ساياساتتار بىرتىندەپ تياناقتانىپ، شيراقى بەينەمەن العا باسۋعا دەم بەردى
رايونىمىزداعى 4 تاراۋ جانە ءۇرىمجى قالاسى كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ 15 تارماقتى شاراسىن ەگجەي - تەگجەيلى تياناقتاندىردى
انار بۇلت \ شينجياڭ گازەتىنىڭ ءتىلشىسى سۋ لۋپيڭ 8 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسىنىڭ 8 - ايدىڭ 26 - كۇنى اشقان ىندەتتەن ساقتانۋ - تىزگىندەۋ جونىندەگى اقپار جاريالاۋ ماجىلىسىندە، اۆتونوميالى رايوندىق دامۋ جانە رەفورما كوميتەتىنىڭ، قازىنا مەڭگەرمەسىنىڭ، ونەركاسىپ جانە ينفورماتسيالاندىرۋ مەڭگەرمەسىنىڭ، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ، سونداي - اق ءۇرىمجى قالالىق ۇكىمەتتىڭ قاتىستى قىزمەتكەرلەرى «ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەرگە قاراتا كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ سەرپىنىن ونان ارى ارتتىرۋ جونىندەگى ءبىرقانشا ساياسات - شارانى» ەگجەي - تەگجەيلى تياناقتاندىرۋداعى ناقتى شارالاردى جەكە - جەكە تانىستىردى.
اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى لي چاڭشيۋ مىنالاردى ءبىلدىردى: اۆتونوميالى رايوندىق دامۋ جانە رەفورما كوميتەتى ىندەتتىڭ ىقپالىنا ۇشىراۋ سەبەبىنەن ءوندىرىس تيجاراتىندا ۋاقىتشا قيىنشىلىق تۋىلعان شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ سۋدان پايدالانۋدا، ەلەكتردەن پايدالانۋدا، تابيعي گازدان پايدالانۋدا ”اقىسى تولەنبەسە دە قامداۋدى توقتاتپاۋ“ ساياساتىن جان - جاقتى تياناقتاندىرادى، بيىل ىندەت جاعدايى ورتا، جوعارى حاۋىپ - قاتەرلى وڭىرلەر قاتارىنا كىرگىزىلگەن اۋدان دارەجەلى اكىمشىلىك وڭىرلەردەگى مەملەكەت مەنشىگىندەگى ۇيلەردى جالعا العان قىزمەت وتەۋ كاسىبىندەگى شاعىن، ۇساق كاسىپورىنداردىڭ جانە جەكە ساۋدا - ونەركاسىپشىلەردىڭ 7 ايلىق جالاقىسى ازايتىلادى، كەشىرىم ەتىلەدى؛ نىسان قۇرىلىسى قارجى قاينارىن تەكسەرىپ بەكىتۋ جاعىنان وتكەلدى يگەرىپ، قاتىستى مەڭگەرمە، مەكەمەلەرمەن سايكەسىپ، ۇكىمەت قارجى قوسقان نىسانداردا ورتا، شاعىن كاسىپورىنداردىڭ الاشاعىن بەرمەي كەشىكتىرۋدەن ساقتانۋدى بىرگە يگەرەدى؛ ”ءبىر ءىستى ءبىر سايكەستىرۋگە“ تاباندى بولىپ، كاسىپورىنداردىڭ ماڭىزدى زاتتىق ماتەريال تاسىمالى، قامداۋ سياقتى جاقتارداعى ءىس جۇزىندىك قيىنشىلىقتارىن دەر كەزىندە سايكەستىرىپ شەشەدى.
”اۆتونوميالى رايوندىق قازىنا مەڭگەرمەسى شاعىن سومادا سالىق تاپسىرۋشىلاردىڭ ارتقان قۇن سالىعىن كەزەڭدىك كەشىرىم ەتۋ، پايداسى ماردىمسىز شاعىن كاسىپورىنداردىڭ كاسىپورىن تابىس سالىعىن ازايتىپ الۋ سياقتى تيىمدىلىك جاساۋ ساياساتتارىن دالمە - ءدال تياناقتاندىرادى؛ ورتالىق قازىنانىڭ شاعىن، ۇساق كاسىپورىنداردىڭ اقىسىن تومەندەتۋ، سيلىق - جاردەماقى قاراجاتى مەن اۆتونوميالى رايوننىڭ ورتا، شاعىن كاسىپورىنداردى دامىتۋعا ارناعان 46 ميلليون 710 مىڭ يۋان ارناۋلى قاراجاتىن ءبىر تۇتاس جوسپارلاپ ىستەتىپ، قامسىزداندىرۋ اقىسىنا قوسىمشا قاراجات بەرۋ، قىزمەت ناتيجەسىنە قاراي سيلاۋ سياقتى تاسىلدەر ارقىلى قارجى قۇراۋعا كەپىل بولۋشى قۇرىلىمداردىڭ شاعىن، ۇساق كاسىپورىندارعا تىكەلەي قىزمەت كورسەتۋىنە قولداۋ كورسەتەدى؛ ورتا، شاعىن كاسىپورىندارعا ساتىپ الۋ نورماسىن الدىن الا قالدىرىپ قويۋ ساياساتىن، سونداي - اق ورتا، شاعىن كاسىپورىندارعا باعا ساراپتاۋدا تيىمدىلىك جاساۋ شارالارىن قاتاڭ تياناقتاندىرادى“، - دەدى اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جۋ جيە.
