− پارتيا 18 - قۇرىلتايىنان بەرگى پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋ جونىندەگى شولۋ
□ شينحۋا اگەنتتىگىنىڭ ءتىلشىسى سۇن شاۋلۇڭ
پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى − پارتيا قۇرىلىسىنداعى كەلەلى مىندەت.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ورتالىقتىڭ ”8 ءتۇرلى بەلگىلەمەسىن“ جاساۋ، اتقارۋ ارقىلى ستيلدى تۇزەۋگە كىرىسىپ، شىرىكتەسۋگە قارسى تۇرۋ كۇرەسىن نايزاعاي ەكپىنمەن ىلگەرىلەتىپ، پاك ستيلدى، دۇرىس سالتتى اسقاقتاتىپ، پارتيانىڭ بەكىمىن، حالىقتىڭ تىلەگىن ۇيىستىرىپ، پارتيا مەن مەملەكەت ىستەرىنىڭ دامۋىنا پارمەندى قامتاماسىزدىق ۇسىندى.
ستيل قۇرىلىسى ماڭگى جالعاسادى
”ورتالىقتىڭ 8 ءتۇرلى بەلگىلەمەسىنىڭ رۋحىنا قايشى ماسەلەدەن 5434ىن تەكسەرىپ ءبىر جاقتى ەتتىك، 8185 ادامعا سىن - تاربيە، كومەك بەردىك نەمەسە ولاردى ءبىر جاقتى ەتتىك...“
2022 - جىلى 8 - ايدا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى الدىڭعى ايدا مەملەكەت بويىنشا تەكسەرىپ ءبىر جاقتى ەتىلگەن ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاسالعان ماسەلەلەردىڭ جيىنتىق جاعدايىن جاريالادى، بۇل وسى ساندى مالىمەتتىڭ ءۇرتىس 107 - اي جاريالانۋى.
8 ءتۇرلى بەلگىلەمە جۇڭگوعا تەرەڭ وزگەرىس اكەلدى.
2012 - جىلى 12 - ايدىڭ 4 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ءماجىلىسىن باسقارىپ اشىپ، ورتالىق كوميتەت ساياسي بيۋروسىنىڭ قىزمەت ستيلىن جاقسارتۋ، بۇقارامەن تىعىز بايلانىس جاساۋ جونىندەگى 8 ءتۇرلى بەلگىلەمەسىن قاراپ ماقۇلدادى.
وسى رەتكى ماجىلىستە باس شۋجي شي جينپيڭ بىلاي دەپ باسا دارىپتەدى: ”پارتيا ستيلى، پاكتىك قۇرىلىسىن باسشى كادرلاردان باستاپ ىستەۋ، باسشى كادرلاردىڭ ىشىندە، الدىمەن ورتالىقتىڭ باسشىلارىنان باستاپ ىستەۋ كەرەك. ءوزىن تۇزەتە بىلمەگەن باسقالاردى قالاي تۇزەتە الادى دەگەن وسى“.
ءار جىلى اشىلاتىن ورتالىق كوميتەتتىڭ جالپى ءماجىلىسى، ورتالىق ءتارتىپ تەكسەرۋ كوميتەتىنىڭ جالپى ءماجىلىسى سياقتى ماڭىزدى ماجىلىستەردىڭ بارلىعىندا باس شۋجي شي جينپيڭ ستيل قۇرىلىسى جونىندە ايقىن تالاپتار قويدى؛
ءار جىلدىڭ سوڭىنداعى ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنى ورتالىقتىڭ 8 ءتۇرلى بەلگىلەمەسىنىڭ اتقارىلۋ جاعدايىن سالىستىرىپ تەكسەرىپ، سىن جانە ءوز - وزىنە سىن ورىستەتتى؛
جالعاستىرا ورىستەتىلگەن پارتيا ىشىندەگى شوعىرلى تاربيەلەردىڭ بارلىعىندا ورتالىقتىڭ 8 ءتۇرلى بەلگىلەمەسىنىڭ رۋحىن دايەكتىلەندىرۋ، تياناقتاندىرۋ، ستيل قۇرىلىسىن كۇشەيتۋ ماڭىزدى مازمۇن ەتىلدى...
