انار بۇلت \ شينجياڭ گازەتىنىڭ ءتىلشىسى شى شين 8 - ايدىڭ 24 - كۇنى ۇرىمجىدەن حابارلايدى. ىندەتتىڭ بازار تۇلعالارىنىڭ دامۋىنا اكەلگەن ءتيىمسىز ىقپالىنا ءونىمدى توتەپ بەرىپ، ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ قيىن وتكەلدەن وتۋىنە كومەكتەسىپ، ەكونوميكانىڭ ورنىقتى، اقاۋسىز دامۋىن جەبەۋ ءۇشىن، 8 - ايدىڭ 24 - كۇنى رايونىمىز «ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەرگە قاراتا كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ سەرپىنىن ونان ارى ارتتىرۋ جونىندەگى ءبىرقانشا ساياسات - شارانى» شىعاردى.
قيىنشىلىق قىسپاعىنان قۇتىلدىرۋ ساياساتتىق شارالارى جيىنى 15 تارماقتان تۇرادى.
بازار تۇلعالارىنىڭ جۇمىستى، بازاردى قالپىنا كەلتىرۋىن جەبەۋ جاعىندا، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسىنا جانە ”يكەمدى نولگە ءتۇسىرۋ“ باس باعىتىنا بۇلجىماي تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ، ىندەتتەن ساقتانۋ - تىزگىندەۋ شارالارىن ۋاقىتقا، جاعدايعا، جەرگە قاراي رەتتەپ، جۇمىستى، بازاردى قالپىنا كەلتىرۋ باعدارناماسىنا تۇرلەر بويىنشا جەتەكشىلىك ەتىپ، يكەمدى وزگەرىس ەنگىزىپ، جۇمىستى، بازاردى قالپىنا كەلتىرۋدەگى ۇيلەسىمسىز شەكتەمەلەردى باتىل كۇشىنەن قالدىرىپ، تولايىم، بولشەك ساتۋ، اس - سۋ، مادەنيەت، كوڭىل اشۋ، تۇرعىندارعا قىزمەت وتەۋ سياقتى ادامدار شوعىرلانعان كاسىپتەردىڭ جۇمىستى، بازاردى قالپىنا كەلتىرۋىن عىلمي، تارتىپپەن ىلگەرىلەتەدى.
بازار تۇلعالارىنىڭ سۋدان، ەلەكتردەن، گازدان پايدالانۋ سياقتىلارداعى وزىندىك قۇنىن تومەندەتۋ جاعىندا، ىندەتتىڭ ىقپالىنان ۋاقىتشا ءوندىرىس، تيجارات قيىنشىلىعىنا جولىققان شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ سۋدان، ەلەكتردەن، گازدان پايدالانۋىندا ”اقى تولەمەسە دە، قامداۋدى توقتاتپاۋ“ ساياساتىن جاپپاي تياناقتاندىرىپ، اقىنى كەشەۋىلدەتىپ تاپسىرۋ ۋاقىتىن ونان ارى ۇزارتادى، كەشەۋىلدەتىپ تاپسىرۋ مەزگىلىندە قارىز بەرەشەگىن كەشىرىم ەتەدى.
بازار تۇلعالارىنىڭ ءۇي جالداۋ اقىسىن ازايتۋ، كەشىرۋ جاعىندا، 2022 - جىلعى ىندەت كەزىندە ورتا، جوعارى قاتەرلى ءوڭىر قاتارىنا ەنگىزىلگەن اۋدان دارەجەلى اكىمشىلىك وڭىردەگى مەملەكەت مەنشىگىندەگى ۇيلەردى جالعا العان قىزمەت وتەۋ كاسىبىمەن شۇعىلداناتىن شاعىن، ۇساق كاسىپورىندار مەن جەكە ساۋدا - ونەركاسىپشىلەرگە قاراتا اۋەلگى 6 ايلىق جالعا الۋ اقىسىن ازايتۋ نەمەسە كەشىرۋ نەگىزىندە تاعى ءبىر ايدىڭ جالعا الۋ اقىسىن ازايتادى نەمەسە كەشىرەدى. جوعارى جىلدامدىقتى تاس جولدىڭ قىزمەت وتەۋ اۋماعىنداعى شاعىن، ۇساق كاسىپورىنداردىڭ، جەكە ساۋدا - ونەركاسىپشىلەردىڭ جالعا الۋ اقىسىن ازايتۋ نەمەسە كەشىرۋ ساياساتىن اتقارادى.
ۇكىمەتتىك ساتىپ الۋ ارقىلى ورتا، شاعىن كاسىپورىنداردى قولداۋ سەرپىنىن كۇشەيتۋ جاعىندا، ورتا، شاعىن كاسىپورىنداردىڭ ۇكىمەتتىك ساتىپ الۋداعى ۇلەسى جوعارىلاتىلادى.
