شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 27 - رەتكى ءماجىلىسىن باسقارىپ اشىپ بىلاي دەپ باسا دارىپتەدى
شەشۋشى، وزەكتى تەحنيكادان قامال الۋدىڭ جاڭاشا بۇكىل مەملەكەتتىك ءتۇزىلىسىن اقاۋسىزداندىرىپ، بايلىقتى ۇنەمدەۋ قىزمەتىن جالپى بەتتىك كۇشەيتۋ كەرەك
لي كىچياڭ، ۋاڭ حۋنيڭ، حان جىڭ قاتىناستى
شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 9 - ايدىڭ 6 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 27 - رەتكى ءماجىلىسىن باسقارىپ اشتى، ءماجىلىس «سوتسياليستىك بازار شارۋاشىلىعى شارت - جاعدايىندا شەشۋشى، وزەكتى تەحنيكادان قامال الۋدىڭ جاڭاشا بۇكىل مەملەكەتتىك ءتۇزىلىسىن اقاۋسىزداندىرۋ جونىندەگى پىكىردى»، «اكادەميك ءتۇزىمى رەفورماسىن تەرەڭدەتۋ جونىندەگى ءبىرقانشا پىكىردى»، «بايلىقتى ۇنەمدەۋ قىزمەتىن جالپى بەتتىك كۇشەيتۋ جونىندەگى پىكىردى»، «اۋىل - قىستاقتىڭ كوللەكتيۆ تيجارات سيپاتىنداعى قۇرىلىسقا پايدالانىلاتىن جەرىن بازارعا سالۋ سىناق ءتۇيىنى قىزمەتىن تەرەڭدەتۋ جونىندەگى جەتەكشى پىكىردى»، «رەفورمانى ىشكەرىلەي تەرەڭدەتىپ، اۋىل - قىستاقتىڭ ەمدەۋ - دەنساۋلىق ساقتاۋ جۇيەسىنىڭ اقاۋسىز دامۋىن جەبەۋ جونىندەگى پىكىردى» قاراپ ماقۇلدادى.
شي جينپيڭ ءماجىلىستى باسقارعاندا بىلاي دەپ باسا دارىپتەدى: ەلىمىزدىڭ سوتسياليستىك ءتۇزىمىنىڭ كۇشتى شوعىرلاندىرىپ ءىرى ءىس تىندىراتىن كورنەكتى ابزالدىلىعىن ساۋلەلەندىرىپ، پارتيا مەن مەملەكەتتىڭ كەلەلى عىلىم - تەحنيكالىق جاڭالىق اشۋعا باسشىلىعىن كۇشەيتىپ، بازار مەحانيزمىنىڭ رولىن تولىق ساۋلەلەندىرىپ، مەملەكەتتىڭ ستراتەگيالىق قاجەتىن ارقاۋ ەتىپ، جاڭالىق اشۋ بايلىعىن ساپالى جايعاستىرىپ، مەملەكەتتىڭ ستراتەگيالىق عىلىم - تەحنيكا قۋاتىن كۇشەيتىپ، عىلىم - تەحنيكادا قامال الۋدى جۇيەلىلەندىرۋ قابىلەتىن زور مولشەردە جوعارىلاتىپ، ءبىرقانشا ماڭىزدى سالادا باسەكە باسىمدىعىن قالىپتاستىرىپ، ستراتەگيالىق ىرىقتىلىققا قول جەتكىزۋ كەرەك. ءتۇزىمدى كەمەلدەندىرۋدى، كورنەكتى ماسەلەلەردى شەشۋدى ءتۇيىن ەتىپ، اكادەميكتەردى ىرىكتەپ تاڭداۋ ساپاسىن جوعارىلاتىپ، اكادەميكتەردىڭ رولىن اناعۇرلىم ويداعىداي ساۋلەلەندىرىپ، اكادەميك اتاعىنىڭ داڭق سيپاتىن، ءىلىم سيپاتىن ونان ارى وزىنە تاۋەلدەۋ كەرەك. جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، بايلىقتى ۇنەمدەۋدى ەكونوميكالىق، قوعامدىق دامۋدىڭ تۇتاس بارىسىمەن، ءار سالاسىمەن ساباقتاستىرۋعا تاباندى بولىپ، بايلىقتى جالپى مولشەر بويىنشا باسقارۋدى، عىلمي جايعاستىرۋدى، جالپى بەتتىك ۇنەمدەۋدى، اينالمالى پايدالانۋدى