تيانشان تورى
تيانشان تورى   ›   جاڭالىقتار   ›   سۋرەتتى حابار

بۇكىل ەلدىڭ عىلىم - تەحنيكا قوعامى جۇيەسىنىڭ شينجياڭعا باعىتتامالى كومەكتەسۋ قىزمەتى اڭگىمە ءماجىلىسى اشىلدى

جاڭ يۇيجو، ما شيڭرۇي ءسوز سويلەدى، ەركىن تۇنياز، لي يفي، شۇي يانحاۋ، حى جۇڭيوۋ قاتىناستى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 6 - كۇنى ۇرىمجىدەن حابارلايدى. بۇكىل ەلدىڭ عىلىم - تەحنيكا قوعامى جۇيەسىنىڭ شينجياڭعا باعىتتامالى كومەكتەسۋ قىزمەتى اڭگىمە ءماجىلىسى 9 - ايدىڭ 6 - كۇنى تۇستەن كەيىن بەينە ەكران تاسىلىندە اشىلدى. جۇڭگو عىلىم - تەحنيكا قوعامى پارتيا باسشىلىق گرۋپپاسىنىڭ شۋجيى، كۇندەلىكتى قىزمەتكە جاۋاپتى ورىنباسار ءتوراعاسى، شۋجيچۋىنىڭ ءبىرىنشى شۋجيى جاڭ يۇيجو، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، جۇڭگو عىلىم - تەحنيكا قوعامى پارتيا باسشىلىق گرۋپپاسىنىڭ ورىنباسار شۋجيى شۇي يانحاۋ، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار ماجىلىسكە قاتىناستى.

  جاڭ يۇيجو جۇڭگو عىلىم - تەحنيكا قوعامى اتىنان اۆتونوميالى رايوندىق پارتكومعا، ۇكىمەتكە جانە بيڭتۋانعا، سونداي - اق قاتىستى جاقتارعا العىس ءبىلدىردى. ول بىلاي دەپ اتاپ كورسەتتى: جاڭا داۋىردەگى شينجياڭعا باعىتتامالى كومەكتەسۋ قىزمەتىن ويداعىداي ىستەۋ − عىلىم - تەحنيكا قوعامى جۇيەسىنىڭ باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرۋدەگى، تياناقتاندىرۋداعى ساياسي بورىشى، پارتيا مەن مەملەكەت قىزمەتىنىڭ كەلەلى جاعدايىمەن توعىسۋداعى، شينجياڭنىڭ جوعارى ساپالى دامۋىنا قىزمەت وتەۋدەگى ماڭىزدى جاۋاپكەرشىلىگى، قالىڭ عىلىم - تەحنيكا قىزمەتكەرلەرىن جاڭا جورىقتا ەكپىندەي ىلگەرىلەۋگە ىنتىماقتاستىرۋدىڭ، ۇيىستىرۋدىڭ داۋىرلىك تالابى. باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، عىلىم - تەحنيكا قوعامى جۇيەسىنىڭ شينجياڭعا كومەكتەسۋ قىزمەتىنىڭ نىساناسىن، بەتالىسىن دۇرىس يگەرىپ، ساياسي جەتەكشىلىكتى ۇزدىكسىز كۇشەيتىپ، عىلىم جالپىلاستىرۋدىڭ شينجياڭدى مادەنيەتپەن نارلەندىرۋمەن توعىسۋىن، قوعامدىق باسقارۋعا قىزمەت وتەۋىن، نەگىزگى ساتىنىڭ دامۋىن جەدەلدەتۋىن ىلگەرىلەتىپ، ”عىلىم جالپىلاستىرۋ +“ جاڭا قوزعاۋشى كۇشىن قالىپتاستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ىلگەرىلەتۋ؛ ”عىلىم - تەحنيكادا جاڭالىق اشۋدىڭ“ ”قوس قۇرۋعا“ قىزمەت وتەۋىن تەرەڭدەتىپ، ”عىلىم - تەحنيكادا جاڭالىق اشاتىن جۇڭگو“ تۇعىرىنان ويداعىداي پايدالانىپ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، وڭىرلىك عىلىم - تەحنيكادا جاڭالىق اشۋ بەلەسىن تۇلعالاۋعا دەم بەرىپ، شينجياڭنىڭ عىلىم - تەحنيكادا جاڭالىق اشۋى مەن جوعارى ساپالى دامۋىن ىلگەرىلەتۋ؛ اقىل - پاراسات قويماسى بايلىعىن ۇيىستىرىپ، اقىل - پاراساتتىق تىرەكتى كۇشەيتىپ، كەلەلى مىندەتتەردى، وزەكتى تەحنيكالاردى جانە دامۋداعى ولقىلىقتاردى كوزدەي وتىرىپ شەشىم جاساۋ، كەڭەس بەرۋ ستراتەگيالىق زەرتتەۋلەرىن ورىستەتىپ، شينجياڭنىڭ حالىقارالىق اۋىس - كۇيىس سەلبەستىگىن تەرەڭدەتۋىنە قولداۋ كورسەتىپ، ”اكادەميك، مامانداردىڭ تيانشان الابى ساپارى“ سياقتى قيمىلداردى ۇزدىكسىز ورىستەتىپ، شينجياڭنىڭ عىلمي شەشىم جاساۋىنا جانە باسقارۋدى وسىزامانداندىرۋىنا قىزمەت وتەۋ؛ عىلىم - تەحنيكا دارىندىلارىن باۋلۋ جونىندە اۋىس - كۇيىس جاساۋدى تەرەڭدەتىپ، جوعارى دەڭگەيلى دارىندىلاردى باۋلۋدى، ەنگىزۋدى قولداپ، قوعامنىڭ ”ۇيىرمە قۇراۋ فورماسىندا“ كومەكتەسۋ - سۇيەمەلدەۋ ورىستەتۋىن ىلگەرىلەتىپ، شينجياڭنىڭ ۇزدىك عىلىم - تەحنيكا دارىندىلارىن كورسەتۋ، ماداقتاۋ - سيلاۋ جانە ۇگىتتەۋ سەرپىنىن ارتتىرىپ، شينجياڭنىڭ جاڭالىق اشا دامۋداعى جاڭا قوزعاۋشى قۋاتىن قاۋلاتۋ كەرەك. ۇيىمدىق باسشىلىقتى شىن مانىندە كۇشەيتىپ، جاۋاپكەرشىلىكتى تياناقتاندىرۋ، جۇمىلدىرۋعا ۇيىمداستىرۋ، تىرەكپەن قامتاماسىز ەتۋ سياقتى مەحانيزمدەردى اقاۋسىزداندىرىپ، تۋراشىلدىقتان اينىماي جاڭالىق اشىپ، شىنايى يگەرىپ ناقتى ىستەپ، عىلىم - تەحنيكا قوعامى جۇيەسىنىڭ شينجياڭعا كومەكتەسۋ قىزمەتتەرىنىڭ تياناقتانىپ ونىمدىلىك كورسەتۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.

  ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان، بۇكىل ەلدىڭ عىلىم - تەحنيكا قوعامى جۇيەسىنىڭ شينجياڭعا قولداۋ كورسەتكەندىگىنە جانە كومەكتەسكەندىگىنە العىس ايتتى. ول بىلاي دەپ اتاپ كورسەتتى: جۇڭگو عىلىم - تەحنيكا قوعامى جانە 19 ولكە، قالاداعى عىلىم - تەحنيكا قوعامدارى، مەملەكەتتىك عىلمي قوعامدار شينجياڭعا باعىتتامالى كومەكتەسۋدى كەلەلى ساياسي مىندەت ەتۋگە تاباندى بولىپ، عىلىم جالپىلاستىرۋ جانە كەڭەيتۋ، دارىندىلاردى تاربيەلەۋ سياقتى جاقتاردان شينجياڭعا زور قولداۋ كورسەتىپ جانە كومەكتەسىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە بەلسەندى ۇلەس قوستى. ءبىز باس شۋجي شي جينپيڭنىڭ شينجياڭعا باعىتتامالى كومەكتەسۋ قىزمەتى جونىندەگى ماڭىزدى بايىمداۋلارىن جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭعا كومەكتەسۋ مەحانيزمىنەن ويداعىداي پايدالانىپ، عىلىم - تەحنيكا قوعامىنىڭ باسىمدىعىن ساۋلەلەندىرىپ، عىلىم - تەحنيكا سەلبەستىگىن تەرەڭدەتىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن ىلگەرىلەتۋىمىز كەرەك. جاڭالىق اشۋ ارقىلى دامۋعا دەم بەرۋگە تاباندى بولىپ، بۇكىل ەلدىڭ عىلىم - تەحنيكا قوعامى جۇيەسىنىڭ عىلىم - تەحنيكا كۇشى بايلىعىنا سۇيەنىپ، مەملەكەت ستراتەگياسىنا ىرىقتىلىقپەن قىزمەت وتەپ، جىبەك جولى ەكونوميكالىق بەلدەۋى وزەكتى رايونىن جوعارى ساپالى دامىتۋ، ”ءۇش بازا، ءبىر ارنا“ قۇرىلىسى سياقتى قىزمەتتەردى ارقاۋ ەتىپ، شەشۋشى، وزەكتى تەحنيكالاردان قامال الۋدى جەدەلدەتىپ، جاڭا دامۋ ارناسىنا قىزمەت وتەۋىمىز جانە توعىسۋىمىز كەرەك. عىلىم - تەحنيكادا جاڭالىق اشۋ قابىلەتىن ارتتىرىپ، مۇناي - تابيعي گاز، كومىر، كەن ونىمدەرى، استىق، ماقتا، جەمىس - جيدەك، كوكونىس سياقتى ەرەكشە، باسىمدىققا يە كاسىپ سالالارىن جانە جاڭا ەنەرگيا، جاڭا ماتەريال سياقتى سالالاردى ارقاۋ ەتىپ، پاندەردىڭ، دارىندىلاردىڭ جانە كاسىپورىنداردىڭ ورگانيكالى ىقپالداستىعىن، بايلىقتان ورتاق يگىلىكتەنۋىن، سايكەسىپ جوعارى ونىمدىلىك كورسەتۋىن ىلگەرىلەتۋىمىز كەرەك. عىلىم - تەحنيكا دارىندىلار تىرەگىن كۇشەيتىپ، عىلىم - تەحنيكا دارىندىلارىن باۋلۋ جانە ەنگىزۋ سەرپىنىن ارتتىرىپ، ”اكادەميكتەردىڭ تيانشان الابى ساپارى“ قيمىلىن تەرەڭدەتىپ، دارىندىلار قورىنان ويداعىداي پايدالانىپ، جاسامپاز عىلىم - تەحنيكا دارىندىلار قوسىنىن قۇرىپ، جاڭالىق اشۋ ومىرشەڭدىگىن قاۋلاتۋىمىز كەرەك. ءتۇزىلىس مەحانيزمدى قۇرىپ، كەمەلدەندىرىپ، عىلمي اۋىس - كۇيىس جاساۋ، عىلىم - تەحنيكادا شەشىم جاساۋ، كەڭەس بەرۋ سياقتى مەحانيزمدەردى اقاۋسىزداندىرىپ، ”ءبىر بەلدەۋ، ءبىر جول“ بويىنداعى مەملەكەتتەرمەن جانە وڭىرلەرمەن عىلىم - تەحنيكادا اۋىس - كۇيىس جاساۋدى، سەلبەسۋدى كۇشەيتىپ، عىلىم - تەحنيكادا جاڭالىق اشۋدىڭ جۇيەلىلەنۋ قابىلەتىن جوعارىلاتىپ، جوعارى ساپالى دامۋعا مىعىم تىرەك ازىرلەۋىمىز كەرەك. ءار دارەجەلى پارتكومدار مەن ۇكىمەتتەر عىلىم - تەحنيكادا جاڭالىق اشۋعا ايرىقشا ءمان بەرىپ، عىلىم - تەحنيكا قوعامىنىڭ دامۋىن قولداپ، شينجياڭنىڭ عىلىم - تەحنيكا قىزمەتىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋى كەرەك.

