تيانشان تورى
تيانشان تورى   ›   جاڭالىقتار   ›   ەل ءىشى حابارى

”ۇلى ءداۋىر ۇلى رۋحقا ۇندەيدى، وسكەلەڭ ءىس ۇلگىنىڭ جەتەكتەۋىن قاجەت ەتەدى“

− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنە كوڭىل بولگەندىگى جونىندە ەستەلىك

□ شينحۋا اگەنتتىگىنىڭ تىلشىلەرى جۋ جيچاي، ديڭ شياۋشي، گاۋ لەي، فان سىشياڭ

  قاھارمان ۇلگىلەر − جۇڭحۋا ۇلتىنىڭ جارقىن كوورديناتاسى؛ سىڭىرگەن ەڭبەك پەن العان داڭق العا باسۋعا دەم بەرەتىن رۋحاني قوزعاۋشى كۇش.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ستراتەگيالىق بيىگىندە تۇرىپ، قاھارمانداردى ارداقتاپ، قاھارمان قۇرباندارعا قۇرمەت ەتىپ، ونەگەلى ۇلگىلەرگە قامقورلىق جاساپ، ءبىر قىدىرۋ جاسامپازدىق، ۇلگىلىك، سەرپىلىستىك شارالار ارقىلى، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ جۇڭگوشا ەرەكشەلىككە يە ءتۇزىم جۇيەسىن ورناتىپ، اقاۋسىزداندىرىپ، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ رۋحىنىڭ جەتەكشىلىك ەتۋ، تيپتىك ۇلگى كورسەتۋ رولىن تولىق ساۋلەلەندىرىپ، بۇكىل قوعامنىڭ قاھارمانداردى ارداق تۇتۋىن، قاھارمانداردان ۇيرەنۋىن ىلگەرىلەتىپ، جاڭا داۋىردە قاھارماندار توپ - توبىمەن جارىققا شىعاتىن تاماشا جاعداي قالىپتاستىردى.

  ”ۇلى ءداۋىر ۇلى رۋحقا ۇندەيدى، وسكەلەڭ ءىس ۇلگىنىڭ جەتەكتەۋىن قاجەت ەتەدى“. ەڭبەك سىڭىرگەن ۇلگىلەردىڭ ىزگى ىستەرى مەن داڭقتى اتاققا لايىق ۇلى ءىسى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ءورىس اشا العا ىلگەرىلەپ، ەڭبەك كورسەتىپ، ۇلەس قوسىپ، قايراتتانا العا ۇمتىلۋدىڭ تەلەگەي كۇشىن ۇيىستىرۋعا ىنتالاندىرۋدا.

  قاھارمانداردى ارداقتاپ، ونەگەلى ۇلگىلەردى القادى

  باس شۋجي شي جينپيڭ پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنە ايقىن العا باسۋ بەتالىسىن كورسەتتى

  دۋ فۋگو، ”ول بورىشقا ادال، قايمىقپاس ەرجۇرەك مينا تازالاۋ قاھارمانى“، چيان چيحۋ، ”ول ارميانى عىلىم - تەحنيكا ارقىلى قۇدىرەتتەندىرگەن، مەملەكەت ءۇشىن قالقان سوققان قورعانۋ ينجەنەرياسى مامانى، وسى زامانعى قورعانۋ ينجەنەرياسى نازارياسىنىڭ نەگىزىن سالۋشى، قورعانۋ ينجەنەرياسى ءپانىنىڭ نەگىزىن قالاۋشى“؛ نيە حايشىڭ، ”ول وتان ءۇمىتىن اقتاۋعا بەل بايلاعان، عارىش كەڭىستىگىن ءۇش مارتە شارلاعان قاھارمان عارىشكەر“.

  جۇڭگو حالىق ازاتتىق ارمياسى قۇرىلعاندىعىنىڭ 95 جىلدىعى قارساڭىندا، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ بەكىتۋىمەن ورتالىق اسكەري ىستەر كوميتەتى ”1 - تامىز وردەنىن“ باعالاپ تاراتتى.

  بۇل - ارادا 5 جىل وتكەننەن كەيىن، ورتالىق اسكەري ىستەر كوميتەتىنىڭ ءتوراعا شي جينپيڭنىڭ بەكىتۋىمەن ارميانىڭ جاڭادان تاعايىندالعان وسى ەڭ جوعارى داڭقىن 2 - رەت باعالاپ تاراتۋى ەدى. حالىق ارمياسىنداعى 3 قاھارمان ۇلگىنىڭ ىزگى ىستەرى بۇكىل ارميادا جوعارىدان تومەنگە دەيىن، بۇكىل ەل حالقى اراسىندا تاعى ءبىر مارتە قىزۋ اڭىس قوزعادى.

  ءۇمىتتى ۇلتتا قاھارمان بولماسا بولمايدى، بولاشاعى بار مەملەكەتتە اتويشى بولماسا بولمايدى.

  پارتيا 18 - قۇرىلتايىنان بەرى باس شۋجي شي جينپيڭ پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنە وسكەلەڭ ءمان بەرىپ، ەڭبەك سىڭىرگەن تۇلعالاردى اسقاق قۇرمەتپەن ماراپاتتاپ، ءىس جۇزىندىك ارەكەتى ارقىلى قاھارمان ۇلگىلەرگە قامقورلىق جاساپ، بۇكىل قوعامدا قاھارمان ۇلگىلەرگە قۇرمەت ەتەتىن، وزات ۇلگىلەردەن ۇيرەنەتىن تاماشا راي جەتىلدىردى جانە ونى اسقاقتاتتى، جۇڭگونىڭ بايتاق دالاسىندا جاڭا داۋىردەگى ەڭبەك سىڭىرگەندەرگە، داڭق اپەرگەندەرگە ماداق جىرى شىرقالدى.

  بۇل گۇلدەنۋ ۇلى ءىسىن ىلگەرىلەتۋ جونىندەگى تەرەڭ تولعانىس −

  2019 - جىلى 10 - ايدىڭ 1 - كۇنى تيان - انمىن الاڭىندا قىزىل تۋلار جەلبىرەپ، الۋان گۇلدەر شەشەك اتتى. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى سالتاناتتى وتكىزىلدى.

  «قىزىل تۋ جىرىنىڭ» تەرەڭ سەزىمگە تولى اۋەنىنە ىلەسە، 21 قۇرمەت اۆتوموبيلىنەن قۇرالعان ”قۇرمەت ءبىلدىرۋ“ شارشى توبى ەرەن ەڭبەك سىڭىرگەن قاھارمان ۇلگىلەردىڭ ۋاكىلدەرى قاتارلىلاردى الىپ، تيان - انمىننان باياۋ ءجۇرىپ وتكەندە، بۇكىل الاڭداعىلار وزدىكتەرىنەن ورىندارىنان تۇرىپ، قاھارماندارعا قۇرمەت ءبىلدىردى.

  ”ايبىندى دا دابىرالى، كەڭ اۋقىمدى، ءتارتىپتى ءوتىپ، ادەپ - يبا مەن شاتتىق توعىستى“. گۇلدەنگەن زاماننىڭ سالتاناتى، ەڭ جوعارى داڭق پارتيانىڭ بەكىمىن، ارميانىڭ بەكىمىن، حالىقتىڭ تىلەگىن جەلپىندىرىپ، اۋەلگى ماقساتتى ۇمىتپاي، ىنتىماقتاسا كۇرەس جۇرگىزەتىن وتانشىلدىق سۇيىسپەنشىلىكتى تاسقىنداتتى.

