شينحۋا اگەنتتىگىنىڭ 9 - ايدىڭ 1 - كۇنى بەيجيڭنەن بەرگەن حابارى. جۋىقتا، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى «جاڭا داۋىردەگى جالپى حالىقتىق مەملەكەت قورعانىسى تاربيەسى قىزمەتىن كۇشەيتۋ جانە جاقسارتۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) باسىپ تاراتتى.
«پىكىردە» مىنالار اتاپ كورسەتىلدى: جالپى حالىقتىق مەملەكەت قورعانىسى تاربيەسى − مەملەكەت قورعانىسى مەن قۋاتتى حالىق ارمياسىن قۇرۋدىڭ، بەكەمدەۋدىڭ نەگىزدىك ينجەنەرياسى، پارتيانىڭ ۇگىت - يدەيا قىزمەتىنىڭ ماڭىزدى قۇرامداس بولىگى، وتانشىلدىق رۋحتى اسقاقتاتۋدىڭ، جالپى حالىقتىڭ مەملەكەت قورعانىسى تانىمىن كۇشەيتۋدىڭ ءونىمدى جولى، ءمانى زور، ىقپالى تەرەڭ. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى حالىقتىق مەملەكەت قورعانىسى تاربيەسى قىزمەتىنە وسكەلەڭ ءمان بەرىپ، ءبىرسىپىرا ماڭىزدى شەشىم، ورنالاستىرۋ جاساپ، جاڭا داۋىردەگى جالپى حالىقتىق مەملەكەت قورعانىسى تاربيەسى باسشىلىق ءتۇزىلىسى، مەحانيزمى رەفورماسىن ىلگەرىلەتىپ، قۇربانداردى ەسكە ءتۇسىرۋ كۇنىن، مەملەكەتتىك ازا ءبىلدىرۋ كۇنىن بەلگىلەپ، پارتيا مەن مەملەكەتتىڭ ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ ءتۇزىمىن ورناتىپ، ءبىرسىپىرا كەلەلى قۇتتىقتاۋ، ەسكە ءتۇسىرۋ قيمىلدارىن جوسپارلاپ، وتكىزىپ، پارتيانىڭ بەكىمىن، ارميانىڭ بەكىمىن، حالىقتىڭ تىلەگىن ايرىقشا سەرپىلتتى، جالپى حالىقتىڭ مەملەكەت قورعانىسى تانىمى ۇزدىكسىز كۇشەيىپ، مەملەكەت قورعانىسى مەن ارميا قۇرىلىسىنا كوڭىل بولەتىن، قولداۋ كورسەتەتىن قوعامدىق راي بارعان سايىن قويۋلاستى. وتاننىڭ بەيبىت بىرلىككە كەلۋىن ىلگەرىلەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋدا جالپى حالىقتىق مەملەكەت قورعانىسى تاربيەسى قىزمەتىنىڭ بورىشى داڭقتى، مىندەتى جاپالى.
«پىكىردە» مىنالار ايقىندالدى: جاڭا داۋىردەگى جالپى حالىقتىق مەملەكەت قورعانىسى تاربيەسى قىزمەتىن كۇشەيتۋ جانە جاقسارتۋدا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ جالپى حالىقتىق مەملەكەت قورعانىسى تاربيەسى قىزمەتىنە باسشىلىعىنا تاباندى بولىپ جانە ونى كۇشەيتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، جالپى حالىقتىڭ پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ قويۋ سۇيىسپەنشىلىگىن، زەينەتتى كۇندە بەينەتتى كۇننىڭ بولارىن دا ويلايتىن تاۋقىمەت تانىمىن، ارميانى ارداقتاۋ، قارۋ - جاراققا ءمان بەرۋ يدەيالىق كوزقاراسىن، مەملەكەتتى قۇدىرەتتەندىرەتىن، ارميانى قۇدىرەتتەندىرەتىن جاۋاپكەرشىلىك - بورىشتى كۇش سالا نىعايتىپ، مەملەكەت قورعانىسىنا كوڭىل ءبولۋدى، مەملەكەت قورعانىسىن قىزۋ ءسۇيۋدى، مەملەكەت قورعانىسىن گۇلدەندىرۋدى، مەملەكەت قورعانىسىن قورعاۋدى جالپى قوعامنىڭ يدەيالىق ورتاق تانىمى مەن سانالى ارەكەتىنە اينالدىرۋ كەرەك.
