تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ جوعارى ساپالى دامۋىن جەر سىلكىنىسى حاۋىپسىزدىگى جاعىنان پارمەندى قامتاماسىز ەتۋ كەرەك

”14 - بەسجىلدىقتاعى“ بۇكىل ەلدىڭ جەر سىلكىنىسى جۇيەسىنىڭ شينجياڭعا كومەكتەسۋ قىزمەتى ءماجىلىسى اشىلدى

شينجياڭنىڭ جوعارى ساپالى دامۋىن جەر سىلكىنىسى حاۋىپسىزدىگى جاعىنان پارمەندى قامتاماسىز ەتۋ كەرەك

  انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 6 - كۇنى ۇرىمجىدەن حابارلايدى. 9 - ايدىڭ 5 - كۇنى تۇستەن كەيىن ”14 - بەسجىلدىقتاعى“ بۇكىل ەلدىڭ جەر سىلكىنىسى جۇيەسىنىڭ شينجياڭعا كومەكتەسۋ قىزمەتى ءماجىلىسى بەينە ەكران ءماجىلىسى تاسىلىندە اشىلدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، جۇڭگو جەر سىلكىنىسى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى يىن چاۋمين ماجىلىسكە قاتىناستى ءارى ءسوز سويلەدى.

  ەركىن تۇنياز مىنالاردى ءبىلدىردى: جۇڭگو جەر سىلكىنىسى مەكەمەسى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، ساياسات، نىسان، قارجى، تەحنيكا، دارىندى سياقتى جاقتاردان شينجياڭعا زور كۇشپەن قولداۋ كورسەتتى جانە كومەكتەستى، ”13 - بەسجىلدىق“ مەزگىلىندە شينجياڭنىڭ جەر سىلكىنىسىن باقىلاۋ - ولشەۋ، ساقتاندىرۋ قابىلەتى، اپاتتان ساقتانۋ قابىلەتى، شۇعىل جاعدايعا توتەپ بەرۋ، ءبىر جايلى ەتۋ قابىلەتى، الەۋمەتتىك قىزمەت وتەۋ قابىلەتى ۇزدىكسىز كۇشەيدى، عىلىم - تەحنيكادا جاڭالىق اشۋ قوزعاۋشى كۇشى جانە اشىق سەلبەستىگى اناعۇرلىم پارمەندى بولدى.

  ەركىن تۇنياز بىلاي دەپ اتاپ كورسەتتى: ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدى“ ادالدىقپەن امالياتتا ايگىلەۋ بيىگىندە تۇرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، حالىقتى بارىنەن جوعارى قويۋدى، ءومىردى بارىنەن جوعارى قويۋدى امالياتتا ايگىلەپ، ”ەكىگە تاباندى بولۋ، ۇشكە بۇرىلىس جاساۋ“ تالابى بويىنشا، اۋىر، ەرەكشە اۋىر جەر سىلكىنىسى اپاتى حاۋىپ - قاتەرىنەن باتىل، ءونىمدى ساقتانىپ جانە ونى جويىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن بارىنشا قورعاۋ كەرەك. نەگىزگى تۇلعالىق رولدى ساۋلەلەندىرىپ، شينجياڭعا باعىتتامالى كومەكتەسۋ قىزمەتى مەحانيزمىنەن ويداعىداي پايدالانىپ، ۇشتاسۋدى، بايلانىس جاساۋدى كۇشەيتىپ، شينجياڭعا كومەكتەسۋشى كۇشتەرمەن تىزە قوسا سەلبەسىپ، بۇكىل ەلدەگى جەر سىلكىنىسى جۇيەسىنىڭ شينجياڭعا كومەكتەسۋ جەتىستىكتەرىن ۇزدىكسىز بەكەمدەۋ، كەڭەيتۋ كەرەك. شينجياڭنىڭ جەر سىلكىنىسىنەن ساقتانىپ، اپات شىعىنىن ازايتۋ ”14 - بەسجىلدىق“ جوباسىنىڭ تياناقتانۋىن، اتقارىلۋىن جالپى بەتتىك ىلگەرىلەتىپ، جەر سىلكىنىسىن باقىلاۋ - ولشەۋ پۋنكت تۇيىندەرى، پۋنكت تورى قۇرىلىسىن كۇشەيتىپ، جەر سىلكىنىسى ستانسيالارى تورىن جاڭالاپ، كەڭەيتىپ سالۋ ينجەنەرياسى سياقتى ءتۇيىندى نىساندار قۇرىلىسىن جەدەل ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن جەر سىلكىنىسى حاۋىپسىزدىگى جاعىنان قامتاماسىز ەتۋ كەرەك.

