اۆتونوميالى رايون قىزمەت وتەۋ كاسىبى مەن ورتا، شاعىن، ۇساق كاسىپورىندارعا قاراتا كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ سەرپىنىن ارتتىرۋ جونىندەگى بەينە ەكران ءماجىلىسىن اشتى
كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ ساياساتىنان تولىق، ويداعىداي پايدالانىپ، ەكونوميكانىڭ جىلدام قالپىنا كەلۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 8 - ايدىڭ 24 - كۇنى ۇرىمجىدەن حابارلايدى. 8 - ايدىڭ 24 - كۇنى تۇستەن كەيىن، اۆتونوميالى رايون قىزمەت وتەۋ كاسىبى مەن ورتا، شاعىن، ۇساق كاسىپورىندارعا قاراتا كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ سەرپىنىن ارتتىرۋ جونىندەگى بەينە ەكران ءماجىلىسىن اشىپ، پارتيا ورتالىق كوميتەتىنىڭ ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ تالابىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ كەزەكتەگى ەكونوميكالىق قىزمەتتى ويداعىداي ىستەۋ جونىندەگى قاتىستى ورنالاستىرۋلارى بويىنشا، تۇتاس رايونداعى جوعارىدان تومەنگە دەيىنگىلەردى قىزمەت وتەۋ كاسىبى مەن ورتا، شاعىن، ۇساق كاسىپورىندارعا قاراتا كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ سەرپىنىن ونان ارى ارتتىرىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن ەڭ جوعارى شەكتە ازايتۋعا جۇمىلدىردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ىندەتتىڭ ىقپالىندا ءتۇرلى بازار تۇلعالارى، اسىرەسە، قىزمەت وتەۋ كاسىبى سالاسىنداعى ءتۇرلى ورتا، شاعىن، ۇساق كاسىپورىندار سوققىعا ۇشىرادى. بازار تۇلعالارىن امالدىڭ بارىنشا ويداعىداي قورعاۋ ءۇشىن، اۆتونوميالى رايون «ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەرگە قاراتا كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ سەرپىنىن ونان ارى ارتتىرۋ جونىندەگى ءبىرقانشا ساياسات - شارانى» شىعاردى. جەر - جەر، تاراۋلار ساياسي دەڭگەيدى جوعارىلاتىپ، بازار تۇلعالارىنىڭ ويلاعانىن، اڭساعانىن، اسىققانىن، ۋايىمداعانىن تىعىز ارقاۋ ەتىپ، 15 تارماقتى ساياساتتىڭ تياناقتانىپ، ونىمدىلىك كورسەتۋىن ىلگەرىلەتىپ، ءتۇرلى بازار تۇلعالارىنىڭ كوزبەن كورە الۋىنا، قولمەن ۇستاي الۋىنا، سەزىنە الۋىنا، ناقتى تيىمدىلىكتەن يگىلىكتەنۋىنە مۇمكىندىك جاساۋ كەرەك.
ءماجىلىس مىنالاردى باسا دارىپتەدى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ، زات اينالىمىنىڭ ىركىلىسسىز بولۋىن، تىزبەكتى ورنىقتىرىپ قامداۋدى، اۋىل شارۋاشىلىعى ءوندىرىسىن، نەگىزگى حالىق تۇرمىسىن كۇش سالا قامتاماسىز ەتىپ، قيىنشىلىق قىسپاعىنان قۇتىلدىرۋ تەبىنىن ارتتىرىپ، ەكونوميكانىڭ قالپىنا كەلۋىن جەدەل ىلگەرىلەتۋ، ەكونوميكانىڭ ارتۋىن ورنىقتىرۋ كەرەك. ”قالپىنا كەلتىرۋگە تيىستىلەرىن تۇگەل قالىپنا كەلتىرۋ“ پرينسيبى بويىنشا جۇمىستى قالپىنا كەلتىرۋ، ءوندىرىستى قالپىنا كەلتىرۋدى، ءوندىرىس قۋاتىنا جەتۋدى جەدەل ىلگەرىلەتۋ، اسىرەسە، ءتۇيىندى كاسىپ سالاسى تىزبەگىنىڭ، قامداۋ تىزبەگىنىڭ اق تىزىمدىگىندەگى كاسىپورىندار سياقتىلاردىڭ ءوندىرىس قاجەتىن ارقاۋ ەتىپ، ءبىر تىزبەككە ءبىر شارا، ءبىر كاسىپورىنعا ءبىر شارا اتقارىپ، كاسىپ سالاسى تىزبەگىنىڭ، قامداۋ تىزبەگىنىڭ جوعارى ءونىمدى اينالىمىنا شىنايى كەپىلدىك ەتۋ كەرەك. قارجى قوسۋ نىساندارىن تەكسەرىپ بەكىتۋ، قىزمەت وتەۋ ونىمدىلىگىن جوعارىلاتىپ، فاكتور قامتاماسىزدىعىن ويداعىداي ىستەپ، سالىنىپ جاتقان نىسانداردىڭ قارقىنىن تەزدەتىپ، ونىمدىلىگىن ارتتىرۋىن، جاڭادان سالىناتىن نىسانداردىڭ جۇمىس باستاۋعا تيىستىلەرىنىڭ تۇگەل جۇمىس باستاۋىن، زاپاس نىسانداردىڭ كادەگە جاراتۋعا تيىستىلەرىن تۇگەل كادەگە جاراتۋدى ىلگەرىلەتۋ كەرەك.