ىلگەرىلەتىپ، ەنەرگيا، سۋ، استىق، جەر، كەن ونىمدەرى، شيكىزات سياقتى بايلىقتاردىڭ پايدالانىلۋ ونىمدىلىگىن جوعارىلاتىپ، بايلىقتان پايدالانۋ تاسىلىندە جەدەل ءتۇبىرلى بۇرىلىس جاساۋ كەرەك. اۋىل - قىستاقتىڭ كوللەكتيۆ تيجارات سيپاتىنداعى قۇرىلىسقا پايدالانىلاتىن جەرىن بازارعا سالۋ سىناق ءتۇيىنى قىزمەتىن تەرەڭدەتىپ، شارتىن قاتايتىپ، ءتارتىبىن ارناعا ءتۇسىرىپ، رەفورما بارىسىنداعى تەرەڭ قاتپارلى ماسەلەلەردى شەشۋگە ىزدەنىس جاساۋ كەرەك. اۋىل - قىستاقتىڭ ەرەكشەلىگىنە ۇيلەسەتىن، ساپالى، ونىمدىلىگى جوعارى اۋىل - قىستاق ەمدەۋ، دەنساۋلىق ساقتاۋ جۇيەسىن اقاۋسىزداندىرىپ، قالىڭ شارۋالار قاۋىمىنىڭ جاقىن جەردەن اناعۇرلىم ءادىل، قولجەتىمدى، جۇيەلى، ءۇزىلىسسىز ەمدەۋ، دەنساۋلىق ساقتاۋ قىزمەت وتەۋىنە يە بولۋىنا مۇمكىندىك جاساۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.
ءماجىلىس مىنالاردى اتاپ كورسەتتى: شەشۋشى، وزەكتى تەحنيكادان قامال الۋدىڭ جاڭاشا بۇكىل مەملەكەتتىك ءتۇزىلىسىن اقاۋسىزداندىرۋدا، ۇكىمەتتى، بازاردى، قوعامدى ورگانيكالى ۇشتاستىرىپ، عىلمي ءبىر تۇتاس جوسپارلاۋ، كۇشتى شوعىرلاندىرۋ، مەحانيزمدى جاقسارتۋ، سايكەسىپ قامال الۋ كەرەك. ستراتەگيالىق جوسپارلاۋدى جانە جۇيەلى ورنالاستىرۋدى كۇشەيتىپ، مەملەكەتتىڭ ستراتەگيالىق نىساناسىن باعدار ەتۋگە تاباندى بولىپ، ەلىمىزدىڭ كاسىپ سالاسىنا، ەكونوميكاسىنا جانە مەملەكەت حاۋىپسىزدىگىنە ساياتىن ءبىرقانشا ءتۇيىندى سالانى، سونداي - اق كەلەلى مىندەتتەردى كوزدەپ، نەگىزگى ۇمتىلىس بەتالىسىن جانە وزەكتى تەحنيكالارداعى تىڭ سەرپىلىس ءتۇيىنىن ايقىنداپ، الدىمەن دامىتۋ باسىمدىعىنا يە شەشۋشى تەحنيكالار مەن بولاشاق دامۋعا جەتەكشىلىك ەتەتىن نەگىزدىك، وزىق تەحنيكالاردى ءتۇيىندى تۇردە زەرتتەپ اشۋ كەرەك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتىپ، شەشىم جاساۋعا قولباسشىلىق ەتەتىن قۇزىرلى جۇيە ورناتۋ كەرەك. سايكەسىپ قامال الاتىن ۇيىمدىق جۇمىس مەحانيزمىن قۇرىپ، عىلىم - تەحنيكا كۇشتەرى مەن جاڭالىق اشۋ بايلىعىن جوعارى ونىمدىلىكپەن جايعاستىرىپ، سالا اتتاپ، ءپان اتتاپ سايكەسىپ قامال الۋدى كۇشەيتىپ، شەشۋشى، وزەكتى تەحنيكادان قامال الۋدىڭ قۋاتتى بىرىككەن كۇشىن قالىپتاستىرۋ كەرەك. ءونىمدى بازار مەن ىسكەر ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتىپ، كاسىپورىنداردىڭ تەحنيكادا جاڭالىق اشۋداعى تۇلعالىق ورنىن كۇشەيتىپ، ۇكىمەتتىڭ عىلىم - تەحنيكانى باسقارۋ فۋنكتسياسىندا جەدەل بۇرىلىس جاساپ، تاماشا جاڭالىق اشۋ ەكولوگياسىن قالىپتاستىرىپ، جاڭالىق اشۋ تۇلعالارىنىڭ ومىرشەڭدىك كۇشىن تاسقىنداتۋ كەرەك.
