ءۇشىنشى ماۋسىمدا ورنىقتى بولۋعا شىنايى كەپىلدىك ەتىپ، تۇتاس جىلدا تاماشا ناتيجەگە قول جەتكىزۋگە قۇلشىندى
رايونىمىز 10 ءتۇرلى شارا شىعارىپ، ەكونوميكالىق دامۋدىڭ تاماشا جاعدايىن بەكەمدەدى
انار بۇلت \ شينجياڭ گازەتىنىڭ ءتىلشىسى شى شين 8 - ايدىڭ 31 - كۇنى ۇرىمجىدەن حابارلايدى. 8 - ايدىڭ 29 - كۇنى رايونىمىز «كەزەكتەگى جانە الداعى بىرنەشە ايداعى ەكونوميكالىق قىزمەتتى ويداعىداي يگەرۋ جونىندەگى ءبىرقانشا ساياسات - شارانى» شىعارىپ، 10 ءتۇرلى شارا العا قويىپ، ىندەتتىڭ ءتيىمسىز ىقپالىنا توتەپ بەرىپ، الدىڭعى جارتى جىلداعى ەكونوميكالىق دامۋدىڭ تاماشا جاعدايىن بەكەمدەپ، ەكونوميكانىڭ ءۇشىنشى ماۋسىمدا ورنىقتى بولۋىنا شىنايى كەپىلدىك ەتىپ، تۇتاس جىلدا تاماشا ناتيجەگە قول جەتكىزۋگە قۇلشىندى.
بىرىنشى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋ. ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسىنا تاباندى بولىپ، ”يكەمدى نولگە ءتۇسىرۋ“ باس باعىتىنان اۋىتقىماي، 9 - نۇسقاداعى جاڭا تيپتى ايدارشا ۆيرۋس وكپە قابىنۋىنا دياگنوز قويۋ جانە ونى ەمدەۋ جوباسىن، سونداي - اق ساقتانۋ - تىزگىندەۋ جوباسىن ويداعىداي اتقارىپ، ”توعىزعا رۇقسات ەتپەۋ“ شاراسىن تياناقتاندىرۋدى ىلگەرىلەتىپ، بۇكىل شينجياڭعا بىردەي ىندەتتەن ساقتانۋ - تىزگىندەۋ ساياساتىن قاتاڭ تياناقتاندىرىپ، زات اينالىمىنىڭ ىركىلىسسىزدىگىن، ءتۇيىندى سالالار مەن ءتۇيىندى كاسىپورىنداردىڭ قالىپتى ءوندىرىس - تيجارات ءتارتىبىن قامتاماسىز ەتۋ.
ەكىنشى، مەملەكەت، اۆتونوميالى رايون شىعارعان ەكونوميكادا ارتۋدى ورنىقتىرۋ ساياساتتارىن ناقتى، ەگجەي - تەگجەيلى تياناقتاندىرۋ. مەملەكەتتىك كەڭەستىڭ ەكونوميكانى ورنىقتىرۋداعى ءبىر قىدىرۋ ساياسات - شارالارى مەن اۆتونوميالى رايوننىڭ ەكونوميكانىڭ ارتۋىن ورنىقتىرۋدى ىلگەرىلەتۋگە قاتىستى 9 جاقتاعى 46 ءتۇرلى شارانىڭ تياناقتانۋى مەن ناتيجە كورسەتۋىن ۇزدىكسىز ىلگەرىلەتۋ.
ءۇشىنشى، ءونىمدى قارجى قوسۋدىڭ شەشۋشى رولىن تولىق ساۋلەلەندىرۋ. سالىنىپ جاتقان نىسانداردىڭ قارقىنىن تەزدەتۋدى، ونىمدىلىگىن ارتتىرۋدى ىلگەرىلەتىپ، جاڭادان سالىناتىن نىسانداردىڭ 9 - ايدىڭ سوڭىنان بۇرىن تۇگەلدەي جۇمىس باستاۋىنا، زاپاس نىسانداردىڭ تۇتاس جىلدا جۇمىس باستاۋ، كادەگە جاراۋ مولشەرىنىڭ ％50تەن اسۋىنا كۇش سالىپ، 3 - توقساننىڭ سوڭىندا تۇتاس جىلداعى قارجى قوسۋ قىزمەت مولشەرىنىڭ ％75تەن استامىن ورىنداۋعا قۇلشىنىپ، بيىل تۇراقتى مۇلىككە قوسىلعان قارجىنىڭ 900 ميلليارد يۋاننان اسۋىنا شىنايى كەپىلدىك ەتۋ.
