تيانشان تورى
تيانشان تورى   ›   جاڭالىقتار   ›   شينجياڭ حابارلارى

شارۋالاردىڭ ءونىمىن زەيىن سالا قورعايىق

□ حوۋ حۇي

  ىندەت ءدال كەيبىر ماۋسىمدىق اۋىل شارۋاشىلىق ونىمدەرىنەن ءونىم الاتىن مەزگىلگە تۋرا كەلدى، جاس كۇيىندە ساقتاۋ قيىن بولعان قىزاناق، شينمەي سياقتى جەمىس، كوكونىستەردى قايتكەندە ەش بوگەتسىز اتىز باسىنان داستارقانعا جەتكىزىپ، شارۋالاردىڭ كىرىسىن قورعاۋعا بولادى، بۇل ءار دارەجەلى قاتىستى تاراۋلاردىڭ اقىل - پاراساتىن، جاۋاپكەرشىلىگىن جانە بورىش ارقالاۋىن سىناۋدا.

  حالىقتىڭ تالاپ - تىلەگىنە ۇكىمەت جاۋاپ قايتارۋ كەرەك. وسى ماسەلەگە مەڭزەس جەر - جەر، تاراۋلار جەدەل ارەكەتتەندى: كورلا قالاسى اۋات اۋىلى ”جاسىل ارنا“ اشىپ اۋىل شارۋاشىلىق ونىمدەرىن ساتۋعا دەم بەردى، قۇمىل قالاسى يجوۋ رايونى كوپ جاقتىڭ كۇشىن اتتانىسقا كەلتىرىپ شارۋالاردىڭ ”كوكونىسىن“ تۇرعىنداردىڭ ”تاباعىنا“ تىكە جەتكىزدى، كوكتوعاي اۋدانى بۇكىل اۋدانداعى ەرىكتىلەردى شارۋالاردىڭ جەمىس، كوكونىستەردى جەدەل جيناپ الۋىنا كومەكتەسۋگە جۇمىلدىردى... وسى تۇيىننەن تۇيىنگە دەيىنگى بىرگە ءبىر قىزمەت وتەۋلەر شارۋالاردىڭ كەزەك كۇتتىرمەيتىن ىستەرىن شەشىپ قالماستان، ونان دا ماڭىزدىسى، ولاردىڭ ءبىر ماۋسىمدىق، ءتىپتى، ءبىر جىلدىق ءونىمىن قورعاپ قالدى.

  حالىق تۇرمىسىندا كىشى - گىرىم ءىس بولمايدى، شارۋالاردىڭ كىرىسىنە، كۇن كورىسىنە ساياتىن ءىرى ىستەر قاتىستى تاراۋلاردىڭ قيىنشىلىقتان تايساقتامايتىن، جاۋاپكەرشىلىكتەن جالتارمايتىن اقىل - پاراساتى مەن مىندەت ارقالاۋىن تىپتەن قاجەت ەتەدى. ىندەت كەزىندە ماۋسىمدىق اۋىل شارۋاشىلىق ونىمدەرىن اتىزدان تۇرعىنداردىڭ ۇيىنە جەدەل جەتكىزۋ وڭاي جۇمىس ەمەس. قاتىستى تاراۋلار ىندەتتەن ساقتانۋ - تىزگىندەۋدىڭ كۇندەلىكتى قىزمەتتەرىن ۇستىنە الۋمەن بىرگە، قىزمەتكەرلەردى ۇيىمداستىرىپ شارۋالاردىڭ جيناپ الۋىنا كومەكتەسۋى، تاسىمال ارناسىن اشۋى، تۇرعىنداردىڭ ساتىپ الۋىنا بايلانىس جاساۋى كەرەك. وسى جۇمىستار زەيىن - زەردەنى سارىپ ەتەدى، اۋەلى، حاۋىپ - قاتەر ارقالاۋى، جاۋاپكەرشىلىك ارقالاۋى مۇمكىن. الايدا، كادرلاردىڭ ماشاقات كورسەتكىشى ارقىلى شارۋالار بۇقاراسىنىڭ باقىت كورسەتكىشىنە قول جەتكىزۋ ءدال كوممۋنيستەردىڭ اۋەلگى ماقساتى مەن بورىشىنىڭ ناقتى بەينەسى ەمەس پە!

  ارينە، قازىر شارۋالاردى قيىنشىلىقتان قۇتىلدىرۋدىڭ ءالى دە تولىق ورىندالماي جاتقانىن كورە ءبىلۋىمىز كەرەك، اسىرەسە، كەيبىر بىتىراندى ورنالاسىپ ەگىمشىلىكپەن اينالىسىپ جاتقان شارۋالاردىڭ، شەت - شالعاي جەرلەردەگى شارۋالاردىڭ حاۋىپ - قاتەرگە قارسى تۇرۋ قۋاتى ءالسىز، شۇعىل كومەكتى قاجەت ەتەدى. قاتىستى تاراۋلار، ءسوز جوق، زەيىن - زەردەسى مەن سۇيىسپەنشىلىگىن بارىنشا ارناپ، ءبىر تۇتاس جوسپارلاۋ قابىلەتىن ۇزدىكسىز جوعارىلاتىپ، ءارقايسى بۋىندارداعى بوگەتتى تۇيىندەردى، كەدەرگىلى تۇيىندەردى بار كۇشپەن اشىپ، شارۋالاردىڭ اتىزدان ءۇمىت ءونىمىن الىپ، باياندى باقىتتان يگىلىكتەنۋىنە وراي جاراتۋ كەرەك.

  (”لەپتى لەبىز“ ماقالا جولداۋ پوچتا ساندىعى: xjrbplb@126.com)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.