اۆتونوميالى رايوندىق پارتكومنىڭ اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ ءماجىلىسى اشىلدى
باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك
ما شيڭرۇي باسقاردى ءارى ءسوز سويلەدى، ەركىن تۇنياز، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 31 - كۇنى ۇرىمجىدەن حابارلايدى. 8 - ايدىڭ 31 - كۇنى تۇستەن كەيىن اۆتونوميالى رايوندىق پارتكومنىڭ اۋىل - قىستاق قىزمەتى باسشىلىق گرۋپپاسى جانە اۋىل - قىستاقتى گۇلدەندىرۋ باسشىلىق گرۋپپاسى ءماجىلىس اشىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، مەملەكەتتىك اۋىل - قىستاق قۇرىلىسى قىزمەتى ءماجىلىسى، اۋىل - قىستاق كاسىپ سالاسىن دامىتۋ قىزمەتىن ىلگەرىلەتۋ جونىندەگى مەملەكەتتىك تەلەۆيزور - تەلەفون ءماجىلىسى سياقتى قاتىستى ماجىلىستەردىڭ رۋحىن جەتكىزىپ، ۇيرەنىپ، اۆتونوميالى رايوندىق پارتكومنىڭ اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ 2022 - جىلدىڭ الدىڭعى جارتىسىنداعى قىزمەت قورىتىندىسى مەن سوڭعى جارتى جىلداعى قىزمەت ورنالاستىرۋى جونىندەگى مالىمەتىن تىڭداپ، رايونىمىزدىڭ اۋىل شارۋاشىلىعى، اۋىل - قىستاق، شارۋالار قىزمەتىنىڭ كەلەسى قادامداعى ءتۇيىندى قىزمەتتەرىن ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكومنىڭ اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ باستىعى ما شيڭرۇي ءماجىلىستى باسقاردى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى اۋىل شارۋاشىلىعى، اۋىل - قىستاق، شارۋالار قىزمەتىنە ايرىقشا ءمان بەردى، باس شۋجي شي جينپيڭ ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋ بەرىپ، اۋىل شارۋاشىلىعى، اۋىل - قىستاق، شارۋالار قىزمەتىندەگى ءبىر قىدىرۋ كەلەلى نازاريالىق جانە امالياتتىق ماسەلەلەرگە عىلمي جاۋاپ بەرىپ، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ماڭىزدى بايىمداۋلارىنىڭ باي مازمۇنى مەن رۋحاني ءمانىن ىشكەرىلەي ۇيرەنىپ، ءتۇسىنىپ، جاڭا داۋىردەگى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، يدەيا مەن ارەكەتتى پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جانە اۋىل - قىستاقتى گۇلدەندىرۋ جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ۇيرەنۋ ونىمدىلىگىن شينجياڭنىڭ اۋىل شارۋاشىلىعىنىڭ، اۋىل - قىستاقتارىنىڭ وسىزاماندانۋىن جەدەلدەتۋدىڭ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ جاندى امالياتىنا شىن مانىندە اينالدىرۋ كەرەك.