  ادەپ - يبامەن مەملەكەتتى باسقارىپ، ىنتالاندىرۋ ارقىلى حالىقتى باستادى.

  پارتيا مەن مەملەكەت ىستەرى دامۋىنىڭ جالپى جاعدايىن تياناق ەتىپ، باس شۋجي شي جينپيڭ بىلاي دەپ تەرەڭىنەن اتاپ كورسەتتى: ”پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ ءتۇزىمىن ورناتۋ، اقاۋسىزداندىرۋ − جۇڭگوشا سوتسياليزم ءتۇزىمىن كەمەلدەندىرۋدىڭ جانە دامىتۋدىڭ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ قاجەتتى تالابى، سوتسياليستىك وزەكتى قۇن كوزقاراسىن جەتىلدىرۋدىڭ جانە اسقاقتاتۋدىڭ، جۇڭگوشا سوتسياليزم ىستەرىنىڭ ۇيىستىرۋ قۋاتى مەن باۋراۋ قۋاتىن كۇشەيتۋدىڭ ماڭىزدى ءتاسىلى“.

  تەرەڭنەن تولعانىپ، الىستى ويلاپ، ءارقاشان كوكەيدەن شىعارمادى.

  ارميادان كاسىپ اۋىستىرعانداردى ماداقتاۋ - سيلاۋ جونىندەگى 6 - رەتكى مەملەكەتتىك جينالىستا ماداقتالىپ - سيلانعانداردىڭ ۋاكىلدەرىمەن كەزدەسكەندە: ”مەملەكەت ومىرىندە ءار ءداۋىردىڭ ءوز دارىندىلارى بولادى، ءبىزدىڭ ىستەرىمىز قاھارمان ۇلگىلەردىڭ، وزات تۇلعالاردىڭ جالىندى كۇش جانە تىرەك بولۋىنىڭ ارقاسىندا ىلگەرىلەيدى“، - دەپ اتاپ كورسەتتى؛

  ”جۇڭگو حالقىنىڭ جاپون شاپقىنشىلارىنا قارسى تۇرۋ سوعىسى جەڭىسىنىڭ 70 جىلدىعى“ ەستەلىك زناگىن تاراتۋ سالتىندا: ”جاپون شاپقىنشىلارىنا قارسى تۇرۋ سوعىس قاھارماندارىن قامتىعان ۇلت قاھارماندارىنىڭ بارلىعى جۇڭحۋا ۇلتىنىڭ تىرەگى، ولاردىڭ ىزگى ىستەرى مەن رۋحى ءبىزدىڭ العا باسۋىمىزعا دەم بەرەتىن قۇدىرەتتى كۇش“، - دەپ باسا دارىپتەدى؛

  مەملەكەت وردەنى مەن مەملەكەت داڭق اتاعىن بەرۋ سالتىندا ”بۇكىل قوعامنىڭ قاھارمانداردى ارداقتاۋىن، قاھارمانداردان ۇيرەنۋىن ىلگەرىلەتىپ، ءىس جۇزىندىك ارەكەتتەرىمەن ’قوس 100 جىلدىق‘ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇش قوسۋدى“ تالاپ ەتتى؛

  ”1 - شىلدە وردەنىن“ بەرۋ سالتىندا بۇكىل پارتيادا، بۇكىل قوعامدا وزاتتاردى ارداقتايتىن، جاقسىدان ونەگە الۋعا تالپىناتىن جالىندى راي قالىپتاستىرىپ، قالىڭ پارتيا مۇشەلەرىن، كادرلاردى پارتيانىڭ سيپاتىن، باس ماقساتىن ەستە بەرىك ساقتاپ، پارتيانىڭ اۋەلگى ماقساتىن، بورىشىن ەستە بەرىك ساقتاپ، قاجىماي - تالماي كۇرەس جۇرگىزۋگە، ماڭگى كۇرەس جۇرگىزۋگە شابىتتاندىرۋعا“ ۇندەدى؛

  ...

  ۇلت رۋحىن سەرپىلتىپ، ۇلتتىڭ تىرەگىن شىڭدادى.

  باس شۋجي شي جينپيڭنىڭ ءبىر قىدىرۋ ماڭىزدى بايىمداۋلارى پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ ءتۇزىمىن ورناتۋدىڭ، اقاۋسىزداندىرۋدىڭ ءتۇبىرلى ماقساتىن ايقىن بايىمداپ ءتۇسىندىرىپ، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنىڭ پارتيا مەن مەملەكەت ىستەرىنىڭ دامۋى جونىندەگى تەرەڭ ءمانىن ىشكەرىلەي ۇعىندىردى.

  بۇل قاھارمان ۇلگىلەرگە دەگەن شىنايى قامقورلىق −

  2019 - جىلى 9 - ايدىڭ 29 - كۇنى باس شۋجي شي جينپيڭ مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىمەن بىرگە حالىق سارايىنىڭ جينسى زالىنا كىرگەن سول ءبىر ءسات ”رەسپۋبليكا وردەنىنىڭ“ يەگەرى، 93 جاستاعى سۇن جيادۇڭنىڭ ءالى ەسىندە.

  ”باس شۋجي قادام جيىلىگىنە ايرىقشا ءمان بەرىپ، مەنىمەن يىق سۇيەسە قاتار ءجۇرىپ قانا قويماي، شىن جيلان جولداستى ءوزىنىڭ ەندى ءبىر جاعىنا كەلىپ، بىرگە العا جۇرۋگە ارنايى ۇسىنىس ەتتى. بۇل دەتالدان مەن شىنايى قامقورلىقتى، قۇرمەتتى شىن جۇرەكتەن ءتۇيسىندىم“!

  ”كەدەيلىكتەن ارىلتۋدان قامال الۋدىڭ مەملەكەتتىك ۇلگىسى“، 99 جاستاعى شيا سىن 2021 - جىلى 2 - ايدىڭ 25 - كۇنى كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا باس شۋجي شي جينپيڭنىڭ وزىنە سيلىق تاراتقان سول ءساتتى ۇمىتپاق ەمەس.

  بۇكىل زالداعىلاردىڭ قىزۋ قول شاپالاق ءۇنى ىشىندە باس شۋجي شي جينپيڭ ءيىلىپ قارياعا مەدال تاعىپ، مەدالدىڭ باۋىن تۇزەدى، ول كىسىنىڭ جانارىنان مول سۇيىسپەنشىلىك پەن جىلى مەيىر توگىلىپ تۇردى. شيا سىن اسەرلەنگەنىنەن دوڭگەلەكتى ارباشادان تۇرماققا ۇمسىنعاندا، باس شۋجي تاعى ءبىر رەت يىلە كۇلىمسىرەي قاريانى يىعىنان جەڭىل سيپاپ، الاڭسىز وتىرا بەرۋدى ءىلتيپات ەتىپ، نارت قىزىل داڭق كۋالىگىن ونىڭ قولىنا ۇستاتتى.