ءتورتىنشى، نىسان قۇرىلىستارىنىڭ فاكتورلارمەن قامتاماسىز ەتىلۋىن ويداعىداي ىستەۋ. مەملەكەت ساياساتىنان تولىق، ويداعىداي پايدالانىپ، ساياسات سيپاتىنداعى، اشۋ سيپاتىنداعى فينانس قۇرالدارىنان ويداعىداي پايدالانۋدى كورنەكتىلەندىرىپ، ءونىمدى قارجى قوسۋدى ىلگەرىلەتەتىن ماڭىزدى نىسانداردى سايكەستىرۋ مەحانيزمىنىڭ رولىن اناعۇرلىم ويداعىداي ساۋلەلەندىرىپ، قورعا قارجى سالۋ كەلىسىمىن جاساسۋدى جانە قارجى بەرۋدى جەدەلدەتىپ، ساۋدا بانكەلەرىن بەرىلگەن نىسانداردىڭ سايكەستى قارجى قۇراۋىنا قولداۋ كورسەتۋ سەرپىنىن ارتتىرۋعا جەتەكتەۋ. ورتالىقتىڭ مەجە ەسەبىندەگى قارجى قوسۋلار مەن جەرگىلىكتى ۇكىمەتتەردىڭ ارناۋلى زايوم قارجىلارىنىڭ تولەۋ قارقىنىن تەزدەتىپ، قارجىنىڭ تولەنۋ مولشەرىن جوعارىلاتۋ، ت.ب.
بەسىنشى، ءتۇيىندى سالالارداعى تۇتىنۋدىڭ جەدەل قالپىنا كەلۋىن جەبەۋ. بۇعان اۆتوموبيل تۇتىنۋىنا ىنتالاندىرۋ، جەر - جەردىڭ ”سالىنىپ جاتقان تۇرعىن ۇيلەردى پايدالانۋعا بەرۋگە كەپىلدىك ەتۋ، حالىق تۇرمىسىن ورنىقتىرۋ“ قىزمەتىن ويداعىداي ىستەۋىنە قولداۋ كورسەتىپ، جاسىل، زەردەلى ءۇي ەلەكتر جابدىقتارىنىڭ ساتىلۋىن جەبەۋ سياقتى مازمۇندار قامتىلادى.
التىنشى، سىرتقى ساۋدانى ورنىقتىرۋدى، شەتەل قارجىسىن ورنىقتىرۋدى بار كۇشپەن ىلگەرىلەتۋ. بۇعان ورتا ازياداعى 5 ەلمەن جەرگىلىكتى ەكونوميكا - ساۋدا اۋىس - كۇيىسىن، سەلبەستىگىن كەڭەيتۋدى، سىرتقى ساۋدانىڭ دامۋ كومەسكى كۇشىن اشۋ؛ ”اق تىزىمدىكتەگى“ سىرتقى ساۋدا كاسىپورىندارىن قولداۋ سەرپىنىن ارتتىرىپ، سىرتقى ساۋدا كاسىپورىندارىنىڭ تاپسىرىستى ورنىقتىرۋىنا بار كۇشپەن كومەكتەسۋ، ت.ب قامتىلادى.
جەتىنشى، ەنەرگيامەن قامداۋدى قامتاماسىزداندىرۋ قۋاتىن زور كۇشپەن جوعارىلاتۋ. بۇعان جۇندۇڭ، قۇمىل سياقتى جەرلەردەگى ءىرى كومىر كەندەردىڭ وزىق، ساپالى وندىرىستىك قۋاتىن جەدەل ىسكە قوسىپ، ”14 - بەسجىلدىق“ جوباداعى كومىر كەن نىساندارىنىڭ الدىڭعى مەرزىمدىك راسمياتتارىن ءبىتىرۋدى جەدەل ىلگەرىلەتۋ؛ قازىر قولدا بار تەمىر جول تاسىمال قۋاتىن ءبىر تۇتاس ورنالاستىرىپ، لانجوۋ − شينجياڭ جەلىسى، كورلا − گولمۋد، لينحى − قۇمىل جانە ءۇرىمجىنىڭ سولتۇستىگى − جۇندۇڭ سياقتى تەمىر جولداردىڭ تاسىمال قۋاتىنىڭ كومەسكى كۇشىن ونان ارى اشىپ، تەمىر جولدىڭ ”شينجياڭنىڭ كومىرىن سىرتقا تاسىمالداۋ“ قۋاتىن 51 ميلليون تونناعا جەتكىزۋگە كۇش سالۋ؛ كومىردىڭ ورتا، ۇزاق مەرزىمدىك توقتامىن اتقارۋدى باقىلاۋ - باسقارۋدى كۇشەيتىپ، تۇتاس جىلداعى توقتامنىڭ اتقارىلۋ مولشەرىن ％100كە جەتكىزۋگە كەپىلدىك ەتۋ، ت.ب قامتىلادى.
سەگىزىنشى، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن ويداعىداي مىقتى يگەرۋ. بۇعان اۆتونوميالى رايونداعى ءتۇيىندى كاسىپورىندارمەن بايلانىس ورناتۋ مەحانيزمىنىڭ رولىن ويداعىداي ساۋلەلەندىرىپ، كاسىپورىنداردىڭ جۇمىستى قالپىنا كەلتىرۋ، ءوندىرىس قۋاتىنا جەتۋ ساياساتىن اناعۇرلىم ساپالىلاندىرىپ، ءتۇيىندى كاسىپورىندار مەن شەشۋشى بۋىندارداعى كاسىپورىنداردىڭ ءىس جۇزىندىك ماسەلەلەرىن شەشۋىنە كومەكتەسىپ، ءوندىرىستى ورنىقتىرۋدى، ءوندىرىس قۋاتىنا جەتۋدى ىلگەرىلەتۋ؛ بۇكىل رايونداعى كاسىپ سالاسى تىزبەگىنىڭ، قامداۋ تىزبەگىنىڭ ”اق تىزىمدىگىندەگى“ 565 كاسىپورىنعا تۇيىننەن - تۇيىنگە، بىرگە - ءبىر، ءجىتى قاداعالاۋ، ناقتى قاداعالاۋ بويىنشا ءوندىرىس تيجاراتى بارىسىنداعى ءىس جۇزىندىك قيىنشىلىقتارىن شەشۋىنە كومەكتەسىپ، كاسىپ سالاسى تىزبەگىنىڭ، قامداۋ تىزبەگىنىڭ جوعارى ءونىمدى اينالىمىن جەبەۋ، ت.ب قامتىلادى.
توعىزىنشى، ساياحات، مادەنيەت بازارىنىڭ قالپىنا كەلۋىن ىلگەرىلەتۋ. ”ادامدار مولشەرىن شەكتەۋ، الدىن الا كەلىسۋ، قاۋىرت مەزگىلگە شوعىرلاندىرماۋ“ پرينسيبى بويىنشا، ساياحات كورىنىس وڭىرلەرىنىڭ تيجاراتىن تەز ارادا قالپىنا كەلتىرىپ، ساياحاتتىڭ قايتا جاندانۋىن بىرتىندەپ ىلگەرىلەتۋ.
ونىنشى، قامداۋعا كەپىلدىك ەتۋ، باعانى ورنىقتىرۋ قىزمەتىن ونان ارى جاقسى ىستەۋ. استىق حاۋىپسىزدىگىندە پارتيا مەن ۇكىمەت بىردەي جاۋاپكەرشىلىك ارقالاۋدى جاپپاي تياناقتاندىرىپ، استىق حاۋىپسىزدىگىن قامتاماسىز ەتۋدىڭ ساياسي جاۋاپكەرشىلىگىن باتىل ارقالاپ، استىق حاۋىپسىزدىگى جاۋاپكەرشىلىك ءتۇزىمى بويىنشا باعالاۋدى قاتايتىپ، جاز، كۇز ماۋسىمدارىنداعى استىق ساتىپ الۋ قىزمەتىن ويداعىداي ىستەپ، جۇگەرىنى قايتالاي ەگۋ كولەمىن كەڭەيتىپ، دۇمبە ءبيداي ەگۋ مىندەتىن جوعارى ساپامەن ورىنداپ، استىق ءوندىرىسىنىڭ كولەمىن كەڭەيتىپ، ءونىمىن ارتتىرۋدى جۇزەگە اسىرۋ. ”كوجە قاتىققا“ قالا باستىعى جاۋاپتى بولۋ ءتۇزىمىن اناعۇرلىم ناقتىلاندىرىپ، كوكونىستى قايتا ەگۋ مەن وڭتۇستىك شينجياڭداعى قۇرىلعىلى جىلىجايدا كوكونىس ەگۋدى ويداعىداي يگەرىپ، زات اينالىمىنىڭ ىركىلىسسىزدىگى مەن ءوندىرۋ - ساتۋدىڭ ۇشتاسۋىن ساقتاپ، قىستا، كوكتەمدە كوكونىسپەن قامداۋ قابىلەتىن جوعارىلاتۋ. سيىر، قوي، شوشقا، ءۇي قۇستارى ءوندىرىسىنىڭ كولەمىن كەڭەيتىپ، مال شارۋاشىلىق ونىمدەرىمەن قامتاماسىز ەتۋ قۋاتىن ارتتىرۋ. باعانى باقىلاۋ - باسقارۋ سەرپىنىن ارتتىرىپ، بازارداعى قامداۋعا كەپىلدىك ەتۋدى، باعانى ورنىقتىرۋدى شىن مانىندە ويداعىداي ىستەۋ. تابيعي گاز، كومىر، وڭدەلگەن مۇناي ونىمدەرى سياقتى ەنەرگيالىق زاتتىق ماتەريالداردى زاپاس ساقتاۋدى تياناقتاندىرىپ، ءبيداي، وڭدەلگەن استىق - ماي، اس تۇزى، ەت، كوكونىس سياقتى تۇرمىستىق زاتتىق ماتەريالداردى زاپاس ساقتاۋدى كۇشەيتىپ، اۋىل شارۋاشىلىعى ماتەريالدارى سياقتى وندىرىستىك زاتتىق ماتەريالداردى زاپاس ساقتاۋدى كۇشەيتۋ.
