ جۇيەسىن العاشقى قادامدا قالىپتاستىردى.
جاڭاشا ونەركاسىپتەندىرۋ ورتا، جوعارى دەڭگەيگە قادام تاستادى
8 - ايدىڭ 3 - كۇنى 2022 - جىلعى «بايلىق» جۋرنالىندا دۇنيە جۇزىندەگى 500 قۋاتتى كاسىپورىن قاتارى جاريالانىپ، جۇڭتاي (توبى) شەكتى جاۋاپكەرشىلىك سەرىكتەستىگى قاتاردا 434 - ورىندى يەلەپ، دۇنيە جۇزىندەگى 500 قۋاتتى كاسىپورىن قاتارىنا شينجياڭنان العاش قوسىلعان مەملەكەت مەنشىگىندەگى كاسىپورىنعا اينالدى. وسىعان دەيىن، شينجياڭنان 3 كاسىپورىن دۇنيە جۇزىندەگى 500 قۋاتتى كاسىپورىن قاتارىنا ءوتتى.
باس شۋجي شي جينپيڭ ”ناقتى ەكونوميكا ءبىر ەل ەكونوميكاسىنىڭ تابان تىرەر تياناعى، بايلىق جاراتۋدىڭ ءتۇبىرلى قاينارى، مەملەكەتتىڭ الۋەتتەنۋىنىڭ، گۇلدەنۋىنىڭ ماڭىزدى تىرەگى“ دەپ اتاپ كورسەتتى.
پارتيا 18 - قۇرىلتايىنان بەرى، شينجياڭ قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ەكونوميكالىق دامۋدىڭ ساپاسى مەن تيىمدىلىگىن كۇش سالا جوعارىلاتتى. ونەركاسىپتەگى قوسىلعان قۇن 2012 - جىلعى 292 ميلليارد 990 ميلليون يۋاننان 469 ميلليارد 161 ميلليون يۋانعا كوبەيىپ، ％169.34 ارتىپ، جىلىنا ورتا ەسەپپەن ％02. 6 ارتىپ وتىردى؛ كولەمنەن جوعارى ونەركاسىپ كاسىپورىندارى 3845كە جەتىپ، 10 جىلدىڭ الدىنداعىنىڭ 96. 1 ەسەسى بولدى.
”وسى 10 جىلدا، شينجياڭ ەكونوميكاسى جوعارى ساپالى دامۋ كەزەڭىن قارسى الدى“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ 2 - دارەجەلى شارلاۋشىسى يان جياڭبين تالداۋ جاساپ بىلاي دەدى: شينجياڭ ”ورنىقتىلىق بارىسىندا ىلگەرىلەپ، رەفورما جاساپ، جاڭالىق اشۋدى“ قىزمەت جالپى ارناسى ەتىپ، ءداستۇرلى كاسىپ سالالارىنىڭ دەڭگەيىن بەلسەنە جوعارىلاتىپ، ەرەكشەلىككە، باسىمدىققا يە كاسىپ سالالارىن زورايتىپ، ستراتەگيالىق جاڭادان وركەندەگەن كاسىپ سالالارىن دامىتىپ، كاسىپ سالاسى قۇرىلىمىن جەدەل رەتتەلۋگە، تيبىن وزگەرتىپ، دارەجەسىن جوعارىلاتۋعا جەتەكتەدى. ”وسى مەزگىلدە شينجياڭ مەشەۋ وندىرىستىك قۋاتتاردى قاتاردان قالدىرۋ سەرپىنىن ارتتىرىپ، ’بۇزۋ‘، ’ورناتۋ‘، ’تومەندەتۋ‘ جاعىنا ۇزدىكسىز كۇش سالىپ، جاسىل، تومەن كومىر قىشقىل گازدى جوعارى ساپالى دامۋ جولىن تابۋعا قۇلشىندى“.
كاسىپ سالالارىنىڭ تۇرلەنۋى شينجياڭنىڭ ەكونوميكالىق قۇرىلىمىندا ”12 - بەسجىلدىق“ مەزگىلدە شەشۋشى بۇرىلىس جارىققا شىعارىپ، مۇناي ونەركاسىبىنە جاتپايتىن ونەركاسىپتىڭ ارا سالماعى ％60تەن اسىپ، مۇناي ونەركاسىبى ”جالعىز قۋاتتى بولاتىن“ اۋقىمدى تۇبەگەيلى وزگەرتىپ، شينجياڭنىڭ جاڭاشا ونەركاسىپتەنۋى بىرتىندەپ ورتا - جوعارى دەڭگەيگە قادام تاستادى.