2017 - جىلى 10 - ايدىڭ 27 - كۇنى پارتيا 19 - قۇرىلتايى جابىلعان ءۇشىنشى كۇنى، باس شۋجي شي جينپيڭ پارتيا 19 - كەزەكتى ورتالىق كوميتەتى ساياسي بيۋروسىنىڭ 1 - ءماجىلىسىن باسقارىپ اشىپ، «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن دايەكتىلەندىرۋدى، تياناقتاندىرۋدى اتقارۋ ەگجەي - تەگجەيلى ەرەجەسىن» قاراپ ماقۇلداپ، ورتالىقتىڭ 8 ءتۇرلى بەلگىلەمەسىن دايەكتىلەندىرۋدى، اتقارۋدى، ستيل قۇرىلىسىن ىلگەرىلەتۋدى اشالاپ، كەمەلدەندىرىپ، اناعۇرلىم جوعارى تالاپ قويدى.
10 جىلدان بەرى ”اس - سۋداعى ىسىراپشىلدىقتى“ تەجەۋدەن ”اۆتوكولىك ىستەتۋدەگى بەيبەرەكەتتىكتى“ تيۋعا، ودان ”مەيرامحاناداعى بۇرىس ستيلدەردى“ رەتتەپ جونگە سالۋعا دەيىن؛ كوپ ءتۇرلى شارانى قاتار قولدانىپ، ”زارەدەن قىمبات ايكۇلشە“، ”زارەدەن قىمبات اراق - تەمەكىلەردى“ تەجەۋدەن ۇنەمشىل بولىپ، ىسىراپشىلدىققا قارسى تۇرۋدى قوعامدىق جاڭا سالتقا اينالدىرۋعا، ودان توي - تومالاقتى جاڭاشا وتكىزۋگە، ءولىم - ءجىتىمدى قاراپايىم وتكىزۋگە دەيىنگىلەردى قابىلداعان ادامدار بارعان سايىن كوبەيدى... پارتيا ستيلى، ۇكىمەت ستيلى قوعامدىق سالتقا، حالىق سالتىنا جەتەكشىلىك ەتىپ، حالىق بۇقاراسى ستيل قۇرىلىسىنا ات سالىسۋشىلارعا جانە ودان يگىلىكتەنۋشىلەرگە اينالدى.
2021 - جىلى 6 - ايدا باس شۋجي شي جينپيڭ جۇڭگو كوممۋنيستىك پارتياسى تاريحى كورمە سارايىنا كەلدى.
ورتالىقتىڭ 8 ءتۇرلى بەلگىلەمەسى كورمە تاقتاسىنىڭ الدىندا، باس شۋجي شي جينپيڭ ايالداپ بىلاي دەدى: ”قازىر وسى تاقتانىڭ ىشىندەگى 8 ءتۇرلى بەلگىلەمەدە ءماجىلىس قيمىلدارىن ىقشامداۋ، قورعاۋ قىزمەتىن جاقسارتۋ، اقپاراتتىق حابارلاۋدى جاقسارتۋ، ۇنەمشىل دە ۇقىپتى بولۋدى بۇلجىتپاي اتقارۋ بارلىعى جاقسى ىستەلىپ جاتىر، تاعى دا قايتا - قايتا دارىپتەۋ، قايتا - قايتا يگەرۋ كەرەك...“
”8 ءتۇرلى بەلگىلەمەنى باستان - اياق دايەكتىلەندىرۋ كەرەك“، -دەدى باس شۋجي باتىل تۇردە.
”مىڭداعان ادامدى رەنجىتسە دە، ءبىر ميلليارد 400 ميلليون ادامنىڭ ءۇمىتىن اقتادى
”ونەركاسىپ جانە ينفورماتسيالاندىرۋ مينيسترلىگى پارتيا باسشىلىق گرۋپپاسىنىڭ شۋجيى، مينيستر شياۋ ياچيڭ جولداس تارتىپكە، زاڭعا قايشىلىق جاساۋ كۇمانىمەن قازىر ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ تەكتەپ - تەكسەرۋىن قابىلداۋدا“.
2022 - جىلى 7 - ايدىڭ 28 - كۇنى ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ سايتىندا جاريالانعان ”قىسقا حابار“ جاپپاي نازارعا ءىلىندى.
بيىل جىل باسىنان بەرى وسى سايت ورتالىق كوميتەت ۇيىمداستىرۋ ءبولىمى ەستەلىككە العان 25 كادردىڭ ”وماقاسقاندىعى“ جايىنداعى حابارلاردى اشىق جاريالاپ، شىرىكتەسۋگە قارسى كۇرەستىڭ ءبىر ءسات تە توقتامايتىندىعى جونىندە ايقىن سيگنال تاراتتى.
