تيانشان تورى
تيانشان تورى   ›   ۇيرەنۋ   ›   شولۋ

پارتيانىڭ باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتتى

− پارتيا 18 - قۇرىلتايىنان بەرى پارتيانىڭ جالپى بەتتىك باسشىلىعىنا بۇلجىماي تاباندى بولۋ جانە ونى كۇشەيتۋ جونىندەگى شولۋ

  رەداكتور ەسكەرتپەسى

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ميلليارد حالىقتى ىنتىماقتاستىرىپ جانە باستاپ، اسقاق جىگەرمەن قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگو اتتى الىپ كەمەنىڭ تولقىن جارا العا ىلگەرىلەۋىنە جول باستاپ، پارتيا مەن مەملەكەت ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋىلۋدى ىلگەرىلەتتى. بۇگىننەن باستاپ شينحۋا اگەنتتىگى ”جۇڭگوعا جول باستاۋ“ ارناۋلى ايدارىن اشىپ، جالعاستىرا جەلىلەس شولۋلار جاريالاپ، پارتيا 19 - قۇرىلتايىنان بەرگى كەلەلى تابىستار مەن جاڭا ءداۋىردىڭ 10 جىلىنداعى ۇلى وزگەرىستەردى جان - جاقتى بەينەلەپ، ۇزدىكسىز العا باسۋعا قۋاتتى كۇش ۇيىستىرادى.

  □ شينحۋا اگەنتتىگىنىڭ تىلشىلەرى گاۋ لەي، جاڭ يان، دۇڭ بوتيڭ

  پارتيانىڭ ءۇشىنشى تاريحي قارارى جاڭا داۋىردەگى پارتيا مەن مەملەكەت ىستەرىندە قول جەتكەن تاريحي تابىستاردى، تۋىلعان تاريحي وزگەرىستەردى قورىتىندىلادى، مۇنىڭ ىشىندە ”پارتيانىڭ جالپى بەتتىك باسشىلىعىنا تاباندى بولۋ“ ماڭداي الدى ورىندا تۇرادى.

     اسقار - اسقار تاۋلاردىڭ دا بارىنەن بيىك شىڭى بولادى.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى تۋى ايقىن تۇردە پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، ونى ىستەردە جاڭا جاعداي اشۋداعى ماڭىزدىنىڭ ماڭىزدىسى ەتىپ، جاڭا داۋىردەگى پارتيا مەن مەملەكەت ىستەرىنىڭ دامۋىنا ءتۇبىرلى كەپىلدىك ازىرلەدى.

  ”پارتيانىڭ باسشىلىعى − پارتيا مەن مەملەكەت ىستەرىن ۇزدىكسىز دامىتۋدىڭ ’التىن تىرەگى‘“

  ”جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس“.

  جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭنىڭ ءسوزى جۇڭگونىڭ بايتاق دالاسىن جاڭعىرتتى. سوعىس ءورتى جالاڭداعان سوناۋ جىلدار بەلەسىندە تۋعان سول ءبىر اۋىز ءسوز جاڭا داۋىردە جاڭا كوكجيەگىن كەڭەيتىپ، ميلليارد حالىقتىڭ ءبىر اۋىزدى ورتاق تانىمىنا اينالدى.

  ”ءسوز جوق، پارتيانىڭ باسشىلىعىن كۇشەيتىپ جانە جاقسارتىپ، پارتيانىڭ جالپى جاعدايدى ءبىر تۇتاس مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋ كەرەك“. 2012 - جىلى 11 - ايدىڭ 17 - كۇنى، جاڭا عانا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ جۇڭگو كوممۋنيستىك پارتياسى 18 - كەزەكتى ورتالىق كوميتەتى ساياسي بيۋروسىنىڭ 1 - رەتكى توپتىق ۇيرەنۋىن باسقارعاندا پارتيانىڭ باسشىلىعىنا تاباندى بولۋ جونىندە ايقىن تالاپ قويدى. وسىدان كەيىن باس شۋجي وسى كەلەلى بايىمداۋدى ۇزدىكسىز تەرەڭدەتە ءتۇستى −

  ”جۇڭگونىڭ ەڭ ۇلكەن مەملەكەت جاعدايى − جۇڭگو كوممۋنيستىك پارتياسىنىڭ باسشىلىعى“؛

  "پارتيا، ۇكىمەت، ارميا، حالىقتىق قۇرىلىمدار، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى“؛

  "جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى“؛

  ”پارتيانىڭ جالپى بەتتىك باسشىلىعىنا تاباندى بولۋ جۇڭگوشا سوتسياليزمگە تاباندى بولۋدا جانە ونى دامىتۋدا، ءسوزسىز، باسىپ وتەتىن جول“...

