− ”جۇڭگونىڭ وسى 10 جىلى . شينجياڭ“ نەگىزگى تاقىرىپتىق اقپار جاريالاۋ ماجىلىسىنەن ەستەلىك
□ انار بۇلت \ شينجياڭ گازەتىنىڭ ءتىلشىسى لي ياڭ
10 جىل تاريحتىڭ سالقار كوشىنىڭ ءبىر ءساتى عانا، الايدا شينجياڭنىڭ وسى 10 جىلى كۇرەسكەرلەردىڭ ىزىمەن ورنەكتەلىپ، كورىكتى شينجياڭ قۇرۋ كۇيىنىڭ ەڭ اسەرلى نوتاسىن جازدى؛ 10 جىل، 3600 نەشە تاۋلىك، تيانشان الابىنداعى زور وزگەرىس تەرەڭ قويناۋداعى تاريح جاڭعىرىعىن شىعانداتىپ، ءداۋىردىڭ تەلەگەي كۇشىن ايگىلەدى.
8 - ايدىڭ 27 - كۇنى ”جۇڭگونىڭ وسى 10 جىلى. شينجياڭ“ نەگىزگى تاقىرىپتىق اقپار جاريالاۋ ءماجىلىسى شينجياڭ حالىق سارايىندا وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي نەگىزگى تاقىرىپتىق جاريالاۋ ءسوزىن سويلەدى ءارى تىلشىلەردىڭ سۇراۋىنا جاۋاپ بەردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن قاتارلىلار اقپار جاريالاۋ ماجىلىسىنە قاتىناسىپ، تىلشىلەردىڭ سۇراۋىنا جاۋاپ بەرۋ سياقتى فورمالارمەن 10 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تيانشان ۇلاندارىنىڭ قاجىرلىلىقپەن ەڭبەكتەنىپ، ەرلىكپەن العا ىلگەرىلەۋ سىندى ەكپىندەي ىلگەرىلەگەن بارىسىنا قايىرىلا قاراپ، 10 جىلدان بەرى ءۇش تاۋ، ەكى ويپات اراسىنداعى ادامدى جىگەرلەندىرەتىن زور وزگەرىستەردى باياندادى.
تيانشان الابىنىڭ الدىڭعى شەبىن ارالاپ، تىلشىلىك جاساۋ بارىسىندا، الۋان مازمۇنداعى كورگەن - بىلگەندەرىمەن، شينجياڭنىڭ قوعامدىق كەلەلى جاعدايىنىڭ ورنىقتىلىعىنا، حالىقتىڭ تىنىش ءومىر، شات - شادىمان تىرشىلىك كەشىرگەنىنە، بار الاپ تىنىش تا جاراسىمدى بولعان، قارىشتاپ دامىعان الۋان وزگەرىستەرگە كۋا بولعان ەل ءىشى - سىرتىنداعى 24 مەدياداعى 100گە جۋىق ءتىلشى ينتەرنەت جەلىسىندە، ينتەرنەت جەلىسىنەن تىس اقپار جاريالاۋ ماجىلىسىنە قاتىناستى.
تۇستەن بۇرىن، ساعات 10نان 30 مينۋت وتكەندە، اقپار جاريالاۋ ءماجىلىسى رەسمي باستالدى.
”پارتيا 18 - قۇرىلتايىنان بەرگى 10 جىل پارتيا مەن مەملەكەت ىستەرىندە تاريحي جەتىستىكتەرگە قول جەتكەن، تاريحي وزگەرىستەر تۋىلعان 10 جىل، سونداي - اق شي جينپيڭ جاڭا ءداۋىر جۇڭگوشا سوتسياليزم يدەياسى شينجياڭدا ۇلى امالياتىن ايگىلەگەن، قوعام ورنىقتىلىعى مەن باياندى تىنىشتىق جاڭا جاعدايىن قۇلشىنا اشقان 10 جىل بولدى“. ما شيڭرۇي وسى كەرەمەت 10 جىلدىڭ تاريحي ماڭىزىن وسىلاي جيناقتادى.
”10 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق شينجياڭنىڭ رەفورما، دامۋ، ورنىقتىلىق ىستەرىن كوكەيدە ساقتاپ، شينجياڭداعى ءار ۇلت حالقىنا سۇيىسپەنشىلىكپەن كوڭىل ءبولىپ كەلەدى...“. شىنايى سۇيىسپەنشىلىكپەن رياسىز ايتىلعان وسى سوزدەر ادامداردىڭ وي ارقاۋىن سول ءبىر ەستەن كەتپەس ساتتەرگە قايتا ورالتتى.