2012 - جىلى 11 - ايدىڭ 15 - كۇنى، حالىق سارايىنىڭ شىعىس زالى.
ەندى عانا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ جۇڭگولىق، شەتەلدىك 500دەن استام ءتىلشى الدىندا باتىل تۇردە بىلاي دەپ اتاپ كورسەتتى: ”جاڭا جاعدايدا، پارتيامىز كوپتەگەن قاتاڭ سىن - سايىستارعا ءدوپ كەلدى، پارتيا ىشىندە شەشۋدى شۇعىل قاجەت ەتىپ تۇرعان كوپتەگەن ماسەلە بار. اسىرەسە، كەيبىر پارتيالى كادرلار اراسىندا تۋىلعان قياناتشىلدىق، شىرىكتەسۋ، بۇقارادان اجىراۋ، فورماشىلدىق، تورەشىلدىك قاتارلى ماسەلەلەردى، ءسوز جوق، كۇش سالا شەشۋ كەرەك. بۇكىل پارتيا، ءسوز جوق، سەرگەكتەنە ءتۇسۋ كەرەك. تەمىر سوقساڭ، قۇرىش بول“.
قىسقا عانا 20 نەشە كۇننەن كەيىن، پارتيا 18 - كەزەكتى ورتالىق كوميتەتىنىڭ كانديدات مۇشەلىگىنە سايلانعانىنا ءالى ايعا تولماعان سىچۋان ولكەلىك پارتكومنىڭ ورىنباسار شۋجيى لي چۇنچىڭ تەكسەرىلىپ، پارتيا 18 - قۇرىلتايىنان كەيىن وماقاسقان ”العاشقى جولبارىسقا“ اينالدى. جۇڭگو كوممۋنيستىك پارتياسى تاريحىندا شىرىكتەسۋگە قارسى تۇرۋدىڭ سەرپىنى بۇرىن بولماعان كۇرەسى باستالدى.
”بيلىك باسىنداعى پارتيا رەتىندە، پارتيامىز ءدوپ كەلگەن ەڭ ۇلكەن حاۋىپ − شىرىكتەسۋ“، ”شىرىكتەسۋگە قارسى تۇرۋدا تاڭداۋ جوق، ءسوز جوق، قيىندىقتان تايسالماي العا ىلگەرىلەۋ كەرەك“... وسى رەتكى ءتۇتىنسىز كۇرەستە باس شۋجي شي جينپيڭ تۋى ايقىن تۇرعىمەن جانە مويىماس باتىل ەرىك - جىگەرمەن رول ۇستاپ، جول باستادى.
جوۋ يۇڭكاڭ، بو شيلاي، سۇن جىڭساي، ليڭ جيحۋا قاتارلى ءبىر توپ ”ۇلكەن جولبارىستاردىڭ“ تەكسەرىلۋىنەن ”شىبىن پاراقور“، ”وبىر تىشقان“، ”جەگى قۇرتتاردى“ تازالاۋعا، ونان حالىقارادا قاشقىنداردى قۋعىنداۋ، ارام ولجانى قايتارىپ الۋدى ىشكەرىلەي ورىستەتۋگە دەيىن... شىرىكتەسۋگە قارسى تۇرۋ كۇرەسى ۇزدىكسىز تەرەڭدەي ىلگەرىلەدى.
2018 - جىلى 12 - ايدىڭ 13 - كۇنى ورتالىق كوميتەت ساياسي بيۋروسىنىڭ ءماجىلىسى ەلىمىزدىڭ شىرىكتەسۋگە قارسى تۇرۋ كۇرەسىنىڭ جاعدايى جونىندە كەلەلى تۇجىرىم جاسادى − ”شىرىكتەسۋگە قارسى تۇرۋ كۇرەسى ۇستەم جەڭىسكە جەتتى“.
”جاعداي ءالى دە قاتاڭنان“ ”ءالى دە قاتاڭ، كۇردەلىگە“، ونان ”ۇستەم تەگەۋرىن قالىپتاسۋداعا“ دەيىن، ونان ارى ”ۇستەم جەڭىسكە قول جەتكىزۋگە“ دەيىن پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا ستيلى، پاكتىك قۇرىلىسىندا جانە شىرىكتەسۋگە قارسى تۇرۋ كۇرەسىندە ”تەمىرگە ءىز، تاسقا تاڭبا قالدىرۋ“ شىن مانىندە ورىندالدى.
