اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى جونىندەگى بەينە ەكران ءماجىلىسى اشىلدى
ءتۇيىندى كورنەكتىلەندىرىپ، تياناقتاندىرۋدى مىقتى يگەرىپ، ىندەتتەن ساقتانۋ - تىزگىندەۋدەن قامال الۋ شايقاسىن باتىلدىقپەن ويداعىداي جۇرگىزۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 9 - كۇنى ۇرىمجىدەن حابارلايدى. 9 - ايدىڭ 9 - كۇنى تۇستەن كەيىن مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى تەلەۆيزور - تەلەفون ماجىلىسىنەن كەيىن، اۆتونوميالى رايون دەرەۋ ىندەتتەن ساقتانۋ - تىزگىندەۋ قىزمەتى جونىندە بەينە ەكران ءماجىلىسىن اشىپ، مىنالاردى باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى نۇسقاۋلارىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ تالابىن جاپپاي تياناقتاندىرىپ، اۆتونوميالى رايوندىق 10 - كەزەكتى پارتكوم بەسىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ شارالارىن قاتاڭ، ناقتى تياناقتاندىرىپ، كولەمدى ىندەت تۋىلماۋىنىڭ تومەنگى شەگىن مىقتاپ ساقتاپ، ىندەتتەن ساقتانۋ - تىزگىندەۋدەن قامال الۋ شايقاسىن باتىلدىقپەن ويداعىداي جۇرگىزۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: جەر - جەر، تاراۋلار شىن مانىندە ساياسي دەڭگەيدى جوعارىلاتىپ، مەملەكەت مەرەكەسى دەمالىسىنىڭ الدى - ارتىنداعى ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ ەرەكشە ماڭىزدى ءمانىن تەرەڭ ءتۇسىنىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋعا تاباندى بولىپ، ءسوزسىز جەڭۋ سەنىمىن بەكەمدەپ، ستراتەگيالىق تاباندىلىقتى ساقتاپ، ”ءتورت جاقتىڭ جاۋاپكەرشىلىگىن“ ناقتىلاندىرىپ، سالعىرتسۋ يدەياسىن، بوساڭسۋ پيعىلىن باتىل جەڭىپ، ىندەتتەن ساقتانۋ - تىزگىندەۋ شارالارىن قاز - قالپىندا تياناقتاندىرىپ، ىندەتتەن ساقتانۋ - تىزگىندەۋ جاعدايىنىڭ ۇزدىكسىز جاقسارۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: سىرتتان كىرۋدەن ساقتانۋدى قاتاڭ، بەرىك، ويداعىداي يگەرىپ، شەكارادان كىرەتىن كەزەكشى ۇشاقتاردا الىستان ساقتانۋ - تىزگىندەۋدى كۇشەيتىپ، شەكارا وتكەلدەرىندە ىندەتتەن ساقتانۋ - تىزگىندەۋدى ويداعىداي يگەرىپ، شينجياڭعا كەلەتىن، شينجياڭنان قايتاتىن ادامداردى ءبىر - بىرلەپ تەكسەرۋدى كۇشەيتىپ، شينجياڭعا كىرۋ وتكەلىن ويداعىداي قورعاۋ كەرەك. ىشتە قايتا بەلەڭ بەرۋدەن ساقتانۋدى ويداعىداي يگەرىپ، ىندەتتەن ساقتانۋ - تىزگىندەۋدىڭ ۇدايىلانعان جۇيەسىن ۇزدىكسىز اقاۋسىزداندىرىپ، كەمەلدەندىرىپ، ”ءتورت ەرتە بولۋ“ شاراسىن تياناقتاندىرىپ، مەكتەپ، قارتتاردى كۇتىمدەۋ قۇرىلىمدارى، قۇرىلىس