تيانشان تورى
تيانشان تورى   ›   جاڭالىقتار   ›   شينجياڭ حابارلارى

مىندەتتى مىقتاپ كوزدەپ، شىنايى يگەرىپ، ناقتى ىستەپ، شينجياڭنىڭ جوعارى ساپالى دامۋىن ىلگەرىلەتەمىز

اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسى رايونىمىزدىڭ جەر - جەرىندە قىزۋ اڭىس قوزعادى

مىندەتتى مىقتاپ كوزدەپ، شىنايى يگەرىپ، ناقتى ىستەپ، شينجياڭنىڭ جوعارى ساپالى دامۋىن ىلگەرىلەتەمىز

□ انار بۇلت \ شينجياڭ گازەتىنىڭ تىلشىلەرى

  ”جالپى ءماجىلىس شينجياڭنىڭ رەفورما، دامۋ، ورنىقتىلىق ىستەرىنە ساياتىن كەزەكتەگى جانە بۇدان بىلايعى ءبىر مەزگىلدەگى قىزمەتتەردى 15 جاقتان ورنالاستىردى. ءبىز تىڭعىلىقتى ۇيرەنىپ، ويداعىداي دايەكتىلەندىرىپ، تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الامىز“! 9 - ايدىڭ 9 - كۇنى اشىلعان اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسى رايونىمىزدىڭ جەر - جەرىندە قىزۋ اڭىس قوزعادى. كوپشىلىك مىنالاردى ءبىلدىردى: ۋاقىت كۇتىپ تۇرمايدى دەيتىن كوكەي تەستىلىك سەزىممەن جانە جاۋاپكەرشىلىك سەزىممەن ءتۇيىندى مىندەتتى مىقتاپ كوزدەپ، شىنايى يگەرىپ، ناقتى ىستەپ، جاڭا جورىقتا زەيىن - زەردەنى، كۇش - قۋاتتى ۇيىستىرىپ، شينجياڭنىڭ جوعارى ساپالى دامۋىنىڭ جاڭا تاراۋىن جازامىز.

شينجياڭ ەرەكشەلىگىنە يە وسى زامان كاسىپ سالاسى جۇيەسىن قۇرامىز

  جالپى ءماجىلىس شينجياڭنىڭ جوعارى ساپالى دامۋىنا جوبا جاساۋمەن بىرگە، مۇناي - تابيعي گاز ءوندىرۋ، وڭدەۋ سياقتى 8 ۇلكەن كاسىپ سالاسى شوعىرىن جەتىلدىرۋدى، زورايتۋدى العا قويدى. اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ءدىلشات سايىم بىلاي دەدى: اقسۋ ايماعى 7 ميلليون 400 مىڭ مۋ ماقتا بايلىعى باسىمدىعىن تياناق ەتىپ، ماقتا بايلىعىن كادەگە جاراتۋ ستراتەگياسىن ىشكەرىلەي اتقارىپ، ماقتا توقىماشىلىعى كاسىپ سالاسى تۇتاس كاسىپ سالاسى تىزبەگىنىڭ دامۋىن بار كۇشپەن ىلگەرىلەتەدى. ماقتا ءوندىرىسى مەن سورتىن ورنالاستىرۋدى اناعۇرلىم ساپالىلاندىرىپ، ماقتا ءونىمىنىڭ 900 مىڭ توننادان جوعارى بولۋىن ساقتاۋعا شىنايى كەپىلدىك ەتەدى. توقىماشىلىق، كيىم - كەشەك كاسىپ سالاسىنىڭ شوعىرلى دامۋىن جەدەل ىلگەرىلەتىپ، كيىم - كەشەك ءوندىرىسىن دامىتۋ جاعىندا تىزبەكتى ۇزارتۋعا كۇش سالىپ، گۇل باسۋ - بوياۋدى دامىتۋ جاعىندا تىزبەكتى تولىقتاپ، ماركا زەرتتەۋ - اشۋ، بازارعا جەتەكشىلىك ەتۋ جاعىندا تىزبەكتى كۇشەيتىپ، مۇناي حيميا كاسىپ سالاسى مەن توقىماشىلىق، كيىم - كەشەك كاسىپ سالاسىنىڭ سايكەسە بايلانىستى دامۋى جاعىندا تىزبەكتى كەڭەيتىپ، توقىماشىلىق، كيىم - كەشەك كاسىپ سالاسىنىڭ كىلەڭ ماقتا شيكىزاتى جولىمەن دامۋدان كوپ نەگىزدى شيكىزات جولى ارقىلى دامۋعا قاراي ويىسۋىن، العاشقى وڭدەۋدى نەگىز ەتۋدەن عىلىم - تەحنيكالىق، زاماناۋي، جاسىل باعىتتاعى تۇتاس كاسىپ سالاسى تىزبەگىنە قاراي بۇرىلىس جاساۋىن كۇش سالا جەبەيدى.

