ما شيڭرۇي، ەركىن تۇنياز ۇرىمجىدە ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى
تيتتەي دە بوساڭسىماستان قالتقىنى بەكەمدەپ، ىندەتتەن ساقتانۋ - تىزگىندەۋدىڭ ۇدايىلانۋىن ويداعىداي يگەرۋ كەرەك
لي يفي قيمىلعا قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 30 - كۇنى ۇرىمجىدەن حابارلايدى. 8 - ايدىڭ 30 - كۇنى تۇستەن كەيىن، اۆتونوميالى رايوندىق پارتكومنىڭ شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي، اۆتونوميالى رايوننىڭ ءتوراعاسى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى ەركىن تۇنياز قاتارلىلار ءۇرىمجى قالالىق ىندەتتەن ساقتانۋ - تىزگىندەۋ قىزمەتى قولباسشىلىق شتابىنا كەلىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ونان ارى دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن تياناقتاندىرىپ، قوعامدىق جاقتا نولگە ءتۇسىرۋدى، ءسوز جوق، جۇزەگە اسىرىپ، ىندەتتەن ساقتانۋ - تىزگىندەۋدىڭ ۇدايىلانۋىن ويداعىداي يگەرۋ سياقتى قىزمەتتەر جونىندە تەكسەرۋ - زەرتتەۋ جۇرگىزدى، ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىنەن بەرگەن مالىمەتىن تىڭداپ، حىسۋان تەكسەرۋ قابىلەتى، ”ءۇش اۋماققا“ ءبولىپ باسقارۋ، اۋاشالاۋ ورىندارى قۇرىلىسى سياقتىلاردىڭ احۋالىن ەگجەي - تەگجەيلى ۇعىسىپ، جاعدايدى تۇجىرىمداپ، جەتەرسىزدىكتەردى ىزدەپ، قاتىستى شارالاردى كەمەلدەندىرۋ، تياناقتاندىرۋ جونىندە تاعى دا اقىلداسىپ، تاعى دا ورنالاستىرۋ جاسادى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار قيمىلعا قاتىناستى.
ما شيڭرۇي بىلاي دەپ اتاپ كورسەتتى: وسى مەزگىلدەردەگى جاپالى دا تىڭعىلىقتى قىزمەت ىستەۋدىڭ ارقاسىندا، بۇكىل رايوننىڭ ىندەتتەن ساقتانۋ - تىزگىندەۋ جاعدايى جاقسارۋعا قاراي بەت الىپ، ءۇرىمجى قالاسىنىڭ كوپتەگەن رايوندارى ”جاڭادان ارتپاۋدى“ جۇزەگە اسىردى، جوعارى حاۋىپ - قاتەرلى اۋماقتاردا جاڭادان قوسىلعان ناۋقاستار ۇزدىكسىز ازايدى، الايدا قازىرگى ۋاقىتتا شەكارا سىرتىنداعى ىندەت ۇزدىكسىز ءورشىپ، ەل ىشىندەگى ىندەت كوپ تۇيىندە بىتىراي تارالۋدا، رايونىمىزدىڭ قوعامدىق جاقتاعى حاۋىپ - قاتەرى ءالى بۇكىلدەي جويىلعان جوق، ونىڭ ۇستىنە جۇڭچيۋ، مەملەكەت مەرەكەسى سىندى ”ەكى مەرەكەنىڭ“ جاقىنداپ قالۋىنا بايلانىستى، كىرۋ سيپاتتى، جىلجىمالىلىق سيپاتتى حاۋىپ - قاتەر ارتىپ، ىندەتتەن ساقتانۋ - تىزگىندەۋ قىسىمعا جانە سىناققا ۇزدىكسىز ءدوپ كەلۋدە، ءسوز جوق، مەملەكەتتىڭ 9 - نۇسقاداعى ساقتانۋ - تىزگىندەۋ جوباسىن مۇقيات اتقارىپ، ”جىلدام، قاتاڭ، ءدال، ەگجەي - تەگجەيلى، ناقتى“ بولۋ تالابى بويىنشا، سىرتتان كىرۋدەن ساقتانۋدى، ىشتە ەكشەي تەكسەرۋدى كۇشەيتىپ، ساقتانۋ - تىزگىندەۋ قالتقىسىن بەكەمدەپ، حىسۋان تەكسەرۋ، ەپيدەميولوگيالىق تەكسەرۋ، اۋىستىرىپ تاسىمالداۋ، اۋاشالاپ باسقارۋ - تىزگىندەۋ سياقتى ءبىر جاقتى ەتۋ قابىلەتىن بارىنشا جوعارىلاتىپ، ىندەتتىڭ ەكونوميكالىق، قوعامدىق دامۋعا ىقپالىن بارىنشا ازايتۋ كەرەك.
