شاۋكەت يمىن، نۇرلان ءابىلماجىن، لي يفي، جاڭ چۇنلين، حى جۇڭيوۋ كەزدەسۋگە قاتىناستى
9 - ايدىڭ 2 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ۇرىمجىدە داڭقپەن ورالعان رايونىمىزدىڭ مەملەكەتتىك ”حالىق رازى مەملەكەت قىزمەتكەرلەرىنىڭ“ جانە ”حالىق رازى مەملەكەت قىزمەتكەرلەرى كوللەكتيۆتەرىنىڭ“ ۋاكىلدەرىمەن كەزدەسىپ، ماداقتالىپ - سيلانعان وزات كوللەكتيۆتەر مەن جەكەلەردى قىزۋ قۇتتىقتادى، بۇكىل رايونداعى قالىڭ مەملەكەت قىزمەتكەرلەرىنە ىقىلاستى سالەم جولدادى.
□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز 9 - ايدىڭ 2 - كۇنى تۇستەن بۇرىن ۇرىمجىدە داڭقپەن ورالعان رايونىمىزدىڭ مەملەكەتتىك ”حالىق رازى مەملەكەت قىزمەتكەرلەرىنىڭ“ جانە ”حالىق رازى مەملەكەت قىزمەتكەرلەرى كوللەكتيۆتەرىنىڭ“ ۋاكىلدەرىمەن كەزدەسىپ، ماداقتالىپ - سيلانعان وزات كوللەكتيۆتەر مەن جەكەلەردى قىزۋ قۇتتىقتادى، بۇكىل رايونداعى قالىڭ مەملەكەت قىزمەتكەرلەرىنە ىقىلاستى سالەم جولدادى.
اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتارلىلار كەزدەسۋگە قاتىناستى.
ما شيڭرۇي بىلاي دەپ اتاپ كورسەتتى: پارتيا ورتالىق كوميتەتىنىڭ، مەملەكەتتىك كەڭەستىڭ اتىندا ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاپ - سيلاۋدى ورىستەتۋ پارتيا تاريحىندا تۇڭعىش رەت بولىپ وتىر. باس شۋجي شي جينپيڭنىڭ ماداقتالىپ - سيلانعانداردىڭ ۋاكىلدەرىمەن ىقىلاستى كەزدەسۋى پارتيا ورتالىق كوميتەتى مەن باس شۋجي شي جينپيڭنىڭ مەملەكەت قىزمەتكەرلەرى قوسىنى قۇرىلىسىنا ايرىقشا ءمان بەرەتىندىگىن، مەملەكەتتىك ”حالىق رازى مەملەكەت قىزمەتكەرلەرى“ مەن ”حالىق رازى مەملەكەت قىزمەتكەرلەرى كوللەكتيۆتەرىنە“ دەگەن ايرىقشا ماراپاتىن، بۇكىل ەلدەگى قالىڭ مەملەكەت قىزمەتكەرلەرىنە شىنايى قامقورلىعىن تولىق ايگىلەدى. ۇزاق ۋاقىتتان بەرى كوپشىلىك پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدىڭ دابىرالى امالياتى بارىسىندا شىنايى يگەرىپ، ناقتى ىستەپ، جاۋاپكەرشىلىك ارقالاپ، ۇلەس قوسىپ، كورنەكتى ناتيجەلەر شىعاردى، ولار بۇكىل رايونداعى مەملەكەت قىزمەتكەرلەرى قوسىنىنداعى تاڭداۋلى ۋاكىلدەر. كوپشىلىكتىڭ داڭقتى قاستەرلەپ، كۇش ۇستىنە كۇش قوسىپ، باس شۋجيدىڭ، پارتيا ورتالىق كوميتەتىنىڭ كوڭىل ءبولۋىن، قامقورلىعىن قىزمەتتىڭ قۋاتتى قوزعاۋشى كۇشىنە اينالدىرىپ، جاڭا جورىقتا تاعى دا تىڭ ەڭبەك ءسىڭىرىپ، تاعى دا تاماشا ناتيجە جاراتىپ، ”حالىق رازى“ دەگەن قاستەرلى بورىشتى اناعۇرلىم ويداعىداي ارقالاۋلارىن ءۇمىت ەتەمىن.