ساناققا نەگىزدەلگەندە، پارتيا 18 - قۇرىلتايىنان بەرى، 2022 - جىلى 4 - ايدىڭ سوڭىنا دەيىن بۇكىل ەلدەگى ءتارتىپ تەكسەرۋ، باقىلاۋ - تەكسەرۋ ورگاندارى جيىنى 4 ميلليون 388 مىڭ ءىستى، 4 ميلليون 709 مىڭ ادامدى دەلو تۇرعىزىپ، تەكتەپ تەكسەردى.
2022 - جىلى 1 - ايدا پارتيانىڭ 100 جىلدىق مەرەيتويىنان كەيىنگى ورتالىق ءتارتىپ تەكسەرۋ كوميتەتىنىڭ العاشقى جالپى ماجىلىسىندە باس شۋجي شي جينپيڭ وكتەم ۇنمەن بىلاي دەدى:
” شىرىكتەسۋ ماسەلەسى تۋىلاتىن توپىراق پەن شارت - جاعداي ءومىر سۇرەدى ەكەن، شىرىكتەسۋ قۇبىلىسى تۇبەگەيلى جويىلا قويمايدى، ءبىزدىڭ شىرىكتەسۋگە قارسى كۇرەسىمىز دە تولاستامايدى “.
بۇقاراعا شىرىكتەسۋگە قارسى تۇرىپ، پاكتىكتى دارىپتەۋدىڭ ناقتى جەتىستىكتەرىن اناعۇرلىم كوبىرەك سەزىندىردى
قاتىستى 15 ادامعا دەلو تۇرعىزىپ تەكتەۋ - تەكسەرۋ جۇرگىزىلىپ، 8 ۇكىمەت قىزمەتكەرىنە قولدا ۇستاپ تۇرۋ شاراسى قولدانىلىپ، تارتىپكە، زاڭعا قايشىلىق ىستەۋ، سونداي - اق قىزمەت ۇقىعىن اسىرا پايدالانۋ، كوڭىلگە قاراپ زاڭ بۇزۋ، پارا بەرۋ، پارا الۋ كۇمانىنا ىلىگۋ سياقتى قىزمەتتىك قىلمىس ماسەلەلەرىن باستاپقى قادامدا تەكسەرىپ انىقتادى.
2022 - جىلى 8 - ايدىڭ 29 - كۇنى حىبەي ولكەلىك ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ”تاڭشان قاقتاما تاعامدار دۇكەنىندەگى كىسى ساباۋ وقيعاسىنداعى“ چىن Xجى سياقتى سۇرقيا كۇش ۇيىمىن قۇرۋ كۇمانىنا ىلىككەندەردىڭ ارتىنداعى شىرىكتەسۋ جانە ”باسقالقا“ ماسەلەسىن قاتاڭ تەكسەرىپ ءبىر جاقتى ەتۋ جونىندەگى حابارلاندىرۋدى جاريالاپ، سۇرقيا كۇشتەردى قاتاڭ جازالاۋدىڭ، ”باسقالقانى“ قاتاڭ تەكسەرۋدىڭ كۇشتى سيگنالىن تاراتتى.
2013 - جىلى 1 - ايدىڭ 22 - كۇنى 18 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە باس شۋجي شي جينپيڭ جاڭا داۋىردەگى شىرىكتەسۋگە قارسى تۇرۋ كۇرەسى جونىندە ايقىن نۇسقاۋ بەردى:
”’جولبارىستى‘ دا، ’شىبىندى‘دا بىردەي سوعۋعا تاباندى بولىپ، باسشى كادرلاردىڭ تارتىپكە، زاڭعا قايشىلىق جاساۋ دەلولارىن باتىل تەكسەرىپ ءبىر جاقتى ەتۋمەن بىرگە، بۇقارانىڭ جانىندا تۋىلعان بۇرىس ستيلدەر مەن شىرىكتەسۋ ماسەلەلەرىن دە شىنايى شەشۋ كەرەك“.
