9 - ايدىڭ 1 - كۇنى تاڭەرتەڭ، ميدۇڭ رايونىنداعى شينجياڭ جينپايليىر ازىق - تۇلىك شەكتى سەرىكتەستىگىندە، سەرىكتەستىكتىڭ باس جوراسى ما شين - يانگە كەلگەن تەلەفون، ءۇنحات حابارلارى ۇزىلمەدى، بۇكىل ەلىمىزدىڭ جەر - جەرىنەن تاپسىرىستار توقتاۋسىز كەلىپ تۇردى.
جۇڭچيۋ مەرەكەسى تاياپ قالدى، ءۇرىمجى قالاسىنىڭ ىندەتتەن ساقتانۋ - تىزگىندەۋ جاعدايىنىڭ جاقسارۋىنا ىلەسە، ميدۇڭ رايونىنداعى جەرگىلىكتى ازىق - تۇلىك كاسىپورىندارى ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋمەن قاتار ينتەرنەت جەلىسىندە ساۋدالاۋ ۇلگىسىن بەلسەنە كۇشەيتىپ، مەرەكە - دەمالىس كۇندەرىنە تۋرالاپ، تاپسىرىس ىزدەپ، ساۋدا ءوتىمىن جەبەدى.
9 - ايدىڭ 1 - كۇنى تاڭەرتەڭ، ميدۇڭ رايونىنداعى جينپايليىر ازىق - تۇلىك شەكتى سەرىكتەستىگىنىڭ دۇكەنىندە، قىزمەتكەر پراندىكتەردى ءتىزىپ قويۋدا. سۋرەتتى ەرىكتى ءتىلشى شياۋ پىڭ تۇسىرگەن
شينجياڭ جينپايليىر ازىق - تۇلىك شەكتى سەرىكتەستىگىنىڭ (تومەندە قىسقارتىلىپ جينپايليىر سەرىكتەستىگى دەلىنەدى) ءوندىرىس سەحىندا، تۇيىق اينالىمدا باسقارۋ شاراسىن قاتاڭ تياناقتاندىرۋ العى شارتىندا، مانەرلەۋ جابدىق - ماشينالارى بار تەبىنىمەن جۇمىس جۇرگىزدى، جۇمىسشىلاردىڭ ءارقايسىسى ءوز مىندەتىندەگى جۇمىستارىن جەدەلدەتىپ جۇرگىزدى، سەحتىڭ ءىشى قاربالاستىققا ەندى.
جينپايليىر سەرىكتەستىگى بولكا، بالكۇلشە، ايكۇلشە، ۇلكەن لەبا جانە وزگەشە نان سىندى 8 ۇلكەن تۇردەن 40 نەشە ءتۇرلى ءونىم وندىرەدى. ىندەت تۋىلعان مەزگىلدە، ازىق - تۇلىكپەن قامداۋعا كەپىلدىك ەتەتىن كاسىپورىن ساناتىنداعى جينپايليىر سەرىكتەستىگى لەبا، نان سىندى ونىمدەردى وندىرۋمەن بىرگە، ايكۇلشەنى نەگىز ەتكەن ازىق - تۇلىكتەن 80 نەشە توننا ءوندىردى.
جينپايليىر ازىق - تۇلىك شەكتى سەرىكتەستىگىنىڭ ءوندىرىس سەحىندا، قىزمەتكەر ايكۇلشەنى جەدەلدەتىپ ءوندىردى. سۋرەتتى ەرىكتى ءتىلشى شياۋ پىڭ تۇسىرگەن
ما شين - يان بىلاي دەدى، وسى ەكى كۇندە، ءار دارەجەلى ۇكىمەت تاراۋلارىنىڭ كومەگىندە، زات اينالىمى ارناسى دا بىرتىندەپ ىركىلىسسىزدەنە باستادى، ولاردىڭ وندىرگەن ايكۇلشە سىندى ونىمدەرى دە ەلىمىزدىڭ جەر - جەرىنە ىركەس - تىركەس جىبەرىلدى.