ما شيڭرۇي بىلاي دەپ باسا دارىپتەدى: بۇكىل رايونداعى قالىڭ مەملەكەت قىزمەتكەرلەرى باس شۋجي شي جينپيڭنىڭ تاپسىرماسىن ەستە بەرىك ساقتاپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ماداقتالىپ - سيلانعان وزات كوللەكتيۆتەر مەن جەكەلەردى ۇلگى ەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا الدا ءجۇرىپ، ۇلگى بولىپ، قۇلشىنا ىسكەرلىك كورسەتىپ كورىكتى شينجياڭ قۇرۋ كەرەك. ايقىن تۋ ۇستاي وتىرىپ ساياسيدى دارىپتەپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ءتۇسىنىپ، جەتە يگەرىپ، شىنايى تياناقتاندىرىپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ”ەكىنى تۇراقتاندىرۋدى“ تاباندىلىقپەن قورعاۋ، ”ەكىنى قورعاۋدى“ باتىلدىقپەن ورىنداۋ كەرەك. بورىشتى ەستە بەرىك ساقتاپ، مىندەتتى ادالدىقپەن اتقارىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جەتكىزۋ، حاۋىپ - قاتەردەن ساقتانۋ، ورنىقتىلىققا كەپىلدىك ەتۋ قىزمەتتەرىن ءبىر تۇتاس جوسپارلاپ جاقسى ىستەپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ كەرەك. شىن ىقىلاسپەن حالىق ءۇشىن ىستەپ، بۇقاراعا قىزمەت وتەپ، حالىقتى كوڭىلدىڭ ەڭ بيىك تورىنە قويىپ، قاي - قاشان دا بۇقارانىڭ تىلەگىن ءوز تىلەگى ەتىپ، حالىق بۇقاراسىنىڭ جاقسى سىرلاسى، ەتەنە دوسى، باستاۋشىسى بولىپ، حالىق تۇرمىسىنداعى ناقتى ىستەردى تىڭعىلىقتى جاقسى ىستەپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشۋ كەرەك. ستيلدى جاقسارتىپ، شەبەرلىكتى شىڭداپ، دۇرىس ناتيجە كوزقاراسىن بەرىك ورناتىپ، شىندىقتى ءىس جۇزىنەن ىزدەپ، شىندىققا جۇگىنىپ، ناقتى ءىس ىستەپ، تەكسەرۋ - زەرتتەۋ جۇرگىزۋ، عىلمي شەشىم جاساۋ، ماسەلەلەردى شەشۋ قابىلەتى ورەسىن ۇزدىكسىز جوعارىلاتىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىن تىڭعىلىقتى ىلگەرىلەتۋ كەرەك. تارتىپكە قاتاڭ بويسۇنىپ، پاك تە كوپشىل بولىپ، اسقاق ءمورالدى ايگىلەپ، الەۋمەتتىك ءمورالدى ساقتاپ، جەكە ءمورالدى قاتايتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ءار جاقتىڭ باقىلاۋى مەن شەكتەۋىن ىرىقتىلىقپەن قابىلداپ، پاك، كىرشىكسىز ساياسي قاسيەتتى ماڭگى ساقتاۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكومدار مەملەكەت قىزمەتكەرلەرى قىزمەتىنە باسشىلىقتى كۇشەيتىپ، باۋلۋ، شىنىقتىرۋ، ىنتالاندىرۋ، قامتاماسىز ەتۋ، كوڭىل ءبولۋ، قامقورلىق جاساۋ سياقتى قىزمەتتەردى ويداعىداي ىستەپ، پارتيانى الاڭسىز ەتەتىن، حالىقتى رازى ەتەتىن جوعارى ساپالى، ماماندانعان مەملەكەت قىزمەتكەرلەرى قوسىنىن قۇلشىنا قۇرۋ كەرەك. بۇكىل رايونداعى قالىڭ مەملەكەت قىزمەتكەرلەرى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جالپى بەتتىك تياناقتاندىرىپ، قىزمەتتىڭ تالابىنان شىعىپ، ىرىقتىلىقپەن ىسكەرلىك كورسەتىپ، ءتۇرلى حاۋىپ - قاتەرلەردەن، كومەسكى كىناراتتاردان ءونىمدى ساقتانىپ جانە ونى جويىپ، قىزمەتتەردى تىڭعىلىقتى جاقسى ىستەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
جاڭ جۋ، قادەن كابەن، جاڭ ۋىنشىڭ قاتارلىلار كەزدەسۋگە قاتىناستى.