ءماجىلىس مىنالاردى باسا دارىپتەدى: اكادەميك − ەلىمىزدىڭ عىلىم - تەحنيكا جاعىنداعى جانە ينجەنەريالىق عىلىم - تەحنيكا سالاسىنداعى ەڭ جوعارى داڭق اتاعى، ەكى اكادەميانىڭ اكادەميكتەرى جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتەتىن ماڭىزدى كۇش. پارتيا 18 - قۇرىلتايىنان بەرى، ءبىز اكادەميكتەردى ىرىكتەپ تاڭداۋ، باعالاۋ مەحانيزمىن ىلگەرىلەتىپ، ءپان ورنالاستىرۋىن جاقسارتىپ، زەينەتكە شىعۋ، شەگىنۋ ءتۇزىمىن اتقارىپ، ءىلىم ستيلى، قىزمەت ستيلى قۇرىلىسىن كۇشەيتىپ، اكادەميك ءتۇزىمىن ۇزدىكسىز كەمەلدەندىردىك. اكادەميكتەردى كەلەلى عىلمي زەرتتەۋ جانە مەملەكەتتىڭ كەلەلى ينجەنەريالارى بارىسىندا تاڭداپ وسىرۋگە ءمان بەرىپ، كەلەلى ۇلەستى، ءىلمي ورەسىن، ءمورال ۇستانىمىن ولشەم ەتىپ، كوبەيتىپ تاڭداۋ بارىسىندا بۇرىس ستيلدەن ساقتانۋ كەرەك. جەتەكتەۋدى، ارناعا ءتۇسىرۋدى كۇشەيتىپ، اكادەميكتەردى بار ىنتا - پەيىلىمەن عىلمي زەرتتەۋ قىزمەتىن ورىستەتۋگە شابىتتاندىرىپ جانە قولداۋ كورسەتىپ، قىزمەت ستيلى، ءىلىم ستيلى قۇرىلىسىن كۇشەيتىپ، ءىلمي ەمەس فاكتورلاردىڭ كەدەرگىسىن الاستاۋ كەرەك. باقىلاۋدى، باسقارۋدى قاتايتىپ، اكادەميكتەردىڭ عىلمي زەرتتەۋ ەتيكاسى مەن ءىلمي ولشەم جاۋاپكەرشىلىگىن كۇشەيتىپ، تاماشا ءىلمي جانە عىلمي زەرتتەۋ ورتاسىن قالىپتاستىرۋ كەرەك. قالىڭ اكادەميكتەر ساياسي دەڭگەيدى جوعارىلاتىپ، جاۋاپكەرشىلىك تانىمىن كۇشەيتىپ، مەملەكەتتىڭ شۇعىل، قيىن، قاتەرلى، ماڭىزدى عىلمي زەرتتەۋ مىندەتتەرىن ىرىقتىلىقپەن ارقالاۋ، كەلەلى ءتول جاسامپازدىق سيپاتتى عىلمي ماسەلەلەردى شەشۋ، ءوز بويىنان ونەگە كورسەتىپ ءىلمي ورتانى كىرشىكسىزدەندىرۋ، جاس عىلمي زەرتتەۋ دارىندىلارىن باۋلۋ سياقتى جاقتاردا ۇلگىلىك رولىن ويداعىداي ساۋلەلەندىرۋ كەرەك.
