تيانشان تورى
تيانشان تورى   ›   جاڭالىقتار   ›   سۋرەتتى حابار

ما شيڭرۇي، ەركىن تۇنياز ازياداعى، افريكاداعى وركەندەپ كەلە جاتقان ەلدەردىڭ جەنەۆادا تۇراتىن ەلشىلەرى ۋاكىلدەر ۇيىرمەسىندەگىلەرمەن كەزدەستى

جاڭ چۇنلين كەزدەسۋگە قاتىناستى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 8 - ايدىڭ 26 - كۇنى تۇستەن بۇرىن، ۇرىمجىدە شينجياڭعا ەكسكۋرسيالاي، ساپارلاي كەلگەن ازياداعى، افريكاداعى وركەندەپ كەلە جاتقان ەلدەردىڭ جەنەۆادا تۇراتىن ەلشىلەرى ۋاكىلدەر ۇيىرمەسىندەگىلەرمەن كەزدەستى.

  اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين كەزدەسۋگە قاتىناستى.

  ما شيڭرۇي اۆتونوميالى رايوندىق پارتكوم مەن ۇكىمەت اتىنان، ۋاكىلدەر ۇيىرمەسىندەگىلەردىڭ كەلگەندىگىن قىزۋ قارسى الاتىندىعىن ءبىلدىردى ءارى شينجياڭنىڭ تاريحي، جاعراپيالىق، گۋمانيتارلىق، ت. ب جاعدايلارى، سونداي - اق ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ سياقتى قىزمەتتەرىن قىسقاشا تانىستىرىپ ءوتتى. ول بىلاي دەدى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى، تيانشان الابىندا تىنىش، بەرەكەلى، قارىشتاپ دامىعان جاڭا بەينە جارىققا شىقتى. ۋاكىلدەر ۇيىرمەسىندەگىلەر وسى جولى ءۇرىمجى، قاشقار سياقتى جەرلەرگە بارىپ ناقتى ورىنداردى ەكسكۋرسيالاپ، شينجياڭنىڭ جاراسىمدى، تىنىش قوعامدىق ورتاسىن، ەكونوميكاسى جوعارى ساپالى دامىعان جالىندى ومىرشەڭدىك كۇشىن، ۇلتتارى ىنتىماقتى، ءدىن جاراسىمدى بولعان تاماشا رايىن، ءار ۇلت حالقىنىڭ باقىتتى، تاماشا تۇرمىسىن ءوز كوزدەرىمەن كورىپ جانە سەزىنىپ، شينجياڭ جونىندە اناعۇرلىم جان - جاقتى، شىنايى تۇسىنىككە يە بولدى. فاكت مىنانى تولىق دالەلدەدى: شينجياڭداعى ءار ۇلت حالقى جان - جاقتى، تولىق، شىنايى، ناقتى، جارامدى، ءونىمدى ادامدىق ۇقىقتان زاڭ بويىنشا يگىلىكتەندى، شينجياڭعا ساياتىن بارلىق وتىرىكتەر، وسەك - اياڭدار فاكت الدىندا تۇگەلدەي تويتارىسسىز توزىپ - جوعالادى. كەيبىر ەلدەردىڭ شينجياڭعا قاتىستى ماسەلەلەردى سان - ساققا جۇگىرتىپ، جۇڭگوعا كۇيە جاققان سۇرقيا قاسكۇنەمدىگى ىسكە اسپايدى. كوپشىلىكتىڭ ءادىل، وبيەكتيۆ تۇرعىدان جازباي، جەنەۆاداعى كوپ جاقتى ساحنا ارقىلى جۇڭگو شينجياڭىنىڭ جاراسىمدى، گۇلدەنىپ - كوركەيگەن، دامىعان جانە حالقى تىنىش ءومىر، شات - شادىمان تىرشىلىك كەشىرگەن شىنايى جاعدايىن حالىقارالىق قوعامعا تانىستىرۋىن ءۇمىت ەتەمىن. كەزەكتە شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ ۇستىندە، ازياداعى، افريكاداعى وركەندەپ كەلە جاتقان ەلدەرمەن بىرگە ”ءبىر بەلدەۋ، ءبىر جول“ قۇرىلىسى سياقتى ورايلاردان تەڭ يگىلىكتەنىپ، ءار سالاداعى ناقتى سەلبەستىكتەردى تەرەڭدەتىپ، تابىستاردى ۇزدىكسىز كەڭەيتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋىن ءۇمىت ەتەمىن.