  شىن جۇرەكتەن شىققان قۇرمەت تابيعي ءبىلىنىپ، شىنايى سۇيىسپەنشىلىك تەرەڭ ايگىلەندى.

  قۇربانداردى ەسكە الۋ كۇنىن بەلگىلەپ، ءار جىلى وسى كۇنى سالتاناتتى سالتپەن حالىق قاھارماندارىنا گۇل شارباق قويدى؛ جەرگىلىكتى ورىنداردا تەكسەرۋ - زەرتتەۋ جۇرگىزگەندە، توڭكەرىستىڭ قاسيەتتى جەرلەرىن قايتا - قايتا قۇرمەتپەن كورىپ، قاھارمانداردىڭ ىزگى ىستەرىن قايتالاي ەسكە الدى؛ قۇربانداردى ماراپاتتاۋ قىزمەتى جونىندە ارناۋلى تۇردە ماڭىزدى نۇسقاۋ بەرىپ، بەكىتۋ جازدى... باس شۋجي شي جينپيڭ جوعارى ارقىلى تومەنگە جەتەكشىلىك ەتىپ، باستاماشىلدىقپەن ۇلگى كورسەتىپ، بۇكىل پارتيانىڭ، بۇكىل قوعامنىڭ قاھارمان قۇربانداردى ساعىنا ەسكە الۋى، قاھارماندارعا قۇرمەت ءبىلدىرۋى ءۇشىن شۇعىلالى ۇلگى ورناتتى.

  ”قاھارماندار − ۇلتتىڭ ەڭ جارقىن كوورديناتاسى“، ”ولار − جاڭا داۋىردەگى ەڭ سۇيىكتى ادامدار، ءبىزدىڭ ماڭگى ەسكە الۋىمىزعا جانە ۇيرەنۋىمىزگە تاتيدى“، ” قۇربانداردىڭ ەسەلى ەڭبەگى ماڭگىلىك ۇمىتىلمايدى، قۇربانداردىڭ داڭقتى ەسىمى ماڭگى ساقتالادى“، ”ەڭبەك ەرلەرى ۇلتتىڭ ەگەيلەرى، حالىقتىڭ ونەگەسى، رەسپۋبليكانىڭ ارداگەرى“... ماڭىزدى ورىنداردا، ماڭىزدى سوزدەرىندە قاھارمان ۇلگىلەرگە ەڭ تەرەڭ سۇيىسپەنشىلىككە تولى سوزدەرمەن ماراپات ايتتى.

  دۋ فۋگوعا قاھارمان ۇلگى وردەنىن تاعىپ، كۋالىك بەرىپ، قىزۋ ىنتامەن ونىڭ يىعىنان قاعىپ، وعان ”دەنساۋلىعىڭىزدى كۇتىڭىز“ دەپ تاپسىردى؛ توپتىق سۋرەتكە تۇسكەندە حۋاڭ شۇيحۋا، حۋاڭ دافا سىندى ەكى ەڭبەك سىڭىرگەن ۇلگىنىڭ قولىنان ۇستاپ، ەكى قارتتى قاسىنا وتىرۋعا ۇسىنىس ەتتى؛ اپەكەلى - ءسىڭلىلى جوگا مەن ياڭزۇڭعا جانە سۇن جيادۇڭ، ۋاڭ شيجي قاتارلى قارت جولداستارعا جاۋاپ حات قايتاردى... ءار جولعى ىقىلاستى ءوزارا ءىس - قيمىلدار، مەيىرگە تولى تالاي ساتتەر حالىق كوسەمىنىڭ قاھارمان ۇلگىلەرگە كوڭىل بولگەندىگىن، قامقورلىق جاساعاندىعىن كورسەتىپ جاتتى.

  بۇل − ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتى جونىندەگى ىشكەرىلەي جوسپارلاۋ −

  پارتيانىڭ 18 - قۇرىلتايىندا ”مەملەكەتتىڭ داڭق ءتۇزىمىن ورناتۋ“ ايقىن ورتاعا قويىلدى.

  پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىن باس شۋجي شي جينپيڭ باستان - اياق ءوزى جوبالاپ، ءوزى ورنالاستىرىپ، ءوزى ىلگەرىلەتىپ كەلەدى.

  2014 - جىلى 12 - ايدا باس شۋجي شي جينپيڭ مامان - وقىمىستىلاردىڭ ۇسىنىس - پىكىرلەرى جيناقتالعان زەرتتەۋ بايانداماسىنا ماڭىزدى بەكىتۋ جازىپ، قاتىستى تاراۋلاردان ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ ءبىر تۇتاس ءتۇزىمى جوباسىن اقىلداسۋدى، ورناتۋدى تالاپ ەتتى.

  2015 - جىلى 12 - ايدا باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقاردى. ماجىلىستە پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ ءتۇزىمىن ورناتۋ، اقاۋسىزداندىرۋ ايقىن العا قويىلىپ، پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتى كوميتەتىن قۇرۋ ۇيعارىلدى.

  2016 - جىلى 5 - ايدا باس شۋجي شي جينپيڭ پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى: پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋىنىڭ رۋحاني جاقتان جەتەكتەۋ، تيپتىك ۇلگى كورسەتۋ رولىن تولىق ساۋلەلەندىرىپ، بۇكىل قوعامدا جاقسىدان ونەگە الۋعا ۇمتىلاتىن، قاھارمانداردى ارداقتايتىن، اتويشى بولۋعا تالپىناتىن تاماشا راي قالىپتاستىرۋدى ىلگەرىلەتۋ كەرەك.

  ”ءبىر تۇتاس جوسپارلاۋدى كۇشەيتىپ، پارتيا مەن مەملەكەت قىزمەتىنىڭ كەلەلى جاعدايىن نەگىزگە الىپ، دۇرىس بەتالىستى مىقتاپ يگەرىپ، عىلمي جوبالاۋدى كۇشەيتىپ، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ ءتۇزىمىنىڭ ءونىمدى، جارامدى، ورنىقتى، باياندى بولۋىنا شىنايى كەپىلدىك ەتۋ كەرەك“؛

  ”سىڭىرگەن ەڭبەكتى باعدار ەتۋدى كورنەكتىلەندىرىپ، ءمورالدى ماڭداي الدى ورىنعا قويۋدان جازباي، سىڭىرگەن ەڭبەكتى ماڭىزدى ولشەم ەتىپ، ولشەمدى قاتاڭ يگەرىپ، از بولسا دا ساز بولۋدى ورىنداۋ، امالياتتىڭ، حالىقتىڭ، تاريحتىڭ سىنىنان سۇرىنبەي ءوتۋ كەرەك“؛

  ”زاڭعا، ەرەجەگە ساي بولۋعا تاباندى بولىپ، قىزمەتتەردى قاتاڭ تۇردە بەلگىلەنگەن ولشەم جانە ءتارتىپ بويىنشا ورىستەتىپ، سايكەستى زاڭ ەرەجەلەردى كەمەلدەندىرىپ، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ ادىلدىگى مەن بەدەلىن قورعاۋ كەرەك“؛

  ”ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ ءتۇزىمىن ۇگىتتەۋدى، ءتۇسىندىرۋدى ويداعىداي يگەرىپ، ونىڭ كەلەلى ءمانىن ۇعىندىرىپ، ’قوس 100 جىلدىق‘ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى رۋحاني كۇش توپتاۋ كەرەك“؛

  ...

