تيانشان تورى
تيانشان تورى   ›   جاڭالىقتار   ›   سۋرەتتى حابار

ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا قۇلشىنامىز

− جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ ”جۇڭگونىڭ وسى 10 جىلى. شينجياڭ“ نەگىزگى تاقىرىپتىق اقپار جاريالاۋ ءماجىلىسىنىڭ ناقتى ەستەلىگى

”جۇڭگونىڭ وسى 10 جىلى. شينجياڭ“ نەگىزگى تاقىرىپتىق اقپار جاريالاۋ ماجىلىسىندەگى نەگىزگى جاريالاۋ ءسوزى

ما شيڭرۇي

  حانىمدار، مىرزالار، دوستار:

  سالەمەتسىزدەر مە! ەڭ اۋەلى، اقپارات مەديالارىنداعى دوستاردىڭ شينجياڭ قىزمەتىنە كوڭىل بولگەندىگىنە، قولداعاندىعىنا جانە كومەكتەسكەندىگىنە العىس ايتامىن. تومەندە، مەن كوپشىلىككە پارتيا 18 - قۇرىلتايىنان بەرگى شينجياڭنىڭ رەفورما، دامۋ، ورنىقتىلىق جاعدايىن قىسقاشا تانىستىرامىن.

  پارتيا 18 - قۇرىلتايىنان بەرگى 10 جىل پارتيا مەن مەملەكەت ىستەرىندە تاريحي جەتىستىكتەرگە قول جەتكەن، تاريحي وزگەرىستەر تۋىلعان 10 جىل، سونداي - اق شي جينپيڭ جاڭا ءداۋىر جۇڭگوشا سوتسياليزم يدەياسى شينجياڭدا ۇلى امالياتىن ايگىلەگەن، قوعام ورنىقتىلىعى مەن باياندى تىنىشتىق جاڭا جاعدايىن قۇلشىنا اشقان 10 جىل بولدى. 10 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق شينجياڭنىڭ رەفورما، دامۋ، ورنىقتىلىق ىستەرىن كوكەيدە ساقتاپ، شينجياڭداعى ءار ۇلت حالقىنا سۇيىسپەنشىلىكپەن كوڭىل ءبولىپ كەلەدى. ءاردايىم شەشۋشى كەزەڭگە وتكەن سايىن، باس شۋجي شي جينپيڭ شينجياڭ ءۇشىن ءوزى تىكەلەي جوبا - جوسپار جاساپ، جاعداي باعامداپ، باعدار بەلگىلەپ، رول ۇستاپ، جول باستادى. باس شۋجي 2014 - جىلى شينجياڭعا كەلىپ كوزدەن كەشىردى، ونان سوڭ تاعى ىركەس - تىركەس 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىن اشتى، سونداي - اق تالاي رەت ارناۋلى تاقىرىپتا ءماجىلىس باسقارىپ اشىپ، شينجياڭ قىزمەتىن اقىلداسىپ، ورنالاستىرىپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ ايقىن تۇراقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ورناتىپ، شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ تالابىن العا قويدى. اسىرەسە، بيىل 7 - ايدىڭ 12 - كۇنىنەن 15 - كۇنىنە دەيىن، باس شۋجي تاعى دا شينجياڭعا كەلىپ كوزدەن كەشىرىپ، ءار ۇلت كادرلارى مەن بۇقاراسىنا امانداسىپ، ولاردان حال سۇرادى، سونداي - اق ماڭىزدى ءسوز سويلەپ، ماڭىزدى نۇسقاۋ بەرىپ، ءبىزدىڭ جاڭا جاعدايدا شينجياڭ قىزمەتىن جاقسى ىستەۋىمىزگە قۋاتتى ساياسي قوزعاۋشى كۇش، رۋحاني قوزعاۋشى كۇش جانە قىزمەت قوزعاۋشى كۇش ۇستەدى. بۇكىل رايونداعى 25 ميلليون 850 مىڭ ءار ۇلت كادر - بۇقاراسى بۇدان ايرىقشا جىگەرلەنىپ، ايرىقشا جەلپىنىپ، كوسەمنىڭ تاپسىرماسىن ەستە بەرىك ساقتاپ، ”ەكىنى تۇراقتاندىرۋدى“ شىن جۇرەكتەن قولداپ، ”ەكىنى قورعاۋدى“ ادالدىقپەن امالياتتا ايگىلەپ، مىزعىماس تاباندىلىقپەن باس شۋجي كورسەتكەن دۇرىس بەتالىستى بويلاپ، كورىكتى شينجياڭ قۇرۋ ءۇشىن قايراتتانا ىسكەرلىك كورسەتۋدە. قازىر شينجياڭدا قوعامدىق كەلەلى جاعداي ورنىقتى، حالىق تىنىش ءومىر، شات - شادىمان تىرشىلىك كەشىرۋدە، تيانشان الابىنىڭ بارلىق جەرىنەن تىنىش، بەرەكەلى، قارىشتاپ دامىعان جاڭا بەينە جارىققا شىقتى.