قيىنشىلىق قىسپاعىنان قۇتىلدىرۋ ساياسات - شارالارىندا 2022 - جىلعى ىندەت تۋىلعان وڭىرلەردەگى اۋدان دارەجەلى اكىمشىلىك وڭىردەگى ورتا، شاعىن، ۇساق كاسىپورىندار 7 كۇننەن ارتىق قالىپتى ءوندىرىس، تيجارات جۇرگىزە الماسا، قامسىزداندىرۋعا قاتىناسقان ءاربىر جۇمىسشى - قىزمەتكەرگە 500 يۋان ولشەممەن ءبىر رەتتىك قىزمەت ورنىندا باۋلۋ قوسىمشا قاراجاتىن بەرۋ العا قويىلدى.
ساياحات كاسىبىنىڭ قايتا جاندانۋىن جەدەلدەتۋ جاعىندا، ”اعىلۋدى تىزگىندەۋ، الدىن الا كەلىسۋ، قاۋىرت مەزگىلگە شوعىرلاندىرماۋ“ پرينسيبى بويىنشا، ساياحات كورىنىس وڭىرلەرىنىڭ تيجاراتىن جەدەل قالپىنا كەلتىرەدى. ساياحاتقا قىزمەت وتەۋ ساپاسى كەپىلدىك قاراجاتىن ۋاقىتشا قايتارۋ نەمەسە كەشەۋىلدەتىپ تاپسىرۋ ساياساتىن ۇزدىكسىز اتقارادى، ۋاقىت شەگى 2023 - جىلدىڭ سوڭىنا دەيىن ۇزارتىلادى.
اۆتوكولىكتەرگە قاتىستى قاراجاتتاردى ازايتۋ، كەشىرۋ جاعىندا، ىندەتتىڭ ىقپالىنا ۇشىراعان مەزگىلدەگى الەۋمەتتىك قاتىناس، كىرە جانە تيجاراتتىق تاسىمال اۆتوكولىكتەرىن باسقارۋ اقىسى، الەۋمەتتىك اۆتوكولىك توقتاتۋ الاڭدارىنىڭ اۆتوكولىك توقتاتۋ اقىسى الىنبايدى نەمەسە اقىسىنىڭ جارتىسى الىنادى. اۆتوكولىكتەردىڭ جىلدىق تەكسەرۋ ۋاقىتى تولىپ، ىندەتتەن ساقتانۋ - تىزگىندەۋ سەبەبىنەن دەر كەزىندە جىلدىق تەكسەرۋدەن وتكىزۋگە امالسىز قالعانداردىڭ ءبىتىرۋ ۋاقىتى ۋاقىتشا 2 اي ۇزارتىلادى.
قيىنشىلىق قىسپاعىنان قۇتىلدىرۋ ساياسات - شارالارىندا تاعى سالىقتى ازايتۋ، كەشىرۋ، شاعىن، ۇساق كاسىپورىنداردىڭ قارجى قۇراۋ كەپىلدىك قاراجاتىنا سيلىق - جاردەماقى بەرۋ، قوعامدىق قامسىزداندىرۋ اقىسىن تاپسىرۋدى كەشىكتىرە تۇرۋدى كەڭەيتىپ اتقارۋ ساياساتىن تياناقتاندىرۋ، سونداي - اق جالپىعا ءتيىمدى ۇساق، شاعىن نەسيەلەر بەرۋدى، ورتا، شاعىن، ۇساق كاسىپورىنداردىڭ قارجى قۇراۋىن جانە ورتا، شاعىن كاسىپورىنداردىڭ ەسەپتەگى قارىز اقشاسىن اداقتاۋ تەبىنىن ارتتىرۋ العا قويىلدى.
قيىنشىلىق قىسپاعىنان قۇتىلدىرۋ ساياسات - شارالارىندا كاسىپورىندارعا قىزمەت وتەۋدى كۇشەيتۋ جانە زاڭدىق قىزمەت وتەۋ قامتاماسىزدىعىن كۇشەيتۋ، ءار دارەجەلى باسشى كادرلاردىڭ ”ىندەتتەن ساقتانۋ، ارتۋدى ورنىقتىرۋ، حاۋىپسىزدىكتى ساقتاۋ“ بويىنشا كەڭ كولەمدە ارالاۋىن، كەڭ كولەمدە تەكسەرۋىن ورىستەتىپ، كاسىپورىندارمەن بايلانىس جاساۋ، ارالاۋ سەرپىنىن ارتتىرۋ، ورتا، شاعىن، ۇساق كاسىپورىندارعا ىرىقتىلىقپەن كوڭىل ءبولۋ جانە قىزمەت وتەۋ، كاسىپورىنداردىڭ جۇمىستى، ءوندىرىستى، بازاردى قالپىنا كەلتىرۋ بارىسىنداعى ناقتى ماسەلەلەرىن دەر كەزىندە شەشىپ جانە ءبىر جاقتى ەتىپ، كاسىپورىنداردىڭ ۋايىمنان ارىلىپ، قيىنشىلىقتان قۇتىلۋىنا كومەكتەسۋ العا قويىلدى.
