− ”جۇڭگونىڭ وسى 10 جىلى. شينجياڭ“ نەگىزگى تاقىرىپتىق اقپار جاريالاۋ ءماجىلىسى قوعامنىڭ ءار سالاسىندا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
10 جىل قايىسپاي قاجىرلىلىقپەن ىستەدى، 10 جىلدا ماۋەلى تابىسقا قول جەتتى. 8 - ايدىڭ 27 - كۇنى ”جۇڭگونىڭ وسى 10 جىلى. شينجياڭ“ نەگىزگى تاقىرىپتىق اقپار جاريالاۋ ءماجىلىسى ۇرىمجىدە وتكىزىلدى، ءماجىلىس تولىق ساندى مالىمەتتەر، كەمەلدى شارالار جانە جاندى مىسالدار ارقىلى تيانشان ۇلاندارىنىڭ باس شۋجي شي جينپيڭ نۇسقاعان بەتالىستى بويلاپ، قايىسپاي شايقاس جاساي وتىرىپ بىرگە جازعان شينجياڭ جاۋاپناماسىن كورسەتتى.
رايونىمىزدىڭ ءىشى - سىرتىنداعى ءار سالا قايراتكەرلەرى انار بۇلت كليەنتى سياقتىلار ارقىلى اقپار جاريالاۋ ءماجىلىسى ناقتى احۋالىنىڭ تىكە تاراتىلىمىن تىڭداپ، كورىپ، كۇشتى ۇندەستىك تۋدىردى. كوپشىلىك مىنالاردى ءبىلدىردى: پارتيا 18 - قۇرىلتايىنان بەرگى وسى 10 جىلدا شينجياڭ ەكونوميكالىق، قوعامدىق دامۋ مەن حالىق تۇرمىسىن جاقسارتۋ سياقتى جاقتاردا بۇرىن بولىپ كورىلمەگەن تابىسقا قول جەتكىزىپ، جۇرت كوڭىلىن سەرپىلتتى. بولاشاققا كوز جىبەرە وتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا جورىقتا العىس ايتا ەكپىندەي ىلگەرىلەپ، كورىكتى شينجياڭدى قايراتتانا قۇرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الامىز.
شينجياڭنىڭ كەرەمەت تابىستارىنا ماداق جاۋدىردى
شينجياڭدى زاڭمەن جونگە سالۋعا تاباندى بولىپ، زاڭمەن باسقارىلاتىن شينجياڭ قۇرىلىسىن ىلگەرىلەتۋدە تىڭ قادام تاستالدى؛ شينجياڭ جۇرتشىلىعىنىڭ حاۋىپسىزدىك سەزىمى 2012 - جىلعى ％58. 87تەن 2021 - جىلى ％14. 99كە جوعارىلادى... 8 - ايدىڭ 27 - كۇنى تۇستەن بۇرىن، حىناننىڭ جىڭجوۋىندا، اقپار جاريالاۋ ءماجىلىسىنىڭ ناقتى احۋالىنان تىكە تاراتۋدى كورىپ وتىرعان جاڭ شياۋلۇڭ: ”وسى 10 جىلدا، شينجياڭ قوعامدىق كەلەلى جاعدايدىڭ ۇزدىكسىز ورنىقتىلىعىن جۇزەگە اسىردى، ەرەكشە كەرەمەت!“، - دەدى تەبىرەنە.
جاڭ شياۋلۇڭ حىنانداعى ءبىر ەلەكترون كاسىپورنىندا جۇمىس ىستەيدى، كەزىندە شينجياڭدا ءبىر جىل جۇمىس ىستەگەن، وسىناۋ قۇتتى قونىسقا وزگەشە سۇيىسپەنشىلىگى بار. ول بىلاي دەدى: بۇگىنگى تاڭدا شينجياڭ جاراسىمدى دا بەرەكەلى، گۇلدەنىپ - كوركەيىپ كەلەدى، مەن بۇعان شىن جۇرەگىممەن قۋانامىن.
