انار بۇلت \ شينجياڭ گازەتىنىڭ ءتىلشىسى چىن چياڭۋي 9 - ايدىڭ 5 - كۇنى ۇرىمجىدەن حابارلايدى. شينجياڭ ەلەكتر ساۋدا ورتالىعى شەكتى سەرىكتەستىگىنەن ۇعىسۋىمىزشا، بيىل جىل باسىنان بەرى، شينجياڭ ەلەكتر تورىنىڭ تۋىندايتىن ەنەرگيانى قابىلداۋ مولشەرى مەن جاڭا ەنەرگيادان پايدالانۋ سالىستىرماسى تۇگەلدەي كورنەكتى ارتقان. ساندى مالىمەتتە كورسەتىلۋىنشە، الدىڭعى 7 ايدا شينجياڭ ەلەكتر تورىنىڭ تۋىندايتىن ەنەرگيانى قابىلداۋ مولشەرى 42 ميلليارد 157 ميلليون كيلوۆات ساعاتقا جەتىپ، سايكەس مەزگىلدەگىدەن ％67. 14 ارتقان، جاڭا ەنەرگيادان پايدالانۋ سالىستىرماسى ％2. 95كە جەتىپ، سايكەس مەزگىلدەگىدەن ％5. 1 ارتقاندىعى كورسەتىلدى.
تۋىندايتىن ەنەرگيا جەل ەنەرگياسى، كۇن نۇرى ەنەرگياسى، سۋ ەنەرگياسى، بيولوگيا تەكتى ەنەرگيا، جەر جىلۋى ەنەرگياسى، تەڭىز - مۇحيت ەنەرگياسى سياقتى بەي قازىندى بايلىق ەنەرگيالارىن مەڭزەيدى. شينجياڭ، باستىسى، جەل ەنەرگياسى جانە كۇن ەنەرگياسى سياقتى جاڭا ەنەرگيالاردى نەگىز ەتەدى. 2019 - جىلى مەملەكەتتىك دامۋ جانە رەفورما كوميتەتى، مەملەكەتتىك ەنەرگيا مەكەمەسى تۋىندايتىن ەنەرگيا ەلەكترىن قابىلداۋ - قامتاماسىز ەتۋ مەحانيزمىن بىرلەسىپ ورناتىپ، اقاۋسىزداندىرىپ، ولكە دارەجەلى اكىمشىلىك ءوڭىر بويىنشا ەلەكتر تۇتىنۋعا قاراتا تۋىندايتىن ەنەرگيا ەلەكترىن قابىلداۋ جاۋاپكەرشىلىگى سالىستىرماسىن بەلگىلەدى، بۇل جالپى مولشەر، بەي سۋ ەلەكترى سىندى 2 كورسەتكىشتى قامتىپ، تۋىندايتىن ەنەرگيا ەلەكترىن قابىلداۋ ماسەلەسىن ءبىر جايلى ەتتى.
الدىڭعى 7 ايدا شينجياڭ ەلەكتر تورىندا بازارلانعان قاريدارلاردىڭ قابىلداعان تۋىندايتىن ەنەرگيا ەلەكترى 16 ميلليارد 953 ميلليون كيلوۆات ساعاتقا جەتتى، ۋاكىلدىكپەن ەلەكتر ساتىپ الۋشى قاريدارلاردىڭ قابىلداعان تۋىندايتىن ەنەرگيا ەلەكترى 5 ميلليارد 773 ميلليون كيلوۆات ساعاتقا جەتتى، تۇرعىندار، اۋىل شارۋاشىلىعى سياقتى بازارلانباعان قاريدارلاردىڭ قابىلداعان تۋىندايتىن ەنەرگيا ەلەكترى 19 ميلليارد 431 ميلليون كيلوۆات ساعاتقا جەتتى.
2020 - جىلدان باستاپ شينجياڭ ەلەكتر ساۋدا ورتالىعى شەكتى سەرىكتەستىگى تالاپ بويىنشا تۋىندايتىن ەنەرگيانى قابىلداۋ جاۋاپكەرشىلىك سالماعىن ساناققا الۋدى ويداعىداي ىستەدى جانە تۋىندايتىن ەنەرگيا سالماعى ساۋدا بازارىن قۇرىپ، كەمەلدەندىرىپ، شينجياڭنىڭ ەنەرگيادان جاسىل پايدالاناتىن ەلەكتر بازارى جۇيەسى قۇرىلىسىن ۇزدىكسىز تۇلعالاپ، كەمەلدەندىرىپ، بازارلانعان قاريدارلاردى بازارلانعان ساۋداعا بەلسەنە قاتىسىپ، جاسىل ەلەكتردى ءوز ەركىمەن ساتىپ الۋعا شابىتتاندىردى؛ بازارلانعان قاريدارلاردىڭ جاسىل ەلەكتر ساۋداسى سۇرانىسىن تەكسەرۋ - زەرتتەۋدى بەلسەنە ورىستەتىپ، تىكەلەي ساۋدالاسۋ، سۋ ەلەكترىن تاقتا اسىپ ساۋداعا سالۋ، ءوزى قۇرعان ەلەكتر ستانسياسى جاڭا ەنەرگيامەن ەلەكتر تاراتۋ، تۋىندايتىن ەنەرگيانى نورمادان ارتىق قابىلداۋ مولشەرى ساۋداسى سياقتى كوپ ءتۇرلى نەداۋىر كەمەلدى ەنەرگيادان جاسىل پايدالانۋ ساۋدا جۇيەسىن ورناتىپ، ەنەرگيا ىستەتەتىن ءتۇيىندى ورىنداردىڭ جاسىل ەلەكتر قابىلداۋ سياقتى قاتىستى قىزمەتتەردى ورىستەتۋىن ىلگەرىلەتتى.
الدا شينجياڭ ەلەكتر ساۋدا ورتالىعى شەكتى سەرىكتەستىگى 2 - توپتاعى تۋىندايتىن ەنەرگيانى نورمادان ارتىق قابىلداۋ مولشەرىن وتكەرمەلەۋ ساۋداسىن جەدەل ۇيىمداستىرىپ ورىستەتىپ، اناعۇرلىم كوپ ەلەكتر قاريدارلارىنىڭ قابىلداۋ جاۋاپكەرشىلىك سالماعىن ورىنداۋىن جەبەپ، بازار تۇلعالارىنىڭ تۋىندايتىن ەنەرگيانى قابىلداۋ مىندەتىن ورىنداۋىن كۇش سالا ىلگەرىلەتىپ، شينجياڭ ەلەكتر تورىنىڭ تازا ەنەرگيانى دامىتۋىن قامتاماسىزداندىردى.