كونەنىڭ ورنىن جاڭا باسىپ، توقتاۋسىز العا جىلجىدى. ”13 - بەسجىلدىقتان“ بەرى، شينجياڭ قامداۋ جاعىنداعى قۇرىلىمدىق رەفورمانى تەرەڭدەتۋدە ايتارلىقتاي ناتيجەگە قول جەتكىزدى. مۇنىڭ ىشىندە 2020 - جىلعى ونەركاسىپتىڭ ارتقان قۇنى سايكەس مەزگىلدەگىدەن ％9. 6 ارتىپ، بۇكىل ەلدەگى ورتاشا دەڭگەيدەن 1. 4 پايىز جوعارى بولىپ، ارتۋ جىلدامدىعى بۇكىل ەلدەگى ولكە، رايون، قالالار اراسىندا 2 - ورىندى يەلەپ، مەملەكەتتىك قاتاردا شينجياڭنىڭ ونەركاسىپ تاريحىنداعى ەڭ جوعارى ورىندى كورسەتتى. كومىر حيميا ونەركاسىبى سالاسىندا ءتۇيىندى نىساندار سالىنىپ، وندىرىسكە قوسىلىپ، كاسىپ سالاسىنىڭ دامۋى باستاپقى دەڭگەيدە كولەم قالىپتاستىرىپ، كومىر حيميا ونەركاسىبىندە كومىردەن الكەن ءوندىرۋ، كومىردەن 1، 4 − بۋتانديول ءوندىرۋ، كومىردى دارەجەگە، ساپاعا ءبولىپ پايدالانۋ سياقتى وسى زامانعى كومىر حيميا ونەركاسىبى سالاسىنداعى وندىرىستىك قۋاتتار ”ءنول“ جاردى.
”ەنەرگيانىڭ تىزگىنىن، ءسوز جوق، ءوز قولىمىزدا ۇستاۋىمىز كەرەك“. وسى 10 جىلدا، شينجياڭ جىگەر - ارىندى سەرپىلتەتىن ايبىندى دا تارتىمدى جاۋاپناما تاپسىردى: مۇناي حيميا كاسىپ سالاسى، مۇناي - تابيعي گاز ەكۆيۆالەنتى بۇكىل ەل بويىنشا ماڭداي الدى ورىندى يەلەپ، نافتەن نەگىزدى مايلاعىش مايدىڭ، مونومەرلى كۇكىرت قىشقىلدى كاليدىڭ، پوليۆينيلحلوريدتىڭ (PVC) وندىرىستىك قۋاتى مەملەكەت بويىنشا 1 - ورىنعا شىقتى؛ جاڭا ەنەرگيامەن ەلەكتر شىعارۋ كولەمى، وت ەلەكترىنىڭ، جەل ەلەكترىنىڭ، فوتوۆولتتىق ەلەكترىنىڭ اگراگات سيىمدىلىعى بۇكىل ەل بويىنشا الدىڭعى قاتارعا ءوتتى؛ وسى زامانعى كومىر حيميا ونەركاسىبى سالاسىنىڭ دامۋى العاشقى دەڭگەيدە كولەم قالىپتاستىردى؛ ەلەكتروليزدىك اليۋميننىڭ وندىرىستىك قۋات كولەمى مەملەكەت بويىنشا 2 - ورىندى يەلەپ، سيرەك كەزدەسەتىن مەتال كەن ونىمدەرىن بارلاۋ، اشۋ جەدەل جۇرگىزىلدى...
ستراتەگيالىق جاڭادان وركەندەگەن كاسىپ سالالارى تىڭنان قوسىلىپ، تۇرەن سالدى
وسى بىرنەشە كۇننەن بەرى، ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) جىڭۋي جاڭا ماتەريالدار كاسىپ سالاسى باقشاسىنداعى تۇتاس قالىپتاۋ، تۇتاس شىڭاۋ سەحىندا قاۋىرت، قاربالاس ەڭبەك دۋمانى ءجۇرىپ جاتىر. بيىل 4 - ايدا، جىڭۋي حالىقارالىق توبى سالعان، جىلىنا 250 مىڭ توننا تومەن وتتەكتى جىلتىر مىس سوزبا سىمىن تۇتاس قالىپتاۋ، تۇتاس شىڭاۋ ءوندىرىس جەلىسى وندىرىسكە قوسىلدى، بۇل نىسان شينجياڭنىڭ مىس نەگىزدى جاڭا ماتەريالدارىنداعى اقتاڭداقتى تولتىردى. قازىرگە دەيىن ودان 37 مىڭ 500 توننا ءونىم شىعارىلدى.
