تيانشان تورى
تيانشان تورى   ›   ۇيرەنۋ   ›   شولۋ

جاڭا داۋىردەگى جاڭا جورىقتا كورىكتى شينجياڭدى قۇلشىنا قۇرايىق

□ گازەتىمىزدىڭ شولۋشىسى

  ماۋەلى تابىسقا جەتۋ داعدىعا اينالدى، كەمەل شارامەن كەسەك جەتىستىككە جەتتى. 8 - ايدىڭ 27 - كۇنى وتكىزىلگەن ”جۇڭگونىڭ وسى 10 جىلى. شينجياڭ“ نەگىزگى تاقىرىپتىق اقپار جاريالاۋ ءماجىلىسى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتىن جالپى كورىنىسپەن ايگىلەپ، شينجياڭنىڭ ەكونوميكالىق، قوعامدىق دامۋدا قول جەتكىزگەن وراسان زور تابىستارىن ستەرەولدى بەينەلەپ، شينجياڭداعى ءار ۇلت كادرلارى مەن بۇقاراسىنىڭ قايراتتانا ەكپىندەي ىلگەرىلەپ، ءبىر نيەتپەن ىنتىماقتاسىپ، اناعۇرلىم كوركەم بولاشاق اشاتىن باتىل سەنىمى مەن بەكىمىن جاريا ەتتى.

  ۋاقىت ەڭ ادال ەستەلىك الۋشى. پارتيا 18 - قۇرىلتايىنان بەرگى وسى 10 جىل پارتيا مەن مەملەكەت ىستەرىندە تاريحي جەتىستىكتەرگە قول جەتكەن، تاريحي وزگەرىستەر تۋىلعان 10 جىل، سونداي - اق شي جينپيڭ جاڭا ءداۋىر جۇڭگوشا سوتسياليزم يدەياسى شينجياڭدا ۇلى امالياتىن ايگىلەگەن، قوعام ورنىقتىلىعى مەن باياندى تىنىشتىق جاڭا جاعدايىن قۇلشىنا اشقان 10 جىل بولدى. 10 جىلدان بەرى شينجياڭداعى ءار ۇلت حالقى قامال الىپ قيىندىقتاردى جەڭىپ، ءورىس اشا العا ىلگەرىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، كورىكتى شينجياڭ قۇرۋ، وتان ارمانىن بىرگە ورىنداۋ جولىندا باتىلدىقپەن العا باستى. ءبىز شينجياڭدى زاڭمەن جونگە سالۋعا تاباندى بولىپ، زاڭمەن جونگە سالىناتىن شينجياڭ قۇرىلىسىن ىلگەرىلەتۋدە تىڭ قادام تاستاپ، قوعامدىق كەلەلى جاعدايدىڭ ۇزدىكسىز ورنىقتىلىعىن جۇزەگە اسىردىق؛ ءبىز شينجياڭدى ىنتىماقتاسا ورنىقتىرۋعا تاباندى بولىپ، ۇلتتاردىڭ ىنتىماقتاسا العا باسۋىن، ءدىننىڭ اقاۋسىز دامۋىن ىلگەرىلەتىپ، تىنىش، ىنتىماقتى تاماشا جاعداي قالىپتاستىردىق؛ ءبىز شينجياڭدى مادەنيەتپەن نارلەندىرۋگە تاباندى بولىپ، سوتسياليستىك وزەكتى قۇن كوزقاراسىن زور كۇشپەن اسقاقتاتىپ، باياندى تىنىشتىقتىڭ يدەيالىق نەگىزىن ۇزدىكسىز بەكەمدەدىك؛ ءبىز حالىقتى بايىتىپ شينجياڭدى گۇلدەندىرۋگە تاباندى بولىپ، حالىق تۇرمىسىمەن تىعىز جاناستىرا وتىرىپ جوعارى ساپالى دامۋدى ىلگەرىلەتتىك، ەكونوميكالىق ناقتى قۋات، حالىق تۇرمىسىنىڭ قۇت - ىرىسى كورنەكتى نىعايدى؛ ءبىز شينجياڭدى باياندى كوركەيتۋگە تاباندى بولىپ، پارتيا قۇرىلىسىن جاپپاي كۇشەيتىپ، شينجياڭنىڭ باياندى تىنىشتىعىنىڭ نەگىزىن بەكەمدەدىك. بۇگىنگى تاڭدا شينجياڭنىڭ قوعامدىق كەلەلى جاعدايى ورنىقتى، حالقى تىنىش ءومىر، شات - شادىمان تىرشىلىك كەشىرگەن، تيانشان الابىندا تىنىش، بەرەكەلى، قارىشتاپ دامىعان جاڭا بەينە جارىققا شىقتى.

  اعاش قانشا بيىك بولسا دا، تامىرى بولادى، سۋ قانشا تەرەڭ بولسا دا، قاينار كوزى بولادى. شينجياڭنىڭ 10 جىلدىق دامۋ بارىسىنا قايىرىلا قاراساق، قول جەتكىزگەن ءاربىر ناتيجەنىڭ، ورىنداعان ءاربىر قارىشتاۋدىڭ، تيانشان الابىندا تۋىلعان عالامات وزگەرىستەردىڭ ءتۇبىرلى نەگىزى باس شۋجي شي جينپيڭنىڭ رول ۇستاپ، جول باستاۋىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە بولدى. شينجياڭداعى ءار ۇلت حالقى شىن جۇرەگىنەن باس شۋجي شي جينپيڭگە العىس ايتادى، پارتيا ورتالىق كوميتەتىنە العىس ايتادى، شىن نيەتىمەن پارتيانىڭ سوزىنە قۇلاق اسادى، پارتيانىڭ مەيىرىنە العىس ايتادى، پارتياعا ىلەسەدى.