”ەلىمىزدىڭ كوپ ساندى ولكە، قالالارىندا ءبىزدىڭ ساتۋشىلارىمىز بار، جۇڭچيۋ مەرەكەسىنىڭ جاقىنداۋىنا ىلەسە، ءبىز كونە ۋرىن ايكۇلشەسىن، سۋشى كونە ايكۇلشەنى شىعارۋمەن بىرگە، قارا ءبيداي، جاڭعاق كونە ايكۇلشەسى سىندى جاڭا تۇردەگى ايكۇلشەلەردى شىعاردىق، زات - ونىمدەردىڭ شيكىزات ماتەريالدارىن الدىن - الا تولىقتاپ الدىق“،- دەدى ما شين - يان، ۇكىمەتتىڭ كومەگىندە زات اينالىمى ارناسى دا ىركىلىسسىزدەنىپ، كاسىپورىننىڭ ەڭ ۇلكەن قيىنشىلىعى شەشىلدى.
كەزەكتە، جينپايليىر سەرىكتەستىگى وندىرگەن بالكۇلشە، پراندىك سىندى ونىمدەرگە ينتەرنەتتە الدىن - الا تاپسىرىس الدى، تاپسىرىستار وتە مول، سەرىكتەستىكتىڭ 9 - ايدىڭ 1 - كۇنگى قابىلداعان تاپسىرىستارىنىڭ سوماسى 300 مىڭ يۋاننان استام بولعان. ما شين - يان بىلاي دەدى، ءۇرىمجى قالاسىنىڭ ءوندىرىسى، تۇرمىسى تارتىپپەن قالپىنا كەلۋىنە ىلەسە، كاسىپورىن جىلدىق ءوندىرىس نىسانا، مىندەتتى ورىنداپ بولۋعا سەنىمدى.
ما سىن قاقتاماسىنىڭ ميدۇڭ رايونىنداعى باس دۇكەنىندە، جاۋاپتى ادام ما سىن قىزمەتكەرلەردى باستاپ ينتەرنەتتەگى تاپسىرىستاردى قوراپتاپ، جەتكىزۋ جۇمىسىن جۇرگىزدى.
وسى ەكى كۇندە، ما سىن قاقتاماسىنىڭ ميدۇڭ رايونىنداعى باس دۇكەنى ينتەرنەت جەلىسىندەگى ساۋداسىن قالپىنا كەلتىردى، ما سىن ءوزى دە دوۋيىن، ءۇنحات سىندى تۇعىرلار ارقىلى ينتەرنەت جەلىسىندە ساۋدا جۇرگىزدى.
”ءبىز تۇعىردىڭ قاريدارلارعا قىزمەت وتەۋشىلەرىمەن كەڭەسىپ، قىسقا بەينەەكرانعا جالعانىم قوسۋ سىندى وزىمىزگە لايىق كەلەتىن ينتەرنەت جەلىسىندەگى ساۋدا ۇلگىسىن تاڭدادىق“،- دەدى ما سىن، ينتەرنەت جەلىسىندەگى ساۋدا ۇلگىسىنە بەيىمدەلۋ ءۇشىن، ولار ينتەرنەت جەلىسىنە جالپى 3 ءتۇرلى تاۋىق قاقتاماسىن شىعاردى، كۇندىك ساتىلىمى 500 اينالاسىندا، باس دۇكەننىڭ ىلگەرگى قاقتالعان تاۋىق ساتىلىمنىڭ 5 ەسەسىنەن ارتىق بولعان.
ما سىن بىلاي دەدى، ىندەت تۋىلعان مەزگىلدە، كاسىپورىن شىعىنعا ۇشىرادى، الايدا، پارتيا مەن ۇكىمەتتىڭ قامقورلىعى جانە كومەگىندە، كاسىپورىننىڭ ءوندىرىسى تەز ارادا ىسكە قوسىلدى، ولار ساۋدا ۇلگىسىن ۇزدىكسىز كەڭەيتۋگە سەنىمدى جانە قابىلەتتى، بۇل قالانىڭ دىر - دۋمانىن قىزدىرۋمەن بىرگە، كاسىپورىننىڭ باياندى دامۋىن دا جۇزەگە اسىرا الادى. (ءتىلشى سۇڭ جيانحۋا)
