تيانشان تورى
تيانشان تورى   ›   جاڭالىقتار   ›   سۋرەتتى حابار

جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ ”جۇڭگونىڭ وسى 10 جىلى . شينجياڭ“ نەگىزگى تاقىرىپتىق اقپار جاريالاۋ ءماجىلىسى وتكىزىلدى

ما شيڭرۇي نەگىزگى تاقىرىپتىق جاريالاۋ ءسوزىن سويلەدى ءارى تىلشىلەردىڭ سۇراۋىنا جاۋاپ بەردى، ەركىن تۇنياز، جاڭ چۇنلين قاتارلىلار قاتىستى سۇراۋلارعا جاۋاپ بەردى

  8 - ايدىڭ 27 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ ”جۇڭگونىڭ وسى 10 جىلى . شينجياڭ“ نەگىزگى تاقىرىپتىق اقپار جاريالاۋ ءماجىلىسى شينجياڭ حالىق سارايىندا وتكىزىلدى.

  □ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن

  انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 8 - ايدىڭ 27 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ ”جۇڭگونىڭ وسى 10 جىلى . شينجياڭ“ نەگىزگى تاقىرىپتىق اقپار جاريالاۋ ءماجىلىسى 8 - ايدىڭ 27 - كۇنى شينجياڭ حالىق سارايىندا وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي نەگىزگى تاقىرىپتىق جاريالاۋ ءسوزىن سويلەدى ءارى تىلشىلەردىڭ سۇراۋىنا جاۋاپ بەردى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن قاتىستى سۇراۋلارعا جاۋاپ بەردى. اۆتونوميالى رايوندىق پارتكومنىڭ اقپارات مالىمدەمەشىسى، اۆتونوميالى رايوندىق پارتكومنىڭ تۇراقتى مۇشەسى، باس حاتشى قادەن كابەن باسقاردى.

  ما شيڭرۇي بىلاي دەدى: پارتيا 18 - قۇرىلتايىنان بەرگى 10 جىل پارتيا مەن مەملەكەت ىستەرىندە تاريحي جەتىستىكتەرگە قول جەتكەن، تاريحي وزگەرىستەر تۋىلعان 10 جىل، سونداي - اق شي جينپيڭ جاڭا ءداۋىر جۇڭگوشا سوتسياليزم يدەياسى شينجياڭدا ۇلى امالياتىن ايگىلەگەن، قوعام ورنىقتىلىعى مەن باياندى تىنىشتىق جاڭا جاعدايىن قۇلشىنا اشقان 10 جىل بولدى. 10 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق شينجياڭنىڭ رەفورما، دامۋ، ورنىقتىلىق ىستەرىن كوكەيدە ساقتاپ، شينجياڭداعى ءار ۇلت حالقىنا سۇيىسپەنشىلىكپەن كوڭىل ءبولىپ كەلەدى، باس شۋجي شي جينپيڭ شينجياڭعا كەلىپ كوزدەن كەشىردى، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىن اشتى، تالاي رەت ءماجىلىس باسقارىپ اشىپ، ارناۋلى تاقىرىپتا شينجياڭ قىزمەتىن اقىلداسىپ، ورنالاستىرىپ، شينجياڭ ءۇشىن ءوزى تىكەلەي جوبا - جوسپار جاساپ، جاعداي باعامداپ، باعدار بەلگىلەپ، رول ۇستاپ، جول باستاپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ ايقىن تۇراقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ورناتىپ، شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ تالابىن العا قويدى. بيىل 7 - ايدا باس شۋجي تاعى دا شينجياڭعا كەلىپ كوزدەن كەشىرىپ، ءار ۇلت كادرلارى مەن بۇقاراسىنا امانداسىپ، ولاردان حال سۇراپ، ماڭىزدى ءسوز سويلەپ، ماڭىزدى نۇسقاۋ بەرىپ، ءبىزدىڭ جاڭا جاعدايداعى شينجياڭ قىزمەتىن جاقسى ىستەۋىمىزگە قۋاتتى ساياسي قوزعاۋشى كۇش، رۋحاني قوزعاۋشى كۇش جانە قىزمەت قوزعاۋشى كۇش ۇستەدى، بۇكىل شينجياڭداعى ءار ۇلت كادرلارى مەن بۇقاراسى بۇدان ايرىقشا جىگەرلەنىپ، ايرىقشا جەلپىنىپ، كوسەمنىڭ تاپسىرماسىن ەستە بەرىك ساقتاپ، ”ەكىنى تۇراقتاندىرۋدى“ شىن جۇرەكتەن قولداپ، ”ەكىنى قورعاۋدى“ ادالدىقپەن امالياتتا ايگىلەپ، كورىكتى شينجياڭ قۇرۋ ءۇشىن قايراتتانا ىسكەرلىك كورسەتۋدە. قازىر شينجياڭدا قوعامدىق كەلەلى جاعداي ورنىقتى، حالىق تىنىش ءومىر، شات - شادىمان تىرشىلىك كەشىرۋدە، تيانشان الابىنىڭ بارلىق جەرىنەن تىنىش، بەرەكەلى، قارىشتاپ دامىعان جاڭا بەينە جارىققا شىقتى.