2021 - جىلى شينجياڭنىڭ وڭىرلىك ءوندىرىس جالپى ءونىم قۇنى ءبىر تريلليون 600 ميلليارد يۋانعا تاياپ، 2012 - جىلداعى 740 ميلليارد يۋاننان ەكى ەسەلەندى؛ حالىقتىق اۋەجايلاردىڭ جالپى سانى 24كە جەتىپ، سانى بۇكىل ەل بويىنشا ءبىرىنشى ورىندى يەلەدى... اقپار جاريالاۋ ءماجىلىسى تيانشان الابىندا تۋىلعان وراسان زور وزگەرىستەردى جان - جاقتىلى تانىستىردى. ”وسى 10 جىلدا، شينجياڭنىڭ ەكونوميكالىق، قوعامدىق جاقتاعى ءتۇرلى ىستەرى جەدەل دامىدى، مەيلى جان باسىندىق قولداعى تابىس بولسىن، الدە نەگىزدىك قۇرىلعىلار قۇرىلىسى، كاسىپ سالاسىنىڭ دامۋى، شينجياڭدى مادەنيەتپەن نارلەندىرۋ بولسىن، بارلىعىنىڭ ناتيجەسى كورنەكتى بولدى“. شينجياڭدا تۇراتىن مەملەكەتتىك ساياسي كەڭەستىڭ مۇشەسى، جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ ءبىرىنشى دارەجەلى شارلاۋشىسى دىڭ حۇڭ شىن جۇرەكتەن مىنانى ءبىلدىردى: ”مەن شينجياڭنىڭ كەرەمەت تابىستارىن ماقتانىش سەزىنەمىن!“.
شىن في جياڭسۋلىق، بيىل جىل باسىندا شينجياڭعا كەلىپ شارۋاشىلىق قۇرىپ، ۇرىمجىدە ءبىر قىزمەت وتەۋ تۇرىندەگى سەرىكتەستىك اشتى، ول اقپار جاريالاۋ ماجىلىسىندەگى شينجياڭنىڭ شارۋاشىلىق - ساۋدا ورتاسىن كۇش سالا ساپالىلاندىرۋى، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋى سياقتى مازمۇنداردان تەرەڭ اسەر الدى.
شىن في بىلاي دەدى: سوڭعى جىلدارى، اسىرەسە، بيىل جىل باسىنان بەرى، شينجياڭ دامۋعا ىنتىزار بولعان كۇشتى سيگنالدى تىنباي شىعاردى، ماسەلەن: ساۋداگەر شاقىرىپ قارجى ەنگىزۋ سەرپىنىن ارتتىردى، مامان - وقىمىستىلاردى شينجياڭعا كەلىپ ”تامىر ۇستاپ، دياگنوز قويۋعا“ ۇسىنىس ەتتى، پارتيا، ۇكىمەت ۋاكىلدەر ۇيىرمەسىن جىبەرىپ، باسقا ولكە، قالالاردىڭ وزىق تاجىريبەلەرىن ۇيرەندى، كاسىپورىندارعا تيىمدىلىك جاسايتىن، كاسىپورىندارعا قولايلىلىق جەتكىزەتىن ءبىر قىدىرۋ ساياساتتى جەدەل تياناقتاندىردى... وسىنىڭ ءبارى كاسىپورىندارعا وتە زور سەنىم سيلادى. ”شارۋاشىلىق - ساۋدا ورتاسىنىڭ ۇزدىكسىز جاقسارۋىنا ىلەسە، شينجياڭنىڭ بازار تۇلعالارىنىڭ اناعۇرلىم كوپ، ومىرشەڭدىگىنىڭ ءتىپتى دە قاۋلايتىندىعىنا سەنەمىن“.
ناقتى تابىس سەزىمىنە يە بولدىق
وسى 10 جىلدا، شينجياڭنىڭ حالىقتى وزەك ەتكەن دامۋ يدەياسىن ىشكەرىلەي امالياتتا ايگىلەۋدىڭ جاندى امالياتىن جازدىق.
”شينجياڭنىڭ مۇلدە كەدەيلىك ماسەلەسى تاريحي شەشىم تاپتى، ءبىزدىڭ تۇرمىسىمىز اقپار جاريالاۋ ماجىلىسىندە ايتىلعانداي، جىل سايىن جاقسارا ءتۇستى“، - دەدى كەريا اۋدانى داريابويى اۋىلى داريابويى قىستاعىنىڭ تۇرعىنى ءپاتامحان مامەتاليدىڭ جۇزىنەن قۋانىش كۇلكىسى ەسىپ.
2019 - جىلى، پارتيانىڭ ابزال ساياساتىنىڭ ارقاسىندا، ءپاتامحان وتباسى قۇمدى ءشول قويناۋىنان قۇرىلعىسى تولىق قونىس جاڭالاپ كەدەيلەردى سۇيەمەلدەۋ بويىنشا كوشىرىپ ورنالاستىرۋ تۇيىنىنە كوشتى، شاعىن ەرەن بازار اشتى، كۇيەۋى تاعى قىستاقتاعى ەتتى سۇڭعىلا ەگۋ، وڭدەۋ، ساتۋ شارۋالار كاسىپتىك سەلبەستىك كووپەراتيۆىنە قوسىلىپ، جانقالتالارى قامپايا ءتۇستى. ”ءبىز ماڭگى پارتيانىڭ سوزىنە قۇلاق اسىپ، پارتيانىڭ مەيىرىنە العىس ايتىپ، پارتياعا ىلەسىپ، قۇلشىنا كۇرەس جاساۋ ارقىلى كۇندەرىمىزدى اناعۇرلىم بالداي ءتاتتى ەتەمىز“، - دەدى ول.
