− رايونىمىزداعى جەر - جەر، تاراۋلار باس شۋجيدىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىردى، تياناقتاندىردى
□ انار بۇلت \ شينجياڭ گازەتىنىڭ ءتىلشىسى جاڭ يانفاڭ
7 - ايدا بۇكىل پارتيادا جوعارىدان تومەنگە دەيىن، بۇكىل ەلدە جوعارىدان تومەنگە دەيىن پارتيا 20 - قۇرىلتايىنىڭ جەڭىسپەن اشىلۋىن شاتتىقپەن قارسى الىپ جاتقان ماڭىزدى ساتتە، باس شۋجي شي جينپيڭ تاعى دا كەلىپ، شينجياڭدى كوزدەن كەشىرىپ، ستراتەگيالىق جانە جالپى جاعدايلىق تۇرعىدان شينجياڭنىڭ بولاشاعىن ويلاپ، باعدار بەلگىلەپ، رولدى مەڭگەرىپ، جول باستادى، تيانشان پەرزەنتتەرى ەرەكشە شابىتتانىپ، ايرىقشا جەلپىندى.
ىقىلاستى ءتالىمدى كوكەيگە بەرىك ساقتادى. 2 ايعا جۋىق ۋاقىتتان بەرى رايونىمىزداعى جەر - جەر، تاراۋلار باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدى“ شىن جۇرەكتەن قولداپ، ”ەكىنى قورعاۋدى“ ادالدىقپەن امالياتتا ايگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شىنايى يگەرىپ، ناقتى ىستەيتىن، ۋاقىتتى ۇتا جەدەل قيمىلدايتىن ارەكەتپەن تياناقتاندىرۋدى جەبەپ، ءبىر نيەتپەن جۇدىرىقتاي جۇمىلىپ كورىكتى شينجياڭ قۇردى.
شينجياڭدى مادەنيەتپەن نارلەندىرۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتتى
”قاراڭىز، مىناۋ «مىڭحۋالۋ» تەلەحيكاياسىنداعى شاي دەمدەۋ ونەرى. بۇرىنعىلاردىڭ شاي ءىشۋى نەتكەن ءساندى“، ”تىڭداڭىز، حىلو ۇلكەن بارابانى مەن «ماناس» ايتۋ توعىستىرىلىپتى، نەتكەن اسەم دىبىس دەسەڭىزشى!“... تاياۋدا وتكىزىلگەن 2022 - جىلعى ”شينجياڭ جاقسى جەر“ شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسىندە كورەرمەننىڭ القاعان داۋىسى قۇلاق قۇرىشىن قاندىردى.
وسى رەتكى بەيزاتتىق مادەنيەت مۇرالارى كورمەسى ماناس ايتۋ، سۋجوۋ كەستەسى سياقتى 339 وزگەشە بەيزاتتىق مادەنيەت مۇرالارى ۋاكىلدىك نىسانىن شينجياڭداعى ءار ۇلت بۇقاراسىنىڭ جانىنا اپارىپ، كوپشىلىكتىڭ جۇڭحۋا مادەنيەتى جونىندەگى تۇسىنىگى مەن سۇيىسپەنشىلىگىن قويۋلاتتى. اشىلعان 6 كۇندە 44 مىڭنان استام كورەرمەندى (رەت) باۋرادى.
مادەنيەتتى شىنايى مويىنداۋ − ەڭ تەرەڭ قاتپارلى شىنايى مويىنداۋ. وسى رەتكى بەيزاتتىق مادەنيەت كورمەسىن وتكىزۋ − باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرۋدەگى، تياناقتاندىرۋداعى ناقتى ارەكەت، شينجياڭدى مادەنيەتپەن نارلەندىرۋ قىزمەتىن ىلگەرىلەتۋدەگى ناقتى تۇتقا.
”شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ورىستەتۋ كەرەك“. ”جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك“. باس شۋجي شي جينپيڭنىڭ ىقىلاستى تاپسىرماسى جەر - جەردىڭ، تاراۋلاردىڭ ارەكەت باعدارناماسىنا اينالدى.
جاقىندا شينجياڭ مۇراجايى ”ورتاقتاسۋ، سەزىنۋ، قاتىناسۋ“ ۇستىندە بەلسەندى ىزدەنىس جاساپ جانە سىناقتان وتكىزىپ، مادەني ەسكەرتكىشتەردى كورمەلەۋ ادىسىندە جاڭالىق اشۋدى زەرتتەپ، مادەني ەسكەرتكىشتەرگە قۇلشىنا ”جان ءبىتىردى“.
