9 - ايدىڭ 8 - كۇنى، ءۇرىمجى قالاسى شۇيموگوۋ رايونى حۋاگۋاڭ كوشەسى ءمالىسى كۇنلۇن شىعىس كوشەسى الەۋمەتتىك اۋماعىنىڭ تومەنگە تۇسكەن كادرى حۋ يۇيجيا شۇيموگوۋ رايوندىق باس جۇمىسشىلار ۇيىمى تاراتقان جۇڭچيۋ مەرەكەلىك حال سۇراۋ سالەم - ساۋقىتىن تاپسىرىپ الدى.
ايكۇلشەنى العان حۋ يۇيجيا بىلاي دەدى: ”رايوندىق پارتكومنىڭ، رايوندىق ۇكىمەتتىڭ جانە شۇيموگوۋ رايوندىق باس جۇمىسشىلار ۇيىمىنىڭ ەرەكشە كەزەڭدە بىزگە كوڭىل بولگەنىنە ايىرىقشا العىس بىلدىرەمىن! پارتياعا كىرۋدىڭ بەلسەندىسى رەتىندە، مەن ءسوزسىز ۇزدىكسىز قۇلشىنىپ، ىندەتتەن ساقتانۋ قىزمەتىن ويداعىداي ىستەپ، ىندەتتى جەڭۋگە ءوز ۇلەسىمدى قوسامىن“.
پارتيا مەن ۇكىمەتتىڭ قامقورلىعىن، جىلى مەيىرىن شىن مانىندە، دەر كەزىندە قالىڭ كادر، جۇمىسشى - قىزمەتكەرلەردىڭ جۇرەك تۇكپىرىنە جەتكىزۋ ءۇشىن، شۇيموگوۋ رايوندىق باس جۇمىسشىلار ۇيىمى الدىن - الا جوسپارلاپ، دەن قويا دايىندالىپ، تىڭعىلىقتى ۇيىمداستىرىپ، ءارقايسى مەكەمە ورىنداردىڭ ءىس جۇزىندىك جاعدايىنا قاراي، 2 ميلليون 200 مىڭ يۋاننان استام قارجى ءبولىپ، وسى رايونداعى 15 مىڭنان استام كادر، جۇمىسشى - قىزمەتكەرلەرگە ايكۇلشە، كۇرىش، تۇيە ءسۇتى تالقانى، تۇزدالعان ونىمدەر سىندى بۇيىمدار سالىنعان جۇڭچيۋ مەرەكەلىك سالەم - ساۋقىتىن دايىندادى.
العى شەپتەگى ورتا تازالىقشىسى جۇڭچيۋ مەرەكەلىك حال سۇراۋ بۇيىمدارىن تاپسىرىپ الدى. سۋرەتتى ەرىكتى ءتىلشى شيە - ي تۇسىرگەن
كۇرىش پەن مايدى تاپسىرىپ العان ورتا تازالىقشىسى نيۋ ۋانليڭ قۋانىشپەن بىلاي دەدى: ”پارتيا مەن ۇكىمەتتىڭ جاپالى ەڭبەگىمىزدى تۇراقتاندىرعانىنا العىس بىلدىرەمىن ءارى شۇيموگوۋ رايوندىق باس جۇمىسشىلار ۇيىمىنىڭ قاي - قاشاندا بىزگە كوڭىل ءبولىپ كەلە جاتقانىنا العىسىم شەكسىز، قىستا بىزگە ماقتالى كۇردەك جانە مەيىرگە تولى كوكتەم مەرەكەلىك سالەم - ساۋقىتتاردى بەردى، جازدا سالقىنداۋىمىزعا مۇمكىندىك جاسادى، قازىر، مىنە جۇڭچيۋ مەرەكەسى بايلانىسىمەن كۇرىش، ماي بەردى، مەن قورعانۋدى ويداعىداي ىستەپ، قىزمەتتى مۇقيات ىستەيمىن“.
ورتا تازالىقشىلارىنىڭ جاپالى ەڭبەگىنە العىس ءبىلدىرۋ ءۇشىن، شۇيموگوۋ رايوندىق باس جۇمىسشىلار ۇيىمى 400 مىڭ يۋاننان استام قارجىنى شۇعىل دايىنداپ، ىندەتكە قارسى شايقاستىڭ العى شەبىندە قىزمەت ورىندارىنان تاپجىلماعان 3000نان استام ورتا تازالىقشىلارىنا جۇڭچيۋ مەرەكەلىك حال سۇراۋ بۇيىمدارىن بەرىپ، ورتا تازالىقشىلارىنا قامقورلىقتارىن جانە ىستىق مەيىرلەرىن جەتكىزىپ، العىستارىن جانە قۇرمەتتەرىن ءبىلدىردى.
ىندەتتەن ساقتانۋ - تىزگىندەۋدىڭ العى شەبىندەگى كادر، جۇمىسشى - قىزمەتكەرلەر جۇڭچيۋ مەرەكەلىك حال سۇراۋ بۇيىمدارىن تاپسىرىپ الدى. سۋرەتتى ەرىكتى ءتىلشى شيە ي تۇسىرگەن
شۇيموگوۋ رايوندىق باس جۇمىسشىلار ۇيىمىنىڭ ءتوراعاسى ۋاڭ جيڭ بىلاي دەدى، جۇڭچيۋ مەرەكەلىك حال سۇراۋ بۇيىمدارى كادر، جۇمىسشى - قىزمەتكەرلەرگە ىركەس - تىركەس تاراتىلدى. ىندەت جاعدايى ءالى جالعاسۋدا، ىندەتپەن كۇرەسۋدە ۇزدىكسىز كۇش شىعارىپ، تولىق جەڭىسكە جەتپەيىنشە استە العا بەتتەن قايتپاۋىمىز كەرەك. ىندەتتەن ساقتانۋ - تىزگىندەۋدىڭ العى شەبىندەگى قىزمەتكەرلەر قىزمەت ورىندارىنان تاپجىلماي، جاناشىر، سابىرلى، ىقىلاستى قىزمەت وتەۋمەن ءۇرىمجى قالاسىنىڭ مەيىرگە تولى ەكەنىن ايگىلەدى. شۇيموگوۋ رايوندىق باس جۇمىسشىلار ۇيىمى باستان - اياق ىندەتپەن جاپالى شايقاسىپ جاتقان قالىڭ كادر، جۇمىسشى - قىزمەتكەرلەرمەن بوران - شاشىندى بىرگە وتكەرىپ، بىرگە شايقاسىپ، جۇمىسشىلار ۇيىمىنىڭ كوپىرلىك جانە دانەكەرلىك رولىن تولىق ساۋلەلەندىرىپ، ىندەتتەن ساقتانۋ - تىزگىندەۋدىڭ العى شەبىندەگى جولداستارعا مەيىرىمدى قورعانىش بولادى. (ءتىلشى ۋاڭ لەي)
