□ انار بۇلت \ شينجياڭ گازەتىنىڭ تىلشىلەرى
كۇز كىرىسىمەن التاي قالاسى قىزىلتاس قالاشىعى بوكەنبۇلاق قىستاعىنىڭ تۇرعىنى نيۋ ياديان مەن زايىبى وزدەرىنىڭ جۇگەرى اتىزىندا جۇگەرى ۇزۋمەن قاربالاستىققا ءتۇستى.
نيۋ ياديان بيىل 15 مۋ جەرگە مايلى شەكىلدەۋىك، 3 مۋ جەرگە جۇگەرى ەكتى. ”قازىر مايلى شەكىلدەۋىك جاقسى ءوسىپ كەلەدى، مۋ باسىنان 200 كيلوگرام ءونىم الاتىنىمىزدا گاپ جوق. جۇگەرىنى 8 - ايدىڭ 15 - كۇنىنەن باستاپ - اق بازارعا سالدىق، قازىرگە دەيىن 2000 تالدان استامىن ساتتىم، مەجەمەن بيىلعى ءونىم بىلتىرعىدان جاقسى بولاتىن سياقتى“، - دەدى نيۋ ياديان، قىستاقتا تۇراتىن قىزمەت اترەتىندەگىلەردىڭ جانە اۋىل شارۋاشىلىق تەحنيك ماماندارىنىڭ ۇگىتتەپ، ساتۋعا كومەكتەسۋىنىڭ ارقاسىندا، ولاردىڭ جۇگەرىسى جاقسى ساتىلىپتى.
كەزەكتە رايونىمىزداعى ىندەت تۋىلماعان 61 اۋدان، قالا جانە ءۇرتىس 7 كۇن بويى جاڭادان ارتقان بولىمدى جۇعىمدالۋشى بولماعان 6 ايماق، وبلىس، قالا، 21 اۋدان، قالا، رايون ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ ىلگەرىلەتكەندىكتەن، ءوندىرىسى، تۇرمىسى ورنىقتى، ءتارتىپتى بولدى.
8 - ايدىڭ 23 - كۇنى ساعات 12 مولشەرىندە، ساۋان قالاسىنداعى 30 جىلدان استام تاريحى بار ”شا - ۋيۋاڭ“ ءدامحاناسىنا كوپتەگەن قاريدارلار كەلىپ تاعام بۇيىرتتى. ”ءبىز اسحانامىزعا كەلگەن ءاربىر قاريداردىڭ ەكى ولشەمدى كودتى جايمالاپ، تەمپەراتۋرا ولشەتۋى سىندى ىندەتتەن ساقتانۋ تالابىن قاتاڭ تياناقتاندىردىق، قاريدارلار ارالىق ساقتاپ وتىردى، داستارقان اۋىستىرعاندا ۇستەلدى دەزينفەكسيالادىق، قاريدارلار كەتەردە ماسكاسىن تاعىپ شىعادى“، - دەدى ”شا - ۋيۋاڭ“ ءدامحاناسىنىڭ قوجايىنى ليۋ بيڭ، وسى بىرنەشە كۇندە دۇكەنگە كەلەتىن قاريدارلاردىڭ قاراسى كوبەيە باستاعان.
ساۋان قالاسى قالا رايونىنىڭ نەگىزگى داڭعىلىنا ورنالاسقان فوتو سۋرەتكە ءتۇسۋ ورنىنا كەلەتىن قاريدارلاردىڭ دا اياعى ۇزىلمەدى، جوعارى مەكتەپ وقۋشىلارى وقۋعا اتتاناردا كوپتەگەن وتباسىلار فوتو سۋرەتكە ءتۇسۋ ورنىنا كەلىپ، وتباسىلىق توپتىق سۋرەتكە تۇسەدى. ساۋان قالاسى ميلان توي سۋرەت سالونىنىڭ جاۋاپتىسى ما جينيۇننىڭ ايتۋىنشا، جۋىقتان بەرى ءار كۇنگى تيجارات سوماسى تۇگەل 3000 يۋان مولشەرىندە بولعان، كوپتەگەن قاريدارلار توڭىرەكتەگى ۇلۋجان، اراسان سياقتى كورىنىس رايوندارىندا سۋرەتكە ءتۇسۋدى تاڭداعان.
8 - ايدىڭ 22 - كۇنى، بۇراتالا قالاسى دوستىق زاماناۋي ساۋدا ورتالىعىنىڭ الدىندا قالا تۇرعىندارى ماسكا تاعىپ، ”ءۇش كودتى“ تەكسەرتىپ، تەمپەراتۋراسىن ولشەتىپ بولعاننان كەيىن ەرەن بازارعا تارتىپپەن كىرىپ جاتتى. ەرەن بازاردا جەمىس - جيدەك، كوكونىس، كۇرىش، ۇن، استىق، ازىقتىق ماي، ەت، قۇس ەتى، جۇمىرتقا، ءسۇت جانە ءتۇرلى تۇرمىستىق بۇيىمدار تولىق ەكەن.