”باس شۋجيدىڭ شينجياڭ مۇراجايىنا كەلۋى بىزگە ۇلكەن شابىت بولدى“. شينجياڭ مۇراجايىنىڭ باستىعى يۇي جىيۇڭ مىنانى ءبىلدىردى: تاپسىرمانى ەستە بەرىك ساقتاپ، جۇڭحۋا ۇلتى ورتاق تۇلعاسى تاريحىن، جۇڭحۋا ۇلتىنىڭ كوپ نەگىزدى ءبىر تۇلعالى ارناسىن زەرتتەۋدى كۇشەيتىپ، شينجياڭداعى ءار ۇلتتىڭ ارالاسۋىنىڭ تاريحي شىندىقتارىن، ارحەولوگيالىق ناقتى زاتتاردى، مادەنيەت مۇرالارىن تولىق اشىپ جانە ودان ءونىمدى پايدالانىپ، شينجياڭنىڭ باعالى تاريحي مادەنيەت مۇرالارىن شىن مانىندە ويداعىداي قورعاپ، ويداعىداي جالعاستىرىپ، ويداعىداي ايگىلەپ، قالىڭ كادر - بۇقارانى شينجياڭ تاريحىن دۇرىس تانىپ، جۇڭگو پەيىلىن، جۇڭحۋا رۋحىن بەكەمدەۋگە تاربيەلەيمىز، باستايمىز.
كۇزگى وقۋ ماۋسىمى باستالدى، شاعانتوعاي اۋداندىق 2 - ورتا مەكتەپ ”20 - قۇرىلتايدى قۋانىشپەن قارسى الامىز . جاستىق شاقتا پارتياعا تالپىنامىز“ نەگىزگى تاقىرىبىندا ”ءبىرىنشى ساباق يدەيا - ساياسي ساباعى“، ”ءبىرىنشى ساباق ۇلتتار ىنتىماعى ساباعى“ سياقتى جەلىلەس ساباقتاردى دەن قويا ورنالاستىردى. ”وقۋ باستالعانداعى ءبىرىنشى ساباقتى“ ويداعىداي ءوتۋ، توڭكەرىستىك كينو كورسەتۋ سياقتى تاسىلدەر ارقىلى وقىتۋشى - وقۋشىلاردىڭ ”بەستى شىنايى مويىنداۋىن“ بىرتە - بىرتە كۇشەيتتىك، - دەدى وسى مەكتەپتىڭ پارتيا ياچەيكاسىنىڭ شۋجيى حان ميڭجاۋ، - ”بۇدان كەيىن جۇڭحۋا ۇلتى ورتاق تۇلعا تانىمى تاربيەسىن وقىتۋ قيمىلدارىنا توعىستىرىپ، ناقتى، جاندى، ءونىمدى بولۋدى كورنەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتامىز“.
جاڭا دامۋ ۇستانىمىن دايەكتىلەندىرىپ،دامۋ جەتىستىكتەرىنىڭ حالىق تۇرمىسىنا تيىمدىلىك جەتكىزىپ، جۇرت تىلەگىن ۇيىستىرۋدى ىلگەرىلەتتى
دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. بۇكىل رايونداعى جەر - جەر، تاراۋلار باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتۋگە ۇزدىكسىز كۇش سالىپ، دامۋ جەتىستىكتەرىنىڭ حالىق تۇرمىسىنا تيىمدىلىك جەتكىزىپ، جۇرت تىلەگىن ۇيىستىرۋىن ىلگەرىلەتتى.
قازىر جاس ءۇزىمدى جينايتىن شەشۋشى مەزگىل، تۇرپان قالاسىنىڭ رايون - اۋداندارىنداعى باعباندار جيىن - تەرىنمەن قاربالاس ءجۇر. ”ءۇيىمىزدىڭ 8 مۋلىق جۇزىمدىگىنەن مول ءونىم الدىق، باستاپقى كەزدە باپتاۋىمىز وتە جاقسى بولعاندىقتان، ءجۇزىمنىڭ قانت قۇرامى جوعارى، ءتۇسى جاقسى بولدى، بىلتىرعىدان 5000 يۋان ارتىق تاپتىق“، - دەدى ءپىشان اۋدانى ءپىچان قالاشىعى قورعان قىستاعىنىڭ تۇرعىنى عيني مامەت قۋانا.