ءماجىلىس مىنالاردى اتاپ كورسەتتى: بايلىقتى ۇنەمدەۋ − ەلىمىزدىڭ نەگىزگى مەملەكەت ساياساتى، مەملەكەتتىڭ بايلىق حاۋىپسىزدىگىن قورعاۋداعى، ەكولوگيالىق وركەنيەت قۇرىلىسىن ىلگەرىلەتۋدەگى، جوعارى ساپالى دامۋدى ىلگەرىلەتۋدەگى كەلەلى مىندەت. پارتيا 18 - قۇرىلتايىنان بەرى، ءبىز جالپى بەتتىك ۇنەمدەۋ ستراتەگياسىن ورنالاستىرىپ، اتقارىپ، ەنەرگيانىڭ، سۋدىڭ، جەردىڭ پايدالانىلۋ كۇشەمەلىلىگىن زور مولشەردە تومەندەتىپ، اينالمالى ەكونوميكانى زور كۇشپەن دامىتىپ، بۇكىل قوعامدا ۇنەمشىل بولۋدى، ىسىراپشىلدىققا قارسى تۇرۋدى دارىپتەپ، بايلىقتان ۇنەمشىلدىكپەن، شوعىرلى، جوعارى ونىمدىلىكپەن پايدالانۋدى ىلگەرىلەتىپ، بەلسەندى ونىمدىلىكتەرگە قول جەتكىزدىك. ەنەرگيا، ونەركاسىپ، قۇرىلىس، قاتىناس سياقتى ءتۇيىندى سالالاردا بايلىقتى ۇنەمدەۋدى كورنەكتى تۇردە ويداعىداي يگەرىپ، عىلىم - تەحنيكادا جاڭالىق اشۋدىڭ تىرەكتىك رولىن ساۋلەلەندىرىپ، ءوندىرىس سالاسىندا ەنەرگيا ۇنەمدەپ، كومىر قىشقىل گازىن شىعارۋدى تومەندەتۋدى جەبەۋ كەرەك. جالپى حالىقتىڭ ۇنەمشىل بولۋ تانىمىن كۇشەيتىپ، قاراپايىم دا لايىقتى، جاسىل، تومەن كومىر قىشقىل گازدى تۇرمىس ءتاسىلىن جالپىلاستىرىپ، استا - توك ىسىراپشىلدىققا جانە شەكتەن تىس تۇتىنۋعا قارسى تۇرىپ، جالپى حالىق ۇنەمشىلدىكتى قاستەرلەيتىن قويۋ رايدى قۇلشىنا قالىپتاستىرۋ كەرەك. بازارلاندىرۋ، زاڭمەن باسقارۋ تاسىلىنەن كەشەندى تۇردە ويداعىداي پايدالانىپ، بايلىقتىڭ تاپشىلىق دارەجەسىن، ەكولوگيانى ءبۇلدىرۋ وزىندىك قۇنىن، قورشاعان ورتانى لاستاۋ بوداۋىن ايگىلەيتىن بايلىق باعاسىن قالىپتاستىرۋ مەحانيزمىن جەدەل ورناتىپ، ءتۇيىندى كاسىپ سالالارىنىڭ، ءتۇيىندى ونىمدەردىڭ ەنەرگيا سارىپ ەتۋ، سۋ سارىپ ەتۋ، شيكىزات سارىپ ەتۋ ولشەمىن ۇزدىكسىز كەمەلدەندىرىپ جانە بىرتىندەپ جوعارىلاتىپ، بايلىقتى عىلمي جايعاستىرۋدى جانە ۇنەمشىلدىكپەن، جوعارى ونىمدىلىكپەن پايدالانۋدى جەبەۋ كەرەك. پايدالانۋ مەن ۇنەمدەۋدىڭ، اشۋ مەن قورعاۋدىڭ، تۇتاس تۇلعا مەن ءىشىنارا بولىكتىڭ، قىسقا مەزگىل مەن ۇزاق مەزگىلدىڭ قاتىناسىن ويداعىداي ءبىر جاقتى ەتىپ، تومەنگى شەكتە ويلاۋعا تاباندى بولىپ، قاتاڭ باقىلاپ - باسقارىپ، ەلەۋلى بايلىق حاۋىپ - قاتەرىنەن ساقتانۋ جانە ونى جويۋمەن بىرگە، ەكونوميكالىق، قوعامدىق دامۋدىڭ رەال قاجەتىن دە ەسكەرۋ كەرەك.