  سەررا - لەوننىڭ جەنەۆاداعى تۇراقتى ۋاكىلى گەبەري مىنالاردى ءبىلدىردى: جۇڭگونىڭ شينجياڭىنان كوپ نەگىزدى، وسى زامانعى، سيىسىمدى قوعامدى كوردىم، بۇل حالىقارادا كەيبىرەۋلەردىڭ جۇڭگونىڭ شينجياڭى جونىندە تاراتقان ”زورلىقپەن ەڭبەككە سالۋ“، ءتىپتى، ”ءناسىل جويۋ“ سىندى وسەك - اياڭدارىنا مۇلدە ۇيلەسپەيدى ەكەن. ءارقانداي مەملەكەت پەن قوعام لاڭكەستىككە، ۇشقارىلىققا جول بەرمەيدى، ءبىز جۇڭگونىڭ ادامدىق ۇقىقتى قورعاۋ، دامۋدى ىلگەرىلەتۋ سياقتى جاقتاردا قول جەتكىزگەن وراسان زور تابىستارىنا ەرەكشە سۇيىنەمىز. ءبىز جۇڭگونىڭ ورىندى تۇرعىسىن باتىل قولدايمىز، سونداي - اق جۇڭگونىڭ شينجياڭىنا كۇيە جاعاتىن اۋەن اتاۋلىمەن باتىل كۇرەسەمىز.

  ەريترەيانىڭ تۇراقتى ۋاكىلدەر ۇيىرمەسىنىڭ ۋاقىتتىق ۋاكىلى ءىدىرىس، زيمبابۆەنىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى ساماسۇۋو، لاوستىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى سوۋزاك، سوماليدىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى ءابدى مىنالاردى ءبىلدىردى: جۇڭگونىڭ دامۋ جەتىستىكتەرى رەال ءارى ناقتى، جۇڭگونىڭ شينجياڭىنداعى ءار ۇلتتىڭ مادەنيەتى، ءدىني سەنىم ەركىندىگى سياقتى ءار جاقتاعى ۇقىعى ويداعىداي قورعالعان. وسى رەتكى ساپار ارقىلى ءبىزدىڭ حالىقارالىق ساحنادا جۇڭگونىڭ شينجياڭى ءۇشىن ادىلەت ءسوزىن سويلەۋ سەنىمىمىز اناعۇرلىم نىعايدى. ءبىز ءبىر جۇڭگو پرينسيبىن تاباندىلىقپەن قولدايمىز، اسىرەسە، ادامدىق ۇقىق ماسەلەسىندە جۇڭگو جاقتىڭ تۇرعىسىن بۇلجىماي قولداپ، جەنەۆاداعى قىزمەتىمىز بارىسىندا جۇڭگونىڭ شينجياڭىندا كورگەن - بىلگەندەرىمىز بەن اسەرلەرىمىزدى شىنايى بايانداپ، باتىس ەلدەرىنىڭ وسەك - اياڭ تاراتىپ، كۇيە جاعۋىنا تويتارىس بەرەمىز.

  لەسوتونىڭ تۇراقتى ۋاكىلى ماتجاما، كوتديۆۋاردىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى كينديا، يراقتىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى ءاتايي، گامبيانىڭ تۇراقتى ۋاكىلدەر ۇيىرمەسىنىڭ ورىنباسار ۋاكىلى داكوستا، كامەرۋننىڭ تۇراقتى ۋاكىلدەر ۇيىرمەسىنىڭ اقىلشىسى بوسى قاتارلىلار مىنالاردى ءبىلدىردى: جۇڭگونىڭ دامۋ جەتىستىكتەرىنە، اسىرەسە، جۇڭگو شينجياڭىنىڭ گۇلدەنۋىنە، دامۋىنا، العا باسۋىنا سۇيىندىك. جۇڭگو حالىقتى وزەك ەتكەن دامۋ يدەياسىن ۇستانىپ جانە امالياتتا ايگىلەپ، ادامدىق ۇقىقتى، اسىرەسە، از ۇلت بۇقاراسىنىڭ ادامدىق ۇقىعىن قورعاۋدا جۇرتتى جالت قاراتقان تابىستارعا قول جەتكىزدى، حالىقارالىق قوعام بۇل شىندىقتى اناعۇرلىم تولىق، وبيەكتيۆ تۇردە تانۋعا ءتيىس. ءبىز بەلسەندى رول اتقارىپ، ازياداعى، افريكاداعى وركەندەپ كەلە جاتقان ەلدەردىڭ جۇڭگومەن سەلبەستىك قارىم - قاتىناسىنىڭ ونان ارى تەرەڭدەۋىن ىلگەرىلەتەمىز.

  چىن ۋيجۇن، لي شۋەجۇن قاتارلىلار كەزدەسۋگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.