تيانشان تورى
تيانشان تورى   ›   جاڭالىقتار   ›   شينجياڭ حابارلارى

10 جىلدىق وراسان زور وزگەرىسكە كۋا بولدىق، تاعى دا نۇر - شۇعىلالى ناتيجە جاراتۋعا قۇلشىنامىز

− ”جۇڭگونىڭ وسى 10 جىلى . شينجياڭ“ نەگىزگى تاقىرىپتىق اقپار جاريالاۋ ءماجىلىسى قالىڭ كادرلار مەن بۇقارا اراسىندا قىزۋ اڭىس قوزعادى

□ انار بۇلت \ شينجياڭ گازەتىنىڭ تىلشىلەرى

  بايتاق دالادا وراسان زور وزگەرىستەر تۋىلىپ، ۇلى ارمان جۇزەگە اسۋدا؛ زامانانىڭ توقتاۋسىز كەرۋەنىندە ەرەن تابىستارعا قول جەتكىزدىك.

  پارتيا 18 - قۇرىلتايىنان بەرگى وسى 10 جىلدا، شينجياڭنىڭ ءتۇرلى ىستەرىندە وراسان زور تابىسقا قول جەتتى. ”جۇڭگونىڭ وسى 10 جىلى . شينجياڭ“ نەگىزگى تاقىرىپتىق اقپار جاريالاۋ ماجىلىسىندە ”10 جىلدىڭ كارتيناسى“ اقىرىن - اقىرىن جايىلدى. وسى وراسان زور وزگەرىستەردىڭ كۋاگەرى، قۇرىلىسشىسى جانە ات سالىسۋشىسى رەتىندە، رايونىمىزداعى قالىڭ كادرلار مەن بۇقارا شەكسىز تەبىرەندى جانە ماقتانىش سەزىندى. كوپشىلىك ءبىر اۋىزدان مىنالاردى ءبىلدىردى: تيانشان الابىندا تۋىلعان وراسان زور وزگەرىستەر، تۇبىرىنەن العاندا، باس شۋجي شي جينپيڭنىڭ رول ۇستاپ، جول باستاۋىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە بولدى. اناعۇرلىم بەرىك سەنىممەن، اناعۇرلىم اسقاق كۇرەس جىگەرىمەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا قۇلشىنىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الامىز.

ىنتىماقتى دارىپتەپ، جاراسىمدىلىقتى جەبەۋدىڭ نەگىزى بەرىك بولدى

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رايونىمىز شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولدى، ىنتىماق پەن جاراسىمدىلىق شينجياڭنىڭ ەڭ جارقىن قاسيەتىنە اينالدى.

  ”اقپار جاريالاۋ ءماجىلىسىنىڭ الەۋمەتتىڭ حاۋىپسىزدىك سەزىمى جوعارىلادى دەپ جاريالاۋى ءبىزدىڭ قىزمەتىمىزگە دەگەن ەڭ ۇلكەن تۇراقتاندىرۋ“، - دەدى قۇمىل قالاسى يجوۋ رايوندىق قوعام حاۋىپسىزدىگى مەكەمەسى لييۋان ساقشى بولىمشەسىنىڭ باستىعى جاڭ تيانلەي. بۇل ساقشى بولىمشەسى يجوۋ رايونىنداعى ساۋدا گۇلدەنگەن جەرگە ورنالاسقان، بۇل جەردە سالالار، الاڭ - ورىندار مەن مەكەمە - ورىندار كوپ. ”سالالار ءوزىن - ءوزى باسقارۋ، قوعام حاۋىپسىزدىگى تاراۋى باقىلاپ - باسقارۋ، بىرلەسىپ مىندەت وتەپ، قوسىلا ارەكەت ەتۋ، اماندىقتى بىرگە سومداۋ“ سىندى سالالاردى باسقارۋ جاڭا ارناسىن ورناتۋدى تياناق ەتكەن ساقشى بولىمشەسى 2019 - جىلى سالالار شارلاۋ - تەكسەرۋ اترەتىن قۇردى، بيىل جىل باسىنان بەرى 200 نەشە ورىنداعى حاۋىپسىزدىك كومەسكى قاتەرىن بايقادى ءارى رەتتەۋ - تۇزەتۋگە قۋزادى، جەتەكشىلىك ەتتى، 224 قايشىلىقتى، داۋ - شاردى اداقتاپ تەكسەرىپ شەشتى. ”ءبىز جاڭا داۋىردەگى ’فىڭچياۋ تاجىريبەسىنە‘ تاباندى بولىپ جانە ونى دامىتىپ، تىنىش شينجياڭ قۇرىلىسىن ىلگەرىلەتەمىز“، - دەدى جاڭ تيانلەي.

