شينحۋا اگەنتتىگىنىڭ 9 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى تاياۋدا اشىلادى، قۇرىلتاي جۇڭگولىق، شەتەلدىك تىلشىلەردىڭ تىلشىلىك ىستەۋىن ىقىلاسپەن قارسى الادى.
شەتەل مەديالارى تىلشىلەرى مەن شياڭگاڭ، اۋمىن، تايۋان مەديالارى تىلشىلەرىنىڭ تىلشىلىك ىستەۋ ءوتىنىشىن تاپسىرۋىنا قولايلى بولۋ ءۇشىن، قۇرىلتاي تىلشىلەردىڭ تىزىمدەلىپ تىركەلۋ جۇيەسىن (ءوڭىر اتى: http://pc20reg.zgjx.cn) اشىپ، شەتەل مەديالارى تىلشىلەرى مەن شياڭگاڭ، اۋمىن، تايۋان مەديالارى تىلشىلەرىنىڭ وسى جۇيە ارقىلى تىزىمدەلىپ تىركەلۋ ءوتىنىشىن تاپسىرۋىن قارسى الادى. تىلشىلىك ىستەۋگە تىزىمدەلىپ تىركەلۋ ءوتىنىشىن قابىلداۋ ۋاقىتى 2022 - جىلى 9 - ايدىڭ 2 - كۇنىنەن 2022 - جىلى 9 - ايدىڭ 16 - كۇنىنە دەيىن. الەمدىك جاڭا تيپتى ايدارشا ۆيرۋس وكپە قابىنۋ ىندەتىنىڭ اسەرىنە ۇشىراعاندىقتان، قۇرىلتايعا تىلشىلىك ىستەۋ سول جەردىڭ وزىندە تىلشىلىك ىستەۋ، ينتەرنەتتە بەينە ەكران ارقىلى تىلشىلىك ىستەۋ، جازباشا تىلشىلىك ىستەۋ سياقتى تاسىلدەر قولدانىلادى. بەيجيڭدەگى جۇڭگولىق، شەتەلدىك تىلشىلەردىڭ ۇستىندە تىلشىلىك ىستەۋگە قاتىناسۋىن قارسى الادى، شەتەلدەگى تىلشىلەردىڭ ينتەرنەتتە بەينە ەكران، جازباشا سياقتى تاسىلدەرمەن تىلشىلىك ىستەۋىن قارسى الادى.
جۇڭگولىق، شەتەلدىك تىلشىلەردىڭ تىلشىلىك ىستەۋىنە قولايلىلىق جاساۋ ءۇشىن، 20 - قۇرىلتاي كەزىندە بەيجيڭدە قۇرىلتاي اقپارات ورتالىعى قۇرىلادى. اقپارات ورتالىعى قۇرىلتايعا تىلشىلىك ىستەيتىن جۇڭگولىق، شەتەلدىك تىلشىلەردى قابىلداۋعا، قۇرىلتايدىڭ اقپار جاريالاۋ ءماجىلىسىن جانە تىلشىلەردى قابىلداۋ ءماجىلىسىن ۇيىمداستىرۋعا، جۇڭگولىق، شەتەلدىك تىلشىلەردىڭ تىلشىلىك ىستەۋ قيمىلدارىن بايلانىس جاساپ ورنالاستىرۋعا، اقپارات ورتالىعىنىڭ ۇكىمەتتىك سايتى، ەسەپ ءنومىرى سياقتىلاردى اشۋعا، ”بۇلتتىق تىلشىلىك ىستەۋ“ تۇعىرىن ورناتۋعا، ينتەرنەت سياقتى تەحنيكالاردان تولىق پايدالانىپ، تىلشىلەردىڭ قۇرىلتايعا تىلشىلىك ىستەپ حابارلاۋىنا قاجەتتى ينفورماتسيالىق قىزمەت وتەۋگە جانە تەحنيكالىق كەپىل ازىرلەۋگە جاۋاپتى بولادى.