ورنى، ءىرى كاسىپورىن، اۋىل شارۋاشىلىعى ونىمدەرى بازارى سياقتى ءتۇيىندى ورىنداردى قاداعالاۋ مەن باسقارۋ - تىزگىندەۋدى ناقتى، ەگجەي - تەگجەيلى يگەرىپ، توپتالۋ سيپاتىنداعى قيمىلداردى ازايتىپ، شوعىرلى اۋاشالاۋ ءتۇيىنى، بەلگىلەنگەن شيپاحانا سياقتى جوعارى حاۋىپ - قاتەرلى تۇيىندەردى باسقارۋدى شىن مانىندە كۇشەيتۋ كەرەك. تياناقتاندىرۋ جاعىندا كوپ كۇش سالىپ، ەرەن ونەرىن سالىپ، حىسۋان تەكسەرۋدىڭ ”التىن ولشەمى“ بويىنشا قاداعالاۋعا، ساقتاندىرۋعا تاباندى بولىپ، ەپيدەميولوگيالىق تەكسەرۋدى، تەگىن انىقتاۋدى دالمە - ءدال ورىستەتىپ، شوعىرلى اۋاشالاۋدى جۇيەگە ءتۇسىرىپ، دارەجەگە ءبولىپ، تۇرگە ءبولىپ قۇتقارۋ - ەمدەۋگە تاباندى بولىپ، ىندەتتىڭ تارالۋ تىزبەگىن ءونىمدى ءۇزۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار ءالسىز بۋىندار مەن حاۋىپ - قاتەرلى تۇيىندەردى جۇيەلى سالالاپ، ولقىلىقتاردى تولىقتاۋدى، ءالسىز تۇستاردى كۇشەيتۋدى جەدەلدەتىپ، جۇيەلى باسقارۋ قابىلەتىن جوعارىلاتۋ كەرەك. عىلىمعا قۇرمەت ەتىپ، زاڭدىلىققا قۇرمەت ەتىپ، 9 - نۇسقاداعى ساقتانۋ - تىزگىندەۋ جوباسىن جەتىك يگەرىپ، ويداعىداي پايدالانىپ، ساياساتتىق تالاپتاردى ءدال ءتۇسىنىپ، يگەرىپ، زاڭ بويىنشا، عىلمي، دالمە - ءدال ساقتانۋ - تىزگىندەۋ قابىلەتىن جوعارىلاتۋ كەرەك. حىسۋان تەكسەرۋ قابىلەتى مەن اۋاشالاۋ قابىلەتىن جوعارىلاتۋدى ىندەتتى قاباعات تەزدىكپەن جەدەلدەتە ءبىر جاقتى ەتۋدىڭ ەڭ تۇبەگەيلى، ەڭ ءونىمدى شاراسى ەتىپ، قىزمەت جاۋاپكەرشىلىگىن ناقتىلاندىرىپ، قىزمەت جوباسىن ەگجەي - تەگجەيلىلەندىرىپ، حىسۋان تەكسەرۋ قابىلەتىندەگى كەمىستىكتى جەدەل تولىقتاپ، شوعىرلى اۋاشالاۋ ءتۇيىنىن كوبەيتۋ نىسانا - مىندەتتەرىن ءدال ۋاعىندا ورىنداۋ كەرەك.
ءماجىلىس مىنالاردى باسا دارىپتەدى: ءتۇيىندى كورنەكتىلەندىرىپ، تياناقتاندىرۋدى مىقتى يگەرىپ، قولباسشىلىق جۇيەسىنىڭ جوعارى ءونىمدى اينالىمىن ساقتاپ، فورماشىلدىققا، تورەشىلدىككە باتىل قارسى تۇرىپ، بۇقارالىق قىزمەتتى سۇيسپەنشىلىكپەن، دەن قويا، ويداعىداي ىستەپ، جۇڭچيۋ مەرەكەسى، مەملەكەت مەرەكەسى كەزىندەگى قامداۋدى قامتاماسىزداندىرۋ، حالىق تۇرمىسىنا تيىمدىلىك جەتكىزۋ سياقتى قىزمەتتەردى ويداعىداي ىستەپ، بۇقارانىڭ تالاپ - تىلەكتەرىنە كوپ ارنامەن قۇلاق ءتۇرىپ جانە شەشىم ەتىپ، جۇرت تىلەگىن بارىنشا ۇيىستىرۋ كەرەك. قۋزاۋ - جەتەكشىلىك ەتۋدى، تەكسەرۋدى كۇشەيتىپ، ساقتانۋ - تىزگىندەۋ شارالارىنىڭ تياناقتانىپ، تامىر تارتۋىنا، ونىمدىلىك كورسەتۋىنە شىنايى كەپىلدىك ەتۋ كەرەك.
چىن ۋيجۇن، ليۋ سۋشى قاتارلىلار ماجىلىسكە قاتىناستى.
