الاتاۋ ۆوگزالىنىڭ گرۋپپاعا ءبولۋ الاڭىنداعى جۇرگەلى تۇرعان جۇڭگو − ەۆروپا كەزەكشى پويەزى جانە شەكارادان كىرىپ - شىعاتىن باسقا جۇك پويەزدارى (9 - ايدىڭ 10 - كۇنى تۇسىرىلگەن). تاياۋدان بەرى، ءۇرىمجى كەدەنىنە قاراستى ءارقايسى شەكارا وتكەلدەرى الدا ءجۇرىپ قىزمەت وتەپ، شەكارادان كىرىپ - شىعاتىن كەزەكشى پويەزداردىڭ كەدەننەن جوعارى ونىمدىلىكپەن وتۋىنە شىنايى كەپىلدىك ەتتى.
□ سۋرەتتى چىن كۇن تۇسىرگەن
انار بۇلت \ شينجياڭ گازەتىنىڭ ءتىلشىسى چىن چياڭۋي 9 - ايدىڭ 11 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، 8 - ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 30 ميلليارد 100 ميلليون يۋان بولىپ، سايكەس مەزگىلدەگىدەن ％3. 119 ارتقان، بۇكىل ەلدىڭ ارتۋ جىلدامدىعىنان 7. 110 پايىز جوعارى بولىپ، ارتۋ جىلدامدىعى مەملەكەت بويىنشا 2 - ورىندى يەلەگەن. مۇنىڭ ىشىندە ەكسپورت قۇنى 25 ميلليارد 900 ميلليون يۋان بولىپ، سايكەس مەزگىلدەگىدەن ％2. 122 ارتقان؛ يمپورت قۇنى 4 ميلليارد 200 ميلليون يۋان بولىپ، سايكەس مەزگىلدەگىدەن ％7. 102 ارتقان، يمپورت - ەكسپورتتىڭ ارتۋ جىلدامدىعى زور مولشەردە جوعارىلاپ، سىرتقى ساۋدانىڭ ارتۋ تەبىنى كۇشەيە تۇسكەن.
بيىل جىل باسىنان بەرى شينجياڭ ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جىبەك جولى ەكونوميكالىق بەلدەۋى وزەكتى رايونىنىڭ باسىمدىعىن تولىق ساۋلەلەندىرىپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن كۇش سالا ىلگەرىلەتىپ، اشىق ەكونوميكالىق تۇزىلىستە جاڭالىق اشىپ، سىرتقى ساۋدا يمپورت - ەكسپورتىنىڭ تەبىنىن كۇشەيتتى. بيىل الدىڭعى 8 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 145 ميلليارد 580 ميلليون يۋان بولىپ، سايكەس مەزگىلدەگىدەن ％6. 49 ارتقان، وسى تۇستاعى بۇكىل ەلدىڭ ورتاشا ارتۋ جىلدامدىعىنان 5. 39 پايىز جوعارى بولىپ، ارتۋ جىلدامدىعى مەملەكەت بويىنشا 3 - ورىندى يەلەگەن. الدىڭعى 8 ايدا شينجياڭنىڭ ەكسپورت قۇنى 120 ميلليارد 940 ميلليون يۋان بولىپ، سايكەس مەزگىلدەگىدەن ％58.2 ارتقان، بۇل بۇكىل ەلدىڭ ارتۋ جىلدامدىعىنان 44 پايىز جوعارى بولعان؛ يمپورت قۇنى 24 ميلليارد 640 ميلليون يۋان بولىپ، سايكەس مەزگىلدەگىدەن ％18 ارتقان، بۇل بۇكىل ەلدىڭ ارتۋ جىلدامدىعىنان 12.8 پايىز جوعارى بولعان.
8 - ايدا شينجياڭدا ىندەت تۋىلدى، ءۇرىمجى كەدەنى ىندەت كەزىندە كەدەننەن ءوتۋدى قامتاماسىز ەتۋ دايىندىق جوباسىن دەرەۋ ىسكە قوسىپ، شەكارا وتكەلىنىڭ ىندەتتەن ساقتانۋ - تىزگىندەۋ جانە كەدەننەن وتكىزۋ جاعدايىن دەر كەزىندە يگەرىپ، ”ينتەرنەت +“ جەلىدە اقىل - كەڭەس بەرۋ، قاعازسىز كەدەننەن وتكىزۋ، جاناسپاي تەكسەرۋ، الىس ارالىقتان بەينە ەكران ارقىلى باقىلاۋ - باسقارۋ سياقتى فورمالار ارقىلى ەكسپورت ەتىلەتىن ازىق - تۇلىك وندىرەتىن كاسىپورىنداردى ەستەلىككە الۋ، كوپ كۋالىكتى بىرلەستىرۋ سياقتى جۇمىستاردى جەلىدە ءبىتىرۋدى زور كۇشپەن جالپىلاستىرىپ، كاسىپورىنداردىڭ كەدەننەن ءوتۋ سۇرانىسىنىڭ تيتتەي دە كەشىكتىرىلمەي شەشىلۋىن قامتاماسىز ەتتى.