”شينجياڭدا جاسالعان العاشقى زەردەلى قول تەلەفوننىڭ، شينجياڭدا جاسالعان العاشقى قول كومپيۋتەردىڭ ءوندىرىس جەلىسىنەن شىعۋىنان 100 مىڭ توننالىق جوعارى دالدىكتەگى مىس سىم نىسانىنىڭ ىسكە قوسىلۋىنا دەيىن... جىڭۋي توبى شينجياڭدا حالىقارالىق باسەكەلىك قۋاتقا جانە وڭىرلىك جەتەكشى قۋاتقا يە كاسىپ سالاسى ەكولوگيالىق شەڭبەرىن تۇلعالاۋدا“، - دەدى جىڭۋي حالىقارالىق توبى قارجى قوسۋ كوميسسياسىنىڭ ورىنباسار ءتوراعاسى، شينجياڭ ءوڭىرىنىڭ باسالقاسى شيا باۋجياڭ.
جاڭا ماتەريال جاساۋ سالاسى شينجياڭنىڭ ونەركاسىپ ەكونوميكاسىنىڭ ورتا - جوعارى دەڭگەيگە قادام تاستاۋىن ىلگەرىلەتەتىن ماڭىزدى سەرپىلىس تۇيىندەرىنىڭ ءبىرى سانالادى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ناقتى ەكونوميكانىڭ، اسىرەسە، جاساۋ كاسىبىنىڭ دامۋىنا ايرىقشا ءمان بەرىپ، ”جاساۋ كاسىبىندە قۋاتتى ەل“، ”ينتەرنەتتە قۋاتتى ەل“ قۇرۋ سىندى كەلەلى ستراتەگيالىق شەشىم جاسادى. شينجياڭنىڭ جاساۋ كاسىبى ءوز ەرەكشەلىگىن تياناق ەتىپ، ىلەسە جۇگىرۋدەن ءبىر ءبولىم سالالاردا باستاپ جۇگىرۋگە دەيىنگى سەكىرىستى جۇزەگە اسىرىپ، جاساۋ كاسىبىندەگى ”جۇڭگو تانىسقىلارى“ جارق ەتىپ كوزگە ءتۇستى. ترانسفورماتور سالاسى بويىنشا كوپتەگەن تارماق سالادا دۇنيە جۇزىلىك بىرىنشىلىكتەردى جاراتىپ، كوپتەگەن جەتەكشى ونىمدەرى شەتەل مونوپولياسىن تالقاندادى؛ 4 قاتارلى، 6 قاتارلى ماقتا جيناۋ ماشيناسى ەل ىشىندەگى اقتاڭداقتى تولتىردى؛ جەل ەلەكتر جابدىقتارى دۇنيە ءجۇزىنىڭ 1 - ساتىسىنداعى توپقا قوسىلدى...
اسىرەسە، جاقىنعى 5 جىلدا، شينجياڭ ونەركاسىبىنىڭ ارتۋىندا ۇدەمەلى دامۋ كۇيى جارىققا شىعىپ، تيپ وزگەرتۋدە، دارەجە جوعارىلاتۋدا تىڭ قادام تاستالدى. ”شينجياڭ كاسىپ سالالاردىڭ جوبا دەڭگەيىن جوعارىلاتۋ، شارۋاشىلىق - ساۋدا ورتاسىن ساپالىلاندىرۋ ارقىلى تىزبەك قۇرۋدى، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى جەدەلدەتتى. قازىرگى تاڭدا، شىعىس جەلى اۆتوموبيلدەرى، تەمىر جول قۇرىلىسى اۋىر ونەركاسىبى، گۋاڭچي توبى سياقتى جابدىق جاساۋ سالاسىنداعى ءبىر توپ دوكەيلەر ىركەس - تىركەس شينجياڭعا ىرگە تەۋىپ، شينجياڭنىڭ جابدىق جاساۋ كاسىبىنىڭ ۇلتانىن ونارى ارى قالىڭداتىپ، سەرپىمدىلىگىن ونان ارى كۇشەيتتى“، - دەدى يان جياڭبين.