ما شيڭرۇي بىلاي دەپ باسا دارىپتەدى: شينجياڭنىڭ ءىس جۇزىندىك جاعدايىمەن تىعىز ۇشتاستىرىپ، قىزمەتتىڭ كۇش سالۋ ءتۇيىنىن اناعۇرلىم ءدال تاۋىپ، رايونىمىزدىڭ اۋىل شارۋاشىلىعى، اۋىل - قىستاق، شارۋالار ىسىندەگى جانە اۋىل - قىستاقتى گۇلدەندىرۋدەگى ءتۇيىندى قىزمەتتەرىنىڭ تياناقتانۋىن، ناقتىلانۋىن تىڭعىلىقتى ىلگەرىلەتۋ كەرەك. استىق حاۋىپسىزدىگىن باتىل قامتاماسىز ەتىپ، ەگىستىك جەردى قورعاۋدىڭ قىزىل سىزىعىن قاتاڭ ساقتاپ، جوعارى ولشەمدى ەگىنجاي قۇرىلىسىن جانە تۇقىم قىزمەتىن ويداعىداي يگەرىپ، اتىز - ارىق سۋ يگىلىگىن قامتاماسىز ەتۋدى كۇشەيتىپ، ”جازعى ءۇش جۇمىس“، ”كۇزگى ءۇش جۇمىس“ قىزمەتىن تىڭعىلىقتى، ويداعىداي ىستەپ، استىق، ماقتا، جەمىس - جيدەك، كوكونىس، مال شارۋاشىلىعى سياقتى ءتۇيىندى كاسىپ سالالارىنىڭ دامۋىن ناقتى، ەگجەي - تەگجەيلى يگەرىپ، استىقپەن جانە ماڭىزدى اۋىل شارۋاشىلىعى ونىمدەرىمەن قامداۋدى بار كۇشپەن قامتاماسىز ەتۋ كەرەك. وسى زامانعى كاسىپ سالاسى جۇيەسىن ورناتىپ، اۋىل شارۋاشىلىعىنىڭ تولىق كاسىپ سالاسى تىزبەگىن جەتىلدىرىپ، دامىتىپ، وسى زامانعى اۋىل شارۋاشىلىعى كاسىپ سالاسى باقشالارىن جەدەل قۇرىپ، اۋىل شارۋاشىلىعى ونىمدەرىن ءوندىرۋ مەن ساتۋدى ۇشتاستىرۋدى كۇشەيتىپ، اۋىل - قىستاق كاسىپ سالاسىنىڭ جاڭا كاسىپ كۇيلەرىن جەتىلدىرىپ، اۋىل - قىستاقتاعى 1 -، 2 -، 3 - كاسىپتەردىڭ توعىسا دامۋىن ىلگەرىلەتىپ، كاسىپ سالاسىنىڭ دامۋىن شارۋالاردىڭ كىرىس ارتتىرۋىن، بايۋىن جەبەۋدە شىن مانىندە تياناقتاندىرۋ كەرەك. اۋىل - قىستاق قۇرىلىسىن تىڭعىلىقتى ىلگەرىلەتىپ، اۋىل - قىستاق قۇرىلىسى ارەكەتىن بار كۇشپەن اتقارىپ، جالپىعا ءتيىمدى، تومەنگى شەكتەن تۇسىرمەيتىن، نەگىزدىك حالىق تۇرمىسى قۇرىلىسىن كۇشەيتىپ، اۋىل - قىستاق دارەتحانا توڭكەرىسىن ناقتى ىلگەرىلەتىپ، اۋىل - قىستاقتىڭ قونىس ورتاسىن كۇش سالا جاقسارتىپ، اۋىل - قىستاقتىڭ قونىستانۋعا جايلى، كاسىپكە ىڭعايلى بولۋىن جەبەۋ كەرەك. اۋىل - قىستاقتى باسقارۋدى كۇشەيتىپ جانە جاقسارتىپ، اۋىل - قىستاق نەگىزگى ساتى پارتيا ۇيىمدارىن ۇزدىكسىز كۇشەيتىپ قۇرىپ، زاڭمەن باسقارۋ ويىمەن جانە زاڭمەن باسقارۋ تاسىلىمەن نەگىزگى ساتىنى باسقارۋدى ىلگەرىلەتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، اۋىل - قىستاقتىڭ ءوزىن - ءوزى باسقارۋ قۇرىلىسىن كۇشەيتىپ، شەبەرلىكپەن باسقارۋ دەڭگەيىن ۇزدىكسىز جوعارىلاتۋ كەرەك. اۋىل - قىستاق رەفورماسىن ۇزدىكسىز تەرەڭدەتىپ، اۋىل - قىستاق مال - مۇلىك ۇقىعى ءتۇزىمى رەفورماسىن تەرەڭدەتىپ، اۋىل