  ءبىرىنشى، ءبىز شينجياڭدى زاڭمەن جونگە سالۋعا تاباندى بولىپ، زاڭمەن باسقارىلاتىن شينجياڭ قۇرىلىسىن ىلگەرىلەتۋدە تىڭ قادام تاستاپ، قوعامدىق كەلەلى جاعدايدىڭ ۇزدىكسىز ورنىقتىلىعىن جۇزەگە اسىردىق

  شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، شينجياڭدى زاڭمەن جونگە سالۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرا قۇرۋعا تاباندى بولدىق. ءتۇيىندى سالالاردا زاڭ شىعارۋدى جەدەلدەتىپ، ىلگەرىندى - كەيىندى 104 جەرگىلىكتى زاڭ ەرەجە جاساپ جانە وعان وزگەرىس ەنگىزىپ، كەمەلدى زاڭمەن دامۋدى جەبەپ، شەبەرلىكپەن جونگە سالۋدى قامتاماسىز ەتتىك. اكىمشىلىك زاڭ اتقارۋ ءتۇزىلىسى رەفورماسىن، ءادىليا ءتۇزىلىسى رەفورماسىن تەرەڭدەتىپ، بۇقارانىڭ زاڭدى ۇقىق - مۇددەسىن جانە قوعامدىق ادىلدىك پەن تۋراشىلدىقتى قورعادىق. جالپى حالىققا زاڭ جالپىلاستىرۋدى ۇزدىكسىز تەرەڭدەتىپ، پارتيا مەن ۇكىمەت ورىندارىنداعى نەگىزگى جاۋاپتىلاردىڭ زاڭ قىزمەتىنەن ەسەپ بەرۋ قىزمەتىن ورىستەتىپ، ”شەشۋشى ازشىلىقتىڭ“ ۇلگىلىك، جەتەكشىلىك رولىن ساۋلەلەندىرىپ، تۇتاس قوعامنىڭ زاڭدى قۇرمەتتەۋىن، زاڭدى ۇيرەنۋىن، زاڭعا بويسۇنۋىن، زاڭدى قولدانۋىن ىلگەرىلەتتىك. لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا ورىستەتىپ، زاڭ بويىنشا قاتاڭ سوققى بەرۋ باعىتىنا تاباندى بولىپ، ”ءۇش ءتۇرلى كۇشكە“ قاتاڭ سوققى بەرۋدىڭ تەگەۋرىندى كۇيىن باستان - اياق بۇلجىماي ساقتاپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن، ارنايىلانۋىن تىڭعىلىقتى ىلگەرىلەتىپ، زورلىقتى كۇش لاڭكەستىك ارەكەتتەرىنىڭ كوپ تۋىلۋ، ءجيى تۋىلۋ جايتىن وزگەرتىپ، ءار ۇلت بۇقاراسىنىڭ تىنىشتىق پەن ورنىقتىلىققا دەگەن اڭساۋى مەن تىلەگىن جۇزەگە اسىردىق. تىنىش شينجياڭ قۇرىلىسىن تەرەڭدەتىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، قوعامدىق قايشىلىقتار مەن داۋ - شارلاردان كوپ نەگىزدە ساقتانۋ جانە ونى شەشۋ مەحانيزمىن اقاۋسىزداندىرىپ، حاۋىپ - قاتەرلەردى تۇجىرىمداۋ، ءبىر جاقتى ەتۋ مەحانيزمىن ورناتىپ، قوعام اماندىعى بويىنشا ساقتانۋ - تىزگىندەۋ جۇيەسىن كەمەلدەندىرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ۇدايىلاندىرىپ ورىستەتتىك، الەۋمەتتىڭ حاۋىپسىزدىك سەزىمى 2012 - جىلعى %87.58تەن 2021 - جىلى %99.14كە جوعارىلادى.