”باس شۋجي كەلىپ تۇرپاندى كوزدەن كەشىرىپ، ءبىزدىڭ جاڭا جورىقتا ەكپىندەي العا ىلگەرىلەۋىمىزگە ايقىن بەتالىس كورسەتتى“. تۇرپان قالالىق پارتكومنىڭ شۋجيى ما شۋەلياڭ بىلاي دەدى: ءبىز باس شۋجيدىڭ تالابىن ناقتاپ تياناقتاندىرىپ، بار كۇشپەن ”جوعارى ساپالى دامۋدان ۇلگى كورسەتۋ اۋماعىن“، ”شينجياڭدى مادەنيەتپەن نارلەندىرۋدى الدىمەن اتقارۋ اۋماعىن“ تۇلعالاپ، جۇزىمشىلىك سىندى ەرەكشە، باسىمدىققا يە كاسىپ سالاسىن ويداعىداي دامىتىپ، مادەنيەت پەن ساياحاتتىڭ توعىسا دامۋىن ىلگەرىلەتىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتەمىز.
جوعارى ساپالى دامۋدى حالىق تۇرمىسىمەن تىعىز جاناستىرا ىلگەرىلەتتى. سوڭعى مەزگىلدە شارالار ءجيى شىعارىلدى − اۆتونوميالى رايوندىق دامۋ جانە رەفورما كوميتەتى 5 تاراۋمەن بىرلەسىپ 10 ءتۇرلى شارا شىعارىپ، تەكسەرىپ بەكىتۋ، قىزمەت وتەۋ ونىمدىلىگىن جوعارىلاتىپ، كەلەلى نىسان قۇرىلىسىن ىلگەرىلەتتى؛ اۆتونوميالى رايون «بوگەتتەردى، شەكتەۋلەردى ونان ارى بۇزىپ، اۆتونوميالى رايوننىڭ قار - مۇز سپورتى مەن قار - مۇز ساياحاتىنىڭ جوعارى ساپالى دامۋىن ىلگەرىلەتۋ جونىندەگى ارەكەت جوباسىن (2022 − 2025)» باسىپ تاراتىپ، شينجياڭنىڭ قار - مۇز كاسىپ سالاسىنىڭ دەڭگەيىن ءوسىرىپ، دارەجەسىن جوعارىلاتۋىن ىلگەرىلەتتى...
بۇقارا كۇتكەن كەلەلى نىساندار جەدەل سالىندى − لوپنۇر اۋدانىندا لاشىقتى اۋماقتاردى جاڭالاۋ، كونە، ەسكى شاعىن اۋماقتاردى جاڭالاۋ سياقتى حالىق تۇرمىسى نىساندارى قۇرىلىسى دابىرالى ءجۇرىلدى، كەلپىن اۋدانىندا قالاداعى كومىردى ەلەكترگە وزگەرتۋ نىسانى جوسپارمەن 10 - ايدا اياقتالادى، بۇراتالا موڭعۇل اۆتونوميالى وبلىسىنىڭ ەكولوگيا، كاسىپ سالاسى سياقتى سالالارداعى كەلەلى نىساندارىنىڭ قۇرىلىسى قاۋىرت جۇرىلۋدە... باس شۋجي شي جينپيڭنىڭ شينجياڭنىڭ دامۋىنا دەگەن شىنايى تىلەگى، ءار ۇلت كادر - بۇقاراسىنا قامقورلىعى، قويۋ سۇيىسپەنشىلىگى ءىس تىندىرىپ، ناتيجە شىعارۋداعى قۋاتتى قوزعاۋشى كۇش قالىپتاستىردى.
نەگىزگى ساتىنىڭ نەگىزىن نىعايتىپ، جوعارى ساپالى كادرلار قوسىنىن قۇردى
”مىڭ ءجىپتىڭ باسىن ءبىر ينە بىرىكتىرەدى“، الەۋمەتتىك اۋماق قىزمەتى سان مىڭ وتباسىنا سايادى.
اتۇش قالاسى گۋاڭميڭ ءمالىسى جيانكاڭ الەۋمەتتىك اۋماعىندا جىلجىمالى جان سانى كوپ، تۇرعىنداردىڭ باقىت سەزىمىن جوعارىلاتۋ ءۇشىن، بيىل الەۋمەتتىك اۋماق پارتيا ياچەيكاسى جۇمىس ورنىن جاڭالاپ، كىتاپ وقۋ بولمەسى، بالالار سايرانباعى سياقتىلاردى قوستى، تاعى تۇرعىندار جالعا الىپ تۇراتىن ۇيلەردە جاپپاي سۋ جىلىتقىش بولماۋ سىندى ءىس جۇزىندىك احۋالمەن ۇشتاستىرىپ، الەۋمەتتىك اۋماق مونشاحاناسىن اشىپ، تۇرعىنداردى ۋايىمداتقان ءىستى شەشتى.
