شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى. جاقىندا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «جاڭا داۋىردە عىلىم - تەحنيكانى جالپىلاستىرۋ قىزمەتىن ىشكەرىلەي كۇشەيتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار اتاپ كورسەتىلدى: عىلىم - تەحنيكانى جالپىلاستىرۋ (تومەندە قىسقارتىلىپ عىلىم جالپىلاستىرۋ دەلىنەدى) مەملەكەتتىڭ جانە قوعامنىڭ عىلىم - تەحنيكالىق بىلىمدەردى جالپىلاستىرۋ، عىلىم رۋحىن اسقاقتاتۋ، عىلمي يدەيا تاراتۋ، عىلمي ءتاسىلدى دارىپتەۋ قيمىلى، جاڭالىق اشا دامۋدى جۇزەگە اسىرۋداعى ماڭىزدى نەگىزدىك قىزمەت. پارتيا 18 - قۇرىلتايىنان بەرى ەلىمىزدىڭ عىلىم جالپىلاستىرۋ ىستەرى قارىشتاپ دامىپ، ازاماتتاردىڭ عىلىم ساپاسى تەز جوعارىلادى، سونىمەن بىرگە عىلىم جالپىلاستىرۋ قىزمەتىنىڭ ماڭىزدىلىعى جونىندەگى تانىم جەتكىلىكتى بولماۋ، عىلىم جالپىلاستىرۋ مەن عىلىم - تەحنيكادا جاڭالىق اشۋ بىردەي ماڭىزدى بولاتىن تۇزىمدىك ورنالاستىرۋدى تياناقتاندىرۋ ءالى دە كەمەلدى بولماۋ، جوعارى ساپالى عىلىم جالپىلاستىرۋ ونىمدەرى مەن قىزمەت وتەۋىنىڭ قامداۋى جەتەرسىز بولۋ، ينتەرنەتتە جالعان عىلىم جالپىلاستىرۋ ەتەك الۋ سياقتى ماسەلەلەر ورىن تەپتى.
«پىكىردە» مىنالار ورتاعا قويىلدى: پارتيانىڭ باسشىلىعىنا تاباندى بولىپ، پارتيانىڭ باسشىلىعىن عىلىم جالپىلاستىرۋ قىزمەتىنىڭ تۇتاس بارىسىمەن ساباقتاستىرىپ، عىلىم جالپىلاستىرۋ قىزمەتىنىڭ ساياسي سيپاتىن كورنەكتىلەندىرىپ، قۇن جەتەكشىلىگىن كۇشەيتىپ، سوتسياليستىك وزەكتى قۇن كوزقاراسىن امالياتتا ايگىلەپ، عىلىم رۋحى مەن عالىمدار رۋحىن زور كۇشپەن اسقاقتاتۋ كەرەك. كەلەلى جاعدايعا قىزمەت وتەۋگە تاباندى بولىپ، نازاردى ”ءتورتتى بەتكە الۋعا“ جانە جوعارى دەڭگەيلى عىلىم - تەحنيكادا ءوزىن الۋەتتەندىرۋگە، ءوزىن كۇشەيتۋگە شوعىرلاندىرىپ، جالپى حالىقتىڭ عىلمي ساپاسىن جالپى بەتتىك جوعارىلاتىپ، جاڭالىق اشۋدىڭ توپىراعىن قۇنارلىلاندىرىپ، عىلىم جالپىلاستىرۋدى جوعارى ساپالى دامىتۋ ارقىلى پارتيا مەن مەملەكەتتىڭ وزەكتى قىزمەتىنە اناعۇرلىم ويداعىداي قىزمەت وتەۋ كەرەك. ءبىر تۇتاس جوسپارلاپ سايكەستىرۋگە تاباندى بولىپ، زور عىلىم جالپىلاستىرۋ ۇستانىمىن ورناتىپ، عىلىم جالپىلاستىرۋ قىزمەتىنىڭ ەكونوميكالىق، قوعامدىق دامۋدىڭ ءار سالاسىمەن، ءار بۋىنىمەن توعىسۋىن ىلگەرىلەتىپ، سايكەسىپ قوسىلا ارەكەت ەتۋدى جانە بايلىقتان بىرگە يگىلىكتەنۋدى كۇشەيتىپ، ۇكىمەت، قوعام، بازار سياقتىلار سايكەسە ىلگەرىلەتەتىن قوعامدانعان عىلىم جالپىلاستىرۋدى دامىتۋ ارناسىن ورناتۋ كەرەك. ەسىك اشىپ، سەلبەستىك جاساۋعا تاباندى بولىپ، عىلىم جالپىلاستىرۋدىڭ اناعۇرلىم زور كولەمدەگى، اناعۇرلىم جوعارى ورەدەگى، اناعۇرلىم تىعىز حالىقارالىق اۋىس - كۇيىسىن ىلگەرىلەتىپ، تىلدەسۋ تۇعىرىن بىرگە قۇرىپ، ەسىك اشىپ ءوزارا سەنىمدى بولۋدى، سەلبەستىك جاساپ، بىرگە يگىلىكتەنۋدى، وركەنيەتتەردىڭ ءوزارا ۇلگى الۋىن نىعايتىپ، الەمدىك باياندى دامۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى جەبەۋ كەرەك.
«پىكىردە» مىنالار ايقىندالدى: 2025 - جىلعا بارعاندا، عىلىم جالپىلاستىرۋدىڭ جاڭالىق اشا دامۋعا قىزمەت وتەۋ رولى كورنەكتى جوعارىلاپ، عىلىم جالپىلاستىرۋ مەن عىلىم - تەحنيكادا جاڭالىق اشۋ بىردەي ماڭىزدى بولاتىن تۇزىمدىك ورنالاستىرۋ، نەگىزىنەن، قالىپتاسىپ، عىلىم جالپىلاستىرۋ قىزمەتى مەن عىلمي ساپا قۇرىلىسى جۇيەسى جاقسارىپ، كەمەلدەنىپ، تۇتاس قوعام بىرگە ات سالىساتىن زور عىلىم جالپىلاستىرۋ ارناسى جەدەل قالىپتاسىپ، عىلىم جالپىلاستىرۋدان الەۋمەتتىك قىزمەت وتەۋدىڭ قامتۋ مولشەرى مەن عىلمي زەرتتەۋ قىزمەتكەرلەرىنىڭ عىلىم جالپىلاستىرۋعا ات سالىسۋ مولشەرى كورنەكتى جوعارىلاپ، ازاماتتاردىڭ عىلمي ساپا ازىرلەۋ ۇلەسى ％15تەن اسىپ، بۇكىل قوعامدا عىلىمدى قىزۋ سۇيەتىن، جاڭالىق اشۋدى قاستەرلەيتىن راي اناعۇرلىم قويۋلايدى. 2035 - جىلعا بارعاندا، ازاماتتاردىڭ عىلمي ساپا ازىرلەۋ ۇلەسى ％25كە جەتىپ، عىلىم جالپىلاستىرۋدىڭ جوعارى ساپالى دامۋعا قىزمەت وتەۋ ونىمدىلىگى كورنەكتى بولىپ، عىلمي مادەنيەتتىڭ جۇمساق كۇشى كورنەكتى كۇشەيىپ، دۇنيە جۇزىندە عىلىم - تەحنيكادا قۋاتتى ەل بولۋ قۇرىلىسىنا پارمەندى تىرەك ازىرلەيدى.