  ما شيڭرۇي پارتيا 18 - قۇرىلتايىنان بەرى شينجياڭنىڭ ءتۇرلى ىستەردە قول جەتكىزگەن وراسان زور تابىستارىن، سونداي - اق شينجياڭنىڭ جاڭا داۋىردەگى جاڭا جورىقتا جالعاستىرا كۇرەس جۇرگىزگەن جاندى امالياتىن 5 جاقتان تانىستىردى. ءبىرىنشى، شينجياڭدى زاڭمەن جونگە سالۋعا تاباندى بولىپ، زاڭمەن باسقارىلاتىن شينجياڭ قۇرىلىسىن ىلگەرىلەتۋدە تىڭ قادام تاستاپ، قوعامدىق كەلەلى جاعدايدىڭ ۇزدىكسىز ورنىقتىلىعىن جۇزەگە اسىردىق. شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، شينجياڭدى زاڭمەن جونگە سالۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرا قۇرۋعا تاباندى بولدىق، ءتۇيىندى سالالاردا زاڭ شىعارۋدى جەدەلدەتىپ، كەمەلدى زاڭمەن دامۋدى جەبەپ، شەبەرلىكپەن جونگە سالۋدى قامتاماسىز ەتتىك؛ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا ورىستەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن، ارنايىلانۋىن ىلگەرىلەتىپ، ءار ۇلت بۇقاراسىنىڭ تىنىشتىق پەن ورنىقتىلىققا دەگەن اڭساۋى مەن تىلەگىن جۇزەگە اسىردىق؛ تىنىش شينجياڭ قۇرىلىسىن تەرەڭدەتتىك، الەۋمەتتىڭ حاۋىپسىزدىك سەزىمى 2012 - جىلعى %87.58تەن 2021 - جىلى %99.14كە جوعارىلادى. ەكىنشى، شينجياڭدى ىنتىماقتاسا ورنىقتىرۋعا تاباندى بولىپ، ۇلتتاردىڭ ىنتىماقتاسا العا باسۋىن، ءدىننىڭ اقاۋسىز دامۋىن ىلگەرىلەتىپ، تىنىش، ىنتىماقتى تاماشا جاعداي قالىپتاستىردىق. پارتيانىڭ ۇلت ساياساتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتە وتىرىپ ۇلت قىزمەتىن ويداعىداي ىستەپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى ۇيرەنۋدى، قولدانۋدى جاپپاي ىلگەرىلەتتىك، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتتىك؛ جاڭا داۋىردەگى پارتيانىڭ ءدىن قىزمەتى نازارياسى مەن باعىت - ساياساتتارىن دايەكتىلەندىرىپ، ءدىن ىستەرىن باسقارۋدى زاڭ بويىنشا كۇشەيتىپ، دىنگە سەنەتىن بۇقارانىڭ قالىپتى ءدىني قيمىلدارى مەن ءدىني قاجەتىن زاڭ بويىنشا قامتاماسىز ەتتىك، شينجياڭدا ءىسلام ءدىنىن جۇڭگوشالاندىرۋدى ورنىقتى قاداممەن ىلگەرىلەتىپ، ءدىننىڭ سوتسياليستىك قوعامعا ۇيلەسۋىن جەبەدىك. ءۇشىنشى، شينجياڭدى مادەنيەتپەن نارلەندىرۋگە تاباندى بولىپ، سوتسياليستىك وزەكتى قۇن كوزقاراسىن زور كۇشپەن اسقاقتاتتىق، باياندى تىنىشتىقتىڭ يدەيالىق نەگىزىن ۇزدىكسىز بەكەمدەدىك. شي جينپيڭ جاڭا ءداۋىر جۇڭگوشا سوتسياليزم يدەياسىمەن تىلەك توعىستىرۋعا، رۋح سومداۋعا تاباندى بولىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، ءار ۇلت كادرلارى مەن بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا تاربيەلەدىك، جەتەكتەدىك؛ مادەنيەت ىستەرى مەن مادەنيەت شارۋاشىلىعىن گۇلدەندىرىپ، دامىتىپ، «جۇڭگو شينجياڭ تاريح ىزدەرى»، «گۇل نەگە