ما شيڭرۇي بىلاي دەپ باسا دارىپتەدى: ماسەلەنى باعدار ەتۋدى اناعۇرلىم كۇشەيتىپ، ولقىلىقتارعا، ءالسىز تۇستارعا مەڭزەس، ساقتانۋ - تىزگىندەۋ شارالارىن ساپالىلاندىرىپ، كەمەلدەندىرىپ، جاقسارتىپ جانە دەڭگەيىن جوعارىلاتىپ، حاۋىپ - قاتەر ساڭلاۋلارىن بىتەپ، جالپى تۇلعالىق ونىمدىلىكتى جوعارىلاتىپ، ماڭىزدى تۇيىنگە تاعى دا نازاردى شوعىرلاندىرۋ، شارالاردى تاعى دا دالمە - ءدال اتقارۋ، جاۋاپكەرشىلىكتى تاعى دا ناقتىلاندىرۋ كەرەك. حىسۋان تەكسەرۋ قابىلەتىن، ورەسىن تاعى دا جوعارىلاتىپ، حىسۋان تەكسەرۋدىڭ ساپاسى مەن ونىمدىلىگىن ۇزدىكسىز جوعارىلاتۋدى كوزدە ۇستاپ، تەكسەرۋ جابدىقتارى جانە قىزمەتكەر كۇشى سياقتىلاردى دايىنداۋدى باعىتتامالى تۇردە كۇشەيتىپ، تەكسەرۋ تاكتيكاسىن ساپالىلاندىرىپ، كەمەلدەندىرىپ، تەكسەرۋ جيىلىگىن، رەتىن يكەمدى رەتتەپ، جوعارى حاۋىپ - قاتەرلى اۋماقتاردا ءبىر ادامعا ءبىر تۇتىكشەمەن سىناما الىپ تەكسەرۋدى تياناقتاندىرىپ، ”سىناما الۋ، جەتكىزۋ، تەكسەرۋ، مالىمدەۋ، اۋىستىرۋ، قابىلداۋ“ سىندى ءارقايسى بۋىنداردىڭ جوعارى ونىممەن ۇشتاسۋىن كۇشەيتىپ، ىندەتتەن ساقتانۋ - تىزگىندەۋدەگى شەشۋشى رولىن شىن مانىندە ساۋلەلەندىرۋ كەرەك. اۋاشالاۋ الاڭ - ورىندارىن سالۋدى، باسقارۋدى تاعى دا كۇشەيتىپ، شوعىرلى اۋاشالاۋ ءتۇيىنى، فاڭساڭ شيپاحاناسى سياقتى الاڭ - ورىنداردى جەتەرلىكتەي سەپتەپ، تولىق دايىنداپ، ولشەمدى باسقارۋ جۇيەسىن قاتاڭ تياناقتاندىرىپ، قىزمەتكەرلەردىڭ وزىندىك قورعانۋى مەن قورشاعان ورتادان ۇلگى الىپ تەكسەرۋ، زارارسىزداندىرۋ سياقتىلاردى ويداعىداي يگەرىپ، ارالاسىپ جۇعىمدالۋ مەن حاۋىپ - قاتەردىڭ سىرتقا اعىلۋىنان باتىل ساقتانۋ؛ جۇعىمدالۋدى تىزگىندەۋدەگى ءتۇيىندى تاراۋ، بۋىن، بارىس سياقتىلاردى سالالاپ، ءبىر - بىرلەي تەكسەرىپ، ەمدەۋ قۇرىلىمدارى مەن ەمدەۋ قىزمەتكەرلەرىن باۋلۋدى كۇشەيتىپ، شيپاحانادا جۇعىمدالۋ حاۋىپ - قاتەرىن شىن مانىندە جويۋ كەرەك. حاۋىپ - قاتەرلى اۋماقتاردى عىلمي ءبولۋدى تاعى دا ەگجەي - تەگجەيلىلەندىرىپ، ”ءۇش اۋماقتى“ ءبولۋ مەن جوعارى دالدىكتە حىسۋان تەكسەرۋدى، جوعارى ساپالى الەۋمەتتىك اۋماق توركوزدەندىرىپ باسقارۋدى تىعىز ۇشتاستىرۋعا تاباندى بولىپ، شاعىن اۋماقتاردىڭ باسقارۋ - تىزگىندەۋ شارالارىن دالمە - ءدال بەلگىلەپ، دەر كەزىندە باعالاپ، يكەمدى رەتتەپ، ”توعىزعا جول قويماۋ“ تالابىن قاتاڭ تياناقتاندىرىپ، دارەجەسىن تۇسىرۋگە تيىستىلەرىنىڭ دارەجەسىن ءتۇسىرىپ، ىقشامداۋعا تيىستىلەرىن ىقشامداپ، جابىق كۇي جاعدايىن كۇشىنەن قالدىرۋعا تيىستىلەرىن كۇشىنەن قالدىرىپ، ”قارابايىرلاندىرۋ“، ”ءبىر شىبىقپەن ايداۋ“ سياقتى ۇتىمسىز باسقارۋدان ساقتانۋ كەرەك. دەن قويا، سۇيىسپەنشىلىكپەن حالىققا قىزمەت وتەۋدى ونان ارى تەرەڭدەتىپ، بۇقارالىق قىزمەتتى سۇيىسپەنشىلىكپەن، وزىندەي كورىپ ويداعىداي ىستەپ، بۇقارانى ازىق - تۇلىكپەن قامداۋ، ەمدەلۋ جانە ءدارى پايدالانۋ، شينجياڭنان بوگەتسىز اتتانۋ سياقتى قاجەتتەرىن ويداعىداي قامتاماسىزداندىرۋعا قىزمەت وتەپ، مەكتەپتەگى وقىتۋشى - وقۋشىلار، اتا - انالار سياقتى قاۋىم كوڭىل ءبولىپ وتىرعان، ءجىتى قاداعالاپ وتىرعان ماسەلەلەر جونىنەن كۇدىك - كۇماننان ارىلتۋدى ناقتى، ەگجەي - تەگجەيلى يگەرىپ، پسيحولوگيالىق جاقتان جەتەكتەۋ، كوڭىل كۇيىن ورنىقتىرۋ، تالاپ - تىلەكتەرىن شەشۋ سياقتى قىزمەتتەردى ۇستامدىلىقپەن، ۇقىپتىلىقپەن ويداعىداي ىستەۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋدى تاعى دا قاتاڭ قاداعالاپ، ”ءتورت ەرتە بولۋ“ شاراسىن تياناقتاندىرىپ، ”ءتورت جاقتىڭ جاۋاپكەرشىلىگىن“ ناقتىلاندىرىپ، ءبىر - بىرلەي تەكسەرۋدە حاۋىپ - قاتەرى بايقالعان ادامداردى كەلە سالىسىمەن ەرتە باستان، قاتاڭ تۇردە باسقارىپ - تىزگىندەپ، حاۋىپ - قاتەرلى تۇيىندەر مەن ادامداردى ىشكەرىلەي بايقاپ، ەگجەي - تەگجەيلى ءبىر - بىرلەي تەكسەرىپ، ەپيدەميولوگيالىق تەكسەرۋ، اۋىستىرىپ تاسىمالداۋ، اۋاشالاۋ، باسقارۋ - تىزگىندەۋ سياقتى ءارقايسى بۋىنداردىڭ ساپاسى مەن ونىمدىلىگىن جاپپاي جوعارىلاتىپ، تارالۋ تىزبەگىن دەر كەزىندە ءۇزۋ كەرەك. اقپار جاريالاۋ ءماجىلىسىن جاقسى اشىپ، مەديالاردىڭ ۇگىتتەۋىن، حابارلاۋىن ويداعىداي ىستەپ، ۇگىتتەۋ، ەسكەرتۋ جانە ساياساتتى ءتۇسىندىرۋدى كۇشەيتىپ، بۇقارانى تەمپەراتۋرا ولشەتۋ، ەكى ولشەمدى كود تەكسەرتۋ، ماسكا تاعۋ سياقتى ساقتانۋ - قورعانۋ شارالارىن ويداعىداي ىستەۋگە جەتەكتەپ، ىندەتتىڭ كولەمدى تۇردە قايتا بەلەڭ بەرۋىنىڭ تۋىلماۋىنىڭ تومەنگى شەگىن باتىل ساقتاۋ كەرەك.