  جالپى ماجىلىستە مىنالار العا قويىلدى: كومىر، كومىر ەلەكتر، كومىر حيميا كاسىپ سالالارى شوعىرىن جەدەل دامىتىپ، جاسىل كەن شارۋاشىلىعى كاسىپ سالالارى شوعىرىن بەلسەندىلىكپەن قۇرىپ، جاڭا ەنەرگيا، جاڭا ماتەريال سياقتى ستراتەگيالىق سيپاتتى جاڭادان گۇلدەنگەن كاسىپ سالالارى شوعىرىن زور كۇشپەن دامىتىپ، شينجياڭ ەرەكشەلىگىنە يە وسى زامانعى كاسىپ سالاسى جۇيەسىن قۇرۋ كەرەك. بۇل قۇمىل قالالىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار قالا باستىعى ما ۋىنيۇيدىڭ سەنىمىن ەسەلەپ ارتتىردى. ول بىلاي دەدى: بيىل جىل باسىنان بەرى، قۇمىل قالاسى باسىمدىققا يە بايلىقتى كادەگە جاراتۋ ستراتەگياسىن كۇش سالا اتقارىپ، وسى زامانعى كاسىپ سالاسىنىڭ جاڭا جۇيەسىن جەدەل ورناتىپ، كومىر، كومىر ەلەكتر، كومىر حيميا ونەركاسىبى، ”جەل، كۇن“ جاڭا ەنەرگياسى جانە جاڭا ەنەرگيا جابدىقتارىن جاساۋ، تيتان، ماگني، كرەمني نەگىزدى جاڭا ماتەريالدار سياقتى جەتەكشى كاسىپ سالاسىنا نازاردى شوعىرلاندىرىپ، كاسىپ سالاسىنىڭ وسىزاماندانۋ دەڭگەيى مەن وزەكتى باسەكەلىك قۋاتىن ۇزدىكسىز جوعارىلاتىپ، كاسىپ سالاسىنىڭ تىزبەگىن ۇزارتۋدى، تولىقتاۋدى، كەڭەيتۋدى، كۇشەيتۋدى ويداعىداي يگەرىپ، شارۋاشىلىق - ساۋدا ورتاسىن ۇزدىكسىز ساپالىلاندىردى. ءبىر توپ جوعارى ساپالى، ەكولوگياسى جاراسىمدى، تەحنيكاسى وزىق جوعارى ساپالى نىساندارعا قول قويىلىپ تياناقتاندى. قۇمىل قالاسى بايلىق قاسيەتىن تياناق ەتىپ، كاسىپ سالاسى جوباسىن مىقتى يگەرىپ، قىزمەت وتەۋ قابىلەتىن كۇشەيتىپ، كاسىپ سالاسى شوعىرىن دامىتۋدى ىلگەرىلەتۋدە اناعۇرلىم زور ىسكەرلىك كورسەتەدى.

  ”جالپى ءماجىلىس العا قويعان 15 جاقتاعى ءتۇيىندى مىندەت اسا كۇشتى باعىتتامالىلىققا جانە رەال جەتەكشىلىك مانگە يە“. حوتان ايماقتىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ مۇشەسى، ءۇشىنشى دارەجەلى تەكسەرىپ - زەرتتەۋشى لي جولياڭ بىلاي دەدى: ”ءبىز جالپى ءماجىلىستىڭ رۋحىن ىشكەرىلەي ۇيرەنىپ، جەتە ءتۇسىنىپ، جالپى ءماجىلىستىڭ تالابى بويىنشا، حوتان ايماعىنىڭ بايلىق قاسيەتىن جانە وڭىرلىك ورىن باسىمدىعىن تياناق ەتىپ، ساپالى جەمىس - جيدەك كاسىپ سالاسى شوعىرىن جانە مال، ءۇي قۇستارى باعىمشىلىعى كاسىپ سالاسى شوعىرىن ارقاۋ ەتىپ، كاسىپ سالاسى تىزبەگىن ۇزارتىپ، قۇن تىزبەگىن جوعارىلاتىپ، جاڭالىق اشۋ تىزبەگىن قۇرىپ، مۇددە تىزبەگىن كەمەلدەندىرىپ، ەرەكشە كاسىپ سالالارى شوعىرىن جەتىلدىرىپ، زورايتىپ، شينجياڭ ەرەكشەلىگىنە يە وسى زامانعى كاسىپ سالاسى جۇيەسىن قۇرۋعا ۇلەس قوسامىز“.