  جوعارى دەڭگەيدە جوبالاۋدان ءتۇزىم جوباسىنا، ۇيىمدىق تارتىپتەن شەشۋشى بۋىنعا دەيىن باس شۋجي شي جينپيڭ بيىكتەن الىستى باعامداپ، جوبا جاساپ، ورنالاستىرۋ جاساپ، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ جۇڭگوشا ەرەكشەلىككە يە ءتۇزىمى جۇيەسىنىڭ ورناتىلۋىنا، اقاۋسىزدانۋىنا، جاڭا داۋىردەگى پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنىڭ جاڭالىق اشا دامۋىنا ايقىن العا باسۋ بەتالىسىن كورسەتتى. باس شۋجي جاساعان ءبىر قىدىرۋ ماڭىزدى نۇسقاۋلار جانە جازعان بەكىتۋلەر وسى قىزمەتتى ويداعىداي ىستەۋگە ءتۇبىرلى بويسۇنۋ ولشەمىن ازىرلەدى.

  ەرەجە - ءتۇزىم ورناتىپ، داڭقتىڭ شۇعىلالى ورنەگىن كەستەلەدى

  ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ جۇڭگوشا ەرەكشەلىككە يە ءتۇزىمى جۇيەسىن ورناتتى جانە اقاۋسىزداندىردى

  ”بۇگىن ماداقتالىپ - سيلانعان ’1 - شىلدە وردەنىنىڭ‘ يەگەرلەرى − ءارقايسى شەپتەگى پارتيا مۇشەلەرىنىڭ ۇزدىك ۋاكىلدەرى. ولاردان جۇڭگو كوممۋنيستەرىنىڭ سەنىمدى بەكەمدەپ، باس ماقساتتى امالياتتا ايگىلەپ، ايانباي ۇلەس قوسىپ، پاك، كوپشىل بولعان اسقاق قاسيەت جانە ارداقتى رۋح جاندى ايگىلەندى“.

  2021 - جىلى 6 - ايدىڭ 29 - كۇنى حالىق سارايىنىڭ جينسى زالىندا پارتيا ورتالىق كوميتەتى تۇڭعىش رەت ”1 - شىلدە وردەنىن“ بەردى. باس شۋجي شي جينپيڭنىڭ ”1 - شىلدە وردەنىنىڭ“ يەگەرلەرىنە دەگەن ايرىقشا ماداق - ماراپاتى ءماجىلىس الاڭىنىڭ ءىشى - سىرتىنا تارالدى.

  ”1 - شىلدە وردەنىنىڭ“ بەرىلۋى پارتيا ىشىندە، مەملەكەتتە، ارميادا ەڭ جوعارى داڭققا ۋاكىلدىك ەتەتىن ”5 وردەننىڭ“ تولىق بەرىلگەندىگىن، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ ءبىر تۇتاس، جۇيەلى، بەدەلدى ءتۇزىمىنىڭ جاپپاي تياناقتانعانىن كورسەتتى.

  وردەن جارقىراپ، داڭقتىڭ شۇعىلالى ورنەگى كەستەلەندى، پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ جۇيەسى كوپ ساتىلى، جاپپاي قامتۋدى جۇزەگە اسىردى −

  جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى قارساڭىندا، ”رەسپۋبليكا وردەنى“ مەن مەملەكەت داڭق اتاعىن بەرىپ، مەملەكەتتىڭ ەڭ جوعارى داڭقىن مەملەكەتتىڭ قۇرىلىسى مەن دامۋىنا ەلەۋلى ەڭبەك سىڭىرگەن ۇزدىك قايراتكەرلەرگە ۇسىندى؛

  جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارساڭىندا، ”1 - شىلدە وردەنىن“ بەرىپ، پارتيا ىشىندەگى ەڭ جوعارى داڭقتى اتاقتى جۇڭگوشا سوتسياليزم ۇلى ىسىندە جانە پارتيا قۇرىلىسىنىڭ جاڭا ۇلى ينجەنەرياسىندا كورنەكتى ۇلەس قوسقان پارتيا مۇشەلەرىنە ۇسىندى؛

  جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا، ”1 - تامىز وردەنىن“ بەرىپ، ارميانىڭ ەڭ جوعارى داڭقىن مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋدا، مەملەكەت قورعانىسى مەن ارميانى وسىزامانداندىرۋ قۇرىلىسىن ىلگەرىلەتۋدە ەلەۋلى ەڭبەك سىڭىرگەن ارميا قىزمەتكەرلەرىنە ۇسىندى؛

  2018 - جىلى رەسەي زۇڭتۇڭى پۋتين جۇڭگوعا ساپارلاي كەلگەندە، ”دوستىق وردەنىن“ ۇسىنىپ، مەملەكەت وردەنى فورماسىمەن جۇڭگو مەن رەسەي ەكى ەل حالقىنىڭ تەرەڭ دوستىعىن ايگىلەدى؛

  ...

  سيلىق ءتيىستى يەسىنە بەرىلدى، سيلىق ناتيجەگە بەرىلدى، سيلىق دەر كەزىندە بەرىلدى. ”رەسپۋبليكا وردەنى“، ”1 - شىلدە وردەنى“، ”1 - تامىز وردەنى“، مەملەكەت داڭق اتاعى جانە ”دوستىق وردەنى“ سىندى 5 ۇلكەن ەڭ جوعارى داڭق اسقارالى شام - شىراق ىسپەتتى اسقاق كوورديناتانى كورسەتتى.

  وسى نەگىزدە، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ كوپ ساتىلى، كوپ ءتۇرلى، كوپ سالالى جۇيەسى كۇن سايىن كەمەلدەنىپ، تولىسا ءتۇستى.

  مەملەكەتتىك ”ەكى تاڭداۋلى، ءبىر وزات“، مەملەكەتتىك ەڭبەك ەرلەرى مەن وزات قىزمەتكەرلەر، مەملەكەتتىك عىلىم - تەحنيكا سيلىعى، مەملەكەتتىك ۇلتتار ىنتىماعىنداعى، العاباسارلىعىنداعى ۇلگىلەر، مەملەكەتتىك ”حالىق رازى مەملەكەت قىزمەتكەرلەرى“ جانە ”حالىق رازى مەملەكەت قىزمەتكەرلەرى كوللەكتيۆتەرى“، سونداي - اق ورتالىق اسكەري ىستەر كوميتەتىنىڭ سيلىق - ماراپاتتارى سياقتى مەملەكەت دارەجەلى ماراپات - سيلىقتاردان تاراۋلاردىڭ، جەرگىلىكتى ورىنداردىڭ ماراپات - سيلىقتارىنا دەيىنگىلەر بۇكىل پارتيانى، بۇكىل قوعامدى وزاتتارعا تۋرالانىپ، كۇش سالا ورگە ۇمتىلۋعا ۇزدىكسىز شابىتتاندىردى؛

