شي جينپيڭ مەملەكەتتىك ”حالىق رازى مەملەكەت قىزمەتكەرلەرىنىڭ“ جانە ”حالىق رازى مەملەكەت قىزمەتكەرلەرى كوللەكتيۆتەرىنىڭ“ ۋاكىلدەرىمەن كەزدەستى

شي جينپيڭ مەملەكەتتىك ”حالىق رازى مەملەكەت قىزمەتكەرلەرىنىڭ“ جانە ”حالىق رازى مەملەكەت قىزمەتكەرلەرى كوللەكتيۆتەرىنىڭ“ ۋاكىلدەرىمەن كەزدەستى

لي كىچياڭ كەزدەسۋگە قاتىناستى، ۋاڭ حۋنيڭ، حان جىڭ كەزدەسۋگە قاتىناستى ءارى ماداقتاۋ - سيلاۋ جينالىسىنا قاتىناستى

　　8 - ايدىڭ 30 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ، حان جىڭ قاتارلىلار بەيجيڭ حالىق سارايىندا، مەملەكەتتىك ”حالىق رازى مەملەكەت قىزمەتكەرلەرىنىڭ“ جانە ”حالىق رازى مەملەكەت قىزمەتكەرلەرى كوللەكتيۆتەرىنىڭ“ ۋاكىلدەرىمەن كەزدەستى.

　　□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

　　شينحۋا اگەنتتىگىنىڭ 8 - ايدىڭ 30 - كۇنى بەيجيڭنەن بەرگەن حابارى. مەملەكەتتىك ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جينالىسى 8 - ايدىڭ 30 - كۇنى تۇستەن بۇرىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماداقتالىپ - سيلانعانداردىڭ ۋاكىلدەرىمەن ىقىلاسپەن كەزدەسىپ، ولاردان شىنايى حال سۇرادى جانە ولاردى قىزۋ قۇتتىقتادى، ولاردى بورىشتى، جاۋاپكەرشىلىكتى ەستە بەرىك ساقتاپ، باتىلدىقپەن جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىردى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ كەزدەسۋگە قاتىناستى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋگە قاتىناستى ءارى ماداقتاۋ - سيلاۋ جينالىسىندا ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ كەزدەسۋگە قاتىناستى ءارى جينالىستا ماداقتاۋ - سيلاۋ قاۋلىسىن وقىدى.

　　تۇستەن بۇرىن ساعات 11دە شي جينپيڭ قاتارلىلار حالىق سارايىنىڭ سولتۇستىك زالىنا كەلگەندە، بۇكىل زالدان دۋ قول شاپالاق ءۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا بارىپ، كوپشىلىكپەن ىقىلاستى تۇردە پىكىرلەستى ءارى سۋرەتكە ءتۇسىپ ەستەلىك قالدىردى.

　　حان جىڭ ماداقتاۋ - سيلاۋ جينالىسىندا «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ مەملەكەتتىك ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جونىندەگى قاۋلىسىن» وقىدى. قاۋلىدا مىنالار اتاپ كورسەتىلدى: پارتيا 20 - قۇرىلتايى اشىلۋ قارساڭىندا، وزات تيپتەردى ماداقتاپ - سيلاپ، كۇرەسكەرلىك رۋحتى اسقاقتاتىپ، قالىڭ مەملەكەت قىزمەتكەرلەرى مەن مەملەكەت قىزمەتكەرلەرى كوللەكتيۆتەرىن جاڭا جورىقتا ەكپىندەي ىلگەرىلەۋگە، جاڭا داۋىرگە ۇلەس قوسۋعا شابىتتاندىرۋ، جۇمىلدىرۋ ءۇشىن، پارتيا ورتالىق كوميتەتى، مەملەكەتتىك كەڭەس جۋ چين قاتارلى 397 جولداسقا مەملەكەتتىك ”حالىق رازى مەملەكەت قىزمەتكەرلەرى“ اتاعىن بەرۋدى؛ بەيجيڭ ليزى فينانس - ساۋدا ىستەرى رايونىن باسقارۋ كوميتەتى قاتارلى 198 كوللەكتيۆكە مەملەكەتتىك ”حالىق رازى مەملەكەت قىزمەتكەرلەرى كوللەكتيۆى“ اتاعىن بەرۋدى ۇيعاردى.

