9 - ايدىڭ 5 ـ كۇنى التاي ايماقتىق دامۋ جانە رەفورما كوميتەتى، التاي ايماقتىق وقۋ ـ اعارتۋ مەكەمەسى جۇڭگو وڭتۇستىك اۆياتسيا شەكتى جارنا سەرىكتەستىگىمەن بىرلەسىپ ”وڭتۇستىك اۆياتسيا مەنى داشۋەگە اتتاندىردى“ اتىنداعى الەۋمەتتىك يگىلىك بويىنشا وقۋشىلارعا كومەكتەسۋ قيمىلىن باستاپ، وتباسىندا قيىنشىلىعى بار وقۋشىلاردىڭ ٴبىلىم الۋ جولىن ”قورعادى“.
ۇعىسۋعا قاراعاندا، وسى رەت التاي ايماعىنىڭ جەر ـ جەرىنەن كەلگەن ٴمورالدى دا ٴبىلىمدى، وتباسىندا قيىنشىلىعى بار 2022 ـ جىلدىق جوعارى مەكتەپ ەمتيحانىنان وتكەن 30 وقۋشى وڭتۇستىك اۆياتسيا سەرىكتەستىگى سيلاعان اقىسىز بەلەتىنەن يگىلىكتەنگەن. سيعا بەرىلگەن اقىسىز بەلەتتىڭ كۇشكە يە مەرزىمى 3 اي، وقۋشىلار كەزەكشى ۇشاقتىڭ بوس ورنى ارقىلى ۇشاققا اقىسىز وتىرۋىنا ٴارى 20 كيلوگرام جۇكتى اقىسىز جونەلتۋىنە بولادى.
التاي ايماقتىق 1 ـ جوعارى دارەجەلى ورتا مەكتەپتىڭ 2022 ـ جىلعى وقۋ تاۋىسقان وقۋشىسى التىناي تولاربەك ۋحان عىلىم ـ تەحنيكا داشۋەسىنە قابىلداندى، وسى رەت وڭتۇستىك اۆياتسيا سەرىكتەستىگى سيلاعان تەگىن ۇشاق بەلەتكە يە بولۋ ونىڭ ٴبىلىم الۋ جولىن ىركىلىسسىزدەندىردى ٴارى جەڭىلدەتتى.
التىناي تولاربەك بىلاي دەدى: ”مەكتەپ وقىتۋشىسى تەلەفوندا ماعان وڭتۇستىك اۆياتسيا سەرىكتەستىگىنىڭ ۇرىمجىدەن ۋحانعا ۇشاتىن ۇشاق بەلەتىن تەگىن بەرەتىنىن ايتقان كەزدە، شىنىندا قاتتى قۋاندىم ٴارى داشۋەنىڭ تۇرمىسىن اسىعا كۇتۋدەمىن. بۇدان بىلايعى ۇيرەنۋ مەن تۇرمىس بارىسىندا، قاجىرلىلىقپەن ىزدەنىپ، كوبىرەك ٴبىلىم ۇيرەنىپ، اناعۇرلىم كوپ ونەردى يگەرىپ، اتا مەكەنىمنىڭ قۇرىلىسىنا ٴبىر كىسىلىك ۇلەس قوسۋعا بار كۇشىمدى سالامىن“.
2007 ـ جىلدان بەرى، جۇڭگو وڭتۇستىك اۆياتسيا شەكتى جارنا سەرىكتەستىگى التاي ايماعىمەن شينجياڭعا باعىتتامالى كومەكتەسۋ قاتىناسىن ورناتتى. سوڭعى جىلداردان بەرى، وسى سەرىكتەستىك وزىندىك بايلىق پەن باسىمدىلىعىنان پايدالانىپ، التاي ايماعىنداعى ناتيجەسى ۇزدىك، وتباسىندا قيىنشىلىعى بار داشۋە وقۋشىلارىن اقىسىز ۇشاق بەلەتىمەن قامدادى، قازىرگە دەيىن 100گە جۋىق داشۋە وقۋشىسىنا كومەكتەستى.
جۇڭگو وڭتۇستىك اۆياتسيا شەكتى جارنا سەرىكتەستىگى التاي ايماعى تيجارات باسقارماسىنىڭ ديرەكتورى ۋي لاي بىلاي دەدى: ”وڭتۇستىك اۆياتسيا سەرىكتەستىگى التاي قارلى مەكەن اۋەجايىندا جانە ٴۇرىمجى ديۋوپۋ حالىقارالىق اۋەجايىندا وقۋشىلارعا ارناۋلى ۇشاققا وتىرۋ تەكشەسىن قۇرىپ، كوپشىلىكتىڭ ۇشاققا وتىرۋ، ىندەتتەن ساقتانۋ، ۇشاق الماستىرۋ سياقتى كوپتەگەن بۋىنداردا قامتاماسىزدىققا يە بولۋىنا ، وقۋ باستاۋدان بۇرىن سايكەستى ٴبىلىم ورداسىنا جەتۋىنە شىنايى كەپىلدىك ەتتى. كەلەسى قادامدا ٴبىز حالىقتى وزەك ەتكەن دامۋ يدەياسىن ۇزدىكسىز امالياتتا ايگىلەپ، كاسىپورىننىڭ قوعامدىق جاۋاپكەرشىلىگىن بەلسەنە اتقارىپ، شينجياڭعا كومەكتەسۋ قىزمەتىن ۇزدىكسىز تەرەڭدەتىپ، الەۋمەتتىك يگىلىك بويىنشا وقۋعا كومەكتەسۋ قيمىلىن ورىستەتىپ، ٴتىپتى دە كوپ وقۋشىنىڭ وقۋعا كومەكتەسۋ يگىلىگىنەن يگىلىكتەنۋىنە مۇمكىندىك جاسايمىز“.
(ەرىكتى ٴتىلشى لاشىن جەڭىسبەك)
اۋدارعان: قادىر ماقان
