انار بۇلت \ شينجياڭ گازەتىنىڭ ءتىلشىسى چىن چياڭۋي 8 - ايدىڭ 29 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 7 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 115 ميلليارد 470 ميلليون يۋان حالىق اقشاسى بولىپ، سايكەس مەزگىلدەگىدەن ％38.1 ارتىپ، بۇكىل ەلدىڭ ارتۋ جىلدامدىعىنان 27.7 پايىز جوعارى بولعان.
الدىڭعى 7 ايدا شينجياڭنىڭ ەكسپورت جالپى قۇنى 95 ميلليارد 40 ميلليون يۋان بولىپ، سايكەس مەزگىلدەگىدەن ％46.7 ارتىپ، بۇكىل ەلدىڭ ارتۋ جىلدامدىعىنان 32 پايىز جوعارى بولعان، يمپورت جالپى قۇنى 20 ميلليارد 430 ميلليون يۋان بولىپ، سايكەس مەزگىلدەگىدەن ％8.7 ارتىپ، بۇكىل ەلدىڭ ارتۋ جىلدامدىعىنان 3.4 پايىز جوعارى بولعان.
ەكونوميكانى ورنىقتىرۋدىڭ ءبىر قىدىرۋ ساياسات - شارالارىنىڭ تياناقتانۋىنا ىلەسە، بۇكىل شينجياڭداعى ％80 ايماق، وبلىس، قالانىڭ سىرتقى ساۋداسى ارتۋدى جۇزەگە اسىردى، وڭتۇستىك، سولتۇستىك شينجياڭ ءوڭىرىنىڭ سىرتقى ساۋداسىندا سەلبەسە دامۋ جاعدايى جارىققا شىقتى. ءۇرىمجى قالاسى، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى سياقتى سولتۇستىك شينجياڭداعى ايماق، وبلىس، قالالار ءالى دە شينجياڭنىڭ سىرتقى ساۋداسىنداعى نەگىزگى كۇش بولىپ كەلەدى، مۇنىڭ ىشىندە التاي ايماعىنىڭ ارتۋ شاماسى ەڭ ۇلكەن بولىپ، سايكەس مەزگىلدەگىدەن ％8. 241 ارتتى. مۇنان سىرت، وڭتۇستىك شينجياڭ ءوڭىرىنىڭ بەينەسى دە كورنەكتى بولدى. قاشقار ايماعىنىڭ، اقسۋ ايماعىنىڭ، بايىنعولين موڭعۇل اۆتونوميالى وبلىسىنىڭ سىرتقى ساۋداسىنىڭ ارتۋى كورنەكتى بولىپ، يمپورت - ەكسپورت قۇنى جەكە - جەكە سايكەس مەزگىلدەگىدەن ％6. 55، ％5. 83، ％5. 37 ارتتى.
ساۋدا تاسىلىنەن قاراعاندا، الدىڭعى 7 ايدا شينجياڭنىڭ شەكارالىق شاعىن سومالى ساۋدا تاسىلىندەگى يمپورت - ەكسپورتى 65 ميلليارد 440 ميلليون يۋان بولىپ، سايكەس مەزگىلدەگىدەن ％1. 58 ارتقان، ادەتتەگى ساۋدا تاسىلىندەگى يمپورت - ەكسپورتى 37 ميلليارد 180 ميلليون يۋان بولىپ، سايكەس مەزگىلدەگىدەن ％2.4 ارتقان، ەكەۋىنىڭ قوسىندىسى بىلتىرعى سول تۇستاعى شينجياڭنىڭ سىرتقى ساۋدا جالپى قۇنىنىڭ ％9. 88ىن ۇستاپ، شينجياڭنىڭ سىرتقى ساۋداسىنداعى نەگىزگى ساۋدا تاسىلىنە اينالعان.
سىرتقى ساۋدا ساندى مالىمەتىندە كورسەتىلۋىنشە، ورتا ازياداعى 5 ەل جۇڭگو شينجياڭىنىڭ نەگىزگى ساۋدا سەرىگى بولعان. جۇڭگو شينجياڭىنىڭ ورتا ازياداعى 5 ەلمەن بولعان جالپى يمپورت - ەكسپورت قۇنى 87 ميلليارد 650 ميلليون يۋان بولىپ، سايكەس مەزگىلدەگىدەن ％44.4 ارتىپ، بىلتىرعى سول تۇستاعى شينجياڭنىڭ سىرتقى ساۋدا جالپى قۇنىنىڭ ％75.9ىن ۇستاعان. ”ءبىر بەلدەۋ، ءبىر جول“ بويىنداعى ەلدەرمەن يمپورت - ەكسپورتى 105 ميلليارد 120 ميلليون يۋان بولىپ، سايكەس مەزگىلدەگىدەن ％1. 44 ارتىپ، شينجياڭنىڭ سىرتقى ساۋدا يمپورت - ەكسپورتى جالپى قۇنىنىڭ ％91ىن ۇستاعان. شىعىس وڭتۇستىك ازيا ەلدەرى وداعىمەن بولعان يمپورت - ەكسپورت قۇنىنىڭ ارتۋى تەزدەپ، سايكەس مەزگىلدەگىدەن ％7. 32 ارتقان؛ RCEP ەلدەرىمەن بولعان يمپورت - ەكسپورت قۇنى سايكەس مەزگىلدەگىدەن ％20.4 ارتقان.
شينجياڭنىڭ باستى ەكسپورت تاۋارلارى جالپى بەتتىك ارتتى، مەتال كەن قيىرشىعى، اۋىل شارۋاشىلىق ونىمدەرى جانە كومىر يمپورتىنىڭ ارتۋى تەبىندى بولدى. ەكسپورت ەتىلگەن تاۋارلار، باستىسى، ەڭبەك شوعىرلانعان ونىمدەرگە جانە ەلەكتر جابدىقتارى ونىمدەرىنە شوعىرلانىپ، ەكەۋىنىڭ جيىنتىعى شينجياڭنىڭ سىرتقى ساۋدا ەكسپورتى جالپى قۇنىنىڭ ％7. 80ىن ۇستادى، مۇنىڭ ىشىندە توقىماشىلىق، كيىم - كەشەك، اياق كيىمدى ۋاكىلدىك ەتكەن ەڭبەك شوعىرلانعان ونىمدەرىنىڭ ەكسپورتى 49 ميلليارد 170 ميلليون يۋان بولىپ، سايكەس مەزگىلدەگىدەن ％58.2 ارتتى، ەلەكتر جابدىقتارى ونىمدەرى ەكسپورتى سايكەس مەزگىلدەگىدەن ％39.5 ارتتى.
ءۇرىمجى كەدەنى پارتكومىنىڭ مۇشەسى، ورىنباسار كەدەن باستىعى ۋ ۋي مىنالاردى ءبىلدىردى: كەزەكتە شينجياڭدا ناقتى ارحيۆكە الىنعان سىرتقى ساۋدا كاسىپورىندارىنان 14 مىڭ 889 كاسىپورىن بار، الدىڭعى 7 ايدا حالىقتىق كاسىپورىنداردىڭ يمپورت - ەكسپورت قۇنى 103 ميلليارد 90 ميلليون يۋان بولىپ، سايكەس مەزگىلدەگىدەن ％9. 47 ارتىپ، بىلتىرعى سول تۇستاعى شينجياڭنىڭ سىرتقى ساۋدا جالپى قۇنىنىڭ ％3. 89ىن ۇستادى.