ما شيڭرۇي بىلاي دەپ باسا دارىپتەدى: ىندەتتەن ساقتانۋ - تىزگىندەۋ جاۋاپكەرشىلىگىن ونان ارى قاتايتىپ، ناقتىلاندىرىپ، قالا دارەجەلى ورىنداردىڭ ءبىر تۇتاس جوسپارلاۋ، ورنالاستىرۋ، سايكەستىرۋ، باستاماشىلدىقپەن جالپى جاعدايدى يگەرۋ قابىلەتىن جوعارىلاتىپ، ءارقايسى رايون - اۋداننىڭ مۇقيات ۇيىمداستىرىپ اتقارۋىن، قىزمەتتى تياناقتاندىرۋدى ويداعىداي يگەرۋىن ىلگەرىلەتىپ، ءارقايسى تاراۋلار تىعىز سايكەسىپ، كۇش قوسا سەلبەسىپ، ءمالى كادرلارى، الەۋمەتتىك اۋماق قىزمەتكەرلەرى، ەرىكتىلەر سياقتىلاردى ءبىر نيەتپەن كۇش قوسىپ قىزمەت وتەۋگە ۇيىمداستىرۋ جۇمىستارىن ىشكەرىلەي، ەگجەي - تەگجەيلى، ناقتى ىستەپ، ىندەتتەن ساقتانۋ - تىزگىندەۋ شارالارىنىڭ تىڭعىلىقتى تۇردە ناقتىلانۋىنا، تياناقتانۋىنا شىنايى كەپىلدىك ەتۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ”التىنى ورنىقتىرۋ“، ”التىنى قامتاماسىزداندىرۋ“ مىندەتىن جاپپاي تياناقتاندىرىپ، زات اينالىمىنىڭ ىركىلىسسىزدىگىن قامتاماسىزداندىرۋ، تىزبەكتى ورنىقتىرىپ قامداۋ، اۋىل شارۋاشىلىق ءوندىرىسى، نەگىزگى حالىق تۇرمىسى، قيىنشىلىق قىسپاعىنان قۇتىلدىرۋ سياقتى قىزمەتتەردى ويداعىداي ىستەپ، كاسىپورىنعا پايدا جەتكىزەتىن، كاسىپورىنعا كومەكتەسەتىن، كاسىپورىندى ورنىقتىراتىن، كاسىپورىندى الاڭسىز ەتەتىن ساياسات - شارالاردىڭ تياناقتانىپ، ونىمدىلىك كورسەتۋىن ىلگەرىلەتىپ، ىندەتتىڭ ىقپالىن بارىنشا ازايتىپ، ەكونوميكانىڭ، قوعامنىڭ ورنىقتى، اقاۋسىز دامۋىن ساقتاۋ كەرەك.
چىن ۋيجۇن، ياڭ فاسىن، قادەن كابەن قاتارلىلار قيمىلعا قاتىناستى.