  ەكىنشى، ءبىز شينجياڭدى ىنتىماقتاسا ورنىقتىرۋعا تاباندى بولىپ، ۇلتتاردىڭ ىنتىماقتاسا العا باسۋىن، ءدىننىڭ اقاۋسىز دامۋىن ىلگەرىلەتىپ، تىنىش، ىنتىماقتى تاماشا جاعداي قالىپتاستىردىق

  پارتيانىڭ ۇلت ساياساتىن جاپپاي دايەكتىلەندىرىپ، ۇلت ماسەلەسىن شەشۋدىڭ جۇڭگوشا دۇرىس جولىمەن جۇرۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتە وتىرىپ ۇلت قىزمەتىن ويداعىداي ىستەپ، ۇلتتاردىڭ تاتۋ - ءتاتتى بىرگە تۇرۋىن، ءبىر نيەتپەن كۇش بىرىكتىرۋىن، جاراسىمدى دامۋىن ىلگەرىلەتتىك. مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى ۇيرەنۋدى، قولدانۋدى جاپپاي ىلگەرىلەتىپ، ۇلتتاردىڭ ءبىر - ءبىرىنىڭ ءتىل - جازۋىن ۇيرەنۋىن دارىپتەپ جانە وعان ىنتالاندىرىپ، ءتىل تابىستىرىپ، كوڭىل توعىستىرۋدى جەبەدىك. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتتىك، بۇكىل رايونداعى ءار دارەجەلى كادرلار، جۇمىسشى - قىزمەتكەرلەر نەگىزگى ساتىداعى ءار ۇلت بۇقاراسىمەن جۇپ قۇراپ، تۋىس بولىپ، جۇرت تىلەگىنە قول جەتكىزەتىن، حالىقتىڭ قالاۋىنان شىعاتىن كوپتەگەن يگى ىستەردى، ناقتى ىستەردى ىستەدى. مەملەكەتتىك ۇلتتار ىنتىماعى، العاباسارلىعىنان ۇلگى كورسەتۋ رايونىنان، ۇلگى كورسەتۋ ورنىنان 81ىن قۇردىق، ءوزارا كىرىكپەلى قونىستانعان 4783 قىستاق (الەۋمەتتىك اۋماق)، 9223 شاعىن اۋماق قۇردىق، ۇلتتار ىنتىماعىنىڭ گۇلى كۇللى تيانشان الابىندا شەشەك اتىپ، ءانيپا ءالىماحۇن، قۇربان نياز، يوۋ لياڭيىڭ، لي يۋانمين قاتارلى ۇلتتار ىنتىماعىن امالياتتا ايگىلەگەن ءبىر توپ وزات تيپتەر مەن اسەرلى ىستەر جارىققا شىقتى. جاڭا داۋىردەگى پارتيانىڭ ءدىن قىزمەتى نازارياسى مەن باعىت - ساياساتتارىن جاپپاي دايەكتىلەندىرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، شينجياڭدا ءىسلام ءدىنىن جۇڭگوشالاندىرۋدى ورنىقتى قاداممەن ىلگەرىلەتىپ، ءدىننىڭ سوتسياليستىك قوعامعا ۇيلەسۋىن جەبەدىك. ءدىن ىستەرىن باسقارۋدى زاڭ بويىنشا كۇشەيتىپ، ۇشقارىلىقتى الاستاۋدى ىشكەرىلەي ىلگەرىلەتىپ، ءدىني ۇشقارى يدەيانىڭ تارالۋىن، ءورشۋىن ءونىمدى تەجەدىك. ءدىني قيمىل ورىندارى مەن ءدىني قيمىلداردىڭ شارت - جاعدايىن ۇزدىكسىز جاقسارتىپ، اۋا رەتتەگىش، اۋىز سۋ، ورتتەن ساقتانۋ جانە ءورت ءسوندىرۋ سياقتى قۇرىلعىلارمەن جابدىقتاپ، دىنگە سەنەتىن بۇقارانىڭ قالىپتى ءدىني قيمىلدارى مەن ءدىني قاجەتىن زاڭ بويىنشا قامتاماسىز ەتتىك. وتانشىل ءدىني قايراتكەرلەردى تاربيەلەۋدى، باۋلۋدى كۇشەيتىپ، شينجياڭ ءىسلام ءدىنى شۋەيۋانىنىڭ جاڭا مەكتەپ رايونىن سالىپ، ىلە، حوتان، قاشقار سياقتى جەرلەردەن ونىڭ 8 بولىمشەسىن جاڭادان قۇردىق، ءدىن سالاسىنداعى قالىڭ قايراتكەرلەر وتاندى ءسۇيىپ، ءدىندى قادىرلەپ، ءدىني بىلىمدەرى مەن مەملەكەتتە ءبىر تۇتاس قولدانىلاتىن ءتىلدى قولدانۋ دەڭگەيى جوعارىلادى.