  التاي قالاسى شاشۋ جولى ءمالىسى شاشۋ الەۋمەتتىك اۋماعىندا 12 ۇلتتىڭ تۇرعىندارى تۇرادى. كوپ جىلدان بەرى، بۇل اراداعى كورشىلەر بەرەكەلى، تاتۋ - ءتاتتى ءوتىپ كەلەدى. ”اقپار جاريالاۋ ماجىلىسىندە ايتىلعانداي، ’ۇلتتار ىنتىماعىنىڭ بەرەكەلى شاڭىراعى‘ جانە ۇلتتار ىنتىماعى دوستىق قيمىلىن ىشكەرىلەي ورىستەتۋ ارقىلى كادرلار مەن جۇمىسشى - قىزمەتكەرلەر ءار ۇلت نەگىزگى ساتى بۇقاراسىمەن جۇپ قۇراپ، تۋىس بولىپ، جۇرت تىلەگىنە قول جەتكىزگەن، حالىقتىڭ قالاۋىنا ۇيلەسكەن كوپتەگەن يگى ىستەردى، ناقتى ىستەردى تىندىردى“. الەۋمەتتىك اۋماق پارتيا باس ياچەيكاسىنىڭ شۋجيى لي ي بىلاي دەدى: ءبىز ۇلتتار ىنتىماعى سىندى جان تامىردى ويداعىداي قورعاپ، ءار ۇلت بۇقاراسىنىڭ ەتەنە بايلانىسىن، ءوزارا قارايلاسۋىن جەبەپ، كورىكتى مەكەندى بىرگە قۇرامىز.

دامۋدى جوسپارلاۋدىڭ، حالىق تۇرمىسىن يگىلىككە كەنەلتۋدىڭ تاتىمى مول بولدى

  ”كومىردى ەلەكترگە وزگەرتۋدىڭ“ 2 - مەرزىمدىك ينجەنەرياسى جەدەل ىلگەرىلەتىلدى؛ ەرەكشە، باسىمدىققا يە كاسىپ سالالارى جەدەل دامىپ، مۇناي - تابيعي گازدىڭ ءونىم مولشەرى، سۇرىپتالماعان كومىردىڭ ءونىم مولشەرى، جەل ەنەرگياسى، كۇن ەنەرگياسى ەلەكتر مولشەرى بۇكىل ەلدىڭ الدىڭعى لەگىن يەلەدى؛ ”ءبىر بەلدەۋ، ءبىر جول“ بويىنداعى ەلدەرمەن ەكونوميكا - ساۋدا، اۋىس - كۇيىس سەلبەستىگى كۇشەيىپ، ”دوستار شەڭبەرى“ ۇزدىكسىز كەڭەيدى...

  اقپار جاريالاۋ ماجىلىسىندەگى ينفورماتسيالار شينجياڭ حالىقارالىق كورمە ىستەرى مەكەمەسى پارتيا باسشىلىق گرۋپپاسىنىڭ شۋجيى جۋ حىشياڭدى ايرىقشا تەبىرەنتتى، ول بىلاي دەپ قارادى: جۇڭگو − ازيا − ەۆروپا كورمەسىنىڭ شينجياڭنىڭ ەسىك اشۋى مەن دامۋىندا اتقارعان رولى بارعان سايىن زورايۋدا. ”قازىر 7 - كەزەكتى جۇڭگو − ازيا − ەۆروپا كورمەسىنە دايىندىق قاۋىرت جۇرگىزىلۋدە، ءبىز مىندەتىمىزدى مۇقيات اتقارىپ، جاۋاپكەرشىلىگىمىزدى ادا ەتىپ، ىرىقتىلىقپەن ىسكەرلىك كورسەتىپ، دۇنيە ءجۇزىنىڭ جۇڭگو − ازيا − ەۆروپا كورمەسى سىندى كوپىر ارقىلى شينجياڭدى اناعۇرلىم ويداعىداي تۇسىنۋىنە مۇمكىندىك جاسايمىز“، - دەدى جۋ حىشياڭ.

  اقپار جاريالاۋ ماجىلىسىندە ايتىلعان حالىق تۇرمىسى ەسەبىنىڭ تاتىمى مول بولدى: اۋىل - قىستاقتاعى بالالاردىڭ ءۇي ماڭىندا وقۋعا ءتۇسۋ ارمانى جۇزەگە استى؛ قالا مەن اۋىلداعى ەڭبەككۇشتەردى تۇگەلدەي جۇمىستاندىرۋ نەگىزىنەن جۇزەگە استى؛ ەمدەۋ، قوعامدىق قامسىزداندىرۋ، بەيقۇت ءۇي سياقتى حالىق تۇرمىسى ينجەنەريالارى جالپى بەتتىك ىلگەرىلەتىلدى؛ اۋىل - قىستاقتاعى 3 ميلليون 64 مىڭ 900 كەدەي حالىق تۇگەلدەي كەدەيلىكتەن ارىلىپ، مۇلدەم كەدەيلىك ماسەلەسى تاريحي شەشىم تاپتى...