  باس شۋجي شي جينپيڭ ءبىر قىدىرۋ ماڭىزدى بايىمداۋلار ارقىلى پارتيانىڭ جالپى بەتتىك باسشىلىعىنا تاباندى بولۋدىڭ توتەنشە ماڭىزدىلىعى مەن عىلمي ءمانىن تەرەڭ بايىمداپ ءتۇسىندىرىپ، بۇكىل پارتيانىڭ، بۇكىل ەل حالقىنىڭ يدەياسىن بىرلىككە كەلتىرۋگە نازاريالىق باعدارناما ازىرلەدى.

  پارتيا 18 - قۇرىلتايىنان بەرى، سايلاۋىت كۇشپەن شايقاسقا شىعىپ، ادامزات تاريحىندا كەدەيلىكتەن ارىلتۋدان قامال الۋدىڭ كولەمى ەڭ ۇلكەن شايقاسىنىڭ جەڭىسىنە قول جەتكىزۋدەن ءىرى ەلدىك ۋادەسىن امالياتتا ايگىلەپ، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ۋاعىندا وتكىزۋگە دەيىن؛ ماشاقات - قيىندىقتان قورىقپاي، ەل بىرلىگىنەن بەرىك قامال تۇرعىزىپ، جەر سىلكىنىسى اپاتىنا قارسى اتتانىپ، تاسقىن سۋمەن كۇرەسۋدەن بۇكىل پارتيانىڭ، بۇكىل ەلدىڭ، بۇكىل قوعامنىڭ كۇشىن جۇمىلدىرىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋعا دەيىن... فاكت ”جۇڭگو كوممۋنيستىك پارتياسىنىڭ تەڭدەسسىز پارمەندى باسشىلىق قابىلەتى داۋىل تۇرىپ، نوسەر جاۋعان كەزدەگى جۇڭگو حالقىنىڭ ەڭ سەنىمدى تىرەگى“ ەكەندىگىن تالاسسىز دالەلدەدى.

  بۇكىل پارتيادا ۇيتقى بولعاندا عانا، پارتيا ورتالىق كوميتەتى بەدەلدى بولادى، پارتيا كۇش - قۋاتقا يە بولادى.

  2021 - جىلى 11 - ايدا، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى كەلەلى ساياسي تۇجىرىم جاسادى:

  ”پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن بەينەلەدى، ول جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى ىلگەرىلەتۋ جونىنەن شەشۋشى ماڭىزعا يە“.

  ”ەكىنى تۇراقتاندىرۋ“ − پارتيانىڭ جاڭا داۋىردە قول جەتكىزگەن ەڭ كەلەلى ساياسي جەتىستىگى، ەڭ ماڭىزدى تاريحي تاجىريبەسى، جاڭا داۋىردەگى جاڭا جورىقتىڭ ءتۇرلى نىسانالارى مەن مىندەتتەرىن جۇزەگە اسىرۋدىڭ ءتۇبىرلى كەپىلى.

  ”پارتيانىڭ بارلىق قىزمەتكە باسشىلىعىن كۇشەيتۋ كەرەك، بۇل تالاپ سىلدىر، ابستراكت ەمەس، ونى ءار جاقتا، ءار بۋىندا تياناقتاندىرۋ جانە ايگىلەۋ كەرەك“

  2022 - جىلى 7 - ايدىڭ 13 - كۇنى، بەيجيڭ قالاسىنىڭ ورتا، باستاۋىش مەكتەپ پارتيا ۇيىمى باسشىلىعىنداعى مەكتەپ باستىعى جاۋاپتى بولۋ ءتۇزىمى رەفورماسى قىزمەتىن ورنالاستىرۋ ءماجىلىسى وتكىزىلدى، ءارقايسى رايوننان كەلگەن وقۋ - اعارتۋ قىزمەت كوميتەتتەرىنىڭ شۋجيلەرى، مەكتەپ پارتكومدارىنىڭ شۋجيلەرى، مەكتەپ باستىقتارى ورتا، باستاۋىش مەكتەپتەردىڭ پارتيا ۇيىمى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتۋ توڭىرەگىندە زەرتتەۋ - تالقى ورىستەتىپ، رەفورمانىڭ ءتۇرلى ساياسات - شارالارىن تىڭعىلىقتى تياناقتاندىرۋعا، پارتيانىڭ نەگىزدىك وقۋ - اعارتۋ قىزمەتىنە جالپى بەتتىك باسشىلىعىن كۇشەيتۋگە قۇلشىندى.

