انار بۇلت \ شينجياڭ گازەتىنىڭ حابارى (ٴتىلشى يۇي مىڭفان حابارلايدى). ”ۋ اپاي، سالەمەتسىز! بۇگىن جۇڭچيۋ مەرەكەسى، ۋ اپاي جانە ليۋ اعاي مەرەكەلەرىڭىز قۇتتى بولسىن، مەن ەكەۋىڭىزگە ايكۇلشە اكەلدىم“، - دەدى 9 ـ ايدىڭ 10 ـ كۇنى ٴۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) باينياۋحۋ اۋماعى شياڭيۇن الەۋمەتتىك اۋماعىنىڭ كادرى گۇلزات مۇراتبەك تۇرعىن ۋ جيڭحۋاعا.
9 ـ ايدىڭ 10 ـ كۇنى گۇلزات مۇراتبەك (وڭدا) تۇرعىن ليۋ حانلياڭعا ىندەتتەن ساقتانۋ بۇيىمدارىن اكەلىپ بەردى. سۋرەتتى ۋاڭ چۇنيان تۇسىرگەن
گۇلزاتتىڭ شياڭيۇن الەۋمەتتىك اۋماعىندا قىزمەت ىستەگەنىنە 3 جىلدان استى، الەۋمەتتىك اۋماق قىزمەتكەرى جونىنەن العاندا، جۇڭچيۋ مەرەكەسى ٴارى قۇتتىقتاۋعا تاتيتىن مەرەكە، ٴارى تۇرعىندارعا داعدىلى قىزمەت وتەيتىن كۇن. تۇستەن بۇرىن جارىم كۇن وتە شىقتى، ونىڭ قول تەلەفونىنان كەلتە حات ەسكەرتپە داۋىسى ٴالسىن-ٴالى شىقتى، تۋىس - تۋعان، دوس - جاراندارى جىبەرگەن مەرەكەلىك تىلەك ينفورماتسياسىنا جاۋاپ قايتارۋعا ۇلگىرە الماي، الدىمەن تۇرعىن ليۋ حانلياڭ قارياعا تەلەفون جالعاپ، جۇبايى ەكەۋىنىڭ ۇيدە ياكي عيمارات استىندا بوي جازىپ جۇرگەن-جۇرمەگەنىن ۇعىستى.
78 جاستاعى ليۋ حانلياڭ مەن 77 جاستاعى ۋ جيڭحۋا شياڭيۇن الەۋمەتتىك اۋماعىنىڭ جايشىلىقتا ەرەكشە كوڭىل بولەتىن، قامقورلىق جاسايتىن وبيەكتىسى. ەكى قاريانىڭ دا جاسى ەگدەلەپ، قول - اياقتارى يكىمنەن ايىرىلعان، ونىڭ ۇستىنە بالالارى قاسىندا جوق، گۇلزات پەن قىزمەتتەستەرى ۇنەمى كەزەكتەسىپ ۇيىنە بارىپ قاريالاردىڭ اماندىعىن بىلەدى. كۇندەلىكتى كوكونىس ساتىپ الۋ، ٴدارى ـ دارمەك ساتىپ الۋ سياقتىلاردى، سونداي ـ اق تۇرمىستاعى ۇساق ـ تۇيەك ىستەردى الەۋمەتتىك اۋماق كادرلارى كومەكتەسىپ ىستەپ بەرەدى.
گۇلزات ايكۇلشە مەن وتباسىندىق ىندەتتەن ساقتانۋ بۇيىمدارىن الىپ، قاريانىڭ ەسىگىن قاقتى. الەۋمەتتىك اۋماقتىڭ جەتكىزگەن قامقورلىققا بولەنگەن ەكى قاريا قاتتى اسەرلەندى.
قاريالارعا امانداسىپ بولعاننان كەيىن، گۇلزات الەۋمەتتىك اۋماققا قايتىپ بارعاندا، الەۋمەتتىك اۋماقتىڭ تاماعىنا ٴدال ۇلگىردى. سول كۇنى مەرەكە وتكىزىپ، الەۋمەتتىك اۋماق ول جانە قىزمەتتەستەرىنە ٴدامدى مەرەكەلىك تاعام مەن ايكۇلشە دايىندادى. تۇسكى تاماقتى ٴىشىپ بولعاننان كەيىن، ول ۋيشين بەينە ەكرانىمەن سويلەسۋ ٴتاسىلى ارقىلى وتباسىنداعىلارمەن ”بۇلتتا باس قوسىپ“، مەرەكەنىڭ جىلۋلىعىن كۇيەۋى جانە 2 بالاسىمەن ٴبولىستى.
9 ـ ايدىڭ 10 ـ كۇنى گۇلزات مۇراتبەك ۋيشين بەينە ەكرانىمەن سويلەسۋ ٴتاسىلى ارقىلى وتباسىنداعىلارمەن جۇڭچيۋ مەرەكەسىندە ”بۇلتتا باس قوستى“. سۋرەتتى ۋاڭ چۇنيان تۇسىرگەن
گۇلزاتتىڭ كۇيەۋى امانبەك مۇقامەتقازى لياڭحى اۋماعى دۇڭنانگۋ قىستاعى قىستاق كوميتەتىندە قىزمەت ىستەيدى، سول كۇنى ول دا قىستاق تۇرعىندارىنا قىزمەت وتەۋمەن، قامتاماسىز ەتۋمەن قاربالاستاپ جاتقان، ايەلىنە مەرەكەلىك تىلەك ٴبىلدىرىپ، وعان دەمالىسقا كوڭىل ٴبولۋدى تاپسىرعاننان كەيىن، تاعى دا قىزمەتكە كىرىسىپ كەتتى. ەكى بالاسىنا قايىن ەنەسى قارايلاسادى، ولار بەينە ەكراندا شەشەسىنە قولى بوساعاندا وزدەرىن ٴدامدى تاعام جەۋگە ەرتىپ بارۋعا ۋادە بەرۋىن ٴوتىندى.
گۇلزات ازىراق دەمالعاننان كەيىن، تۇستەن كەيىنگى قىزمەتتى ورىستەتۋگە دايىندالدى. ول بىلاي دەدى: ”مەيلى جايشىلىقتا بولسىن، الدە مەرەكە ـ مەيرامداردا بولسىن، تۇرعىنداردىڭ شاعىن وتباسىن ويداعىداي قورعاۋ، كوپشىلىككە قىزمەت ەتۋ — ٴبىزدىڭ قىزمەت مىندەتىمىز. قۇلشىنىسىمىزدىڭ ارقاسىندا تۇرعىنداردىڭ جۇڭچيۋ مەرەكەسىن الاڭسىز، كوڭىلدى وتكىزۋىن ٴۇمىت ەتەمىن“.
اۋدارعان: قادىر ماقان