  ءۇشىنشى، ءبىز شينجياڭدى مادەنيەتپەن نارلەندىرۋگە تاباندى بولىپ، سوتسياليستىك وزەكتى قۇن كوزقاراسىن زور كۇشپەن اسقاقتاتىپ، باياندى تىنىشتىقتىڭ يدەيالىق نەگىزىن ۇزدىكسىز بەكەمدەدىك

  پارتيانىڭ يدەولوگيا قىزمەتىنە باسشىلىعىن جاپپاي كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن تىلەك ۇيىستىرۋعا، رۋح سومداۋعا قاجىماي - تالماي تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىن اسقاقتاتىپ، جۇڭحۋا ۇلتىنىڭ ورتاق رۋحاني مەكەنىن بەلسەنە قۇردىق. شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، شينجياڭ مۇراجايىنىڭ 2 - مەرزىمدىك جاڭا سارايى، شينجياڭ اسەمونەر سارايى سياقتى تاريحي - مادەنيەت الاڭ - سارايلارىن سالىپ، شينجياڭداعى ءار ۇلتتىڭ ارالاسۋىنىڭ تاريحي شىندىقتارىن، ارحەولوگيالىق ناقتى زاتتاردى، مادەنيەت مۇرالارىن تولىق اشىپ جانە ودان ءونىمدى پايدالانىپ، ءار ۇلت كادرلارى مەن بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا تاربيەلەدىك، جەتەكتەدىك. مادەنيەت ىستەرى مەن مادەنيەت شارۋاشىلىعىن گۇلدەندىرىپ، دامىتىپ، ءار ۇلتتىڭ تاڭداۋلى ءداستۇرلى مادەنيەتىن قورعاپ جانە جالعاستىرىپ، الەۋمەتتىك مادەنيەتتەن قىزمەت وتەۋدىڭ رايون، ايماق، اۋدان، اۋىل، قىستاق سىندى بەس دارەجەلى تورىن قۇرىپ، «جۇڭگو شينجياڭ تاريح ىزدەرى» ارناۋلى تاقىرىپتىق فيلمى، «گۇل نەگە سونشاما قىزىل» كينوسى، «شۇعىلاعا شومعان ماكىت» ءبيى سياقتى ءار ۇلت بۇقاراسىنىڭ قاباعات قارسى الۋىنا بولەنگەن ءبىر توپ تاڭداۋلى تۋىندىلاردى ومىرگە اكەلىپ، جۇرتقا ۇسىندىق. ۇگىت، يدەيا، مادەنيەت شەبى قۇرىلىسىن باسقارۋدى كۇشەيتىپ، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىن تەرەڭدەتىپ، ”ماسەلەسى بار وقۋلىقتار“ مەن ”پانيسلاميزم، پانتۇركيزم“ يدەياسى ۋىتىنىڭ ىقپالىن ۇزدىكسىز الاستاپ، ينتەرنەت كەڭىستىگىن جونگە سالۋدى ساپالىلاندىرىپ، كەمەلدەندىرىپ، يدەولوگيا قىزمەتىندەگى باسشىلىق ۇقىقتى، ىرىقتىلىق ۇقىقتى، ءسوز بيلىگىن مىقتاپ يگەردىك.