سونشاما قىزىل»، «شۇعىلاعا شومعان ماكىت» سياقتى ءبىر توپ تاڭداۋلى تۋىندىلاردى جاراتىپ ۇسىندىق. ءتورتىنشى، حالىقتى بايىتىپ شينجياڭدى گۇلدەندىرۋگە تاباندى بولىپ، حالىق تۇرمىسىمەن تىعىز جاناستىرا وتىرىپ جوعارى ساپالى دامۋدى ىلگەرىلەتتىك، ەكونوميكالىق ناقتى قۋات، حالىق تۇرمىسىنىڭ قۇت - ىرىسى كورنەكتى نىعايدى. حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، دامۋ جەتىستىكتەرىنىڭ حالىق تۇرمىسىنا تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتتىك. 2021 - جىلى شينجياڭنىڭ وڭىرلىك ءوندىرىس جالپى ءونىم قۇنى ءبىر تريلليون 600 ميلليارد يۋانعا تاياپ، 2012 - جىلداعىدان 2 ەسەلەندى؛ قالا، اۋىل تۇرعىندارىنىڭ جان باسىندىق قولداعى تابىسى جەكە - جەكە 37 مىڭ 642 يۋانعا، 15 مىڭ 575 يۋانعا جەتتى. تەمىر جول، تاس جول، حالىقتىق اۆياتسيا سياقتى دامۋدىڭ نەگىزدەرى ۇزدىكسىز بەكەمدەلىپ، مۇناي - تابيعي گاز، كومىر سياقتى ەرەكشەلىككە، باسىمدىققا يە كاسىپ سالالارى جەدەل دامىدى؛ جىبەك جولى ەكونوميكالىق بەلدەۋى وزەكتى رايون قۇرىلىسى تىڭعىلىقتى ىلگەرىلەپ، شينجياڭ سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى؛ وقۋ - اعارتۋ، ەمدەۋ، قوعامدىق قامسىزداندىرۋ، بەيقۇت ءۇي سياقتى حالىق تۇرمىسى ينجەنەريالارى جاپپاي ىلگەرىلەپ، اۋىل - قىستاقتاعى 3 ميلليون 64 مىڭ 900 كەدەي حالىق تۇگەلدەي كەدەيلىكتەن ارىلىپ، مۇلدەم كەدەيلىك ماسەلەسى تاريحي شەشىم تاۋىپ، بۇكىل ەلمەن بىرگە جاپپاي دوڭگەلەك داۋلەتتى قوعام ورناتتىق؛ ەكولوگيالىق ورتانى قورعاۋ قۇرىلىسىن كۇشەيتىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋدى جانە جۇيەلى جونگە سالۋدى ءبىر تۇتاس جوسپارلاپ، سۋ ۇنەمدەۋدى، سۋ ساقتاۋدى، سۋ جەتكىزۋدى ءبىر تۇتاس جوسپارلاپ ىلگەرىلەتتىك. بەسىنشى، شينجياڭدى باياندى كوركەيتۋگە تاباندى بولىپ، پارتيا قۇرىلىسىن جاپپاي كۇشەيتىپ، شينجياڭنىڭ باياندى تىنىشتىعىنىڭ نەگىزىن بەكەمدەدىك. جاڭا داۋىردەگى پارتيا قۇرىلىسىنىڭ باس تالابىن تياناقتاندىرىپ، جوعارى ساپالى پارتيا قۇرىلىسى ارقىلى جوعارى ساپالى دامۋعا جەتەكشىلىك ەتىپ، جوعارى دەڭگەيدەگى حاۋىپسىزدىكتى قامتاماسىز ەتتىك. پارتيانى جاپپاي قاتاڭ باسقارۋدى تەرەڭدەي ىلگەرىلەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ورىستەتتىك؛ كادرلار، دارىندىلار قوسىنىن كۇشەيتىپ قۇرىپ، ءار دارەجەلى باسشىلىق القالاردى ۇزدىكتەردەن، مىقتىلاردان تاڭداپ قويىپ، ءار ۇلتتان تاڭداۋلى كادرلار، دارىندىلار تاربيەلەۋگە، تاڭداپ وسىرۋگە ءمان بەرىپ، دارىندىلاردى دامىتۋدىڭ 10 ميلليارد يۋاندىق قورىن قۇردىق؛ نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسىن ۇزدىكسىز كۇشەيتىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن كورنەكتى كۇشەيتتىك.