  رەفورما جاساپ، ەسىك اشۋدىڭ 40 جىلدىعى قارساڭىندا، ”رەفورما اتويشىسى“ اتاعىن جانە جۇڭگو رەفورماسى دوستىق مەدالىن بەرۋدەن جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىن، كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىن، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىن اشۋعا دەيىن ەرەكشە كەزەڭدەرگە، ەرەكشە وقيعالارعا جانە ماڭىزدى ارناۋلى مىندەتتەرگە باعىتتاي وتىرىپ دەر كەزىندە سيلىق - ماراپات ۇسىنۋ قيمىلىن ورىستەتىپ، وزات ۇلگىلەردى ماداقتاپ - سيلاپ، قىمباتتى تاجىريبەلەردى قورىتىندىلادى؛

  ”جۇڭگو حالقىنىڭ جاپون شاپقىنشىلارىنا قارسى تۇرۋ سوعىسى جەڭىسىنىڭ 70 جىلدىعى“ ەستەلىك زناگى، ”جۇڭگو جۇمىسشى - شارۋا قىزىل ارمياسى ۇزاق جورىعى جەڭىسىنىڭ 80 جىلدىعى“ ەستەلىك زناگى، ”جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ“ ەستەلىك زناگى، ”جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعى“ ەستەلىك زناگى، ”پارتياداعى داڭقتى 50 جىل“ ەستەلىك زناگى سياقتىلاردى تاراتىپ، داڭق سيپاتىنداعى ەسكە الۋ فورماسىمەن تاريحتاعى شۇعىلالى داڭقتاردى ساعىنا ەسكە الىپ، العا باسۋعا كۇش ۇيىستىردى.

  باس شۋجي شي جينپيڭنىڭ تىكەلەي كوڭىل ءبولۋى مەن قامقورلىعىندا، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ وردەن، داڭق اتاعى، ماراپات - سيلىق جانە ەستەلىك زناك سياقتى 4 تۇردەن قۇرالعان جۇيەسى قالىپتاستى.

  شەكسىز داڭق تەرەڭ ماعىنا اڭعارتتى، اسا جوعارى ولشەم پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنىڭ جان - جاقتى، جالپى بارىسىنا ءسىڭىرىلدى −

  2020 - جىلى 9 - ايدىڭ 8 - كۇنى تۇستەن بۇرىن بەيجيڭ باتىس چاڭان كوشەسى. اۆتوموبيلدەردىڭ شامى جالتىلداپ، اۆتوموبيل اترەتى قاتاڭ، رەتتى قاتار تۇزەپ كەلەدى.

  21 موتوتسيكلدەن قۇرالعان قۇرمەت موتوتسيكل اترەتىنىڭ قورعاۋىندا ”رەسپۋبليكا وردەنىنىڭ“ يەگەرى جۇڭ نانشان جانە ”حالىق قاھارمانى“ مەملەكەت داڭق اتاعىنىڭ يەگەرلەرى جاڭ بولي، جاڭ ديڭيۇي، چىن ۋي قۇرمەت اۆتوموبيلىنە بىرگە وتىرىپ، جيڭشي قوناق ۇيىنەن اتتانىپ، حالىق سارايىنا قاراي جول تارتتى. كوشەنى جاعالاي قاتار تۇزەگەن قوعام حاۋىپسىزدىگى حالىق ساقشىلارى اۆتوموبيل اترەتىنە سالتاناتتى تۇردە سالەم بەردى، جۇرگىنشىلەر دە جابىلا ولارعا اسقاق قۇرمەتپەن كوز تىكتى.

  بۇكىل زالداعىلاردىڭ دۋ قول شاپالاق ءۇنى ىشىندە ەڭبەك سىڭىرگەن 4 ۇلگى ۇسىنىس بويىنشا 10 مىڭ ادامدىق زالدىڭ ءتوراعالار مىنبەسىنەن ورىن الدى.

  باس شۋجي شي جينپيڭ ولارعا وردەن جانە مەدال ۇسىندى.

  اسقاق سي - قۇرمەتپەن ماراپاتتاپ، ەڭبەك سىڭىرگەن ۇلگىلەرگە قۇرمەت ءبىلدىرۋ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنىڭ ايقىن ەرەكشەلىگى سانالادى.

  ءبىر رەتكى ماداقتاۋ - سيلاۋ ءبىر رەتكى رۋحاني شىڭدالۋ سانالادى. چاڭان كوشەسىنەن حالىق سارايىنا دەيىن، قۇرمەت موتوتسيكل اترەتىنەن تەلەۆيزوردا تىكە تاراتۋعا دەيىن ەڭبەك سىڭىرگەندەردى، داڭق اپەرگەندەردى ماراپاتتاۋ قيمىلى بۇكىل ەل نازارىن اۋدارعان سالتاناتتى ءىس بولدى.

  ”مەملەكەت قاھارمانىن ەل ارداگەرىندەي كورەمىز“ ،”بۇل مەملەكەتتىڭ ەڭ ايبىندى دا سالتاناتتى تويى“، ”سيلىق بەرۋ سالتى ايبىندى، اسەرلى بولىپ، جىگەردى ۇشتادى“... سايتتاستار ۋادەلەسىپ العانداي - اق قوعامدىق قارىم - قاتىناس توراپ بەتىندە تولتىرا لەبىز قالدىرىپ، مەملەكەت قاھارماندارىنا، ءداۋىر ۇلگىلەرىنە قۇرمەت ءبىلدىردى.

  ”رەسپۋبليكا وردەنى“ تۇلعاسىنا مەملەكەت گەربى، بەس جۇلدىز، حۋاڭحى، چاڭجياڭ سياقتى فاكتورلار قولدانىلىپ، مەملەكەتتىك ەڭ جوعارى داڭققا ماراپات ايتىلىپ، وتاننىڭ گۇلدەنىپ - قۇدىرەتتەنۋىن تىلەدى؛ ”1 - شىلدە وردەنى“ تۇلعاسىنا پارتيا گەربى، بەس جۇلدىز، تۋ، ەسكەرتكىش جانە ساۋلە سياقتى فاكتورلار قولدانىلىپ، پارتيانىڭ باسشىلىعى مەن ۇيتقىلىق ورنىن بەينەلەپ، كوممۋنيزم اسقاق مۇراتى ءمانى ايگىلەندى؛ ”1 - تامىز وردەنى“ تۇلعاسىنا 1 - تامىز ارميا گەربى، ۇلى قورعان، سەمسەر، تۋ سياقتى فاكتورلار قولدانىلىپ، ارميامىزدىڭ تاڭداۋلى ءداستۇرى مەن ارميانى قۇدىرەتتەندىرۋدەگى اسقاق، ەكپىندى قادامىنا سيمۆول بولدى... ەرەن اسەم جوبالاۋ تەحنولوگياسى تەرەڭ ساياسي ءماندى جانە مول مادەنيەت قورداسىن بەينەلەپ، ايقىن مەملەكەت ەرىك - جىگەرىن جانە باتىل مەملەكەت پوزيتسياسىن ايگىلەدى.

  اسا جوعارى داڭقتى زاڭمەن قورعادى، پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋى كۇن سايىن جۇيەلىلەندى، تۇزىمدەندى −

  تولىق داۋىسپەن ماقۇلداندى!

  2019 - جىلى 9 - ايدىڭ 17 - كۇنى تۇستەن كەيىن، 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 13 - ءماجىلىسى مەملەكەت وردەنى جانە مەملەكەت داڭق اتاعىن بەرۋ جونىندەگى قاۋلىنى داۋىسقا سالىپ ماقۇلدادى. مەملەكەت ءتوراعاسى شي جينپيڭ ءتوراعا بۇيرىعىنا قول قويىپ، جاريالادى.