«پىكىردە» مىنالار باسا دارىپتەلدى: باس شۋجي شي جينپيڭنىڭ جالپى حالىقتىق مەملەكەت قورعانىسى تاربيەسىن كۇشەيتۋ جونىندەگى ماڭىزدى نۇسقاۋىنىڭ رۋحىن تياناقتاندىرىپ، شي جينپيڭنىڭ ارميانى قۇدىرەتتەندىرۋ يدەياسىن جالپى حالىقتىق مەملەكەت قورعانىسى تاربيەسىنىڭ ءار سالاسىنا، جالپى بارىسىنا ءسىڭىرۋ كەرەك. مەملەكەت قورعانىسى نازارياسى، مەملەكەت قورعانىسى بىلىمدەرى، مەملەكەت قورعانىسى تاريحى، مەملەكەت قورعانىسى زاڭ ەرەجەسى، مەملەكەت قورعانىسى عىلىم - تەحنيكاسى، مەملەكەت قورعانىسى جاعدايى جانە مىندەتى، مەملەكەت قورعانىسى شەبەرلىگىن ۇيرەنۋ تاربيەسىن كۇشەيتىپ، مەملەكەت قورعانىسى مادەنيەتىن جەتىلدىرىپ، قالىڭ كادر - بۇقارانىڭ مەملەكەت قورعانىسى تانىمى مەن مەملەكەت قورعانىسى جەتىلىمىن جوعارىلاتۋ كەرەك. باسشى كادرلاردىڭ مەملەكەت قورعانىسى تاربيەسىن ۇزدىكسىز كۇشەيتىپ، ولكە - مينيسترلىك دارەجەلى، مەڭگەرمە - مەكەمە دارەجەلى، اۋدان - باسقارما دارەجەلى باسشى كادرلارعا مەملەكەت قورعانىسى تاربيەسى ارناۋلى تاقىرىپتىق باۋلۋىن جۇرگىزۋدى دارەجەگە ءبولىپ ۇيىمداستىرىپ، كاسىپورىن - ءىسورىن، جوعارى، ورتا، باستاۋىش مەكتەپتەر، ءتۇرلى مەديالار سياقتىلاردىڭ جاۋاپتىلارىنا مەملەكەت قورعانىسى تاربيەسى ارناۋلى تاقىرىپتىق باۋلۋىن ءتارتىپتى ورىستەتۋ كەرەك. جاستار مەن ورەندەردىڭ مەملەكەت قورعانىسى تاربيەسىن كۇش سالا نىعايتىپ، مەملەكەت قورعانىسى تاربيەسى تالابىن ساباقتىق وقىتۋ ماتەريالدارىنا ورگانيكالى كىرىكتىرىپ، مەملەكەت قورعانىسى تاربيەسىن ادەتتەگى جوعارى دارەجەلى مەكتەپتەر مەن ورتا دارەجەلى مەكتەپتەردىڭ ەمتيحانى مازمۇنىنا قوسىپ، مەكتەپتەردىڭ ەڭبەك ونىمدىلىگىن باعالاۋ جۇيەسىنە ەنگىزۋ كەرەك.
«پىكىردە» مىنالار العا قويىلدى: اماليات دانەكەرىن ۇزدىكسىز بايىتىپ، ارميا مەن جەرگىلىكتى ورىننىڭ بايلىعىنا سۇيەنىپ، قۇرىلىم ورنالاسۋىن ساپالىلاندىرىپ، ءارقايسى ولكە، اۆتونوميالى رايون، قالالاردىڭ مەملەكەت قورعانىسى ەرەكشەلىگى ايقىن، يقۋاتتىق قۇرىلعىلارى سايكەستىرىلگەن ءبىر توپ جالپى حالىقتىق مەملەكەت قورعانىسى تاربيەسى بازاسىن قۇرۋىن ىلگەرىلەتۋ كەرەك. بۇقارالىق مەملەكەت قورعانىسى تاربيەسى قيمىلىن كەڭ كولەمدە ورىستەتىپ، ”مەملەكەت قورعانىسىن سۇيەمىن“ مەملەكەتتىك جوعارى مەكتەپ وقۋشىلارى لەكسياسىن جانە جوعارى، ورتا، باستاۋىش مەكتەپتەردىڭ مەملەكەت قورعانىسى بىلىمدەرىن جالپىلاستىرۋ قيمىلىن ۇيىمداستىرىپ، وتكىزىپ، مەملەكەت قورعانىسىن نەگىزگى تاقىرىپ ەتكەن كينو قويىلىمى، مەملەكەت قورعانىسى ونەر باسەكەسى، مەملەكەت قورعانىسى دەنە تاربيە، سپورت جارىسى سياقتى بۇقارالىق مەملەكەت قورعانىسى تاربيەسى قيمىلدارىن ورىستەتىپ، قوعامنىڭ ءار سالاسىن كەڭ كولەمدە ات سالىسۋعا باۋراۋ كەرەك. قوعامدىق پىكىر، ۇگىت جاعىنان جەتەكتەۋدى كۇشەيتىپ، جالپى