اۆتونوميالى رايوندىق پارتكوم، ۇكىمەت ىندەتتەن ساقتانۋ - تىزگىندەۋ قىزمەتىن بەينە ەكراندا ورنالاستىرۋ ءماجىلىسىن اشتى
عىلمي، دالمە - ءدال تىزگىندەۋ - ساقتانۋعا بار كۇش - قايراتتى جۇمساۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 12 - كۇنى ۇرىمجىدەن حابارلايدى. 9 - ايدىڭ 12 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق پارتكومنىڭ، ۇكىمەتتىڭ ىندەتتەن ساقتانۋ - تىزگىندەۋ قىزمەتىن بەينە ەكراندا ورنالاستىرۋ ءماجىلىسىن باسقارىپ اشىپ، بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكومنىڭ قىزمەت تالابى بويىنشا، يدەيادا سالعىرتتىق ىستەمەۋدى، شارالاردى بوساڭسىتپاۋدى، قىزمەت تەبىنىن السىرەتپەۋدى ساقتاپ، بار كۇش - قايراتپەن ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
ءماجىلىس مىنالاردى اتاپ كورسەتتى: قازىر تۇتاس رايوننىڭ ىندەتتەن ساقتانۋ - تىزگىندەۋ جاعدايى ورنىقتى تۇردە جاقسارۋعا بەت الدى، الايدا ىندەت جاعدايىندا ءالى دە تۇراقسىزدىق ساقتالۋدا. جەر - جەر، تاراۋلار ساياسي دەڭگەيدى جوعارىلاتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، 9 - نۇسقاداعى ساقتانۋ - تىزگىندەۋ جوباسىن قاتاڭ تياناقتاندىرىپ، ىندەتتەن اناعۇرلىم عىلمي، دالمە - ءدال ساقتانىپ - تىزگىندەپ، ەرتە كىرىسۋدى، ەرتە ساقتانۋدى تياناق ەتىپ، ەرتە بايقاپ، جەدەل ءبىر جاقتى ەتىپ، سىرتقا جايىلۋدان ساقتانىپ، كولەمدى ىندەت تۋىلماۋدىڭ تومەنگى شەگىن مىقتاپ ساقتاپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ كەرەك.
ماجىلىس مىنالاردى تالاپ ەتتى: نولگە ءتۇسىرۋ، سوڭعى جۇمىستاردى ءبىتىرۋ قىزمەتىن جەدەلدەتىپ، قالىپتى ءوندىرىس، تۇرمىس ءتارتىبىن ۇيلەسىمدى، ءتارتىپتى قالپىنا كەلتىرۋ كەرەك. ىندەت بار وڭىرلەر كوزدەگەن نىسانادان جازباي، سەنىمدى بەكەمدەپ، تاجىريبە - ساباقتاردى قورىتىندىلاپ، تۇيىندەردى باسقارىپ، جەلىنى قاداعالاپ، اۋماقتى مەڭگەرىپ، ىرىقسىز كۇيدەن ىرىقتى كۇيگە ءوتىپ، ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، ەڭ قىسقا ۋاقىتتا، ەڭ تەز قارقىنمەن قوعامدىق جاقتا نولگە ءتۇسىرۋ نىساناسىن قۇلشىنا جۇزەگە اسىرىپ، ءىشىنارا ورىنداردا نولگە ءتۇسىرۋ ارقىلى بارلىق ورىنداردا نولگە تۇسىرۋگە شىنايى كەپىلدىك ەتىپ، تۇتاس رايوننىڭ ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋىنە دەم بەرۋ كەرەك. ستراتەگيالىق تۇراقتىلىقتى ساقتاپ، عىلمي، دالمە - ءدال تىزگىندەۋ - ساقتانۋعا بار كۇش - قايراتتى جۇمساۋ كەرەك. 9 - نۇسقاداعى ساقتانۋ - تىزگىندەۋ جوباسىن ىندەتتەن عىلمي، دالمە - ءدال ساقتاۋ ارەكەت باعدارناماسى ەتىپ، ىشكەرىلەي ۇيرەنىپ، جەتە ءتۇسىنىپ، جوبانىڭ ناقتى ءمانىن دالمە - ءدال يگەرىپ، جوعارى، ورتا، تومەن حاۋىپ - قاتەرلى اۋماقتاردى دەر كەزىندە، يكەمدى رەتتەپ جاريالاپ، حىسۋان تەكسەرۋدى دالمە - ءدال، جوعارى ونىمدىلىكپەن ۇيىمداستىرىپ، شوعىرلى اۋاشالاۋدى جۇيەلى ويداعىداي ىستەۋ كەرەك.
