رايونىمىزداعى ءار دارەجەلى پارتيا، ۇكىمەت ورىندارى ىرىقتىلىقپەن الدا ءجۇرىپ قىزمەت ىستەپ، ءتۇرلى بازار تۇلعالارىنىڭ ءوندىرىس، تيجاراتتاعى قيىن ماسەلەلەردى شەشتى
”2 ميلليارد 500 ميلليون يۋاندىق تاپسىرىس ساقتاپ قالىندى“
انار بۇلت \ شينجياڭ گازەتىنىڭ ءتىلشىسى ليۋ شياڭ 8 - ايدىڭ 23 - كۇنى ۇرىمجىدەن حابارلايدى. ”2 ميلليارد 500 ميلليون يۋاندىق تاپسىرىس ساقتاپ قالىندى“. 8 - ايدىڭ 23 - كۇنى شينجياڭ ميڭۋي ەلەكترون عىلىم - تەحنيكا شەكتى سەرىكتەستىگىنىڭ ءوندىرىس جەلىسىندە جۇمىسشىلار قاربالاس جۇمىس ىستەپ، زاۆود ءىشىن ىندەتتەن ساقتانۋ بويىنشا زارارسىزداندىرۋ ءتارتىپتى ءجۇرىلىپ جاتتى. سەرىكتەستىكتىڭ ورىنباسار باس ديرەكتورى چىن چيڭفا بىلاي دەدى: قاتىستى تاراۋلار الدا ءجۇرىپ قىزمەت وتەپ، قيىنشىلىقتى شەشكەندىكتەن، ءوندىرىلىپ جاتقان وسى توپتاعى قول تەلەفوندار ۋادەدەگى بويىنشا جارتى ايدان كەيىن تاپسىرىلاتىن بولدى، سول كەزدە سەرىكتەستىك سوماسى 2 ميلليارد 500 ميلليون يۋاندىق تاعى ءبىر جاڭا تاپسىرىستى ۇستىنە الادى.
بىر كۇننىڭ الدىندا، ميڭۋي ەلەكترونىنىڭ قوجايىنى قاتتى ابىرجىعان ەدى، ىندەتتىڭ ىقپالىنا ۇشىراعاندىقتان، كاسىپورىن قازىر بار تاپسىرىستى مەرزىمىندە تاپسىرا الماۋ، توقتام بۇزۋ حاۋپىنە ءدوپ كەلدى، بۇل كەيىنگى سەلبەستىكتەردىڭ دە سەلگە كەتەتىندىگىن تۇسىندىرەدى. ”قالىپتى ءوندىرىس جۇرگىزۋىمىز ءۇشىن، كەشە تۇستەن كەيىن ءۇرىمجى ەكونوميكالىق، تەحنيكالىق اشۋ رايونىنىڭ (توۋتۇنحى رايونى) قاتىستى تاراۋلارى ارنايى سەحقا كەلىپ، جۇمىس باسىندا ءماجىلىس اشتى“. چىن چيڭفا بىلاي دەدى: شيكىزات تاسىمالى، دايىن بۇيىمداردى سىرتقا ساتۋ، قىزمەتكەرلەردىڭ ىشەر اس، جاتىن ورىن، زارارسىزداندىرىپ ىندەتتەن ساقتانۋ سياقتى جاقتارداعى ماسەلەلەر ءبىر - بىردەن شەشىلدى.
مۇناي - تابيعي گاز جانە ونىڭ حيميا ونەركاسىبنىڭ تومەنگى بۋىنىنداعى كاسىپورىندارىنىڭ ءوندىرىسىن ويداعىداي قامتاماسىزداندىرۋ وڭتۇستىك شينجياڭنىڭ ءتورت ايماق - وبلىسى جونىنەن تىزبەكتى ورنىقتىرىپ، قامداۋعا كەپىلدىك ەتۋدىڭ ماڭىزدى ءتۇيىنى سانالادى. وتكەن 10 كۇندە، كورلا قالاسى ۋاقىتشا تىنىش كۇيدە باسقارۋ شاراسىن اتقاردى، الايدا جۇڭگو مۇناي توبى مايتاۋ مۇناي حيميا سەرىكتەستىگى تارىم مۇناي حيميا بولىمشە سەرىكتەستىگى بۇرىنعىداي تولىق ءوندىرىپ، تولىق ساتۋدى جۇزەگە اسىرىپ، جيىنى 8630 توننا ەتيلەن ونىمدەرىن ساتتى.