حالىقتىق مەملەكەت قورعانىسى تاربيەسىن كەلەلى نەگىزگى تاقىرىپتىق ۇگىتگە، اۋقىم جونىندەگى ساياسات ۇگىتىنە، تابىستاردى ۇگىتتەۋگە، تيپتەردى ۇگىتتەۋگە ءسىڭىرىپ، جالپى حالىقتىق مەملەكەت قورعانىسى تاربيەسى ۇگىتىنىڭ باۋراۋ قۋاتى مەن تارتىمدىلىق قۋاتىن جوعارىلاتۋ كەرەك. تاڭداۋلى ادەبيەت - كوركەمونەر تۋىندىلارىن شىعارۋعا جىگەرلەندىرىپ، وتاندى ءسۇيىپ، ارميانى قۇدىرەتتەندىرۋدى، مەملەكەت قورعانىسىنا ءوزىن ارناۋدى بەينەلەيتىن ءتىپتى دە كوپ ادەبيەت - كوركەمونەر سارا تۋىندىلارىن ۇزدىكسىز ۇسىنۋ كەرەك. وزات تيپتەردىڭ ۇلگى كورسەتۋىنە، جەتەكتەۋىنە دەن قويىپ، مەملەكەت قورعانىسى ىستەرىنە زور ۇلەس قوسقان ءبىر توپ وزات تيپتەردى كوڭىل قويا تاڭداپ، ورناتىپ، ”مەملەكەت قورعانىسىنا ىقىلاس قويۋ“ جەلىلەس وزات تيپتەردى ۇگىتتەۋ قيمىلىن ورىستەتۋ كەرەك. جالپى حالىقتىق مەملەكەت قورعانىسى تاربيەسىن ينفورماتسيالاندىرۋ قۇرىلىسىن كۇشەيتىپ، جالپى حالىقتىق مەملەكەت قورعانىسى تاربيەسى جاڭا مەديا جەلى جۇيەسىن قۇرۋ كەرەك.
«پىكىردە» مىنالار تالاپ ەتىلدى: جاڭالىق اشا دامۋدى زور كۇشپەن ىلگەرىلەتىپ، ينتەرنەت، ۇلكەن ساندى مالىمەت، بۇلتتىق ەسەپتەۋ، جاساندى زەردە، بلوكچەين سياقتى جاڭا تەحنيكالاردى، جاڭا قولدانبالاردى قولدانۋعا ىزدەنىس جاساپ، سيفر تەحنيكاسىنىڭ جالپى حالىقتىق مەملەكەت قورعانىسى تاربيەسىن ۇلعايتۋ، قاباتتاستىرۋ، ەسەلەپ ارتتىرۋ رولىن ساۋلەلەندىرۋ كەرەك. جالپى حالىقتىق مەملەكەت قورعانىسى تاربيەسى ءپان قۇرىلىسىن كۇشەيتىپ، ءپان، ساباق جۇيەسىن كەمەلدەندىرىپ، نازاريالىق زەرتتەۋ جانە وقۋ ماتەريالدارىن قۇراستىرىپ جازۋ قىزمەتتەرىن ورىستەتۋ كەرەك. ارميانىڭ ماڭىزدى رولىن تولىق ساۋلەلەندىرىپ، بەلگىلەمە بويىنشا جەلىلەس اسكەري كازارمانى اشىق ۇستاۋ قيمىلدارىن ۇيىمداستىرىپ، ورىستەتىپ، ارمياداعى مامان - وقىمىستىلاردى مەملەكەت قورعانىسى تاربيەسى وقىتۋشىلار توبىنا، ۇگىت لەكسيا ۇيىرمەسىنە قاتىناسۋعا سارالاپ، اسكەري امالياتتىق قيمىلداردى سايكەستىرىپ ورىستەتىپ، جەرگىلىكتى ورىننىڭ جالپى حالىقتىق مەملەكەت قورعانىسى تاربيەسىن ورىستەتۋىن قولداۋ جانە وعان سايكەسۋ كەرەك. باسشىلىق جۇيەنى كەمەلدەندىرىپ، قىزمەت مەحانيزمىن اقاۋسىزداندىرىپ، ساياساتتى، زاڭ ەرەجەنى كەمەلدەندىرىپ، تەكسەرۋ جانە باعالاۋ جۇيەسىن ورناتىپ، جالپى حالىقتىق مەملەكەت قورعانىسى تاربيەسىن كۇشەيتۋ مەن جاقسارتۋدى بۇكىل پارتيانىڭ، بۇكىل ارميانىڭ، بۇكىل قوعامنىڭ ورتاق جاۋاپكەرشىلىگى ەتىپ، جەرگىلىكتى پارتكوم مەن ۇكىمەتتىڭ، ارميانىڭ ءارقايسى تاراۋلارىنىڭ قىزمەت جاۋاپكەرشىلىگىنە، مىندەتىنە ەنگىزىپ، پارتكوم باسشىلىق ەتەتىن، ارميا مەن جەرگىلىكتى ورىن تىعىز سەلبەسەتىن، قوعامنىڭ ءار سالاسى قولدايتىن، جالپى حالىق بىرگە ات سالىساتىن قىزمەت جاعدايىن قالىپتاستىرۋ كەرەك.