  نەگىز ەتەتىن زاڭ، بويسۇناتىن ەرەجە بار بولدى، زاڭدىق ءتۇزىم ارقىلى داڭق باعدارىن تۇراقتاندىردى.

  پارتيا 18 - قۇرىلتايىنان بەرى، پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنىڭ قاتىستى زاڭ - بەلگىلەمە ءتۇزىمى كۇن سايىن كەمەلدەنىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ بارىسىنداعى ماڭىزدى مازمۇن بولدى.

  جۇڭگو كوممۋنيستىك پارتياسى ورتالىق كوميتەتى «پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ ءتۇزىمىن ورناتۋ، اقاۋسىزداندىرۋ جونىندەگى پىكىردى» باسىپ تاراتتى، مەملەكەتتىك حالىق قۇرىلتايى تۇراقتى كوميتەتى «جۇڭحۋا حالىق رەسپۋبليكاسى مەملەكەت وردەنى جانە مەملەكەت داڭق اتاعى زاڭىن» ماقۇلدادى، قاتىستى جاقتار پارتيا ىشىندە، مەملەكەتتە، ارميادا ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ 3 ەرەجەسىن جەكە - جەكە بەلگىلەپ، وسى نەگىزدە كەزەڭگە ءبولىپ، قاتىستى سايكەستى ساياسات، زاڭ - بەلگىلەمەنى بىرتىندەپ كەمەلدەندىرىپ، ”3 + 1 + 1“ ءتۇزىم قۇرىلىسى جوباسى تارتىپپەن ىلگەرىلەتىلدى.

  نەگىزگى تۇلعاسى ۇزدىكسىز اقاۋسىزدانىپ، ءتۇزىم نەگىزى بارعان سايىن بەكەمدەلدى.

  ءبىر قىدىرۋ ءتۇزىم - بەلگىلەمەنى ناقتى بەرۋ امالياتىنا اينالدىرىپ، بەرۋ قيمىلى ارقىلى تانىمدى ۇزدىكسىز تەرەڭدەتىپ، زاڭ - بەلگىلەمە، ساياساتقا دەر كەزىندە وزگەرىس ەنگىزىپ، كەمەلدەندىردى... ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ جۇڭگوشا ەرەكشەلىككە يە ءتۇزىمى اناعۇرلىم ”ءونىمدى، جارامدى، ورنىقتى، باياندى“ بولىپ، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنىڭ باياندى، اقاۋسىز دامۋىنا دەم بەردى.

  وزات، تاڭداۋلى بولۋعا ۇمتىلىپ، اسقاق رۋحپەن ەكپىندەي ىلگەرىلەدى

  ەڭبەك سىڭىرگەن ۇلگىلەردى ونەگە ەتىپ، جاڭا داۋىردەگى قاھارمان داستانىن جازدى

  2021 - جىلى 7 - ايدىڭ 1 - كۇنى، كۇللى جۇرت كوز تىككەن تيان - انمىن مىنبەسىندە باس شۋجي شي جينپيڭنىڭ سالتاناتتى جاريالاۋىن ەستىپ، ەكى كۇننىڭ الدىندا باس شۋجي ءوز قولىمەن بەرگەن ”1 - شىلدە وردەنىن“ قولىنا الىپ تۇرعان ”سان شايقاستىڭ ساقا جاۋىنگەرى“ ۋاڭ جانشان قاھارمان كوزىنە ىستىق جاس الدى:

  ”باقىتتى تۇرمىسىمىزدى پارتيا سيلادى، مەن ءومىرىمدى پارتياعا ارنايمىن“.

  تاريحي سيپاتتى سالتاناتتى جينالىسقا كۇللى الەم كوز تىكتى، ەڭبەك سىڭىرگەندەر داڭقتى ساتتەرمەن ءبولىستى؛ جاڭا جورىق جولى شۇعىلالى دا كەڭ بولدى، گۇلدەنۋ ۇلى ءىسى ەڭبەك سىڭىرگەندەردى بىرگە كۇش سالۋعا شاقىردى.

  ”قاھارمانداردى قادىرلەگەندە عانا قاھارماندار شىعادى، قاھارمان بولۋعا تالپىنعاندا عانا قاھارماندار تولاسسىز جارىققا شىعادى“.

  جاڭا جورىققا قادام تاستاعاندا باس شۋجي شي جينپيڭ بىلاي دەپ ۇندەۋ تاستادى: ”بۇكىل پارتيا، بۇكىل ەلدەگى ءار ۇلت حالقى قاھارمان ۇلگىلەردەي تاباندى بولىپ، قاھارمان ۇلگىلەردەي كۇرەس جۇرگىزىپ، جاڭا داۋىردەگى حالىق رەسپۋبليكاسىنىڭ ايبىندى جەڭىس جىرىن بىرگە جازۋى كەرەك!“.

  بۇل قايتادان جورىققا اتتانۋدىڭ اسقاق ۇندەۋى. ەڭبەك سىڭىرگەن ۇلگىلەر داڭقتى قوزعاۋشى كۇش ەتىپ، قايراتتانا العا باسىپ، ەرلىكپەن تىڭ ەڭبەك كورسەتۋگە بەل بايلادى −

  2019 - جىلى 9 - ايدىڭ 29 - كۇنى، ”رەسپۋبليكا وردەنى“ يەگەرى يۋان لۇڭپيڭ مىنبەگە شىعىپ سيلىق العاندا، باس شۋجي شي جينپيڭ بەينە كونە دوستارداي ونىڭ قولىن ۇستاپ، تاياۋداعى قىزمەتتەرىندە قانداي ىلگەرىلەۋشىلىكتەر بولعاندىعىن سۇرادى.

  ”ەرەن كۇرىشتەن ءار مۋىنان 1200 كيلوگرام ءونىم الۋعا ۇمتىلۋدامىز“، - دەدى يۋان لۇڭپيڭ اسەرلەنە جاۋاپ قايتارىپ.

  ”ەڭبەگىنە مالدانىپ قام - قايعىسىز جاتۋعا بولمايتىندىعىن“ تەرەڭ سەزىنگەن يۋان لۇڭپيڭ سالت وتكىزىلگەن كۇننىڭ ەرتەسى - اق باس شۋجيدىڭ ىقىلاستى ءۇمىتىن ارقالاپ حۋنانعا سۋىت قايتىپ، اتىز باسىندا ءومىرىنىڭ سوڭىنا دەيىن كۇرەس جاسادى.

  3 جىلدان استام ۋاقىتتىڭ الدىنداعى سول ءبىر ءساتتى ەسىنە العاندا، ”رەفورما اۆانگاردى“ اتاعىنىڭ يەگەرى، مەملەكەت ەلەكتر تورى تيانجين ەلەكتر قۋاتى بينحاي ەلەكترمەن قامداۋ سەرىكتەستىگىنىڭ توك ۇلەستىرۋ، جوندەۋ ءبانىنىڭ باستىعى جاڭ ليميڭ ءالى دە توتەنشە مەيىرلى سەزىنەدى.