  ءتورتىنشى، ءبىز حالىقتى بايىتىپ شينجياڭدى گۇلدەندىرۋگە تاباندى بولىپ، حالىق تۇرمىسىمەن تىعىز جاناستىرا وتىرىپ جوعارى ساپالى دامۋدى ىلگەرىلەتتىك، ەكونوميكالىق ناقتى قۋات، حالىق تۇرمىسىنىڭ قۇت - ىرىسى كورنەكتى نىعايدى

  حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، دامۋ جەتىستىكتەرىنىڭ حالىق تۇرمىسىنا تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتتىك. 2021 - جىلى شينجياڭنىڭ وڭىرلىك ءوندىرىس جالپى ءونىم قۇنى ءبىر تريلليون 600 ميلليارد يۋانعا تاياپ، 2012 - جىلعى 740 ميلليارد يۋانعا سالىستىرعاندا ەكى ەسەلەندى. قالا - قالاشىق تۇرعىندارىنىڭ جىلدىق جان باسىندىق قولداعى تابىسى 2012 - جىلعى 17 مىڭ 921 يۋاننان 2021 - جىلى 37 مىڭ 642 يۋانعا، اۋىل - قىستاق تۇرعىندارىنىڭ جىلدىق جان باسىندىق قولداعى تابىسى 2012 - جىلعى 6394 يۋاننان 2021 - جىلى 15 مىڭ 575 يۋانعا ارتتى. دامۋ نەگىزىن بەكەمدەۋگە كۇش سالدىق، پويەز قاتىناعان تەمىر جول ۇزىندىعى 8768 كيلومەترگە جەتىپ، حوتان − چارقىلىق تەمىر جولى اشىلىپ، ىسكە قوسىلىپ، دۇنيە ءجۇزى بويىنشا تۇڭعىش قۇمدى ءشول تەمىر جولى اينالما جەلىسى تۇتاستى.اۆتوكولىك قاتىناعان تاس جولدىڭ جالپى ۇزىندىعى 217 مىڭ 300 كيلومەترگە جەتىپ، بارلىق ايماق، وبلىس، قالالار جوعارى جىلدامدىقتى تاس جول داۋىرىنە قادام تاستادى. حالىقتىق اۋەجايلاردىڭ جالپى سانى 24كە جەتىپ، سانى بۇكىل ەل بويىنشا ءبىرىنشى ورىندى يەلەدى. ەرەكشەلىككە، باسىمدىققا يە كاسىپ سالالارى جەدەل دامىپ، مۇناي - تابيعي گاز ءونىم مولشەرى، وڭدەلمەگەن كومىردىڭ ءونىم مولشەرى، جەل ەنەرگياسىمەن، كۇن ەنەرگياسىمەن شىعارىلعان ەلەكتر مولشەرى بۇكىل ەل بويىنشا الدىڭعى قاتارعا ءوتتى. رەفورما جاساۋدى، ەسىك اشۋدى ۇزدىكسىز تەرەڭدەتتىك، جىبەك جولى ەكونوميكالىق بەلدەۋى وزەكتى رايون قۇرىلىسى تىڭعىلىقتى ىلگەرىلەپ، ءتۇيىندى دامىتۋ، ەسىك اشۋ تۇعىرلارى قۇرىلىسىندا بەلسەندى ىلگەرىلەۋشىلىككە قول جەتكىزىلىپ، سىرتقا ەسىك اشۋدىڭ ۇلكەن ارناسى العاشقى قادامدا قالىپتاستى، جالپى 6242 كەزەك جۇڭگو − ەۆروپا (ورتا ازيا) كەزەكشى پويەزى قاتىناپ، جىلىنا ورتا ەسەپپەن %55.1 ارتىپ، شينجياڭ سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى. ”تومەنگە