شينجياڭ قالا مەن اۋىلداعى ەڭبەك قابىلەتى بار ادامداردىڭ بارلىعىنىڭ تۇراقتى جۇمىستانۋىن نەگىزىنەن جۇزەگە اسىردى؛ ەمدەۋ قامسىزداندىرۋى، قوعامدىق قامتاماسىزداندىرۋ، بەيقۇت ءۇي سياقتى حالىق تۇرمىسى ينجەنەريالارى جاپپاي ىلگەرىلەتىلدى... بۋىرشىن اۋدانى دۋلايتى اۋىلدىق ەمحانانىڭ جۇڭي بولمەسىندە ەم - دوم قابىلداپ جاتقان ەكىنشى قىستاعىنىڭ تۇرعىنى ما جي - ۋي اقپار جاريالاۋ ءماجىلىسىن كورگەننەن كەيىن قاتتى اسەرلەندى: ”قازىر قىستاق تۇرعىندارى ۇلكەن قالاعا بارماسادا تاماشا ەمدەۋ شارت - جاعدايىنان يگىلىكتەنە الاتىن بولدى، بالالار ءۇيدىڭ جانىندا جاقسى مەكتەپتەن وقيدى، ناعىز باقىت دەگەن وسى“.
”ءبىز ءار جىلى جەرگىلىكتى الەۋمەتتىك قازىنالىق شىعىستىڭ ％70ىنەن استامىن حالىق تۇرمىسىن قامتاماسىزداندىرۋعا جانە جاقسارتۋعا جۇمسايمىز، ءار ۇلت بۇقاراسىنىڭ تۇرمىس ساپاسى كورنەكتى جوعارىلادى“. التاي ايماقتىق پارتكومنىڭ مۇشەسى گۇلنۇر نۇرعالي مىنانى ءبىلدىردى: بۇدان كەيىن جىلدى - جىلعا جالعاپ ىستەپ، بۇقارانىڭ تۇرمىسىن اناعۇرلىم باقىتتى ەتەمىز.
وسى 10 جىلدا، شينجياڭ مەملەكەتتىك ۇلتتار ىنتىماعىنان، العاباسارلىعىنان ۇلگى كورسەتۋ رايونىنان، ۇلگى كورسەتۋ ورنىنان 81ىن قۇردى. ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتۋ ارقىلى بۇكىل رايونداعى ءار دارەجەلى كادر، جۇمىسشى - قىزمەتكەرلەر ءار ۇلت نەگىزگى ساتى بۇقاراسىمەن جۇپ قۇراپ، تۋىس بولىپ، حالىق قالاۋىنان شىعاتىن، حالىق رايىنا ۇيلەسەتىن كوپتەگەن جاقسى ءىس، ناقتى ءىس ءبىتىردى.
”ءار ۇلت كادر - بۇقاراسى ارالاسۋ، ىشتەسۋ، توعىسۋ بارىسىندا كوڭىلدەرى بارعان سايىن توعىسىپ، سۇيىسپەنشىلىكتەرى بارعان سايىن تەرەڭدەپ، جۇڭحۋا ۇلتى ورتاق تۇلعا تانىمى كوڭىلدىڭ تەرەڭ تۇكپىرىنەن ورىن الدى“. اۆتونوميالى رايوندىق ۇلت كوميتەتىنىڭ (ءدىن ىستەرى مەكەمەسى) ەكىنشى دارەجەلى شارلاۋشىسى ۋاڭ ۋيشىڭ بىلاي دەدى: ”بۇدان كەيىن ءبىز ۇلتتار ىنتىماعى، العاباسارلىعى ىستەرىن نەگىزدىك ءىس رەتىندە مىقتى يگەرىپ، ويداعىداي يگەرىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەيمىز“.
تىنباي جالعاستى كۇرەس جاساپ، كوركەم بولاشاقتى بىرگە اشامىز
”ءدال اقپار جاريالاۋ ماجىلىسىندە ايتىلعانداي، شينجياڭدا تۋىلعان عالامات وزگەرىس، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە بولدى“. شايار اۋداندىق پارتكومنىڭ شۋجيى پان ۋانفىڭ بىلاي دەدى: 10 جىلدىق دامۋ تابىستارى كوپشىلىكتىڭ ىنتىماقتاسا ەكپىندەي ىلگەرىلەۋ سەنىمىن، بەكىمىن اناعۇرلىم نىعايتا ءتۇستى.