باس شۋجي شي جينپيڭ شينجياڭعا كەلىپ كوزدەن كەشىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشىپ، تالاي رەت ءماجىلىس باسقارىپ اشىپ، ارناۋلى تاقىرىپتا شينجياڭ قىزمەتىن اقىلداسىپ، ورنالاستىرىپ، شينجياڭ ءۇشىن تىكەلەي جوبا - جوسپار جاساپ، جاعداي باعامداپ، باعدار بەلگىلەپ، رول ۇستاپ، جول باستاپ، قوعام ورنىقتىلىعى مەن باياندى تىنىشتىق شينجياڭ قىزمەتىنىڭ باس نىساناسى ەتىپ ايقىن تۇراقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ورناتىپ، شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ تالابىن العا قويدى.
بيىل 7 - ايدا، باس شۋجي شينجياڭعا تاعى دا كەلىپ كوزدەن كەشىرىپ، ءار ۇلت كادرلارى مەن بۇقاراسىنا امانداسىپ، ولاردان حال سۇراپ، ماڭىزدى ءسوز سويلەپ، ماڭىزدى نۇسقاۋ بەردى. شىنايى ءتالىمى، ىقىلاستى تاپسىرماسى قۇلاق تۇبىندە جاڭعىرىپ، تيانشان ۇلاندارىن باتىل تۇردە باس شۋجي نۇسقاعان بەتالىستى بويلاپ، العىس ايتا ەكپىندەي ىلگەرىلەۋگە، قايراتتانا العا باسۋعا شابىتتاندىردى.
10 جىلدا ماۋەلى تابىسقا قول جەتتى، قاشاندا جايناپ قۇلپىردى. اقپار جاريالاۋ ماجىلىسىنە دەن قويا قۇلاق اسساڭىز، الۋان بوياۋمەن ايشىقتالعان ”10 جىلدىڭ كارتيناسى“ كوز الدىڭىزعا جارق ەتىپ كەلەدى.
بۇل ”10 جىلدىڭ كارتيناسى“ زاڭمەن باسقارۋ ءتۇپ بوياۋىن ايگىلەدى.
ءتۇيىندى سالالاردا زاڭ شىعارۋدى جەدەلدەتىپ، اكىمشىلىك زاڭ اتقارۋ ءتۇزىلىسى رەفورماسىن، ءادىليا ءتۇزىلىسى رەفورماسىن تەرەڭدەتىپ، جالپى حالىقتىق زاڭ جالپىلاستىرۋدى ءۇرتىس تەرەڭدەتىپ، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا ورىستەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن، ارنايىلانۋىن تىڭعىلىقتى ىلگەرىلەتىپ، ءار ۇلت بۇقاراسىنىڭ تىنىشتىق پەن ورنىقتىلىققا دەگەن اڭساۋى مەن تىلەگىن جۇزەگە اسىردى.
بۇل ”10 جىلدىڭ كارتيناسى“ ىنتىماققا، جاراسىمدىلىققا تولدى.
مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى ۇيرەنۋدى، قولدانۋدى جاپپاي ىلگەرىلەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ۇلتتار ىنتىماعىنىڭ گۇلىن تيانشان الابىندا قۇلپىرتتى.
بۇل ”10 جىلدىڭ كارتيناسى“ حالىق تۇرمىسىن مەيىرگە بولەدى.
2021 - جىلى شينجياڭنىڭ وڭىرلىك ءوندىرىس جالپى ءونىم قۇنى ءبىر تريلليون 600 ميلليارد يۋانعا تاياپ، 2012 - جىلداعى 740 ميلليارد يۋاننان ەكى ەسەلەندى. قالا - قالاشىقتاردا جالپى 4 ميلليون 988 مىڭ 700 ادام تىڭنان جۇمىستانىپ، اۋىل - قىستاقتاردا مەكتەپكە دەيىنگى 3 جىلدىق تەگىن تاربيە جانە 9 جىلدىق مىندەتتى وقۋ - اعارتۋدى جاپپاي قامتۋ جۇزەگە اسىرىلدى، ەمدەۋ، قوعامدىق قامسىزداندىرۋ، بەيقۇت ءۇي سياقتى حالىق تۇرمىسى ينجەنەرياسى ءار ۇلت بۇقاراسىنىڭ ”باياندى باقىتىنىڭ“ ارقاۋى بولدى.