بەرۋ، باسقارۋ، قىزمەت وتەۋ“ سياقتى ءتۇيىندى سالالار مەن شەشۋشى بۋىندارداعى رەفورمالار ۇزدىكسىز تەرەڭدەپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسى ۇزدىكسىز ساپالىلانىپ، ىلگەرىندى - كەيىندى 176 مەملەكەتپەن جانە وڭىرمەن ەكونوميكا - ساۋدا قارىم - قاتىناسى ورناتىلىپ، بۇكىل رايونداعى بازار تۇلعالارى 2 ميلليون 218 مىڭعا جەتىپ، 2012 - جىلداعىدان 2 ەسە ارتتى. حالىق تۇرمىسىنىڭ قۇت - ىرىسى ۇزدىكسىز مولايىپ، قالا - قالاشىقتاردا جيىنى 4 ميلليون 988 مىڭ 700 ادام تىڭنان جۇمىستانىپ، اۋىل - قىستاق ەڭبەككۇشتەرىنەن 30 ميلليون 908 مىڭ 800 ادام - رەت سىرتقا شىعىپ جۇمىس ىستەپ، قالا مەن اۋىلداعى ەڭبەك قابىلەتى بار ادامداردىڭ بارلىعىنىڭ تۇراقتى جۇمىستانۋىن نەگىزىنەن جۇزەگە اسىردىق. اۋىل - قىستاقتاردا مەكتەپكە دەيىنگى 3 جىلدىق تەگىن تاربيەمەن جانە 9 جىلدىق مىندەتتى وقۋ - اعارتۋمەن جاپپاي قامتۋدى جۇزەگە اسىرىپ، وڭتۇستىك شينجياڭداعى 4 ايماق - وبلىستا بالاباقشادان ورتا مەكتەپكە دەيىنگى 15 جىلدىق تەگىن وقۋ - اعارتۋدى جولعا قويدىق. ەمدەۋ، قوعامدىق قامتاماسىزداندىرۋ، بەيقۇت ءۇي سياقتى حالىق تۇرمىسى ينجەنەريالارى جاپپاي ىلگەرىلەپ، ءار ۇلت بۇقاراسىنىڭ تابىس سەزىمى اناعۇرلىم تولىق، باقىت سەزىمى اناعۇرلىم باياندى بولىپ، حاۋىپسىزدىك سەزىمى اناعۇرلىم قامتاماسىز ەتىلدى. كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزدىك، اۋىل - قىستاقتاعى 3 ميلليون 64 مىڭ 900 كەدەي حالىق تۇگەلدەي كەدەيلىكتەن ارىلىپ، 3666 كەدەي قىستاق تۇگەلدەي كەدەيلىك تىزىمىنەن شىعىپ، 35 كەدەي اۋدان كەدەيلىك قالپاعىن تۇگەلدەي الىپ تاستاپ، مۇلدەم كەدەيلىك ماسەلەسى تاريحي شەشىم تاۋىپ، بۇكىل ەلمەن بىرگە جاپپاي دوڭگەلەك داۋلەتتى قوعام ورناتتىق. ەكولوگيالىق ورتانى قورعاۋ قۇرىلىسىن كۇشەيتىپ، تاۋ، سۋ، ورمان، اتىز، كول، جايلىم، قۇمدى ءشولدى ءبىر تۇلعالاندىرىپ قورعاۋدى جانە جۇيەلى جونگە سالۋدى ءبىر تۇتاس جوسپارلاپ، سۋ ۇنەمدەۋدى، سۋ ساقتاۋدى، سۋ جەتكىزۋدى ءبىر تۇتاس جوسپارلاپ ىلگەرىلەتىپ، ارتاش سياقتى ءبىر توپ ءىرى سۋ يگىلىگى تورابى ينجەنەرياسىن سالدىق، سۋ بايلىعىن شوعىرلى، ۇنەمدى پايدالانۋ دەڭگەيى ۇزدىكسىز جوعارىلادى.

