اۆتونوميالى رايوندىق پارتكوم تۇراقتى كوميتەتى ءماجىلىس اشتى
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، دايەكتىلەندىردى
زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسىنا قاتىستى اتقارۋ جوباسىن اقىلداستى، قارادى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 9 - ايدىڭ 1 - كۇنى تۇستەن بۇرىن ءماجىلىس اشىپ، 8 - ايدىڭ 30 - كۇنگى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، دايەكتىلەندىردى، باس شۋجي شي جينپيڭنىڭ قايتارعان ماڭىزدى جاۋاپ حاتىنىڭ، جازعان جاۋاپ حاتىنىڭ رۋحىن جانە ورتالىقتىڭ اۋىل - قىستاقتارداعى ەگىستىك جەرلەردى بەتالدى يەمدەنىپ ءۇي سالۋدى ارناۋلى رەتتەۋ - جونگە سالۋ سىناق تۇيىندەرىن ورنالاستىرۋ جونىندەگى تالابىن جەتكىزدى، دايەكتىلەندىردى، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسىنا قاتىستى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى باسا دارىپتەدى: ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ەكىنى قورعاۋدى“ باتىلدىقپەن ورىنداپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىنداعى ماڭىزدى ءسوزىنىڭ رۋحىن جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ءتۇرلى قىزمەتتەردى تىڭعىلىقتى، ويداعىداي ىستەپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك. يدەيالىق تانىمدى شىن مانىندە جوعارىلاتۋ كەرەك. پارتيا 20 - قۇرىلتايىنىڭ بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا شەرۋ تارتقان شەشۋشى كەزدە اشىلاتىن اسا ماڭىزدى قۇرىلتاي ەكەندىگىن جەتە تانىپ، ونىڭ كەلەلى ساياسي ءمانى مەن تەرەڭ تاريحي ءمانىن جەتە ءتۇسىنىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ءتۇيىندى قىزمەتتەردى تىڭعىلىقتى ىلگەرىلەتۋ كەرەك. نازاردى قوعام ورنىقتىلىعى مەن باياندى تىنىشتىق باس نىساناسىنا بەرىك شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”ەكىنى ءبىر تۇتاس جوسپارلاۋعا“ تاباندى بولىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، رەفورما، دامۋ، ورنىقتىلىق ءتۇيىندى مىندەتتەرىن تىڭعىلىقتى ىلگەرىلەتىپ، باياندى تىنىشتىققا ساياتىن ءتۇبىرلى، نەگىزدىك، ۇزاق بولاشاقتىق قىزمەتتەردى ىلگەرىلەتىپ، پارتيا ورتالىق كوميتەتىنىڭ تالاپتارىن ءىس جۇزىندىك ارەكەتتە جانە قىزمەت ونىمدىلىگىندە تياناقتاندىرۋ كەرەك. تاماشا ورتانى كۇش سالا قالىپتاستىرۋ كەرەك. ”ءاردايىم قام جەم تۇراتىن“ جاۋاپكەرشىلىك سەزىمدى كۇشەيتىپ، ءتۇرلى حاۋىپ - قاتەرلەردەن، كومەسكى كىناراتتاردان ءونىمدى ساقتانىپ جانە ونى جويىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسى مەن ”يكەمدى نولگە ءتۇسىرۋ“ باس باعىتىنا تاباندى بولىپ، ىندەتتەن ساقتانۋ - تىزگىندەۋ جەتىستىكتەرىن ۇزدىكسىز بەكەمدەپ، كەڭەيتىپ، ساقتانۋ - تىزگىندەۋ شارالارىن ۇدايىلاندىرۋدى قاتاڭ تياناقتاندىرىپ، ىندەتتىڭ ىقپالىن ەڭ زور دارەجەدە ازايتۋ؛ ءوندىرىس حاۋىپسىزدىگى تۇلعالىق جاۋاپكەرشىلىگىن قاتايتىپ، ءار كاسىپتەردەگى، ءار سالالارداعى حاۋىپ - قاتەرلەردى، كومەسكى كىناراتتاردى ىشكەرىلەي ءبىر - بىرلەي تەكسەرىپ، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قىزمەتتەرىن ويداعىداي ىستەۋ؛ زاڭمەن باسقارۋ ويىن بەرىك ورناتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن، ماماندانۋىن ىلگەرىلەتىپ، قوعامدىق كەلەلى جاعدايدىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاپ، حاۋىپسىز، ورنىقتى