كەدەننەن ءوتۋدىڭ ىركىلىسسىز بولۋى شينجياڭداعى سىرتقى ساۋدا كاسىپورىندارىنىڭ يمپورت - ەكسپورت جۇمىستارىنىڭ ىركىلىسسىزدىگىنە شىنايى كەپىلدىك ەتۋمەن قاتار، مەملەكەتتىڭ باتىس باعىتتاعى زات اينالىمى ۇلكەن ارناسىنىڭ قالىپتى اينالىمىن دا قامتاماسىز ەتتى. تەك 8 - ايدىڭ وزىندە شينجياڭنىڭ حالىقارالىق زات اينالىم تاسىمالىندا كوپتەگەن تىڭ سەرپىلىستەر بولدى: 8 - ايدىڭ 21 - كۇنى ازيا − ەۆروپا قۇرلىق − تەڭىز ساۋدا ۇلكەن ارناسىندا (ميڭگۋ - ۋ − تيانجين. شي - ان − الماتى) جاپونيانىڭ، كورەيانىڭ شەكارادان وتەتىن اۆتوكولىكتەرىن تەڭىز بەن تەمىر جول بىرلەسىپ تاسىمالدايتىن (قاپاسشا پويەز) بۇكىل ەلدەگى تۇڭعىش كەزەكشى پويەز قورعاس تەمىر جول شەكارا وتكەلىنەن شەكارادان شىعىپ، ءبىر شىت جاڭا حالىقارالىق زات اينالىمى ارناسى اشىلدى؛ 8 - ايدىڭ 20 - كۇنى شينجياڭداعى تۇڭعىش قۇرلىق - تەڭىز جاڭا ارناسى تەڭىز - تەمىر جول بىرلەسكەن تاسىمالى ورتا ازيا كەزەكشى پويەزى ءۇرىمجى حالىقارالىق قۇرلىقتىق پورت رايونىنان جولعا شىقتى، بۇل كەزەكشى پويەزداعى جۇكتەر دە شينجياڭنىڭ تۇڭعىش وتكەرمەلەنگەن ساۋدا زاتتارى بولىپ تابىلادى؛ 8 - ايدىڭ 10 - كۇنى بۇكىل شينجياڭنان تۇڭعىش رەت رەسەيدىڭ يەكاتەرىنبۋرگكە قاتىنايتىن جۇڭگو − ەۆروپا كەزەكشى پويەزى دا ءۇرىمجى كەشەندى باجىسىز اۋماعىنان جولعا شىقتى...
تەمىر جول تاراۋىنىڭ ساناعىنا قاراعاندا، الدىڭعى 8 ايدا الاتاۋدان، قورعاس تەمىر جول شەكارا وتكەلىنەن قاتىناعان جۇڭگو − ەۆروپا (ورتا ازيا) كەزەكشى پويەزدارىنىڭ سانى 8701 كەزەككە جەتىپ، سايكەس مەزگىلدەگىدەن ％6.5 ارتىپ، قاتىناۋ رەكوردىن ۇزدىكسىز جاڭالاعان.
شينجياڭ ”ءبىر بەلدەۋ، ءبىر جول“ بويىنداعى ەلدەرمەن، RCEP (وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمى) مۇشە ەلدەرىمەن ەكونوميكالىق ءوزارا تولىقتىرۋ سيپاتى كۇشتى بولۋ، سىرتقى ساۋدا سەلبەستىگى كومەسكى كۇشى زور بولۋ ەرەكشەلىگىن تولىق ساۋلەلەندىرىپ، ”ءبىر بەلدەۋ، ءبىر جول“ بويىنداعى ەلدەر قاتارلى 157 مەملەكەتپەن جانە رايونمەن ناقتى سەلبەستىكتى ۇزدىكسىز كەڭەيتتى. 8 - ايدىڭ 26 - كۇنى قازاقستاننىڭ 20 توننا ارپاسى باقتى شەكارا وتكەلىندە اۋىل شارۋاشىلىق قوسىمشا ونىمدەرىن كەدەننەن جەدەل وتكىزۋ جاسىل ارناسى ارقىلى شەكارادان كىردى، بۇل باقتى شەكارا وتكەلى ارقىلى تۇڭعىش رەت كىرگىزىلگەن ارپا ەسەپتەلەدى، تەكسەرۋ، كارانتيندەۋدە تولىمدى بولعاننان كەيىن شەكارادان كىرگەن استىقتار تۇراقتى وڭدەۋ زاۆودىنا اپارىلىپ، جەم ەتىپ وڭدەلىپ ساتىلادى.