جيانكاڭ الەۋمەتتىك اۋماعى پارتيا ياچەيكاسىنىڭ شۋجيى ءمامتىمىن مىنانى ءبىلدىردى: ءسوزسىز باس شۋجيدىڭ تالابى بويىنشا الەۋمەتتىك اۋماق نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرىپ، تۇرعىنداردىڭ كوكسەگەنىمەن، ويلاعانىمەن، اڭساعانىمەن تىعىز بايلانىستىرىپ، كوپشىلىككە كومەكتەسىپ جاقسى ءىس ىستەپ، ناقتى ءىس تىندىرىپ، قيىن ماسەلەنى شەشۋىمىز كەرەك.
پارتيا پارتيانى باسقارۋ ءۇشىن ەڭ الدىمەن كادرلاردى ويداعىداي باسقارۋ كەرەك؛ پارتيانى قاتاڭ باسقارۋدىڭ تەتىگى ءمانساپتىلاردى قاتاڭ باسقارۋدا. 8 - ايدىڭ 30 - كۇنى التاي ايماعىنىڭ 2022 - جىلعى جاڭادان قابىلدانعان ءىسورىن قىزمەتكەرلەرىن جۇمىسقا شىعۋدان بۇرىنعى باۋلۋى وتكىزىلدى. باۋلۋ ساباقتارى باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىنىڭ وزەكتى مانىمەن توعىستىرىلىپ، جاڭادان قابىلدانعان قىزمەتكەرلەردىڭ ساياسي جەتىلىمىن جوعارىلاتۋمەن بىرگە، ولاردى اۋىل - قىستاقتى گۇلدەندىرۋ، نەگىزگى ساتىنى جونگە سالۋ سياقتى قىزمەتتەردە بار ونەرىن كورسەتۋگە جىگەرلەندىردى.
التاي ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى ۋاڭ جۇن - ان بىلاي دەدى: ءبىز ادام تاڭداۋدىڭ، ادام ىستەتۋدىڭ دۇرىس باعدارىنا تاباندى بولىپ، ساياسي ولشەمدى ماڭداي الدى ولشەم ەتىپ، جوعارى ساپالى كادرلار قوسىنى قۇرىلىسىن كۇش سالا ويداعىداي يگەرۋىمىز كەرەك. وزەكتى كەلەلى جاعداي مەن ىستەردى دامىتۋدى تىعىز ارقاۋ ەتىپ كادر تاڭداپ، القا سەپتەپ، نەگىزگى ساتىنى يگەرىپ، نەگىز قالاپ، قوسىن قۇرىپ، دارىندىلاردى توپتاپ، التاي ايماعىنىڭ جوعارى ساپالى دامۋىن ىلگەرىلەتۋگە پارمەندى ۇيىمدىق كەپىلدىك ازىرلەۋىمىز كەرەك.
باس شۋجيدىڭ تاپسىرماسىن ەستە بەرىك ساقتاپ، بۇكىل رايون جوعارىدان تومەنگە دەيىن نەگىزگى ساتىنى باسقارۋدى بەكەمدەپ، كۇشەيتىپ، نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋداعى، شينجياڭنىڭ تىنىشتىعىن ساقتاۋداعى نەگىزدى بەكەمدەۋ شاراسى ەتۋگە تاباندى بولىپ، نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسىن ۇزدىكسىز كۇشەيتىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ىشكەرىلەي ورىستەتىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن كورنەكتى كۇشەيتتى.
اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ اقتاۋ اۋدانى ءپىلال اۋىلى ءپىلال قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ پارتيا قۇرىلىسى ارقىلى جەتەكشىلىك ەتۋگە تاباندى بولىپ، جەر جاعدايىنا قاراي ىستەپ، سيىر بۇرشاق ەگىمشىلىگىنىڭ قىستاقتىڭ كوللەكتيۆ شارۋاشىلىعىن زورايتۋداعى، قىستاق تۇرعىندارىن كىرىستەرىن ارتتىرۋعا جەتەكتەۋدەگى جاڭا قوزعاۋشى كۇشىن كادەگە جاراتىپ، سيىر بۇرشاقتى بۇقارانىڭ كىرىسىن ارتتىرىپ، بايىتۋداعى ”التىن بۇرشاققا“ اينالدىردى.
”9 - ايدىڭ سوڭعى شەنىندە 500 مۋ سيىر بۇرشاق ساتىلىپ بولعاننان كەيىن، ءبىز قايتادان دابايساي، شامعۇر سياقتىلاردى ەگەمىز“. وسى قىستاقتىڭ پارتيا ياچەيكا شۋجيى لي شياۋمين بىلاي دەدى: ”ءبىز بىرگە قۇلشىنىپ، قىستاق تۇرعىندارىنىڭ تۇرمىسىن اناعۇرلىم باقىتتى ەتەمىز“.