  بەسىنشى، ءبىز شينجياڭدى باياندى كوركەيتۋگە تاباندى بولىپ، پارتيا قۇرىلىسىن جاپپاي كۇشەيتىپ، شينجياڭنىڭ باياندى تىنىشتىعىنىڭ نەگىزىن بەكەمدەدىك

  جاڭا داۋىردەگى پارتيا قۇرىلىسىنىڭ باس تالابىن جاپپاي تياناقتاندىرىپ، جوعارى ساپالى پارتيا قۇرىلىسى ارقىلى جوعارى ساپالى دامۋعا جەتەكشىلىك ەتىپ، جوعارى دەڭگەيدەگى حاۋىپسىزدىكتى قامتاماسىز ەتىپ، قوعام ورنىقتىلىعى مەن باياندى تىنىشتىقتى ىلگەرىلەتۋدىڭ داۋىرلىك اۋىر مىندەتىن اناعۇرلىم ويداعىداي ارقالادىق. پارتيانى قاتاڭ باسقارۋدى جاپپاي ىلگەرىلەتىپ، پارتيانىڭ ساياسي قۇرىلىسىن ءبىر تۇتاس باسشىلىققا الۋعا، پارتيانىڭ ءار جاقتاعى قۇرىلىسىن ىلگەرىلەتۋگە تاباندى بولىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، ءبىر توپ شىرىكتەسۋ دەلولارى مەن ”ەكىبەتكەيلەردى“ ءتارتىپ بويىنشا، زاڭ بويىنشا تەكسەرىپ ءبىر جاقتى ەتىپ، ساياسي ەكولوگيانى تازارتتىق. كادر، دارىندىلار قوسىنىن كۇشەيتىپ قۇرىپ، ادام تاڭداۋ، ادام ىستەتۋدىڭ دۇرىس باعدارىنا تاباندى بولىپ، ساياسي ولشەمدى ماڭداي الدى ولشەم ەتىپ، ءار دارەجەلى باسشىلىق القالارعا ۇزدىكتەردى تاڭداپ، مىقتىلاردى قويىپ، ءار ۇلت تاڭداۋلى كادر، دارىندىلارىن تاربيەلەۋگە، تاڭداپ وسىرۋگە ءمان بەرىپ، جوعارى دەڭگەيلى، شۇعىل قاجەتتى، تاپشى دارىندىلاردان جيىنى 38 مىڭ ادامدى اكەلدىك، تاياۋدا ءبىز دارىندىلاردى دامىتۋدىڭ 10 ميلليارد يۋاندىق قورىن قۇردىق. نەگىزگى ساتىنى باسقارۋدى بەكەمدەپ، كۇشەيتىپ، نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ءتۇبىرلى شاراسى ەتۋگە تاباندى بولىپ، نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسىن ۇزدىكسىز كۇشەيتىپ، اۋىل - قالاشىقتار (ءمالى) مەن قالا، اۋىل، الەۋمەتتىك اۋماقتارىن باسقارۋدى ءبىر تۇتاس جوسپارلاپ ىلگەرىلەتىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ىشكەرىلەي ورىستەتتىك، بۇكىل رايونداعى نەگىزگى ساتى پارتيا ۇيىمدارىنىڭ، پارتيا مۇشەلەرىنىڭ جالپى سانى جەكە - جەكە 2012 - جىلداعىدان 27 مىڭ 258 ارتىپ، 480 مىڭ 300 ادام كوبەيىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى كورنەكتى نىعايدى.