  2018 - جىلى 12 - ايدىڭ 18 - كۇنى، رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا، باس شۋجي شي جينپيڭ ورنىنان تۇرىپ، ءتوراعالار مىنبەسىنىڭ ارتقى بولىگىندە وتىرعان ماداقتالىپ - سيلانعانداردىڭ ۋاكىلدەرىنە قاراپ، باستاماشىلدىقپەن شاپالاق سوعىپ قۇرمەت ءبىلدىردى.

  ”مەن تاعى دا تىنباي قۇلشىنىپ، تاعى دا تىڭ ناتيجە جاراتامىن“، - دەدى جاڭ ليميڭ، - ”قۇرىلتايدا مەنى ’جاسامپاز الدىڭعى شەپتەگى ەڭبەكشىلەردىڭ ۇزدىك ۋاكىلى‘ دەپ ماداقتادى، مەن بۇل باعانى توتەنشە قاستەرلەيمىن، سونداي - اق ول مەنىڭ ۇزدىكسىز كۇرەس جاساۋ نىسانام“.

  باس شۋجي شي جينپيڭنىڭ ءوز قولىمەن بەرگەن مەدالىن قاستەرلەي ساقتاعان ”مادەنيەت ەسكەرتكىشتەرىن قورعاۋدا ەسەلى ۇلەس قوسۋشى“ مەملەكەت داڭق اتاعىنىڭ يەگەرى فان جينشى 90 جاسقا كەلسەدە، ءار جىلى جارتى جىلدان استام ۋاقىتىن دۇنحۋاڭدا تامىر تارتۋعا ارنادى.

  ”سىزدەن مەن تاعى دا شايقاسقا قاتىناسۋدى وتىنەمىن“. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا ”رەسپۋبليكا وردەنى“ يەگەرى جۇڭ نانشان باس شۋجي شي جينپيڭگە وسىلاي دەدى. بۇگىنگى كۇندە، 86 جاستاعى جۇڭگو ينجەنەريا عىلىمدار اكادەمياسىنىڭ اكادەميگى تىنىس جۇيەسى اۋرۋلارىنان جانە توسىن تۋىلاتىن الەۋمەتتىك دەنساۋلىق ساقتاۋ ۋاقيعالارىنان ساقتانۋ - تىزگىندەۋدىڭ الدىڭعى شەبىندە ءالى دە ەڭبەك ەتىپ كەلەدى.

  بۇل وزات تاڭداۋلى بولۋعا ۇمتىلۋدىڭ تاماشا رايى. قوعامداعى ءار سالا ءتۇرلى فورمالارمەن قاھارمان حيكايالارىن بايانداپ، ەڭبەك ءسىڭىرۋ رۋحىن اسقاقتاتتى −

  2020 - جىلى 10 - ايدىڭ 31 - كۇنى سانشيدىڭ چاڭجى قالاسى پيڭشۇن اۋدانى جيلان پارتيالىلىق تاربيە بازاسىندا ”اۋەلگى ماقسات ساباقحاناسى“ رەسمي ساباق باستادى.

  پارتيانىڭ نازارياسىن ۇيرەنىپ، جيلان حيكاياسىن تىڭداپ، اسەرلەرىن اقتارىلا ايتتى... ەڭبەك سىڭىرگەندەردىڭ ىزگى ىستەرى ادامدى ەكپىندەي العا باسۋعا جەلپىندىردى.

  2009 - جىلى شي جينپيڭ جولداس سانشيدە قىزمەت تەكسەرگەندە، شىن جيلاننىڭ اۋىلى شيگوۋ قىستاعىنا باردى، كولىكتەن تۇسە سالىسىمەن شىن جيلانمەن ىقىلاستى قول الىسىپ، قىزۋ ىنتامەن اڭگىمەلەستى ءارى قىزمەت تەكسەرۋ بارىسىندا، ”شىن جيلان جولداستىڭ بويىنداعى رۋح پارتيامىزدىڭ اسىل بايلىعى، ونىڭ تەرەڭىنە بويلاپ، كۇش سالا اسقاقتاتىپ، جاڭا تاريحي كەزەڭدە اناعۇرلىم كوز تارتارلىق شۇعىلا شاشتىرۋ كەرەك“، - دەپ العا قويدى.

  2019 - جىلى باس شۋجي شي جينپيڭ شىن جيلانعا ءوز قولىمەن ”رەسپۋبليكا وردەنىن“ تاقتى. شىن جيلان ناۋقاستانىپ، شيپاحاناعا جاتىپ قالعان كەزدەردە باس شۋجي شي جينپيڭ ارنايى حال سۇرادى.

  قازىرگى شيگوۋ قىستاعىندا، بۇكىل ەلدىڭ جەر - جەرىنەن كەلگەن كادرلاردىڭ، بۇقارانىڭ، وقۋشىلاردىڭ اياعى ۇزىلمەدى، ولار سول جەردىڭ وزىنەن رۋحاني ءنار الدى.

  قاھارمان حيكاياسى اۋىزدان - اۋىزعا تارالىپ، ەڭبەك ءسىڭىرۋ رۋحى ونان ارى جالعاسىن تاپتى.

  ”تاماشا تەلەفيلم جىگەردى جانيدى، كورىپ بولعانشا كوزىمنەن جاس توقتامادى“، ”ءاسىلى ’ەڭ سۇيىكتى ادامدار‘ مەكەنىمىزدىڭ تىنىش - اماندىعىن وسىلاي قورعاعان ەكەن“... 2021 - جىلى 9 - ايدا، ”رەسپۋبليكا وردەنىنىڭ“ 8 يەگەرىن پروتوتيپ ەتكەن تەلەفيلم «ەڭبەك سىڭىرگەندەر» تەلەفيلمى قويىلىسىمەن سانسىز كورەرمەندەردىڭ جۇرەك قىلىن تەربەپ، ورتاق ۇندەستىك تاپتى.

  قازىر، ۇشى - قيىرسىز جۇلدىزدار الەمىندە جايناعان ”نانرىندۇڭ جۇلدىزى“ جاس ۇرپاق استرونوميا قىزمەتكەرلەرىنىڭ جۇلدىز الەمىندە ارمان قۋعان قادامىنا جول نۇسقاۋدا؛ ورتالىق كوميتەت ۇگىت ءبولىمىنىڭ جۇڭگو، شەتەل تىلشىلەرىمەن جۇزدەسۋ جينالىسىندا، مەملەكەتتىك ”ەكى تاڭداۋلى، ءبىر وزات“ ۋاكىلدەرى ءتول كەشىرمەلەرىمەن بۇلجىماي تاباندى بولۋدىڭ قۇنىن، ۇلەس قوسۋدىڭ باقىتىن اڭگىمەلەۋدە؛ ەڭبەك سىڭىرگەن ۇلگىلەر كۇرەس جۇرگىزگەن جەرلەردە جاس تۇسىندىرۋشىلەردىڭ جانارى جالىنداپ، جان تەبىرەنتەرلىك تىلمەن وڭ ەنەرگيا جەتكىزۋدە؛ ەڭبەك سىڭىرگەن ۇلگىلەردىڭ جان تەبىرەنتەرلىك اڭگىمەلەرى ”گازەتتەگى، ينتەرنەتتەگى، تەرمينالداعى، ۋيشينداعى، ەكرانداعى“ اقپاراتتىق حابارلار جانە كىتاپ، كينو، تەلەۆيزيا، مۋلت فيلم سياقتى فورمالار ارقىلى وتباسىلارعا تانىمال بولدى... باي مازمۇندى، ارناسى كەڭ ۇيرەنۋ، ۇگىتتەۋ قيمىلدارى قاھارمان ۇلگىلەردىڭ رۋحىمەن جۇرت جۇرەگىنە ءنار قۇيىپ، ۇلگىلەردىڭ كۇشىن ۇزاقتان - ۇزاققا شارىقتاتتى.