ورتانى شىن مانىندە قالىپتاستىرۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ شەتەل ءتىلى باسپاسىنداعى شەتەلدىك ماماندارعا قايتارعان ماڭىزدى جاۋاپ حاتىنىڭ رۋحىن مۇقيات ۇيرەنىپ، دايەكتىلەندىرىپ، تۇعىر دانەكەرىن ونان ارى كەڭەيتىپ، حالىقارالىق تاراتۋ قىزمەتىن كۇشەيتىپ جانە جاقسارتىپ، كوپ ءتۇرلى شارالاردى قاتار قولدانىپ حالىقارالىق تاراتۋ قابىلەتىن جوعارىلاتىپ، جۇڭگو شينجياڭىنىڭ حيكايالارىن ويداعىداي ايتۋ؛ باس شۋجي شي جينپيڭنىڭ ”ليسبون مارۋ“ اتتى كەمەدەگى امان قالعانداردىڭ وتباسىنداعىلارعا جازعان جاۋاپ حاتىنىڭ رۋحىن مۇقيات ۇيرەنىپ، دايەكتىلەندىرىپ، ىشكە، سىرتقا ەسىك اشۋدى ۇزدىكسىز كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، توڭىرەكتەگى ەلدەرمەن ەكونوميكا، قوعام، گۋمانيتارلىق سياقتى ءتۇرلى جاقتارداعى اۋىس - كۇيىستى تەرەڭدەتىپ، مەملەكەتتىڭ جالپى تۇلعالىق ديپلوماتيالىق كەلەلى جاعدايىنا اناعۇرلىم ويداعىداي قىزمەت وتەۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ اۋىل - قىستاقتارداعى ەگىستىك جەرلەردى بەتالدى يەمدەنىپ ءۇي سالۋ ماسەلەسى جونىندەگى ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ەگىستىك جەرلەردى قورعاۋدىڭ قىزىل سىزىعىن قاتاڭ ساقتاپ، اۋىل - قىستاقتارداعى ەگىستىك جەرلەردى بەتالدى يەمدەنىپ ءۇي سالۋدى ارناۋلى رەتتەۋ - جونگە سالۋ قىزمەتىن بەلسەندى دە ۇيلەسىمدى، زاڭ بويىنشا تارتىپپەن ىلگەرىلەتىپ، قالدىقتارىن تۇرلەرگە، ساتىلارعا ءبولىپ، زاڭ بويىنشا تارتىپپەن رەتتەپ - جونگە سالىپ، مولشەرىنىڭ ارتۋىن ”نولدىك توزىمدىلىكپەن“ تەجەپ، باياندى مەحانيزمدى اقاۋسىزداندىرىپ، كەمەلدەندىرىپ، باقىلاۋدى، ءتارتىپ اتقارۋدى، جاۋاپكەرشىلىگىن قۋزاستىرۋدى كۇشەيتىپ، قارابايىرلاندىرۋدان، ”ءبىر شىبىقپەن ايداۋدان“ ساقتانىپ، ارناۋلى رەتتەۋ - جونگە سالۋ قىزمەتىنىڭ ورنىقتى قاداممەن ىلگەرىلەۋىنە، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.
ءماجىلىس رايونىمىزدىڭ «زاڭمەن باسقارىلاتىن جۇڭگو قۇرىلىسى جوباسىن (2020 − 2025 - جىل)»، «زاڭمەن باسقارىلاتىن ۇكىمەت قۇرىلىسىن اتقارۋ باعدارلاماسىن (2021 − 2025 - جىل)»، «زاڭمەن باسقارىلاتىن قوعام قۇرىلىسىن اتقارۋ باعدارلاماسىن (2020 − 2025 - جىل)» دايەكتىلەندىرۋگە، تياناقتاندىرۋعا قاتىستى اتقارۋ جوباسىن اقىلداستى، قارادى. ءماجىلىس مىنالاردى باسا دارىپتەدى: شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن باسقارۋدى اناعۇرلىم كورنەكتى ورىنعا قويىپ، شينجياڭدى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە تاباندى بولىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعادا قۇرىپ، عىلمي زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىق زاڭعا بويسۇنۋدى ءبىر تۇتاس جوسپارلاپ ىلگەرىلەتىپ، جوعارى ساپالى دامۋدى، رەفورمانى تەرەڭدەتۋدى ىلگەرىلەتۋدى، قوعام ورنىقتىلىعىن قورعاۋدى زاڭمەن باسقارۋ ارقىلى قامتاماسىز ەتىپ، ءىس بىتىرۋدە زاڭعا سۇيەنەتىن، ىسكە جولىققاندا زاڭدى ىزدەيتىن، ماسەلەنى شەشۋدە زاڭنان پايدالاناتىن، قايشىلىقتى شەشۋدە زاڭعا سۇيەنەتىن تاماشا ورتانى بار كۇشپەن قالىپتاستىرىپ، باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن ۇزدىكسىز جوعارىلاتىپ، شينجياڭنىڭ ءتۇرلى قىزمەتتەرىنىڭ باستان - اياق زاڭمەن باسقارۋ ارناسىمەن جۇرگىزىلۋىنە شىنايى كەپىلدىك ەتۋ كەرەك.