بۇل ”10 جىلدىڭ كارتيناسى“ ىقىلاستى قامقورلىقتى جەتكىزدى.
10 جىلدان بەرى، پارتيا ورتالىق كوميتەتى قازىنادان اۋدارىپ تولەۋ، ەلەۋلى نىساندار قۇرىلىسى، ارنايى ءتيىمدى ساياساتتار سياقتى جاقتاردا شينجياڭعا وراسان زور قولداۋ كورسەتتى، شينجياڭعا كومەكتەسكەن 19 ولكە، قالا، ورتالىقتاعى كاسىپورىندار جانە قوعامداعى ءار سالا كۇش سالا قولداۋ كورسەتتى. وتانىمىزدىڭ قۇشاعىندا شينجياڭنىڭ دامۋ ارىنى اناعۇرلىم تەبىندى بولدى.
نەگىزگى تاقىرىپتىق اقپار جاريالاۋدان كەيىن، حالىق گازەتى، شينحۋا اگەنتتىگى، ورتالىق راديو - تەلەۆيزيا باس ستانسياسى، جۇڭگو گازەتى، جۇڭگو اقپارات اگەنتتىگى، شينجياڭ گازەتى، شينجياڭ راديو - تەلەۆيزيا ستانسياسى، حالىق سايتى، بيڭتۋان گازەتى سياقتى اقپارات ورىندارىنان 9 ءتىلشى ىلگەرىندى - كەيىندى سۇراۋ قويدى، سول ورىنداعى اۆتونوميالى رايوننىڭ باسشىلارى ناقتى مىسالدار جانە ناقتى دا نانىمدى ساندى مالىمەتتەر ارقىلى ءبىر - بىرلەپ جاۋاپ قايتاردى.
سۇراۋ - جاۋاپ بارىسىندا، تيانشان الابىنىڭ بولماشىدان قۇرالعان زور وزگەرىستەرى كوز الدىعا ەلەستەتىلدى.
ورتالىق راديو - تەلەۆيزيا باس ستانسياسىنىڭ ءتىلشىسى ليۋ في تالاي جىلدان بەرى تىلشىلىكتىڭ الدىڭعى شەبىندە بولعان، اقپار جاريالاۋ ماجىلىسىنە قاتىناسقاننان كەيىن، ول تەرەڭ اسەر الدى: ”كەرەمەت 10 جىل، شينجياڭنىڭ بايتاق دالاسىندا تۋىلعان وراسان زور وزگەرىستەر ءبىزدىڭ اقپاراتتىق حابارىمىزدىڭ جاندى العاشقى ماتەريالى“. ول بىلاي دەدى: الداعى جەردە قىزمەتتەستەرىممەن بىرگە ۇزدىكسىز قۇلشىنىپ، شينجياڭ حيكاياسىن ويداعىداي بايانداپ، شينجياڭنىڭ اسەمدىگىن ءتىپتى دە كوپ ادامدارعا سەزىندىرەمىز.
شينجياڭ راديو - تەلەۆيزيا ستانسياسىنىڭ ءتىلشىسى گىرىلتقا اقپار جاريالاۋ ماجىلىسىندە ايتىلعان شينجياڭ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قۇرۋدا دەگەن ءسوز تەرەڭ اسەر قالدىردى. ول بىلاي دەدى: شينجياڭ ءتۇرلى بازار تۇلعالارىنىڭ قارجى قوسىپ، شارۋاشىلىعىن گۇلدەندىرەتىن ىرىستى مەكەنگە، جاڭالىق اشىپ، شارۋاشىلىق قۇرۋدىڭ قۇنارلى توپىراعىنا اينالۋدا، بۇل ارانىڭ كەلەشەگى شەكسىز، بولاشاعىنان ءۇمىت كۇتۋگە بولادى!
ماۋەلى تابىسقا جەتۋ داعدىعا اينالدى، كەمەل شارامەن كەسەك جەتىستىككە جەتتى. ۇيتقىعا ءجىتى ىلەسىپ، نىسانادان كوز جازباي، ەرلىكپەن العا ىلگەرىلەيىك، شىت جاڭا كارتينا ءبىزدىڭ دەن قويا كەستەلەۋىمىزدى كۇتۋدە.