اشىق ۇلكەن ارنا قۇرامىز

  اشىق ەكونوميكالىق تۇزىلىستە جاڭالىق اشىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، شينجياڭنىڭ سالىستىرمالى توماعا - تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە ويىسۋىن ىشكەرىلەي ىلگەرىلەتتى. جالپى ماجىلىستە العا قويىلعان دامۋ باعىتى تارباعاتاي ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ءۋاليى، شينجياڭ تارباعاتاي ءتۇيىندى وركەندەتۋ، ەسىك اشۋ سىناق رايونى قۇرىلىسى قولباسشىلىق شتابىنىڭ قولباسشىسى شۋە گۇيچياڭدى ايرىقشا جەلپىندىردى، ول بىلاي دەدى: ”تابيعي جاعراپيالىق باسىمدىق پەن مەملەكەتتىڭ ساياساتتىق سۇيەمەلدەۋى تارباعاتاي ايماعىنىڭ سىرتقا ەسىك اشۋىنا اسا تاماشا نەگىز قالادى، كەلەسى قادامدا ءبىز سىناق رايونىنىڭ الدىمەن دامىتىلاتىن اۋماعى قۇرىلىسىن ۇزدىكسىز ارقاۋ ەتىپ، جاڭا ەنەرگيادا جاڭالىق اشۋ كاسىپ سالاسى باقشاسى، حالىقارالىق زات اينالىمى باقشاسى (1 - مەرزىم)، حالىقارالىق تاس جول پورتى، تەمىر جول ارناۋلى جەلىسى سياقتى قۇرىلىس نىساندارىن جەدەل ىلگەرىلەتىپ، 2022 - جىلى تۇراقتى مۇلىككە سالىناتىن قارجىنى 3 ميلليارد يۋانعا جەتكىزۋگە كۇش سالامىز. كەدەندىك باقىلاۋ - باسقارۋ قامباسى، قورعامالى باجى قامباسى، شەكارا اتتاعان ەلەكتروندى ساۋدا، كەشەندى قورعامالى باجى اۋماعى، ەركىن ساۋدا رايونى سياقتى ءتۇرلى ەسىك اشۋ تۇعىرى قۇرىلىسىن جەدەلدەتەمىز، سونىمەن بىرگە اۋىل شارۋاشىلىعى ونىمدەرىن وڭدەۋ، وزىق جابدىقتاردى جاساۋ، جاڭاشا قۇرىلىس ماتەريالدارى مەن وسى زامانعى زات اينالىمى سياقتى ءتورت ۇلكەن نەگىزگى جەتەكشى كاسىپ سالاسىن ءتۇيىن ەتىپ، دالمە - ءدال ساۋداگەر شاقىرىپ، تۇتاس جىلدىق ساۋداگەر شاقىرىپ قارجى ەنگىزۋدە 3 ميلليارد 500 ميلليون يۋان قارجىعا قول جەتكىزۋگە قۇلشىنامىز.

  قارامايلى قالالىق پارتكومنىڭ شۋجيى جاۋ ۋىنچۋان دامۋ نىساناسىنىڭ اناعۇرلىم ايقىن، سەنىمنىڭ اناعۇرلىم جەتكىلىكتى ەكەندىگىن سەزىندى. ”قارامايلى قالاسى بايلىق سيپاتتى قالا، جاڭالىق اشۋ قارامايلىنىڭ جوعارى ساپالى دامۋىنا جەتەكشىلىك ەتىپ، كاسىپ قۇرىلىمى، ەنەرگيا قۇرىلىمى سىندى ەكى جاقتا تيپ وزگەرتۋدى جۇزەگە اسىرۋداعى ءبىرىنشى قوزعاۋشى كۇش“. جاۋ ۋىنچۋان بىلاي دەدى: قارامايلى قالاسى بايلىق قاسيەتىن جانە كاسىپ سالاسى باسىمدىعىن تياناق ەتىپ، مۇناي، مۇناي حيميا كاسىبىنىڭ تىزبەگىن ۇزارتىپ، تولىقتاپ، كۇشەيتىپ، مۇناي - تابيعي گاز كاسىبى جانە جوعارى دەڭگەيلى جابدىق، زەردەلى جاساۋ كاسىبى شوعىرى، نافتەنيل نەگىزدى مۇناي ءوندىرۋ، ەرەكشە مۇناي ايىرۋ، ەرەكشە ونىمدەر جانە كومىرتەگى نەگىزدى جاڭا ماتەريال كاسىبى شوعىرى، پارىقتى جوعارى دەڭگەيلى مۇناي حيميا ونىمدەرى كاسىپ سالاسى شوعىرى، بيو نەگىزدى حيميا ونەركاسىبى جانە وزىق ماتەريال كاسىپ سالاسى شوعىرى سياقتى ”ءونىم قۇنى 100 ميلليارد يۋاننان اساتىن ءتورت كاسىپ سالاسى شوعىرىن“ كۇش سالا قۇرادى. وسىزاماندانعان نەگىزدىك قۇرىلعىلار جۇيەسى قۇرىلىسىن جەدەلدەتىپ، جاڭا ەنەرگيا، سيفرلى ەكونوميكا، عىلىم - تەحنيكادا جاڭالىق اشۋ، اشىق ەكونوميكا سياقتى ءتۇيىندى قىزمەتتەردى كۇش سالا ىلگەرىلەتەدى. جىبەك جولى ەكونوميكالىق بەلدەۋى وزەكتى رايونى قۇرىلىسىنا ىشكەرىلەي ات سالىسىپ جانە توعىسىپ، قارامايلى ەرەكشەلىگىنە يە وسى زامانعى كاسىپ سالاسى جۇيەسىن ورناتادى.