ءماجىلىس مىنالاردى تالاپ ەتتى: تۇتىنۋدىڭ ورنىن تولتىرۋدى ءونىمدى جەبەپ، ساياحات كاسىبىنىڭ جاندانۋىن جەدەل ىلگەرىلەتىپ، قىسقى قار - مۇز ساياحاتىن الدىن الا جوسپارلاپ، اۆتوموبيل، قورا - جاي سياقتى كوپ تۇتىنۋدى ۇزدىكسىز ورنىقتىرىپ جانە كەڭەيتىپ، ينتەرنەت جەلىسىندە، ينتەرنەت جەلىسىنەن تىس توعىسپالى تۇتىنۋ سياقتى جاڭادان گۇلدەنگەن تۇتىنۋعا دەم بەرۋ كەرەك. سالىقتان قايتارۋ، سالىقتى ازايتۋ، اقىنى تومەندەتۋ، سەنىمدى امانات - قارىز اقشامەن قولداۋ سياقتى كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ ساياساتتارىن دەر كەزىندە شىنايى تياناقتاندىرىپ، قوسىمشا قاراجات بەرۋ ارقىلى ءۇي جالداۋ اقىسىن ازايتۋ، كەشىرۋ، سۋ، ەلەكتر، گازبەن ”اقىسى تاپسىرىلماسا دا، قامداۋدى توقتاتپاۋعا“ كەپىلدىك ەتۋ سياقتى ساياساتتاردىڭ رولىن اناعۇرلىم ساۋلەلەندىرۋ كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن جەدەل قالىپتاستىرىپ، ورتا، شاعىن، ۇساق كاسىپورىنداردىڭ ەسەپتەگى قارىز اقشاسىن اداقتاۋ تەبىنىن ارتتىرىپ، ورتا، شاعىن، ۇساق كاسىپورىنداردىڭ زاڭدى ۇقىق - مۇددەسىن شىن مانىندە قورعاۋ كەرەك. حالىق تۇرمىسىن قامتاماسىز ەتۋدى كۇشەيتىپ، ىندەتتىڭ بۇقارانىڭ جۇمىستانۋ، ءبىلىم الۋ، ەمدەلۋ سياقتى جاقتارداعى قالىپتى قاجەتىنە جاسايتىن ىقپالىن مۇمكىندىكتىڭ بارىنشا ازايتىپ، قيىنشىلىعى بار بۇقاراعا قامقورلىق جاساۋ تەبىنىن ارتتىرىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك.
ءماجىلىس مىنالاردى باسا دارىپتەدى: جاۋاپكەرشىلىكتى جاپپاي ناقتىلاندىرىپ، تياناقتاندىرۋدى مىقتى يگەرىپ، ساياساتتاردى ۇگىتتەۋدى، ءتۇسىندىرۋدى جانە دالمە - ءدال جەتكىزۋدى كۇشەيتىپ، قۋزاۋ - تەكسەرۋ، جەتەكشىلىك ەتۋ جانە قاداعالاپ ونىمدىلىگىن سۇراستىرۋدى كۇشەيتىپ، قىزمەت ستيلىن شىنايى جاقسارتىپ، ساياساتتاردىڭ تىكە جەتكىزىلىپ، ودان جىلدام يگىلىكتەنۋدى، ونىڭ ناقتاپ تياناقتانۋىن ىلگەرىلەتۋ كەرەك.
چىن ۋيجۇن قاتارلىلار ماجىلىسكە قاتىناستى.