  بۇل سوڭعى جىلداردان بەرگى پارتيا باسشىلىعىنىڭ مەملەكەتتى باسقارۋدىڭ ءار سالاسىندا، ءار جاعىندا، ءار بۋىنىندا تياناقتانۋىنىڭ ءبىر دەتالى سانالادى.

  مەملەكەت ءتۇزىمى جانە مەملەكەتتى باسقارۋ جۇيەسىندە پارتيا تۇتاس جۇيەنىڭ اينالىمىن بەلگىلەيتىن شەشۋشى ءتۇيىن بولىپ تابىلادى.

  2019 - جىلى 10 - ايدا پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگوشا سوتسياليزمنىڭ ءتۇزىم كارتاسىن جۇيەلى كەسكىندەپ، پارتيانىڭ باسشىلىق ءتۇزىمىن ەلىمىزدىڭ ءتۇبىرلى باسشىلىق ءتۇزىمى ەتىپ تۇراقتاندىردى. ءماجىلىس سونىمەن بىرگە پارتيا ورتالىق كوميتەتىنىڭ بەدەلىن باتىل قورعاۋدى، جالپى جاعدايدى ءبىر تۇتاس مەڭگەرەتىن، ءار جاقتى سايكەستىرەتىن پارتيانىڭ باسشىلىق ءتۇزىمى جۇيەسىن اقاۋسىزداندىرۋدى باسا دارىپتەدى.

  پارتيا ورتالىق كوميتەتىنەن نۇسقاۋ سۇراۋ جانە وعان مالىمەت بەرۋ ءتۇزىمىن قاتاڭ اتقاردى. ورتالىق كوميتەت شۋجيچۋى مەن ورتالىق ءتارتىپ تەكسەرۋ كوميتەتى، مەملەكەتتىك حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى، مەملەكەتتىك كەڭەستىڭ پارتيا باسشىلىق گرۋپپاسى، مەملەكەتتىك ساياسي كەڭەستىڭ پارتيا باسشىلىق گرۋپپاسى، ەڭ جوعارى حالىق سوتى مەكەمەسىنىڭ پارتيا باسشىلىق گرۋپپاسى، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپاسى ءار جىلى ورتالىق كوميتەت ساياسي بيۋروسىنىڭ تۇراقتى كوميتەتىنە، ورتالىق كوميتەت ساياسي بيۋروسىنا قىزمەتتەن مالىمەت بەرەدى؛ ورتالىق كوميتەت ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ شۋجيلەرى ءار جىلى پارتيا ورتالىق كوميتەتى مەن باس شۋجي شي جينپيڭگە قىزمەتىنەن جازباشا ەسەپ بەرەدى؛

  پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمدارىنىڭ فۋنكتسيالىق رولىن كۇشەيتتى. ورتالىق رەفورمانى جاپپاي تەرەڭدەتۋ كوميتەتى، ورتالىق مەملەكەت حاۋىپسىزدىگى كوميتەتى، ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى، ورتالىق قازىنا - ەكونوميكا كوميتەتى، ورتالىقتىڭ مەملەكەتتى جاپپاي زاڭمەن باسقارۋ كوميتەتى سياقتىلاردى قۇردى؛

  پارتيا مەن مەملەكەتتىڭ قۇرىلىم رەفورماسىن تەرەڭدەتتى. قۇرىلىم فۋنكتسياسى جاعىنان پارتيانىڭ باسشىلىعىن كۇشەيتۋدى ءار سالادا، ءار جاقتا، ءار بۋىندا تياناقتاندىردى؛