وسى 10 جىلدا، شينجياڭنىڭ ستراتەگيالىق جاڭادان وركەندەگەن كاسىپ سالالارى تىڭنان قوسىلىپ، تۇرەن سالدى. ”13 - بەسجىلدىق“ مەزگىلىندە كولەمنەن جوعارى ونەركاسىپتە ستراتەگيالىق جاڭادان وركەندەگەن كاسىپ سالالارىنداعى ارتقان قۇن جىلىنا ورتا ەسەپپەن ％6. 12، كولەمنەن جوعارى وزىق تەحنيكالىق جاساۋ كاسىبىندەگى ارتقان قۇن جىلىنا ورتا ەسەپپەن ％9. 24 ارتتى. جاڭا ەنەرگيا، جاڭا ماتەريال، وزىق جابدىق جاساۋ، بيومەديتسينا - ءدارى - دارىمەك سياقتى ستراتەگيالىق جاڭادان وركەندەگەن كاسىپ سالالارى شاپشاڭ دامىپ، زورايىپ، ءبىرتالاي ماڭداي الدى وزىق سالالار مەن ءىرى ەلدىڭ ماڭىزدى جابدىقتارىندا ”شينجياڭ جاساعان“ بوي كورسەتتى...
بۇگىنگى تاڭدا، شينجياڭنىڭ كرەمني نەگىزدى جاڭا ماتەريالدار كاسىپ سالاسىندا، كوپ كريستالدى كرەمنيدىڭ وندىرىستىك قۋاتى، ءونىم مولشەرى دۇنيە ءجۇزى بويىنشا 1 - ورىندى يەلەپ، دۇنيە جۇزىندەگى ەڭ ۇلكەن جاسىل، جاڭا ەنەرگيالىق ماتەريالمەن قامداۋ بازاسىنا اينالدى؛ وزىق جابدىق جاساۋ كاسىبىندە، جاڭا ەنەرگيالىق جابدىقتار، ەلەكتر جەتكىزۋ، كەرنەۋ وزگەرتۋ جابدىقتارى، جاڭاشا ەگىن، مال شارۋاشىلىعى ماشينالارى سياقتىلاردى ەرەكشەلىك ەتكەن وزىق جاساۋ جۇيەسى العاشقى قادامدا قالىپتاسىپ، ەرەكشە جوعارى كەرنەۋلى ەلەكتر جەتكىزۋ، كەرنەۋ وزگەرتۋ، جەل كۇشىمەن ەلەكتر شىعارۋ سياقتى ءبىر توپ وزىق تەحنيكالار سالادا جەتەكشى ورىنعا شىقتى؛ ينفورماتسيالاندىرۋ مەن ونەركاسىپتەندىرۋدى توعىستىرۋ، ＋5G، ونەركاسىپتىك ينتەرنەت، بۇلتتىق ەسەپتەۋ، ۇلكەن ساندى مالىمەت، زەردەلى جاساۋ سياقتى جاڭا تەحنيكالاردىڭ سالادا قولدانىلۋى ونان ارى تەرەڭدەپ، ۇلكەن ساندى مالىمەت سەرۆەرلەرىنىڭ سيىمدىلىعى بۇكىل ەل بويىنشا الدىڭعى قاتاردان كورىنىپ، 20 مىڭنان استام كاسىپورىن ”شينجياڭ كاسىپورىندارىنىڭ بۇلتقا شىعۋىن“ جۇزەگە اسىردى.
ەڭبەك شوعىرلانعان كاسىپ سالالارى حالىقتى بايىتۋدا اۋىر مىندەت ارقالادى
8 - ايدىڭ باسىندا، قاراقاش اۋدانى حوتان ليڭحاي ەلەكترون شەكتى جاۋاپكەرشىلىك سەرىكتەستىگىنىڭ ءوندىرىس سەحىندا ماشينالار توقتاۋسىز گۇرىلدەپ، جۇمىسشىلار ءوندىرىس جەلىلەرىندە قاربالاس جۇمىس ىستەپ جاتتى.
قاراقاش اۋدانى ياۋا اۋىلى جايتەرەك قىستاعىنىڭ تۇرعىنى وبۇل ماحمۇتتىڭ وسىندا جۇمىسقا تۇرعانىنا 3 جىلدان اسىپتى. ”بۇرىن ەگىس جۇمىسىن عانا ىستەي الاتىنمىن، قازىر ونەركاسىپ جۇمىسشىسىنا اينالىپ قانا قويماي، قۇلشىنۋ ارقىلى زاۆود باستىعى دا بولدىم، ايلىق ەڭبەكاقىم العاش سەرىكتەستىككە كەلگەندەگىنىڭ 3 ەسەسىنە جەتتى“، - دەدى وبۇل قۋانىشپەن.
قىستاق اشقان زاۆودتار ءۇيدىڭ جانىنا سالىنىپ، ەگىنشى - مالشىلار جۇمىسشى كيىمىن كيىپ، ۇيلەرىنەن شىعا سالا زاۆودقا جەتەدى، ەڭبەك شوعىرلانعان كاسىپ سالالارى حالىقتى بايىتۋدىڭ اۋىر مىندەتىن ارقالادى.