شارۋاشىلىعى تيجارات جۇيەسىندە جاڭالىق اشىپ جانە ونى كەمەلدەندىرىپ، جاڭاشا اۋىل شارۋاشىلىعى تيجارات تۇلعالارىن بەلسەنە جەتىلدىرىپ، قازىنا - فينانس سياقتى جاقتاردان قولداۋدى كۇشەيتىپ، اۋىل شارۋاشىلىعىنىڭ، اۋىل - قىستاقتىڭ دامۋ ومىرشەڭدىگىن ۇزدىكسىز قاۋلاتۋ كەرەك. ىندەتتەن ساقتانۋ - تىزگىندەۋ مەن اۋىل شارۋاشىلىعى ءوندىرىسىن جوعارى ونىمدىلىكپەن ءبىر تۇتاس جوسپارلاپ، ءتۇرلى ۇدايىلانعان ساقتانۋ - تىزگىندەۋ شارالارىن دالمە - ءدال تياناقتاندىرىپ، شارۋالاردىڭ ەگىس جۇمىستارىن ىستەۋى، اۋىل شارۋاشىلىعى ماشينالارىنىڭ اتىز باسىنا بارۋى، اۋىل شارۋاشىلىعى ماتەريالدارىن تاسىمالداۋ سياقتىلاردىڭ ىركىلىسسىز جۇرگىزىلۋىن قامتاماسىز ەتىپ، اۋىل شارۋاشىلىعى ءوندىرىسىنىڭ جانە ادامداردىڭ، زاتتىق ماتەريالداردىڭ اينالىم ءتارتىبىن قورعاپ، اۋىل شارۋاشىلىعىندا ءتۇسىمدى ورنىقتىرۋعا، ءتۇسىمدى ارتتىرۋعا، شارۋالار كىرىسىنىڭ ورنىقتى ارتۋىنا، اۋىل - قىستاقتىڭ ورنىقتى، تىنىش بولۋىنا شىنايى كەپىلدىك ەتۋ كەرەك.
ما شيڭرۇي بىلاي دەپ باسا دارىپتەدى: اۋىل شارۋاشىلىعى، اۋىل - قىستاق، شارۋالار قىزمەتى جونىندەگى جۇيەلى زەرتتەۋدى، جوسپارلاۋدى اناعۇرلىم كۇشەيتىپ، ءار دارەجەلى پارتكوم اۋىل - قىستاق قىزمەتى باسشىلىق گرۋپپالارىنىڭ باستاماشى بولۋ، جالپى جاقتان يگەرۋ رولىن ساۋلەلەندىرىپ، پارتكوم مەن ۇكىمەتتەگى ”ءبىرىنشى باسشىنىڭ“ ءبىرىنشى جاۋاپتى ادامدىق جاۋاپكەرشىلىگىن، سالاعا جاۋاپتى جولداستاردىڭ ناقتى جاۋاپكەرشىلىگىن، اۋىل شارۋاشىلىعى جۇيەسىنىڭ تۇلعالىق جاۋاپكەرشىلىگىن جانە قاتىستى تاراۋلاردىڭ سايكەسۋ جاۋاپكەرشىلىگىن ناقتىلاندىرىپ، ءار دارەجەلى باسشى كادرلاردىڭ اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ قابىلەتى مەن دەڭگەيىن ۇزدىكسىز جوعارىلاتىپ، ىشكەرىلەي تەكسەرۋ - زەرتتەۋ جۇرگىزىپ، شىندىقتى ءىس جۇزىنەن ىزدەي وتىرىپ ىلگەرىلەتىپ، وبراز ينجەنەرياسىمەن شۇعىلدانۋعا، ۇستىرتتىك ىستەۋگە باتىل قارسى تۇرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى تىڭعىلىقتى ىلگەرىلەتىپ، اۋىل - قىستاقتىڭ جاپپاي گۇلدەنۋىن جۇزەگە اسىرىپ، ءىس جۇزىندىك ارەكەتپەن پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
اۆتونوميالى رايون باسشىلارىنان جاڭ جۋ، چىن ۋيجۇن، دۇڭ شينگۋاڭ، جاروللا يسامدين، ماڭلىك سەيىت، اۆتونوميالى رايوندىق پارتكومنىڭ اۋىل - قىستاق قىزمەتى باسشىلىق گرۋپپاسىنىڭ جانە اۋىل - قىستاقتى گۇلدەندىرۋ باسشىلىق گرۋپپاسىنىڭ مۇشەلەرى، ت.ب ماجىلىسكە قاتىناستى.