  مىنە بۇل ”وتاندى قۇدىرەتتەندىرۋدە مەن بارمىن“ دەگەن ءداۋىر جاڭا پاراعى. جاڭا داۋىردەگى ارمان قۋعان ادامدار وسكەلەڭ داڭقتىڭ دەم بەرىپ، ۇندەۋىندە ءبىر نيەتپەن ىنتىماقتاسىپ، كۇرەس جۇرگىزۋگە بەل بۋدى −

  نيڭشيا ۋجۇڭ قالاسى ليتۇڭ رايونى جينحۋا - يۋان الەۋمەتتىك اۋماعىندا 10 مىڭنان استام تۇرعىلىقتى تۇرعىن بار، حانزۋ، حۇيزۋ، مانزۋ، موڭعۇل، زاڭزۋ قاتارلى ءار ۇلت بۇقاراسى تاتۋ - ءتاتتى وتۋدە، كەزىندە ”ۇلتتار ىنتىماعىنداعى، العاباسارلىعىنداعى مەملەكەتتىك ۇلگىلى كوللەكتيۆ“ اتاعىنا يە بولعان.

  2020 - جىلى 6 - ايدىڭ 8 - كۇنى كەشقۇرىم، نيڭشيادا قىزمەت تەكسەرىپ جۇرگەن باس شۋجي شي جينپيڭ وسى اراعا كەلىپ، جينحۋا - يۋان الەۋمەتتىك اۋماعى ەرىكتىلەرىنىڭ جەتەكشىسى ۋاڭ لانحۋامەن كەزدەستى.

  باس شۋجيگە كەزدەسكەندە، ۋاڭ لانحۋا تەبىرەنگەنىن جاسىرا الماي: ”2016 - جىلى ءسىزدىڭ نيڭشياعا كەلگەندە ايتقان ’سوتسياليزم ىستەۋمەن كەلگەن‘ دەگەن ءبىر اۋىز ءسوزىڭىز ءالى ەسىمدە. سول كەزدە مۇنى ەستىگەندە، كوز جاسىم ەرىكسىز اقتى. مەملەكەتىمىزدىڭ دامىپ وسى كۇنگە جەتۋى وڭاي ەمەس، بۇل ءبىر - ءبىر قادامنان ىستەۋمەن كەلگەن“، - دەدى.

  ”ولاردىڭ اراسىندا ءسىز دە، قالىڭ ەرىكتىلەر دە بار، كوپشىلىكتىڭ ءبارى ات سالىسۋدا! “، باس شۋجيدىڭ ءسوزى مەيىرگە تولى، پارمەندى ەدى.

  قازىر وسى ”1 - شىلدە وردەنى“ يەگەرىنىڭ جەتەكشىلگىندە، ءاسىلى نەبارى 7 ادام عانا بار ”ۋاڭ لانحۋا قىزۋ ىقىلاس گرۋپپاسى“ 95 مىڭنان استام ادامى بار ەرىكتىلەر قوسىنى بولىپ دامىپ، ۇلتتىق الەۋمەتتىك اۋماقتا ۇلتتار ىنتىماعى، العاباسارلىعى گۇلى جايقالا اشىلدى.

  ەڭبەك سىڭىرگەن ءبىر تۇلعا − ءبىر ەسكەرتكىش، ءبىر ۇلگى − ءبىر تۋ.

  ”كەدەيلىكتەن ارىلتۋدان قامال الۋدىڭ مەملەكەتتىك ۇلگىسى“ داڭق اتاعىنا يە بولعان شانشي سۇيدى اۋدانى جاڭجيابيان قالاشىعى حاۋجياچياۋ قىستاعىندا، قىستاق تۇرعىندارى باس شۋجي شي جينپيڭ 2021 - جىلى قىستاققا قىزمەت تەكسەرىپ كەلگەندە العا قويعان داڭق ”جارق ەتىپ جوق بولماستان، قايتا ونى ساۋلەلەندىرە ءتۇسۋ كەرەك“ دەگەن تاپسىرماسى بويىنشا، اۋىل - قىستاقتى گۇلدەندىرۋ، بايۋ جولىنداعى سەركە بولىپ كەلەدى.

  ”تەڭىزدەگى قاھارمان كەمە“ داڭقتى اتاعىنا مۇراگەرلىك ەتكەن شىعىس بولىك شايقاس رايونى تەڭىز ارمياسىنىڭ ءمالىم باسقارىلمالى بومبى جۇردەك كەمە ۇلكەن اترەتى 2319 ءنومىرلى كەمەسىندەگى وفيتسەرلەر مەن اسكەرلەر ”1 - تامىز وردەنى“ جانە ”حالىق قاھارمانى“ مەملەكەت داڭق اتاعىنىڭ يەگەرى ماي شياندىمەن بىرگە بەرگەن ”وتاندى جان قيارلىقپەن قورعايمىز“ دەگەن ۋادەنى باستان - اياق ەستەرىندە بەرىك ساقتاپ، قاھارمان رۋحىن تەڭىز ايدىنىندا نۇر - شۇعىلا شاشتىردى.

  ”ولاردىڭ ىزگى ىستەرى ۇيرەنۋگە، ىستەۋگە تاتيدى، ولاردىڭ رۋحى تالپىنۋعا، قول جەتكىزۋگە تاتيدى“، ”جاڭا ءداۋىر قاھارماندارعا مۇقتاج، سونداي - اق، ءسوز جوق، قاھارماندار شىعاتىن ءداۋىر“.

  باس شۋجي شي جينپيڭ ”1 - شىلدە وردەنىن“ بەرۋ سالتىندا ايتقانداي: ”تەك مۇرات - سەنىمدى بەكەمدەپ، كۇرەسكەرلىك جىگەردى بەكەمدەپ، اينىماس قايسارلىقتى بەكەمدەپ، جايشىلىقتا كوزگە ءتۇسىپ، شەشۋشى ساتتە كەۋدە كەرە العا شىعىپ، قاتەرلى، قيىن وتكەلدە باسىن ءباي تىگە بىلسە، ءاربىر پارتيا مۇشەسى ۇلتتى گۇلدەندىرۋ ۇلى ىسىندە پارتيا مەن حالىق ءۇشىن ەڭبەك ءسىڭىرىپ، ەسە قوسا الادى“.

  وشپەس ەڭبەك تاريح پاراقتارىنا جازىلادى؛ شۇعىلالى ۇلگى جورىقتى نۇرلاندىرادى.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، سان ميلليونداعان حالىق قاھارماندى ارداقتاپ، جاقسىدان ونەگە الۋعا تالپىنىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، جاڭا داۋىردەگى جاڭا جورىقتا تاعى دا وشپەس ەڭبەك سىڭىرەدى.

  (شينحۋا اگەنتتىگىنىڭ 9 - ايدىڭ 1 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.