اقپار جاريالاۋ ماجىلىسىندە، شينجياڭداعى نەگىزگى ساتى پارتيا ۇيىمدارىنىڭ، پارتيا مۇشەلەرىنىڭ جالپى سانى جەكە - جەكە 2012 - جىلداعىدان 27 مىڭ 258 ارتىپ، 480 مىڭ 300 ادام كوبەيىپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىنىڭ كورنەكتى كۇشەيگەندىگى ايتىلدى. ”شايار اۋدانىنداعى 600دەن استام نەگىزگى ساتى پارتيا ۇيىمى بۇكىل اۋداننىڭ ءاربىر جۇيە ۇشىنا دەيىن جەتتى“. پان ۋانفىڭ بىلاي دەدى: كەلەسى باسقىشتا، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ادال، كىرشىكسىز، جاۋاپكەرشىلىك ارقالايتىن ءار ۇلت جوعارى ساپالى كادرلار قوسىنىن كۇش سالا تۇلعالاپ، پارتيانىڭ نەگىزگى ساتى ۇيىمدىق قۇرىلىسىن ۇزدىكسىز كۇشەيتىپ، ءار ۇلت بۇقاراسىن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىرىپ، ءبىر نيەتپەن سەلبەسىپ كورىكتى مەكەن قۇرامىز.
پارتيا 18 - قۇرىلتايىنان بەرى، ءۇرىمجى حالىقارالىق قۇرلىقتىق پورت اۋماعى، قاشقار ەكونوميكالىق اشۋ رايونى، قورعاس ەكونوميكالىق اشۋ رايونى جانە شەكارا وتكەلى ەكونوميكالىق بەلدەۋى قۇرىلىسى بەلسەندى ناتيجەلەرگە قول جەتكىزىپ، شينجياڭ سالىستىرمالى تۇردە تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى. ءۇرىمجى كەدەنى پارتكومىنىڭ مۇشەسى، ورىنباسار كەدەن باستىعى ۋ ۋي مىنانى ءبىلدىردى: كەدەن كەدەننەن وتكىزۋگە، ىركىلىسسىزدىككە كەپىلدىك ەتۋ، قارقىنىن جوعارىلاتىپ، ونىمدىلىگىن ارتتىرۋ جاعىنا ۇزدىكسىز كۇش سالىپ، سيفرلاندىرىلعان شەكارا وتكەلى قۇرىلىسىن زور كۇشپەن ىلگەرىلەتىپ، باقىلاۋ - باسقارۋ ۇلگىسىندە بەلسەنە جاڭالىق اشىپ، جۇڭگو − ەۆروپا كەزەكشى پويەزدارىنىڭ اناعۇرلىم جاقسى، اناعۇرلىم تەز جۇرۋىنە دەم بەرىپ، ءتۇيىندى توراپتاردىڭ كەدەننەن وتكىزۋ قابىلەتى قۇرىلىسىن ۇزدىكسىز ىلگەرىلەتىپ، شىن مانىندە شينجياڭدى شەكارالىق ەسىك اشۋ مەن ىشكى قۇرلىقتىق ەسىك اشۋدىڭ بەلەسى ەتىپ تۇلعالايدى.
شينجياڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ باس اترەتىنىڭ قالىڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرى مىنانى ءبىلدىردى: كوسەمنىڭ ماڭىزدى تاپسىرماسى مەن حالىقتىڭ ءۇمىتىن جالپىلىق شۇعىل جاعدايعا توتەپ بەرۋدىڭ، قۇتقارۋ - كومەكتەسۋدىڭ نەگىزگى كۇشىنە جانە مەملەكەت اترەتىن قۇرۋدىڭ سارقىلماس قوزعاۋشى كۇشىنە اينالدىرىپ، ەلەۋلى حاۋىپسىزدىك قاتەرىنەن ساقتانۋ جانە ونى جويۋدىڭ، اپاتتارعا، شىرعالاڭدارعا توتەپ بەرۋ جانە ءبىر جاقتى ەتۋدىڭ داۋىرلىك ماڭىزدى مىندەتىن باتىلدىقپەن ارقالاپ، قوسىننىڭ جاۋىنگەرلىك قۋاتىن ۇزدىكسىز جوعارىلاتىپ، شەشۋشى ساتتە شىعا الۋعا، اتويلاي الۋعا، شايقاستا جەڭە الۋعا شىنايى كەپىلدىك ەتىپ، كورىكتى شينجياڭ قۇرۋعا كۇش - قۋات قوسامىز.
(ءتىلشى جاڭ يانفاڭ، قاتىناسقان تىلشىلەر جاڭ يۇنمەي، ليۋ شياڭ، لياڭ ليحۋا، ميھىرگۇل عوپۇر، چىن چياڭۋي، گو ليڭ، جاڭ تيڭ، جاڭ جىلي، ءپاريزات ابدۇل)