”اۆتونوميالى رايوندىق ونەركاسىپ جانە ينفورماتسيالاندىرۋ تاراۋى ورتا، شاعىن كاسىپورىنداردىڭ الاشاعىن بەرمەي كەشىكتىرۋدەن ساقتانۋ جانە ونى جويۋ ارناۋلى ارەكەتىن باستاماشىلىقپەن ۇيىمداستىرىپ ورىستەتىپ، بەرەشەكتى كەشىكتىرۋشى تۇلعالاردى امال قاراستىرىپ قايتارىپ بەرۋ قاراجاتتارىن تياناقتاندىرۋعا قۋزايدى“. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جۋ دايۇڭ مىنالاردى ءبىلدىردى: بەرەشەگىن اداقتاۋ ماسەلەسىنىڭ ءىز - دەرەگى جونىندە ارىزدانۋ، اشكەرەلەۋ ارناسىن ۇزدىكسىز ىركىلىسسىزدەندىرىپ، ارىزدانعان ماسەلەلەردىڭ ”بارلىعىنىڭ تياناقتانۋىنا، بارلىق ىسكە جاۋاپ قايتارىلۋىنا“ شىنايى كەپىلدىك ەتەدى. سونىمەن بىرگە بەرەشەكتى تولەمەي كەشەۋىلدەتۋ ينفورماتسياسىنان ورتاقتاسۋ مەحانيزمىن ورناتىپ، ءىرى كاسىپورىنداردىڭ ورتا، شاعىن كاسىپورىندارعا مەرزىمى اسسا دا تولەمەگەن الاشاعىنىڭ جاعدايى جونىندەگى ينفورماتسيالاردى اشكەرەلەۋدى كۇشەيتەدى؛ ۇكىمەت قارجى قوسقان نىسانداردى تەكسەرىپ بەكىتۋدى باسقارۋدى جانە ۇكىمەت قارجى قوسقان قاراجاتتىڭ مەجە ەسەبىن باسقارۋدى كۇشەيتىپ، بەرەشەكتى ساتى سايىن كەشىكتىرىپ، ”3 تاراپتى قارىز“ قالىپتاسۋدا قاينارىنان باستاپ ساقتانادى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىسسىزدىق قامسىزداندىرۋى باسقارماسىنىڭ باستىعى يان كىميڭ مىنالاردى ءبىلدىردى: ادام كۇشى بايلىعى جانە قوعامدىق قامتاماسىزداندىرۋ تاراۋى قوعامدىق قامسىزداندىرۋ اقىسىن كەشىكتىرىپ تاپسىرۋ جانە جۇمىسسىزدىق قامسىزداندىرۋىنان ءبىر رەتتىك جۇمىس ورنىندا باۋلۋ قوسىمشا قاراجاتىن تاراتۋ سىندى ەكى ساياساتتى ءتۇيىندى اتقارادى. ءتۇرلى قوعامدىق قامسىزداندىرۋ يگىلىكتەرىنىڭ ۋاعىندا، تولىق تولەنۋىنە شىنايى كەپىلدىك ەتۋ العى شارتىندا، ىندەتتىڭ ىقپالىنا ۇشىراۋ سەبەبىنەن ءوندىرىس تيجاراتىندا ۋاقىتشا قيىنشىلىق تۋىلعان بارلىق ورتا، شاعىن، ۇساق كاسىپورىنداردىڭ، مەكەمە - ورىن تاسىلىندە قامسىزداندىرۋعا قاتىناسقان جەكە ساۋدا - ونەركاسىپشىلەردىڭ زەينەتكەرلىك قامسىزداندىرۋى، جۇمىسسىزدىق قامسىزداندىرۋى، جۇمىستا جارالانۋ قامسىزداندىرۋى سىندى 3 قوعامدىق قامسىزداندىرۋ اقىسىنىڭ مەكەمە - ورىن تاپسىراتىن بولىگىن تاپسىرۋىن كەزەڭدىك كەشەۋىلدەتىپ تاپسىرۋىنا بولادى. جۇمىسسىزدىق قامسىزداندىرۋىنان ءبىر رەتتىك جۇمىس ورنىندا باۋلۋ قوسىمشا قاراجاتىن تاراتىپ، ىندەتتىڭ ىقپالىنا اۋىر ۇشىراۋ سەبەبىنەن قالىپتى ءوندىرىس تيجاراتىن جۇرگىزۋگە ۋاقىتشا امالسىز قالۋ ۋاقىتى 7 كۇننەن اسىپ كەتكەن ورتا، شاعىن، ۇساق كاسىپورىنداردىڭ جۇمىس ارقىلى باۋلۋ جۇرگىزۋىنە قولداۋ كورسەتەدى.
تانىستىرۋعا قاراعاندا، ءۇرىمجى قالاسى «اۆتونوميالى رايوننىڭ ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەرگە قاراتا كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ سەرپىنىن ونان ارى ارتتىرۋ جونىندەگى ءبىرقانشا ساياسات - شاراسىن دايەكتىلەندىرۋ، تياناقتاندىرۋ جونىندەگى اتقارۋ جوباسىن» شىعارىپ، كاسىپورىنداردىڭ اقىسى تولەنبەسە دە قامداۋدى توقتاتپاۋ، جالاقىسىن ازايتۋ، كەشىرۋ، قاتىستى اقىلارىن ازايتۋ، كەشىرىم ەتۋ، قوسىمشا قاراجات تاراتۋ، سالىقتى كەشىرىم ەتۋ، سالىقتى ازايتۋ سىندى 5 جاقتان 30 ءتۇرلى قيىنشىلىق قىسپاعىنان قۇتىلدىرۋ شاراسىن اتقارعان.