”شيكىزات ءوندىرىسىن توقتاتۋعا بولمايدى، ول كاسىپ سالاسى تىزبەگىنىڭ، قامداۋ تىزبەگىنىڭ تەتىگى“. كورلا قالالىق پارتكومنىڭ شۋجيى لي چىڭگاڭ بىلاي دەپ تانىستىردى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىممەن ءبىر تۇتاس جوسپارلاۋدا دايىندىقسىز شايقاس جاساۋعا بولمايدى. بايىنعولين وبلىستىق پارتكوم، كورلا قالالىق پارتكوم ءتۇيىندى كاسىپ سالاسى تىزبەگىنىڭ، قامداۋ تىزبەگىنىڭ ”اق ءتىزىم“ كاسىپورىندارى مەن جوعارعى، تومەنگى بۋىنداعى ءتۇيىندى، تىرەكتى، قاتىستى كاسىپورىنداردىڭ ءوندىرىس قاجەتىنە مەڭزەس، الدا ءجۇرىپ قىزمەت وتەپ، ىرىقتىلىقپەن ۇشتاستىرىپ، ”ءبىر كاسىپورىنعا ءبىر شارا“ بويىنشا ساقتىق جوباسىن جاساپ، وسى كاسىپورىنداردىڭ ءوندىرىس، تيجارات بارىسىنداعى ءىس جۇزىندىك قيىنشىلىقتارىن شەشۋىنە كومەكتەسۋمەن بىرگە، ءتۇرلى بازار تۇلعالارىنىڭ قالىپتى ءوندىرىسىن بەلسەنە قامتاماسىزداندىردى.
شىعىس شينجياڭداعى تۇرپان، قۇمىل ەرەكشە جەمىس ورمانى ونىمدەرىنە باي. ىندەت كەزىندە ەرەكشە جەمىس ورمانى شارۋاشىلىعىنىڭ قالىپتى ءوندىرىسىن تولىق قامتاماسىزداندىرۋ قاجەت بولدى، مۇنداي كاسىپورىنداردىڭ باسىم كوبى ورتا، شاعىن، ۇساق كاسىپورىندار، ولار بازار تۇلعالارىن قامتاماسىزداندىراتىن ءتۇيىندى وبيەكتى جانە جۇمىستاندىرۋدى قامتاماسىزداندىراتىن ماڭىزدى كۇش. تۇرپان سىلۋميڭجۋ اۋىل شارۋاشىلىعى بيولوگيالىق عىلىم - تەحنيكا شەكتى سەرىكتەستىگىنىڭ وڭدەۋ زاۆودىندا جۇمىسشىلار مەيىزدى جەتىك جىكتەۋدە؛ زاۆود ءۇيىنىڭ سىرتىندا جاشىك - جاشىك ونىمدەردى تولتىرا تيەگەن جۇك اۆتوكولىكتەرى اتتانۋعا دايىن تۇر.
”70 نەشە قىستاق تۇرعىنى وسى كاسىپورىندا ورنىقتى جۇمىستانۋدى، كىرىستەرىن ورنىقتى ارتتىرۋدى جۇزەگە اسىردى“. تۇرپان قالالىق عىلىم - تەحنيكا مەكەمەسىنىڭ گاۋچاڭ رايونى يار قالاشىعى شينچىڭشيمىن قىستاعىندا تۇراتىن قىزمەت اترەتىنىڭ باستىعى روسۇل مامەت بىلاي دەدى: وسى كاسىپورىننىڭ ءوندىرىسى توڭىرەگىندەگى ءجۇزىم ەگەتىن شارۋالاردىڭ پايداسىمەن قاتىستى بولىپ قالماستان، تاعى جۇمىستانعان قىستاق تۇرعىندارىنىڭ كىرىسىمەن دە بايلانىسىپ جاتىر.
روسۇل قىزمەت اترەتىنىڭ مۇشەلەرىمەن بىرگە، ءبىر جاعىنان، كاسىپورىننىڭ ناقتى قيىنشىلىعىن سالالاپ، ەندى ءبىر جاعىنان، جوعارى دارەجەلى تاراۋلارعا ءىس جۇزىندىك جاعدايدى اڭىس ەتتى. سىرتقا تاسيتىن اۆتوكولىك، زاتتىق ماتەريالداردى زارارسىزداندىرۋ، شيكىزاتپەن قامداۋ سياقتى ءارقايسى بۋىندارداعى بوگەتتى تۇيىندەر پوچتا، قاتىناس، اۋىل شارۋاشىلىعى، بازاردى باقىلاۋ - باسقارۋ، دەنساۋلىق ساقتاۋ جانە سالاماتتىق، اۋرۋدىڭ الدىن الۋ جانە تىزگىندەۋ، ساۋدا ىستەرى سياقتى تاراۋلاردىڭ كۇش قوسا سەلبەسۋىمەن شەتىنەن اشىلدى، تۇرپاننىڭ ەرەكشە جەمىس ورمانى ونىمدەرى بۇكىل ەلدىڭ جەر - جەرىنە ءۇزىلىسسىز ساتىلدى.
(قاتىناسقان تىلشىلەر يۇي جياڭيان، چىن چياڭۋي، جاڭ رۇيلين)