2014 - جىلى باس شۋجي شي جينپيڭ شينجياڭدى كوزدەن كەشىرگەن كەزدە ”دامۋدى حالىق تۇرمىسىن جاقسارتۋدا تياناقتاندىرۋ كەرەك“ دەپ اتاپ كورسەتتى. باس شۋجيدىڭ تاپسىرماسىن ەستە بەرىك ساقتاعان شينجياڭ ەڭبەك شوعىرلانعان كاسىپ سالالارىن زور كۇشپەن دامىتتى. جۇمىستانۋدى باعدار ەتىپ، توقىما، كيىم - كەشەك، اۋىل شارۋاشىلىعى ونىمدەرىن وڭدەۋ، ەلەكتروندى بۇيىمدار، جەڭىل ونەركاسىپ ونىمدەرى سياقتى ەڭبەك شوعىرلانعان كاسىپ سالالارىن ءتۇيىندى تۇردە دامىتىپ، جۇمىستانۋ ارناسىن ۇزدىكسىز كەڭەيتىپ، ءار ۇلت بۇقاراسىن ۇزدىكسىز، تۇراقتى تۇردە كىرىس ارتتىرۋعا جەتەكتەدى.
”2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە شينجياڭدا توقىما، كيىم - كەشەك كاسىپ سالاسىن دامىتىپ، ميلليون ادامنىڭ جۇمىستانۋىن جەبەۋ ستراتەگياسىن اتقارۋ بەلگىلەنگەننەن بەرى، توقىما، كيىم - كەشەك كاسىپ سالاسى توقىما شيكىزاتتارى، ءجىپ ءيىرۋ، كەزدەمە توقۋ، گۇل باسۋ - بوياۋ، كيىم - كەشەك، ءۇي توقىمالارى، ءبىز توقىمالارى، كاسىپ سالالارىندا پايدالانىلاتىن توقىما بۇيىمدار سياقتى كوپتەگەن كاسىپ سالاسى بولىكتەرىنەن قۇرالعان كاسىپ سالاسى جۇيەسىن قالىپتاستىردى، اسىرەسە، كاسىپ سالاسى تىزبەگىنىڭ ۇزارۋىنا قول بايلاۋ بولىپ وتىرعان گۇل باسۋ - بوياۋ وندىرىسىندە سەرپىلىسكە قول جەتكىزدى“. يان جياڭبيننىڭ ايتۋىنشا، 2021 - جىلدىڭ سوڭىنا دەيىن، شينجياڭ ەل ىشىندەگى باسقا ولكە، رايون، قالالاردان 1100دەن استام توقىما، كيىم - كەشەك كاسىپورنىنىڭ شينجياڭعا كەلىپ قارجى قوسۋىن، دامۋىن قابىلداعان. شينجياڭنىڭ توقىما سالاسى ارشىندى قاداممەن دامىپ، بۇكىل ەل كولەمىندەگى ىقپالى كۇن سايىن كۇشەيىپ كەلەدى ەكەن.
2016 - جىلدان 2021 - جىلعا دەيىن، رايونىمىزدىڭ ەڭبەك شوعىرلانعان كاسىپ سالاسى جالپى 760 مىڭنان استام ادامدى تىڭنان جۇمىستانۋعا جەتەكتەدى. ونەركاسىپ جۇمىستانۋعا جەتەكتەيتىن، بۇقارانىڭ كىرىس ارتتىرۋىن، بايۋىن جەبەيتىن نەگىزگى شەپكە اينالدى.
ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم زەڭگىر كوككە. قازىرگى تاڭدا، شينجياڭ ونەركاسىبى جاڭا تاريحي باستاماعا تابان تىرەپ، جوعارى ساپالى دامۋدىڭ جاڭا كەزەڭىنە ءوتىپ، بارىنشا تەزدەۋدىڭ، كولەمى كەڭەيۋدىڭ، لايىقتى دەڭگەيدە اۋىر ونەركاسىپتەنۋدىڭ، تيبىن وزگەرتىپ، دارەجەسىن جوعارىلاتۋدىڭ، ساپاسىن كوتەرىپ، ونىمدىلىگىن ارتتىرۋدىڭ، سايكەستى دامۋدىڭ جاڭا ساتىسىنا قادام تاستادى. ءار ۇلت كادر - بۇقاراسىنىڭ ءبىر نيەتپەن كۇرەس جۇرگىزۋىندە شينجياڭ ونەركاسىبىنىڭ جارقىن بولاشاعى قاباعات تەزدىكپەن جاقىنداي تۇسۋدە.
