يان شياۋبيڭ:
”ميا قاۋىنى“ قالايشا بۇرىنعىدان دا ءتاتتى بولدى
□ انار بۇلت \ شينجياڭ گازەتىنىڭ ءتىلشىسى ۋي يۇڭگۇي
”500 مۋ جەردەگى ’ميا قاۋىنىنىڭ‘ ءونىم مولشەرى مەجەمەن 1200 توننا بولادى، قازىرگە دەيىن 900 توننادان استامىن ساتتىق“. 8 - ايدىڭ 17 - كۇنى باركول قازاق اۆتونوميالى اۋدانى سانتاڭحۋ قالاشىىعىنداعى شياۋبيڭ ەگىمشىلىك كاسىپتىك سەلبەستىك كووپەراتيۆىنىڭ قاۋىندىعىندا باس جورا يان شياۋبيڭ كووپەراتيۆ مۇشەلەرىن باستاپ، قاۋىندى جينادى، قوراپتادى، تاسىدى، اۆتوموبيلگە تيەدى. ول: ”ميا قاۋىنىنىڭ“ قانت قۇرامى جوعارى، ءدامى ءتىل ۇيىرەدى، جىل باسىندا گۋاڭدۇڭ سياقتى جەرلەردىڭ ساۋداگەرلەرى الدىن الا تاپسىرىس بەرىپ بولدى، - دەدى.
”ميا قاۋىنى“ شياۋبيڭ ەگىمشىلىك كاسىپتىك سەلبەستىك كووپەراتيۆىنىڭ تىركەۋگە الدىرعان ماركاسى. وسى بىرنەشە جىلدا يان شياۋبيڭ مەن ونىڭ ”ميا قاۋىنىنىڭ“ اتاعى ارتا ءتۇستى، سەلبەستىك كووپەراتيۆىنىڭ ونىمدىلىگى دە بارعان سايىن جاقساردى.
2016 - جىلى يان شياۋبيڭ كورلا قالاسىنداعى شەتەل قارجىلاندىرعان ءبىر كاسىپورىندا قىزمەت ىستەيدى، ايىنا 10 مىڭ يۋاننىڭ ۇستىندە ەڭبەكاقى الىپ، جايلى تۇرمىس كەشىرەدى. دەسەدە ول بىرەر ءىس تىندىرۋدى ويلايدى، الايدا نە ىستەرىن بىلمەي داعدارادى.
ءبىر رەتكى كەزدەيسوق ورايدا يان شياۋبيڭ ءبىر دوسىنىڭ ەلەكتروندى ساۋدا تۇعىرىندا اق ورىك ساتقاندىعىن كورەدى. قاعىلەز دە ەلپەك ول اۋىلى سانتاڭحۋداعى قۇمىل قاۋىنىنىڭ ساپاسى جاقسى ەكەندىگىن، ەگەر دە ەلەكتروندى ساۋدا جۇردەك پويەزىنا شىعاتىن بولسا، ساتۋ جولىنىڭ، ءسوزسىز، وتە كەڭ بولاتىندىعىن دەرەۋ ويلاپ جەتەدى.
اۋىلىنا قايتىپ كەلگەن يان شياۋبيڭ تۋ باستان يگەرۋگە بەكيدى: قاۋىندى ءوزى ەگىپ، ينتەرنەتتە ساتادى.
قاۋىن ەگۋ بارىسىندا يان شياۋبيڭ سانتاڭحۋ قۇمىل قاۋىنىنىڭ ءتىل ۇيىرۋىندەگى قۇپيالىقتىڭ شينجياڭنىڭ جەر - جەرىنەن ۇنەمى كەزدەسەتىن وسىمدىك ميا ەكەندىگىن بايقايدى. ميانى قاۋىن اتىزىنا قوسا كومسە، تابيعي تىڭايتقىش بولىپ، قۇمىل قاۋىنىنىڭ ساپاسىن ءونىمدى تۇردە جوعارىلاتا الادى.
”ەسەپتەپ كورسەم، ميانى نەگىزگى تىڭايتقىش رەتىندە پايدالانعاندا، قاۋىننىڭ قانت قۇرامى بازارداعى كوپ ساندى قۇمىل قاۋىنىنان جوعارى بولادى ەكەن“، - دەدى يان شياۋبيڭ.