  10 جىلدان بەرى، پارتيا ورتالىق كوميتەتى قازىنادان اۋدارىپ تولەۋ، ەلەۋلى نىساندار قۇرىلىسى، ەرەكشە تيىمدىلىك جاساۋ ساياساتتارى سياقتى جاقتاردا شينجياڭعا وراسان زور قولداۋ كورسەتتى، شينجياڭعا كومەكتەسكەن 19 ولكە، قالا بار كۇشپەن كومەك بەرىپ، قالتقىسىز كومەك كورسەتتى، ورتالىقتاعى قاتىستى كاسىپورىندار مەن قوعامداعى ءار سالا زور كۇشپەن كومەكتەسىپ جانە قولداپ، جۇڭگوشا سوتسياليستىك ءتۇزىمنىڭ ابزالدىلىعىن تولىق ايگىلەپ، شينجياڭ ەكونوميكاسى مەن قوعامىنىڭ جوعارى ساپالى دامۋىن كۇش سالا دەمەدى، بۇكىل رايونداعى ءار ۇلت كادرلارى مەن بۇقاراسى مۇنى ەسىنەن شىعارمايدى، بۇعان شىن جۇرەكتەن العىس ايتادى.

  10 جىلداعى دامۋ بارىسىنا قايىرىلا قاراساق، ءبىز شينجياڭ قىزمەتىندە قول جەتكەن ءاربىر ناتيجەنىڭ، جۇزەگە اسقان ءاربىر قادام سەكىرىستىڭ، تيانشان الابىندا تۋىلعان وراسان زور وزگەرىستىڭ، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە بولعانىن اناعۇرلىم تەرەڭ سەزىندىك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ توتەنشە دانىشپان، بۇكىلدەي دۇرىس ەكەندىگىن، شينجياڭ قىزمەتىن قىم - قۋىت كۇردەلى بارىستا تۋراشىلدىقتان جازباي جاڭالىق اشۋعا، قايشىلىق پەن حاۋىپ - قاتەر بارىسىندا جەڭىسپەن العا باسۋعا جەتەكتەيتىن قۇدىرەتتى يدەيالىق قارۋ، شينجياڭ قىزمەتىن ويداعىداي ىستەۋدىڭ ارقاۋى جانە جانى ەكەندىگىن اناعۇرلىم تەرەڭ سەزىندىك، ءبىز تەك تولىق، دالمە - ءدال، دۇرىس ءتۇسىنىپ، جاپپاي دايەكتى اتقارساق بولعانى، قوعام ورنىقتىلىعى مەن باياندى تىنىشتىق باس نىساناسىن، ءسوز جوق، جۇزەگە اسىرا الامىز، شينجياڭنىڭ اناعۇرلىم كوركەم بولاشاعىنا، ءسوز جوق، جول اشا الامىز. جاڭا جورىققا اتتانىپ، جاڭا داۋىردە ەكپىندەي ىلگەرىلەگەندە، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا قۇلشىنىپ، ءىس جۇزىندىك ارەكەتىمىزبەن پارتيا 20 - قۇرىلتايىنىڭ جەڭىسپەن اشىلۋىن قارسى الامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.