2016 - جىلى 1 - ايدا 18 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە باس شۋجي شي جينپيڭ ”پارتيانى جاپپاي قاتاڭ باسقارۋدىڭ نەگىزگى ساتىعا قاراي كەڭەيۋىن ىلگەرىلەتۋ“ تالابىن باسا العا قويىپ، ”نەگىزگى ساتىداعى جەمقورلىق، شىرىكتەسۋ جانە زاڭ اتقارۋدىڭ ءادىل بولماۋى سياقتى ماسەلەلەردى مۇقيات تۇزەتىپ جانە قاتاڭ تەكسەرىپ ءبىر جاقتى ەتىپ، بۇقارانىڭ ءتول مۇددەسىن قورعاپ، بۇقاراعا شىرىكتەسۋگە قارسى تۇرىپ، پاكتىكتى دارىپتەۋدىڭ ناقتى جەتىستىكتەرىن اناعۇرلىم كوبىرەك سەزىندىرۋ كەرەك“ دەپ ايقىن تۇردە باسا دارىپتەدى.
وسىدان كەيىن جاريالانعان 18 - كەزەكتى ورتالىق ءتارتىپ تەكسەرۋ كوميتەتى التىنشى جالپى ءماجىلىسىنىڭ مازمۇنداماسىندا ”بۇقارانىڭ مۇددەسىنە زيان جەتكىزەتىن بۇرىس ستيلدەر مەن شىرىكتەسۋ ماسەلەلەرىن باتىل رەتتەۋ، جونگە سالۋ جانە تەكسەرىپ ءبىر جاقتى ەتۋ“ سول جىلعى 7 ءتۇرلى ءتۇيىندى قىزمەتتىڭ ءبىرى بولىپ ايىرىم قاتارعا الىندى.
بۇقارا جاپپاي نازار اۋدارىپ وتىرعان، اڭىسى كۇشتى جانە قايتا - قايتا بەلەڭ بەرگەن ماسەلەلەردى مىقتى يگەرىپ، وقۋ - اعارتۋ، ەمدەۋ، زەينەتكەرلىك، قوعامدىق قامتاماسىزداندىرۋ، كەدەيلەردى سۇيەمەلدەۋ، قورشاعان ورتانى قورعاۋ سياقتى سالالارداعى شىرىكتەسۋ مەن بۇرىس ستيلدەردى ۇزدىكسىز تۇزەتىپ، جونگە سالىپ، قارا، سۇرقيا كۇشتەرگە ساياتىن ”باسقالقالاردى“ باتىل جازالاپ، بۇقارانىڭ مۇددەسىنە قول سۇعاتىن ”قارا قولداردى“ باتىل ءۇزدى...
پارتيا 19 - قۇرىلتايىنان بەرى 2022 - جىلى 4 - ايدىڭ سوڭىنا دەيىن بۇكىل ەل بويىنشا حالىق تۇرمىسى سالاسىنداعى شىرىكتەسۋ جانە ستيل ماسەلەلەرىنەن 496 مىڭ ءىس تەكسەرىپ ءبىر جاقتى ەتىلىپ، 456 مىڭ ادامعا پارتيا ءتارتىبى، اكىمشىلىك ءتارتىپ جازاسى بەرىلدى. تەزگە تۇسكەن دەلولار، جونگە تۇسكەن رەتتەۋلەر حالىق بۇقاراسىنا ادىلدىك پەن تۋراشىلدىقتىڭ جانىندا ەكەنىن شىنايى سەزىندىردى.
مەملەكەتتىك ساناق مەكەمەسىنىڭ 2020 - جىلدىڭ سوڭىنداعى تەكسەرۋىندە كورسەتىلۋىنشە، ％95.8 بۇقارا پارتيانى جاپپاي قاتاڭ باسقارۋعا، شىرىكتەسۋدى تەجەۋگە تولىق سەنىم ارتقان.
ۇكىمەت ىسىندە پاك بولعاندا عانا حالىقتىڭ سەنىمىنە يە بولۋعا، بيلىكتى ءادىل جۇرگىزگەندە عانا حالىقتىڭ قالاۋىنان شىعۋعا بولادى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ستيلدى كۇش سالا جاقسارتىپ، شىرىكتەسۋدى ءتارتىپ بويىنشا، زاڭ بويىنشا قاتاڭ جازالاپ، حالىق بۇقاراسىنا ناقتى ناتيجەلەر مەن وزگەرىستەردى كورسەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ۇزدىكسىز تەرەڭدەي ىلگەرىلەتسەك، ءسوز جوق، بۇكىل پارتيانىڭ قۇدىرەتتى وڭ ەنەرگياسى ارقىلى بۇكىل قوعامدا جۇڭگونىڭ دامۋىن، العا باسۋىن ىلگەرىلەتەتىن تەلەگەي كۇش ۇيىستىرا الامىز.
(شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى)