  نەگىزگى ساتى پارتيا ۇيىمدارىنىڭ ورنى مەن رولىن كۇشەيتتى. مەملەكەت مەنشىگىندەگى كاسىپورىنداردىڭ پارتكومدارى (پارتيا باسشىلىق گرۋپپاسى) باسشىلىق رولىن ساۋلەلەندىرۋى كەرەك دەپ بەلگىلەپ، جوعارى مەكتەپتەردە پارتكوم باسشىلىعىنداعى مەكتەپ باستىعى جاۋاپتى بولۋ ءتۇزىمىن اتقاردى، ۇكىمەتتىك ورتا، باستاۋىش مەكتەپتەردە، شيپاحانالاردا، عىلمي زەرتتەۋ ورىندارىندا پارتيا ۇيىمىنىڭ باسشىلىعىنداعى مەكتەپ (مەكەمە - ورىن) باستىعى جاۋاپتى بولۋ ءتۇزىمىن بىرتىندەپ اتقاردى؛

  . . .

     ”پارتيا ورتالىق كوميتەتى ورتاداعى قولباسشىلىق شاتىرىنداعى ’باس قولباسشى‘، سوعىس ارباسى، ات، زەڭبىرەكتەردىڭ ءارقايسىسى ءوز ارتىقشىلىعىن ساۋلەلەندىرەدى، ءبىر شاحمات تاسىنىڭ جالپى جاعدايى ايقىن“. پارتيانىڭ جالپى بەتتىك باسشىلىعىنا تاباندى بولۋدىڭ بارلىق جاق تەگىس قامتىلعان ءتۇزىم جۇيەسى اناعۇرلىم تولىسىپ، اناعۇرلىم تۇلعالانىپ، جاڭا داۋىردەگى جۇڭگوشا سوتسياليزم ىستەرىن ىلگەرىلەتۋگە پارمەندى كەپىلدىك ازىرلەدى.

  ءتۇزىم جۇيەسى ۇزدىكسىز كەمەلدەنىپ، باسشىلىق ءتاسىلى اناعۇرلىم عىلمي بولدى.

   2022 - جىلى 7 - ايدىڭ 25 - كۇنى، بەيجيڭ جۇڭنانحاي.

  جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، كەزەكتەگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پىكىرلەرى مەن ۇسىنىستارىن تىڭدادى.

  باس شۋجي شي جينپيڭ قاتىستى ۇسىنىس - پىكىرلەردىڭ اسا كۇشتى باعىتتامالىلىققا جانە سىندارلىلىققا يە ەكەنىن تولىق تۇراقتاندىرىپ، ”ءبىز مۇنى مۇقيات زەرتتەيمىز، بەلسەنە قابىلدايمىز“ دەدى.

  ”14 - بەسجىلدىق“ جوبا ۇسىنىسى سياقتى كەلەلى ساياساتتىق حۇجاتتار شىعارىلۋدان بۇرىن، كوپ رەت ارناۋلى تاقىرىپتىق اڭگىمە ءماجىلىس اشىپ، ءار جاقتىڭ ءۇنىن تىڭدادى؛ پارتيا 20 - قۇرىلتايىنىڭ قاتىستى قىزمەتتەرى جايىندا ينتەرنەتتە پىكىر الۋ قيمىلىن ورىستەتتى...

  پارتيانىڭ باسشىلىق ءتاسىلى مەن بيلىك جۇرگىزۋ ءتاسىلى ۇزدىكسىز كەمەلدەنىپ، پارتيانىڭ ساياسي باسشىلىق قابىلەتى، يدەيالىق جەتەكشىلىك قابىلەتى، بۇقارالىق ۇيىمداستىرۋ قابىلەتى، قوعامدىق ۇندەۋ قابىلەتى كورنەكتى كۇشەيدى، پارتيانىڭ بەتالىستى يگەرۋ، كەلەلى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتى مەن تاباندىلىعى كورنەكتى جوعارىلادى، پارتيانىڭ باسشىلىعى امالياتتىڭ، ءداۋىردىڭ، حالىقتىڭ تالابىنا اناعۇرلىم ۇيلەستى.

  ”پارتيا تۋى استىندا ’قۇرىشتاي بەرىك‘ ىنتىماقتاسىپ، بىركەلكى قاداممەن العا باستى“

  ”تالاي اسقار تاۋلاردان، اساۋ وزەندەردەن“ وتتىك، سوندا دا ءالى ”تاۋ اسىپ، تاس باسۋىمىزعا“ تۋرا كەلەدى.