  حىبەي ولكەلىك عىلىم - تەحنيكا قوعامىنىڭ، جىجياڭ ولكەلىك عىلىم - تەحنيكا قوعامىنىڭ، جۇڭگو مۇناي عىلمي قوعامىنىڭ، جۇڭحۋا مەديتسينا عىلمي قوعامىنىڭ جانە اۆتونوميالى رايوندىق عىلىم - تەحنيكا قوعامىنىڭ، بيڭتۋان عىلىم - تەحنيكا قوعامىنىڭ قاتىستى جاۋاپتىلارى پىكىر اۋىستىرىپ ءسوز سويلەدى. اۆتونوميالى رايوندىق حالىق ۇكىمەتى جۇڭگو عىلىم - تەحنيكا قوعامىمەن جاپپاي ستراتەگيالىق سەلبەستىك كەلىسىمىنە قول قويىستى.

  جۇڭگو عىلىم - تەحنيكا قوعامىنىڭ ارناۋلى ورىنباسار ءتوراعاسى، شۋجيچۋىنىڭ شۋجيى مىڭ چيڭحاي ءماجىلىستى باسقاردى. شۋ ۋي، يىن حاۋ، جاڭ گۇيحۋا قاتارلى جۇڭگو عىلىم - تەحنيكا قوعامىنىڭ باسشىلارى جانە ءيۇسۇپجان مامەت، جاڭ گولياڭ، ۋاڭ يۇڭميڭ، حا زىڭيوۋ قاتارلىلار ماجىلىسكە قاتىناستى. جۇڭگو عىلىم - تەحنيكا قوعامىنىڭ قاتىستى تاراۋلارىنداعى جاۋاپتى جولداستار، مەملەكەتتىك عىلمي قوعامداردىڭ ءىشىنارا جاۋاپتىلارى، اۆتونوميالى رايوننىڭ جانە بيڭتۋاننىڭ عىلىم - تەحنيكا قوعامىنىڭ قاتىستى جاۋاپتىلارى قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.