ءماجىلىس مىنالاردى باسا دارىپتەدى: جەر - جەر حالىق ءۇشىن قىزمەت ىستەۋ اۋەلگى ماقساتىنان اينىماي، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلپكەن، كۇش سالا شەشىپ، ءار ۇلت بۇقاراسىنا پارتيا مەن ۇكىمەتتىڭ مەيىرىن سەزىندىرۋ كەرەك. زاتتىق ماتەريالداردى ءوندىرۋ، قامداۋ، جەتكىزۋ بۋىندارىن ءبىر تۇتاس جوسپارلاپ سايكەستىرىپ، بۇقارانىڭ ”استىعىنىڭ“، ”كوجە قاتىعىنىڭ“ تولىق بولۋىن، ودان الاڭسىز بولۋىن، باعاسىنىڭ تۇراقتى بولۋىن قامتاماسىز ەتۋ كەرەك. ءتۇرلى شارالارمەن بۇقارانىڭ قالىپتى ناۋقاس كورسەتۋ قاجەتىن قاناعاتتاندىرىپ، بۇقارانىڭ اۋىرعاندا ەمدەلە الۋىنا شىنايى كەپىلدىك ەتۋ كەرەك. ىندەتتەن ساقتانۋ - تىزگىندەۋ مەزگىلىندە كۇزگى جيىن - تەرىندى، كۇزگى تۇقىم سەبۋدى ءبىر تۇتاس ويداعىداي جوسپارلاپ، شارۋالاردى اۋىل شارۋاشىلىعى ونىمدەرىن دەر كەزىندە جيناۋعا، قوراپتاۋعا، تاسىمالداۋعا، ساتۋعا ۇيىمداستىرىپ، ىندەتتىڭ ەكونوميكالىق دامۋعا جانە بۇقارانىڭ كىرىسىنە ىقپالىن ازايتۋ كەرەك. ىندەت جوق وڭىرلەر ورنىقتى ارتتىرۋدى اناعۇرلىم كورنەكتى ورىنعا قويىپ، قاتىناستىڭ، زات اينالىمىنىڭ، ادام اعىنىنىڭ ىركىلىسسىز بولۋىنا شىنايى كەپىلدىك ەتىپ، ”بەستى قامتاماسىز ەتۋ“ قىزمەتىن بار كۇشپەن ويداعىداي ىستەپ، بۇقارانىڭ قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋ كەرەك.
ءماجىلىس مىنالاردى باسا دارىپتەدى: كەلەلى جاعدايدى، كەلەلى اۋقىمدى ىشكەرىلەي مەڭگەرىپ، ايرىقشا قىراعىلىقتى ساقتاپ، جۇيە كوزقاراسىنا تاباندى بولىپ، زاڭمەن باسقارۋ تانىمىن ورناتىپ، دۇرىس ناتيجە كوزقاراسىن امالياتتا ايگىلەپ، ىندەتتەن ساقتانۋ - تىزگىندەۋدە تۋىلۋى مۇمكىن ءار ءتۇرلى قوسىمشا حاۋىپ - قاتەرلەردەن باتىل ساقتانىپ جانە ونى جويىپ، قوعامنىڭ تىنىش، ءتارتىپتى بولۋىنا شىنايى كەپىلدىك ەتۋ كەرەك.
چىن ۋيجۇن، ياڭ فاسىن، ليۋ سۋشى، شۋە بين قاتارلىلار ماجىلىسكە قاتىناستى.