  بۇگىنگى تاڭدا، جۇڭگو جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي ءتۇستى، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمى كامىل جانە قابىلەتى قاپتال جەتەدى. نىساناعا نەعۇرلىم جاقىنداعان سايىن، جاعداي سولعۇرلىم كۇردەلى بولادى، مىندەت نەعۇرلىم جاپالى بولعان سايىن، پارتيانىڭ جالپى بەتتىك باسشىلىعىنا تاباندى بولۋ ارقىلى ءار جاقتىڭ اقىل - پاراساتى مەن كۇش - قۋاتىن سولعۇرلىم شوعىرلاندىرۋ كەرەك.

  بۇل اناعۇرلىم بەرىك يدەيالىق نەگىز −

  2022 - جىلدىڭ جايناعان جازى، سانشي تاييۋان قالاسى يىڭزى رايوندىق پارتكوم پارتيا مەكتەبى يىڭزى ءمالىسى بولىمشە مەكتەبىنىڭ ساباقحاناسىندا، ءمالىنىڭ، الەۋمەتتىك اۋماقتىڭ نەشە ونداعان كادرى باسپادان جاڭا شىققان «شي جينپيڭ ەل باسقارۋ جونىندە» اتتى كىتاپتىڭ 4 - تومىن ارقاۋ ەتە وتىرىپ، ۇيرەنۋ ورىستەتتى.

  ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرىن شوعىرلى ايگىلەگەن بەدەلدى شىعارما رەتىندە، «شي جينپيڭ ەل باسقارۋ جونىندە» كىتابى قالىڭ پارتيا مۇشەلەرى مەن كادرلاردىڭ، بۇقارانىڭ قولىنان تاستامايتىن ماتەريالىنا، ءسوزسىز، وقيتىن كىتابىنا اينالدى.

  تەرەڭنەن تولعاپ، تۇسىنىكتى تىلمەن ۇعىندىراتىن نازاريالىق وقۋلىقتار ىركەس - تىركەس جارىققا شىعىپ، ءتۇرلى جاندى دا جالىندى ۇگىت لەكسيا قيمىلدارى دابىرالى ورىستەتىلىپ، بۇقارانىڭ كوزى، بۇقارانىڭ ءسوزى، بۇقارانىڭ سۇيىسپەنشىلىگى ارقىلى نازاريا مەن قوعامنىڭ ”نولدىك قاشىقتا“ جاقىنداسۋىن، بەتپە - بەت قاۋىشۋىن ىلگەرىلەتتى، پارتيانىڭ جاسامپاز نازاريالارى بۇقارانىڭ جانىنا بارىپ، بۇقارانىڭ جۇرەگىنە ۇيالادى...

  نازاريادا جاڭالىق اشۋ ءبىر ادىم ىلگەرىلەگەن سايىن، نازاريامەن قارۋلانۋ دا ءبىر قادام العا باسۋى كەرەك.

  قالىڭ پارتيالى كادرلار مەن بۇقارا سانالى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ءادىسىناماسى ارقىلى امالياتقا جەتەكشىلىك ەتىپ، ۇيرەنۋ ونىمدىلىگىن جاڭا جورىقتاعى قىزمەت ونىمدىلىگىنە اينالدىردى.

  بۇل اناعۇرلىم ىنتىماقتى ساياسي كۇش −

  ”ماسەلەنى ساياسي جاقتان باقىلاۋعا جانە ءبىر جاقتى ەتۋگە شەبەر بولماۋ“، ”ۇيرەنۋ مەن دايەكتىلەندىرۋ، تياناقتاندىرۋ اراسىنداعى ’ىستىق - سۋىق پارقى‘ ءالى دە ءومىر ءسۇرىپ وتىر“... پارتيا قۇرىلعاندىعىنىڭ 100 جىلدىعى قارساڭىندا، پارتيا تاريحىن ۇيرەنۋ تاربيەسى ارناۋلى تاقىرىپتىق دەموكراتيالىق تۇرمىس جيىندارى ىسكە شىنداپ كىرىسىپ، قيىندىقتان تايسالماي، شىمبايىنا جەتكىزە ايتىپ، كوپتەگەن پارتيالى كادردىڭ بەتىن قىزارتىپ، قارا تەرگە مالشىندىردى.

  پارتيانىڭ ىنتىماعى مەن بىرلىگى، ەڭ اۋەلى، ساياسي جاقتاعى ىنتىماق پەن بىرلىك، پارتيانىڭ جالپى بەتتىك باسشىلىعىنا تاباندى بولۋدا، ءسوز جوق، ساياسي قۇرىلىستى ءبىر تۇتاس باسشىلىققا الۋ كەرەك.