  ما شيڭرۇي بىلاي دەدى: 10 جىلدان بەرى پارتيا ورتالىق كوميتەتى قازىنادان اۋدارىپ تولەۋ، ەلەۋلى نىساندار قۇرىلىسى، ارنايى ءتيىمدى ساياساتتار سياقتى جاقتاردا شينجياڭعا وراسان زور قولداۋ كورسەتىپ، شينجياڭعا كومەكتەسكەن 19 ولكە، قالا بار كۇشپەن كومەك بەرىپ، ورتالىق كاسىپورىندارى مەن قوعامداعى ءار سالا زور كۇشپەن كومەكتەسىپ، جۇڭگوشا سوتسياليستىك ءتۇزىمنىڭ ابزالدىلىعىن تولىق ايگىلەپ، شينجياڭنىڭ ەكونوميكاسى مەن قوعامىنىڭ جوعارى ساپالى دامۋىنا پارمەندى سەرپىن بەردى، بۇكىل رايونداعى ءار ۇلت كادرلارى مەن بۇقاراسى مۇنى جادىنان شىعارمايدى، بۇعان شىن جۇرەكتەن العىس ايتادى.

  ما شيڭرۇي بىلاي دەدى: وسى 10 جىلداعى دامۋ بارىسىنا قايىرىلا قاراساق، ءبىز شينجياڭدا تۋىلعان عالامات وزگەرىستەردىڭ ءتۇبىرلى نەگىزى باس شۋجي شي جينپيڭنىڭ رول ۇستاپ، جول باستاۋىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە ەكەندىگىن اناعۇرلىم تەرەڭ سەزىنەمىز. جاڭا داۋىردەگى پارتيانىڭ شينجياڭدى جونگە سالۋ جالپى جوباسى توتەنشە دانىشپان، بۇكىلدەي دۇرىس، ءبىز ونى تولىق، دالمە - ءدال ءتۇسىنىپ، جاپپاي دايەكتىلەندىرىپ اتقارساق بولعانى، ءسوز جوق، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرىپ، شينجياڭنىڭ اناعۇرلىم كوركەم بولاشاعىنا جول اشا الامىز. جاڭا جورىققا اتتانىپ، جاڭا داۋىردە ەكپىندەي ىلگەرىلەگەندە، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى قۇلشىنا قۇرىپ، ءىس جۇزىندىك ارەكەتىمىزبەن پارتيا 20 - قۇرىلتايىنىڭ جەڭىسپەن اشىلۋىن قارسى الامىز.

  اقپار جاريالاۋ ماجىلىسىندە مەديا تىلشىلەرى شينجياڭدى زاڭمەن باسقارۋدى جاپپاي ىلگەرىلەتۋ، باياندى تىنىشتىققا ساياتىن ءتۇبىرلى، نەگىزدىك، ۇزاق بولاشاقتىق قىزمەتتەردى ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ، جىبەك جولى ەكونوميكالىق بەلدەۋى وزەكتى رايون قۇرىلىسى، ءدىني سەنىم ەركىندىگىن زاڭ بويىنشا قامتاماسىز ەتۋ، باسىمدىقتى تولىق ساۋلەلەندىرىپ، جوعارى ساپالى دامۋدى ىلگەرىلەتۋ، از ۇلتتاردىڭ مادەنيەتىن قورعاۋ، عىلىم - تەحنيكادا جاڭالىق اشۋدىڭ جەتەكشىلىك رولىن ساۋلەلەندىرۋ سياقتىلار جونىندە بەلسەنە سۇراۋ قويدى، ما شيڭرۇي، ەركىن تۇنياز، جاڭ چۇنلين، چىن ۋيجۇن ءبىر - بىرلەپ جاۋاپ بەردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.