  يىن چاۋمين مىنالاردى ءبىلدىردى: جەر سىلكىنىسىنەن ساقتانىپ، اپات شىعىنىن ازايتۋ بويىنشا شينجياڭعا باعىتتامالى كومەكتەسۋ قىزمەتىن كۇشەيتۋ − جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ كوكەي تەستى قاجەتى، شينجياڭنىڭ جوعارى ساپالى دامۋىن ىلگەرىلەتۋدىڭ جانە شينجياڭداعى ءار ۇلت حالقىنىڭ تاماشا تۇرمىسقا دەگەن قاجەتىن قاناعاتتاندىرۋدىڭ وبيەكتيۆ تالابى، بۇكىل ەلدىڭ جەر سىلكىنىسىنەن ساقتانىپ، اپات شىعىنىن ازايتىپ، جوعارى ساپالى دامۋىن جۇزەگە اسىرۋىن ىلگەرىلەتۋدىڭ ماڭىزدى مىندەتى. شينجياڭنىڭ كۇردەلى دە قاتاڭ جەر سىلكىنىسى جاعدايىن سەرگەكتىكپەن تانىپ، حاۋىپ - قاتەر تانىمىن بەرىك ورناتىپ، حالىققا تەرەڭ سۇيىسپەنشىلىك ورناتىپ، باقىلاۋ - ولشەۋى زەردەلى، ساقتانۋ - باسقارۋى ەگجەي - تەگجەيلى، قىزمەت وتەۋى جوعارى ءونىمدى، عىلىم - تەحنيكاسى وزىق، باسقارۋى عىلمي بولعان جاڭا داۋىردەگى جەر سىلكىنىسىنەن ساقتانىپ، اپات شىعىنىن ازايتۋ ىستەرىنىڭ وسىزاماندانعان جۇيەسىن جەدەل ورناتۋ كەرەك. شينجياڭنىڭ جەر سىلكىنىسىنەن ساقتانىپ، اپات شىعىنىن ازايتۋىنىڭ نەگىزدىك كاسىپ جۇيەسى قۇرىلىسىن ىلگەرىلەتىپ، جەر سىلكىنىسىنەن ساقتانىپ، اپات شىعىنىن ازايتۋ قىزمەتىنىڭ نەگىزىن بەكەمدەۋ؛ جەر سىلكىنىسىنەن ساقتانۋ، اپات شىعىنىن ازايتۋ جونىندەگى عىلىم جالپىلاستىرۋ ۇگىتىن كۇش سالا ورىستەتىپ، شينجياڭداعى ءار ۇلت بۇقاراسىنىڭ اپاتتان ساقتانۋ، اپات شىعىنىن ازايتۋ تانىمىن جوعارىلاتۋ؛ شينجياڭنىڭ وڭىرلىك ورىن باسىمدىعىن ساۋلەلەندىرىپ، جەر سىلكىنىسى جاعىندا عىلىم - تەحنيكادا جاڭالىق اشۋ جانە حالىقارالىق سەلبەستىك تەبىنىن ارتتىرۋ؛ شينجياڭنىڭ كەلەلى نەگىزدىك قۇرىلعىلارىنا جانە ەنەرگيا بايلىعىنا جەر سىلكىنىسى حاۋىپسىزدىگى جونىندە قىزمەت وتەۋدى مىقتى يگەرىپ، قالا، اۋىلداردىڭ جانە كەلەلى نەگىزدىك قۇرىلعىلاردىڭ جەر سىلكىنىسىنە توزىمدىلىگىن جانە ودان قورعانۋ قابىلەتىن كۇشەيتۋ؛ جەر سىلكىنىسىنەن ساقتانىپ، اپات شىعىنىن ازايتۋ بويىنشا جوعارى ساپالى، ماماندانعان كادر - دارىندىلار قوسىنىن جەتىلدىرىپ، جەر سىلكىنىسىنەن ساقتانىپ، اپات شىعىنىن ازايتۋ ىستەرىنە دارىندىلار جاعىنان پارمەندى تىرەك ازىرلەۋ كەرەك.

  ماجىلىستە جەر سىلكىنىسىنەن ساقتانىپ، اپات شىعىنىن ازايتۋ عىلىمدارىن جالپىلاستىرۋ كىتاپتارىن تارتۋ ەتۋ سالتى وتكىزىلدى.

  ءيۇسۇپجان مامەت قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.