  پارتيا ىشىندەگى ساياسي تۇرمىستى قاتاڭداستىرىپ، قالىڭ پارتيالى كادرلار پارتيانىڭ ىشكى تۇرمىسىنداعى ”دومنا پەشتە“ قۇرىشتاي شىڭدالدى؛ ساياسي باقىلاۋدى كۇشەيتىپ، ساياسي شارلاۋدى تەرەڭدەتىپ، تۋى ايقىن تۇردە ”جەتى ءتۇرلى نىسايدى“ رەتتەپ - جونگە سالىپ، پارتياعا كورىنىستە بويسۇنعانسىپ، كومەسكىدە قايشىلىق جاساعان ەكىبەتكەيلەردى باتىل الاستاپ، پارتيانىڭ العاباسارلىعىنا، كىرشىكسىزدىگىنە شىنايى كەپىلدىك ەتتى.

  قالىڭ پارتيالى كادرلار ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”مەملەكەتتىڭ زور ءىسىن“ كوكەيدە ساقتاپ، پارتياعا ادال بولىپ، پارتيانىڭ قولباسشىلىعىنا بويسۇنىپ، پارتيا ءۇشىن جاۋاپكەرشىلىگىن ادا ەتتى.

  بۇل اناعۇرلىم بىركەلكى ارەكەت جاۋاپكەرشىلىگى −

  كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاي وتىرىپ جاساعان كەلەلى ستراتەگيالىق شەشىمى. بۇل نىسانانى جۇزەگە اسىرۋ ءۇشىن، ساياسات جۇيەسىنە قاتىستى جوعارى دەڭگەيدە جوبالاۋدان جەر - جەردىڭ، تاراۋلاردىڭ بەلسەنە دايەكتىلەندىرۋىنە، تياناقتاندىرۋىنا دەيىن، ءبىر رەتكى كەڭ اۋقىمدى ءارى تەرەڭ وزگەرىس بۇكىل ەل كولەمىندە جوعارىدان تومەنگە دەيىن ءجىتى، ورنىقتى قاداممەن ىلگەرىلەۋدە.

  مەملەكەتتىڭ وسىنشاما قۋاتتى قابىلەتى پارتيامىزدىڭ قۋاتتى باسشىلىق قابىلەتىنەن، ۇيىمداستىرۋ قابىلەتىنەن، اتقارۋ قابىلەتىنەن قول ۇزە المايدى.

  ”جاپپاي قورعاۋدى بىرگە يگەرۋ، قاۋىرت اشۋمەن اينالىسپاۋ“ ۇستانىمىن دايەكتىلەندىرىپ، انا وزەن چاڭجياڭ وزەنىنەن تىڭ ومىرشەڭدىك قاۋلادى؛ ”شيۇڭان جاڭا رايونىن قۇرۋ − مىڭ جىلدىق ۇلى جوسپار“ تالابىنا ساي، ”بولاشاقتىڭ قالاسىنىڭ“ ايبىندى كارتيناسى بىرتىندەپ كەرەگە جايىپ كەلەدى؛ ”بىرتىندەپ ىزدەنىس جاساپ، جۇڭگوشا ەرەكشەلىككە يە ەركىن ساۋدا پورتى قۇرىلىسىن ورنىقتى ىلگەرىلەتۋ“ جونىندەگى ورنالاستىرۋدى تياناقتاندىرىپ، حاينان ەركىن ساۋدا پورتى ەكپىندى قايراتپەن جەلكەن جايدى.

  جەر - جەر، تاراۋلار ويدى ءبىر جەرگە شوعىرلاندىرىپ، كۇشتى ءبىر جەرگە جۇمساپ، پارتيانىڭ كەلەلى باعىت - ساياساتتارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءىس جۇزىندىك ارەكەتتەرى ارقىلى ناقتاپ تياناقتاندىردى.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيانىڭ جالپى بەتتىك باسشىلىعىنا بۇلجىماي تاباندى بولىپ جانە ونى كۇشەيتىپ، ميلليارد حالىق ءبىر نيەتپەن ىنتىماقتاسىپ، قايراتتانا العا ۇمتىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا اناعۇرلىم شۇعىلالى تاراۋ جازۋدا.

  (شينحۋا اگەنتتىگىنىڭ 9 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.