  كەزىندەگى اۋىر كەدەي قىستاق كەريا اۋدانى لانگان اۋىلى ۇزمەلىك ارقا قىستاعىندا قازىر باقىت لەبى ەسەدى. 8 - اي قىستاقتاعى ءجۇزىم پىساتىن مەزگىل، مول ءونىم قۋانىشى ءاربىر قىستاق تۇرعىنىنىڭ جۇزىنەن كورىنىپ تۇر. ”قىستاقتىڭ جان باسىندىق تازا كىرىسى بۇرىنعى 6000 يۋان اينالاسىنان قازىرگى 12 مىڭ 600 يۋانعا ارتتى، ءجۇزىم قىستاق تۇرعىندارىنىڭ كىرىسىن ارتتىراتىن كاسىپ سالاسىنا اينالدى“. وبۇلاسەن ابدۇقادىر قىستاقتاعى سەلبەستىك كووپەراتيۆىنىڭ جاۋاپتىسى، قىستاقتاعى ءجۇزىمدى ساتىپ الۋ، وڭدەۋ جانە ساتۋعا جاۋاپتى، ”كەلەسى قادامدا، ءبىز ءجۇزىم كاسىپ سالاسى تىزبەگىن ۇزارتۋعا كۇش سالىپ، قىستاق تۇرعىندارىنىڭ كىرىسىن ارتتىرۋىنىڭ جاڭا جولىن اشامىز“، - دەدى ول.

قوسىندى يگەرۋدىڭ، نەگىزدى كۇشەيتۋدىڭ ونىمدىلىگى كورنەكتى بولدى

  اقپار جاريالاۋ ماجىلىسىندە بىلاي دەلىندى: تالاي جىلدان بەرى، شينجياڭ كادر، دارىندىلار قوسىنىن ۇزدىكسىز كۇشەيتىپ قۇرىپ، ءار دارەجەلى باسشىلىق القالارعا ۇزدىكتەردى تاڭداپ، مىقتىلاردى قويدى، ءار ۇلت تاڭداۋلى كادر، دارىندىلارىن تاربيەلەۋگە، تاڭداپ وسىرۋگە ءمان بەرىپ، جوعارى دەڭگەيلى، شۇعىل قاجەتتى، تاپشى دارىندىلاردان جيىنى 38 مىڭ ادامدى اكەلىپ، تاياۋدا دارىندىلاردى دامىتۋدىڭ 10 ميلليارد يۋاندىق قورىن قۇردى.

  ”بۇل − تاريحي تابىس جانە تاريحي وزگەرىس“. اقسۋ ايماقتىق پارتكوم ۇيىمداستىرۋ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ياڭ شياۋلين مىنالاردى ءبىلدىردى: باس شۋجي شي جينپيڭنىڭ ورتالىقتىڭ دارىندىلار قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي، جان - جاقتى ۇيرەنىپ، دايەكتىلەندىرىپ، دارىندىلاردى دامىتۋ ءتۇزىلىس - مەحانيزمى رەفورماسىن ۇزدىكسىز تەرەڭدەتۋ جاعىندا كۇش سالىپ، رەفورمادان قوزعاۋشى كۇش الىپ، دامۋعا دارىندى جەتىلدىرەمىز.

  نەگىزگى ساتى ورنىقتى بولسا، شينجياڭ ورنىقتى بولادى. 10 جىلدان بەرى، شينجياڭنىڭ نەگىزگى ساتى پارتيا ۇيىمدارىنىڭ جاۋىنگەر قورعاندىق رولى كورنەكتى كۇشەيدى. جەمسارى اۋدانى دايوۋ قالاشىق پارتكومىنىڭ شۋجيى تاڭ گوچياڭ اقپار جاريالاۋ ءماجىلىسىنىڭ ناقتى تىكە تاراتىلۋىن كورگەننەن كەيىن تەرەڭ اسەر الىپ بىلاي دەدى: ”نەگىزگى ساتى پارتيا ۇيىمى حالىق بۇقاراسىنىڭ تاماشا تۇرمىسقا دەگەن تالپىنىسىمەن تىعىز جاناسىپ، حالىقتىڭ رازى بولۋ - بولماۋىن، قۋانۋ - قۋانباۋىن، ماقۇل بولۋ - بولماۋىن، قۇپتاۋ - قۇپتاماۋىن قىزمەت ونىمدىلىگىن باعالاۋدىڭ ءتۇبىرلى ولشەمى ەتىپ، ماسەلەنى باعدار ەتۋگە تاباندى بولىپ، پارمەندى شارالاردى جولعا قويىپ، ءار ۇلت بۇقاراسىنا اناعۇرلىم جاقسى قىزمەت وتەۋگە قۇلشىنۋ كەرەك“.

  (ءتىلشى جاڭ يۇنمەي، قاتىناسقان تىلشىلەر سۇي يۇنيان، ميھىرگۇل عوپۇر، حي حۇڭۋي، ءپاريزات ابدۇل، لياڭ ليحۋا، جاڭ جىلي)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.