يان شياۋبيڭ قاۋىن ەگۋگە بۇرىنعىدان ارمان ىنتالاندى. 2017 - جىلى يان شياۋبيڭ ءوزىنىڭ سەلبەستىك كووپەراتيۆى − شياۋبيڭ ەگىمشىلىك كاسىپتىك سەلبەستىك كووپەراتيۆىن قۇردى ءارى ”ميا قاۋىنى“ ماركاسىن تىركەۋگە الدىردى.
”ميا قاۋىنىنىڭ“ تاڭداۋلى ساپاسى تەز ارادا بازاردا مويىندالىپ، ساتىلۋ باعاسى باسقا ماركالاردان جوعارى بولدى.
”2 جىلدىڭ الدىندا ەلەكتروندى ساۋدا تۇعىرىندا ’ميا قاۋىنىنىڭ‘ ءار كيلوگرامىن 20 يۋاننان ساتتىق. بيىل ءبىز ينتەرنەت جەلىسىنەن تىس ءار كيلوگرامىن 8 يۋاننان ساتتىق، بۇل ادەتتەگى قاۋىننىڭ 2 ەسەسىندەي“. يان شياۋبيڭ: سەلبەستىك كووپەراتيۆى قۇرىلعان باستاپقى تۇستا، كووپەراتيۆ مۇشەلەرىمەن ساتىپ سالۋ توقتامىنا قول قويىستىق، سەلبەستىك كووپەراتيۆى تۇقىم تاراتىپ، شارۋا وتباسىلارى تەحنيكا ولشەمى بويىنشا ەگەتىندىكتەن، ءونىم العان كەزدە سەلبەستىك كووپەراتيۆى ءبىر تۇتاس ساتىپ الادى، پايداسى بەلگىلى سالىستىرما بويىنشا بولىنەدى، - دەدى.
يان شياۋبيڭنىڭ جەتەكشىلىگىندە كووپەراتيۆ مۇشەلەرى وسى بىرنەشە جىلدا ءبىرتالاي اقشا تاپتى. جۇڭحۋ قىستاعىنىڭ تۇرعىنى لۇي شۋجۇن 10 مۋ جەرىن شياۋبيڭ ەگىمشىلىك كاسىپتىك سەلبەستىك كووپەراتيۆىنە اينالىمعا بەرىپ، قولى بوساپ 3.5 مۋ جەرگە قىزىل بۇرىش ەكتى، سونداي - اق ءبىر تاسىمال اۆتوموبيلىن ساتىپ الىپ، ماڭىنداعى جەل ەلەكتر بازاسىنا سۋ جەتكىزدى. ول: ”جەردى شياۋبيڭ سەلبەستىك كووپەراتيۆىنە تاپسىرىپ بەردىم، ماياقى دا، پايدا ءبولىسى دە بار، قولىم بوساپ تاسىمالمەن اينالىستىم، قىزىل بۇرىش ەكتىم، كىرىسىم تەك عانا قاۋىن ەگۋمەن سالىستىرعاندا الدەقايدا جاقساردى“، - دەدى.
قازىرگى تاڭدا، شياۋبيڭ ەگىمشىلىك كاسىپتىك سەلبەستىك كووپەراتيۆىنىڭ ”ميا قاۋىنى“ ينتەرنەت جەلىسىندە، ينتەرنەت جەلىسىنەن تىس كەڭ ءورىس اشتى. يان شياۋبيڭ جەرگىلىكتى ورىننىڭ ”سەلبەستىك كووپەراتيۆى + ەلەكتروندى ساۋدا ىستەرىن“ دامىتۋ باستاماشىسىنا اينالدى. ول: ”اۋىل - قىستاقتىڭ ءورىسى كەڭ، كەرەمەت ىستەر ىستەۋگە بولادى، مەن ’ميا قاۋىنىن‘ سارا قۇمىل قاۋىنى ماركاسى ەتىپ تۇلعالاۋعا سەنىمدىمىن“، - دەدى.