”قازىر ەرەن بازارداعى كۇرىش، ۇن، ازىقتىق ماي زاپاسى 20 توننا اينالاسىندا، بارلىق قالا تۇرعىندارىنىڭ كۇندەلىكتى قاجەتىن قامداي الادى. كوكونىس، جەمىس - جيدەكتى ءار كۇنى جەمىس - جيدەك، كوكونىس بازارىنان شوعىرلى تولايىم اكەلەمىز، تاعى ءبىر ءبولىمىن جەرگىلىكتى ورىنداعى كوكونىس ەگىنشىلەرىنەن جاس كۇيىندە تىكەلەي ساتىپ الامىز“، - دەدى بۇراتالا قالاسى دوستىق زاماناۋي ساۋدا ورتالىعى ەرەن بازارىنىڭ ديرەكتورى ما بين تانىستىرىپ.
8 - ايدىڭ 22 - كۇنى، قارامايلى قالاسىنىڭ تۇرعىنى ۋاڭ شۋۋىننىڭ مۇرنى قىشىپ، تۇشكىرىپ، جايسىزدانادى. ول ”قارامايلى قالاسى ورتالىق شيپاحاناسىنىڭ“ ۋيشين الەۋمەتتىك تۇعىرىنا شىعىپ، الدىن الا كەلىسىپ ءنومىر الدى. شيپاحاناعا بارىپ ەم - دوم جاساتىپ قايتقانعا دەيىن، ۋاڭ شۋۋىن شيپاحانادا نەبارى جارتى ساعات مولشەرىندە عانا ايالدادى.
كەزەكتە، قارامايلى قالاسىنداعى ءارقايسى ۇكىمەت شيپاحانالارى جاپپاي الدىن الا كەلىسىپ ءنومىر الۋدى جولعا قويدى، جاي ءنومىردى جانە مامانداردىڭ امبولاتوريادا اۋرۋ قابىلداۋ ءنومىرىن تۇگەلدەي جاريا، الدىن الا كەلىسىپ الۋعا بولادى. بۇقارا ينتەرنەت تۇعىرىندا ءارقايسى شيپاحانالاردىڭ ءبىر اپتا ىشىندەگى ەمدەۋ ينفورماتسياسىن تەكسەرىپ، ەمدەلۋ قاجەتىنە قاراي تەلەفون، سايت، ۋيشين الەۋمەتتىك تۇعىرى سياقتىلار ارقىلى، ەمدەۋ قىزمەت وتەۋىنە الدىن الا كەلىسۋىنە بولادى.
8 - ايدىڭ 22 - كۇنى باركول قازاق اۆتونوميالى اۋدانى يۇنتۇڭ تاسىمال شەكتى سەرىكتەستىگىنىڭ جولاۋشى تاسىمالى ورتالىق بەكەتىنىڭ كولىك كۇتۋ زالىندا، جولاۋشىلار ماسكانى ولشەمدى تاعىپ، ارالىق ساقتاپ وتىرىپ، كولىكتىڭ ءجۇرۋىن كۇتتى.
”جولاۋشى تاسىمالى ورتالىق بەكەتىنە كىرگەن جولاۋشىلار ەكى ولشەمدى كودتى جايمالاپ، تەمپەراتۋراسىن ولشەتكەننەن كەيىن كولىك كۇتۋ زالىنا كىرەدى. كولىك كۇتۋ زالىندا اۋماقتارعا ءبولىپ كولىك كۇتۋ جولعا قويىلدى، جولاۋشىلار بەكەتى بەكەتكە كىرگەن اۆتوكولىكتەردى ءار رەت كىرگەن سايىن دەزينفەكسيالاپ وتىرادى“، - دەدى باركول يۇنتۇڭ تاسىمال شەكتى جاۋاپكەرشىلىك سەرىكتەستىگى جولاۋشى تاسىمالى ورتالىق بەكەتىنىڭ باستىعى ۋاڭ يانسۇن.
8 - ايدىڭ 12 - كۇنىنەن باستاپ، باركول يۇنتۇڭ تاسىمال شەكتى جاۋاپكەرشىلىك سەرىكتەستىگىنىڭ جولاۋشى تاسىمالى ورتالىق بەكەتى ءار كۇنى اۋىلىنا قايتقان شارۋا جۇمىسكەرلەر مەن مەكتەپكە قايتاتىن جوعارى مەكتەپ وقۋشىلارىن تۇيىننەن - تۇيىنگە جەتكىزىپ سالۋعا جولاۋشىلار اۆتوبۋزىن ورنالاستىردى. كەزەكتە، اۋدان كولەمىندەگى كەزەكشى لەنياداعى 123 كىشى تۇرپاتتى جولاۋشىلار اۆتوبۋزى مەن 90نان استام كىرە اۆتوكولىگى قالىپتى قاتىناۋدا.
(ءتىلشى ءپاريزات ابدۇل، قاتىناسقان تىلشىلەر سۇڭ يا - ۋىن، جاڭ جىلي، جاڭ تيڭ، ءرايدا، ەرىكتى تىلشىلەر ۋاڭ ۋىنچيڭ، حۋ جۇنشيۋ، ادىبەك)