  تەرەڭ سۇيىسپەنشىلىگىن ارناپ، تاۋداي ءۇمىت ارتتى. پارتيا 18 - قۇرىلتايىنان بەرى باس شۋجي شي جينپيڭ شينجياڭعا ەكى رەت كەلىپ كوزدەن كەشىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ماڭىزدى ءسوز سويلەپ، 12 - كەزەكتى مەملەكەتتىك حالىق قۇرىلتايى 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسىپ، شينجياڭنىڭ جالپى جاعدايى مەن ۇزاق بولاشاقتىق دامۋىنا قاتىستى ماڭىزدى قىزمەتتەر جونىندە كوپ رەت ماڭىزدى نۇسقاۋ بەرىپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ ايقىن تۇراقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ورناتىپ، شينجياڭ قىزمەتىندە كەلەلى ونىمدىلىككە قول جەتكىزۋگە جەتەكشىلىك ەتتى جانە ونى ىلگەرىلەتتى، شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتتى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز ارتتى.

  اماليات مىنانى تولىق دالەلدەدى: جاڭا داۋىردەگى پارتيانىڭ شينجياڭدى جونگە سالۋ جالپى جوباسى توتەنشە ءدانىشپان، بۇكىلدەي دۇرىس، ول شينجياڭ قىزمەتىن قىم - قۋىت، كۇردەلى بارىستا تۋراشىلدىقتان جازباي، جاڭالىق اشۋعا، قايشىلىق، حاۋىپ - قاتەر بارىسىندا جەڭىسپەن العا باسۋعا جەتەكتەيتىن قۇدىرەتتى يدەيالىق قارۋ، شينجياڭ قىزمەتىن ويداعىداي ىستەۋدىڭ باعدارناماسى جانە رۋحى. ءبىز ونى تولىق، دالمە - ءدال ءتۇسىنىپ، جاپپاي دايەكتىلەندىرىپ اتقارساق بولعانى، قوعام ورنىقتىلىعى مەن باياندى تىنىشتىق باس نىساناسىن، ءسوز جوق، جۇزەگە اسىرا الامىز، شينجياڭنىڭ اناعۇرلىم كوركەم بولاشاعىنا، ءسوز جوق، جول اشا الامىز.

  تۋ بەتالىستى نۇسقادى، ۇيتقى بولاشاققا جول باستادى. بيىل 7 - ايدا بۇكىل پارتيا، بۇكىل ەلدەگى ءار ۇلت حالقى پارتيا 20 - قۇرىلتايىن قۋانىشپەن قارسى الىپ وتىرعان ساتتە، باس شۋجي شي جينپيڭ شينجياڭعا كەلىپ كوزدەن كەشىرىپ، ءار ۇلت كادرلارىنا، بۇقاراسىنا امانداسىپ، ماڭىزدى ءسوز سويلەپ، ماڭىزدى نۇسقاۋ بەرىپ، جاڭا جاعدايدا شينجياڭ قىزمەتىن ويداعىداي ىستەۋىمىزگە قۋاتتى ساياسي قوزعاۋشى كۇش، رۋحاني قوزعاۋشى كۇش جانە قىزمەت قوزعاۋشى كۇشىن ۇستەدى. ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، ”ەكىنى تۇراقتاندىرۋدى“ شىن جۇرەكتەن قولداپ، ”ەكىنى قورعاۋدى“ ادالدىقپەن امالياتتا ايگىلەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، رەفورما جاساۋدى، ەسىك اشۋدى جاپپاي تەرەڭدەتىپ، جوعارى ساپالى دامۋدى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا داۋىردەگى جاڭا جورىقتا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى قۇلشىنا قۇرامىز.

  جەل وڭىنان تۇرىپ، الىسقا جورىق باستالدى، قايراتتانا العا ۇمتىلۋدىڭ ءدال كەزى جەتتى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، بۇلجىماستان باس شۋجي نۇسقاعان بەتالىستى بويلاپ العا باسىپ، باس شۋجيدىڭ ىقىلاستى قامقورلىعىن شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى مادەنيەتپەن نارلەندىرۋدىڭ، حالىقتى بايىتىپ شينجياڭدى گۇلدەندىرۋدىڭ، شينجياڭدى باياندى كوركەيتۋدىڭ جاندى امالياتىنا اينالدىرىپ، ورنىقتى، اقاۋسىز ەكونوميكالىق ورتانى، ستيلى پاك، سالتى دۇرىس ساياسي ورتانى، ەل امان، جۇرت تىنىش قوعامدىق ورتانى ساقتاۋعا قۇلشىنىپ، ءىس جۇزىندىك ارەكەتىمىزبەن پارتيا 20 - قۇرىلتايىنىڭ جەڭىسپەن اشىلۋىن قارسى الايىق!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.