ءماجىلىس مىنالاردى باسا دارىپتەدى: اۋىل - قىستاقتىڭ كوللەكتيۆ تيجارات سيپاتتى قۇرىلىسقا پايدالانىلاتىن جەرىن بازارعا سالۋ رەفورماسىن ىلگەرىلەتۋ شارۋالاردىڭ ءتول مۇددەسىنە ساياتىن، ءار جاقتىڭ مۇددەسىنە قاتىستى ەلەۋلى رەتتەۋ، سوندىقتان، ءسوز جوق، بايسالدى، ورنىقتى تۇردە ىلگەرىلەتۋ كەرەك. سىناق ءتۇيىنى اۋداندارىنىڭ (قالا، رايون) سانى ورنىقتى مەڭگەرىلەتىن بولۋ كەرەك. بىردەي جەردە بىردەي ۇقىق، بىردەي جاۋاپكەرشىلىك بولۋعا تاباندى بولىپ، جوباعا ۇيلەسۋ، پايدالانىلاتىن ورنىن قاداعالاۋ جانە زاڭدى تۇردە يە بولۋ العى شارتىندا، اۋىل - قىستاقتىڭ كوللەكتيۆ تيجارات سيپاتىنداعى قۇرىلىسقا پايدالانىلاتىن جەرىن مەملەكەت مەنشىگىندەگى قۇرىلىسقا پايدالانىلاتىن جەرمەن بىردەي بازارعا سالۋدى، بىردەي ۇقىعى، بىردەي باعاسى بولۋىن ىلگەرىلەتىپ، قالا مەن اۋىلدا ءبىر تۇتاس قۇرىلىسقا پايدالانىلاتىن جەر بازارىندا ايىرباسقا سالىپ، بىردەي ەرەجە قولدانىپ، بازاردىڭ باقىلاۋ - باسقارۋىن قابىلداۋ كەرەك. جەردەن ۇنەمشىلدىكپەن، شوعىرلى پايدالانۋعا تاباندى بولىپ، الدىمەن جوبالاپ، ارتىنان قۇرىلىس سالۋعا تاباندى بولىپ، ءار ءتۇرلى ورىنعا پايدالانىلاتىن جەردى لايىقتى ورنالاستىرۋ كەرەك. جەردىڭ جالپىلىق مەنشىك سيپاتىن وزگەرتپەۋگە، ەگىستىك جەردىڭ قىزىل سىزىعىن بۇزباۋعا، شارۋالاردىڭ مۇددەسىن زيانداماۋعا قاتاڭ بويسۇنىپ، ماڭگىلىك نەگىزگى ەگىنجاي، ەكولوگيانى قورعاۋدىڭ قىزىل سىزىعى، قالا - قالاشىقتاردى اشۋدىڭ كولەمى سياقتى كەڭىستىك باسقارۋ - تىزگىندەۋ تالاپتارىن تياناقتاندىرۋ كەرەك.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى، پارتيا ورتالىق كوميتەتى اۋىل - قىستاق ەمدەۋ، دەنساۋلىق ساقتاۋ جۇيەسى قۇرىلىسىنا ايرىقشا ءمان بەرىپ جانە ونى كۇشەيتىپ، نەگىزدىك قۇرىلعى شارت - جاعدايىن، قىزمەتكەرلەر قوسىنى قۇرىلىسىن، قۇرىلىمنىڭ جۇمىس مەحانيزمىن كەمەلدەندىرۋ سياقتى جاقتاردا ءبىر قىدىرۋ شارالاردى جولعا قويىپ، اۋىل - قىستاقتىڭ ەمدەۋ، دەنساۋلىق ساقتاۋ بويىنشا قىزمەت وتەۋ قابىلەتىن ۇزدىكسىز جوعارىلاتىپ، شارۋالار قاۋىمىنىڭ نەگىزگى ەمدەۋ، دەنساۋلىق ساقتاۋ بويىنشا قىزمەت وتەۋدەن ءادىل تۇردە يگىلىكتەنۋىن نەگىزىنەن جۇزەگە اسىردى. اۋدان اۋماعىنداعى ەمدەۋ، دەنساۋلىق ساقتاۋ بايلىعىن ءبىر تۇتاس جوسپارلاۋدى جانە ورنالاسۋىن جاقسارتۋدى ءتۇيىندى تۇردە كۇشەيتىپ، اۋىل - قىستاق ەمدەۋ بايلىعىن ۇيلەسىمدى جايعاستىرۋ كەرەك. دارىندىلاردى باۋلۋدى جانە ەنگىزۋدى كۇشەيتىپ، اۋىل - قىستاق شيپاگەرلەرىنىڭ ەڭبەكاقى ءبولىسىن جانە يگىلىك قامتاماسىزدىعى ماسەلەسىن ءبىر تۇتاس جوسپارلاپ ويداعىداي شەشىپ، ماماندانعان، جۇيەلىلەنگەن اۋىل - قىستاق شيپاگەرلەرى قوسىنىن تۇلعالاۋ كەرەك. اۋىل - قىستاق ءوڭىرىنىڭ ەمدەۋ قامتاماسىزدىعى ورەسىن جوعارىلاتىپ، اۋىل - قىستاقتىڭ ەمدەۋ، دەنساۋلىق ساقتاۋ بويىنشا قىزمەت وتەۋ جۇيەسىنىڭ يقۋاتىن كۇشەيتىپ، اۋرۋدىڭ الدىن الۋ، تىزگىندەۋ قابىلەتى قۇرىلىسىن كۇشەيتىپ، قۋاتتى الەۋمەتتىك دەنساۋلىق ساقتاۋ جۇيەسىن جەدەل قۇرىپ، حالىقتىڭ سالاماتتىعىن قورعاۋعا پارمەندى قامتاماسىزدىق ازىرلەۋ كەرەك.
ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