　　ۋاڭ حۋنيڭ جينالىستا ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ ماداقتالىپ - سيلانعانداردىڭ ۋاكىلدەرىمەن ىقىلاستى تۇردە كەزدەسۋى پارتيا ورتالىق كوميتەتى مەن باس شۋجي شي جينپيڭنىڭ مەملەكەت قىزمەتكەرلەرى قوسىنى قۇرىلىسىنا ايرىقشا ءمان بەرەتىندىگىن، مەملەكەتتىك ”حالىق رازى مەملەكەت قىزمەتكەرلەرىنە“ جانە ”حالىق رازى مەملەكەت قىزمەتكەرلەرى كوللەكتيۆتەرىنە“ دەگەن ايرىقشا ماراپاتىن، بۇكىل ەلدەگى قالىڭ مەملەكەت قىزمەتكەرلەرىنە شىنايى قامقورلىعىن تولىق ايگىلەدى. پارتيا 18 - قۇرىلتايىنان بەرى باس شۋجي شي جينپيڭ حالىق رازى بولاتىن مەملەكەت قىزمەتكەرلەرى قوسىنىن قۇرۋدى ارقاۋ ەتە وتىرىپ، ءبىر قىدىرۋ ماڭىزدى بايىمداۋلار جاساپ، جاڭا داۋىردەگى مەملەكەت قىزمەتكەرلەرى قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى. جاڭا جورىقتا قالىڭ مەملەكەت قىزمەتكەرلەرى باستاماشىلدىقپەن تۋى ايقىن تۇردە ساياسيدى دارىپتەپ، شي جينپيڭ جاڭا ءداۋىر جۇڭگوشا سوتسياليزم يدەياسىن باستاماشىلدىقپەن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، “ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. حالىقتى وزەك ەتۋگە باستاماشىلدىقپەن تاباندى بولىپ، بۇقارامەن تىعىز بايلانىس ورناتۋدىڭ ۇلگىسى بولۋ، جاڭا دامۋ ۇستانىمىن باستاماشىلدىقپەن دايەكتىلەندىرىپ، جوعارى ساپالى دامۋدى ىلگەرىلەتۋدىڭ ۇلگىسى بولۋ، تۇزىمگە باستاماشىلدىقپەن بويسۇنىپ، ءتۇزىمدى اتقارۋدىڭ ۇلگىسى بولۋ، باستاماشىلدىقپەن ونەگە كورسەتىپ، ءوزىن تاربيەلەپ، پاك مادەنيەتتى جەتىلدىرۋدىڭ ۇلگىسى بولۋ كەرەك. پارتيانىڭ مەملەكەت قىزمەتكەرلەرى قىزمەتىنە باسشىلىعىن كۇشەيتىپ، پارتيا الاڭسىز، حالىق رازى بولاتىن جوعارى ساپالى ماماندانعان مەملەكەت قىزمەتكەرلەرى قوسىنىن قۇرۋعا قۇلشىنۋ كەرەك.

　　ديڭ شۋەشياڭ، حۋ چۇنحۋا، حۋاڭ كۇنميڭ، شياۋ جيە كەزدەسۋگە جانە جينالىسقا قاتىناستى، چىن شي كەزدەسۋگە قاتىناستى ءارى جينالىستى باسقاردى.

　　جينالىستا ماداقتالىپ - سيلانعان ۋاكىلدەرگە سيلىق تاراتىلدى. ماداقتالىپ - سيلانعان جەكەلەر مەن كوللەكتيۆتەردىڭ ۋاكىلدەرى ماجىلىستە لەبىز ءبىلدىردى.