اسپانى اشىق، جەرى جاسىل، سۋى تۇنىق كورىكتى شينجياڭ قۇرامىز

  سۋ − شينجياڭنىڭ ەكونوميكالىق، قوعامدىق دامۋىنىڭ جان تامىرى. جالپى ءماجىلىس مىنالاردى العا قويدى: سۋ بايلىعىن باسقارۋ ءتۇزىلىسى رەفورماسىن تەرەڭدەتىپ، شوعىرلى، ۇنەمدى پايدالانۋ دەڭگەيىن جوعارىلاتىپ، سۋ بايلىعىن جايعاستىرۋ جانە جەتكىزۋ - ساقتاۋ قابىلەتى قۇرىلىسىن كۇشەيتىپ، سۋ يگىلىگىنىڭ ءتۇيىندى سالالارى مەن شەشۋشى بۋىندارى رەفورماسىن ىلگەرىلەتۋ كەرەك. لوپنۇر اۋدانىنىڭ ورىنباسار اكىمى گو چياڭ مىنالاردى ءبىلدىردى: جالپى ءماجىلىستىڭ رۋحىن مۇقيات ۇيرەنىپ، ءتۇسىنىپ، سۋ بايلىعىن باسقارۋدىڭ ەڭ قاتاڭ ”ءۇش قىزىل سىزىق“ ءتۇزىمىن جانە بۇلجىماس تەجەمىن تياناقتاندىرىپ، ءار سالانىڭ سۋدان پايدالانۋ جالپى مولشەرىن مەڭگەرۋ قىزىل سىزىعىن قاتاڭ تياناقتاندىرىپ، ءىس جۇزىندىكپەن ۇشتاستىرىپ، سۋدان پايدالانۋ جوسپارىن الدىن الا جاساپ، سۋ بايلىعىن جايعاستىرۋ جانە سۋ جەتكىزۋ - ساقتاۋ قابىلەتى قۇرىلىسىن ۇزدىكسىز كۇشەيتىپ، سۋ ۇنەمدەۋ، سۋ ساقتاۋ، سۋ جەتكىزۋ قىزمەتىن ءبىر تۇتاس جوسپارلاپ ويداعىداي ىستەيمىز، سۋ جەتكىزۋ - ساقتاۋ، وزەن - كولدەردى تۇتاستىرۋ ينجەنەرياسى نىساندارىن ءبىتىرۋ تەبىنىن ارتتىرىپ، سۋ بايلىعىن ۇلەستىرۋ جوباسىن اناعۇرلىم اشالاپ، ناقتىلاندىرىپ، سۋدى زاڭ بويىنشا جونگە سالۋ، سۋدى زاڭ بويىنشا باسقارۋ، سۋدى زاڭ بويىنشا پايدالانۋدىڭ باياندى مەحانيزمىن ورناتىپ، اۋىل شارۋاشىلىعىندا سۋدى ىشكەرىلەي ۇنەمدەۋدى جاپپاي ىلگەرىلەتىپ، سۋ بايلىعىن شوعىرلى، ۇنەمدى پايدالانۋ دەڭگەيىن شىنايى جوعارىلاتامىز.

  ”جالپى ءماجىلىس شي جينپيڭنىڭ ەكولوگيالىق وركەنيەت يدەياسىن دايەكتىلەندىرىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋدى جانە جۇيەلى جونگە سالۋدى ءبىر تۇتاس جوسپارلاپ، كورىكتى شينجياڭ قۇرۋدى باسا دارىپتەدى، بۇل ءبىزدىڭ ەكپىندەي ىلگەرىلەۋ بەتالىسىمىزدى اناعۇرلىم ايقىندادى“. جىڭ اۋداندىق پارتكومنىڭ ورىنباسار شۋجيى، اۋدان اكىمى قۇرمانجان مىنالاردى ءبىلدىردى: جالپى ءماجىلىس رۋحىن باتىل دايەكتىلەندىرىپ، تياناقتاندىرىپ، ”تۇنىق سۋ، جاسىل تاۋ − باعالى بايلىق“ ۇستانىمىن بەرىك ورناتىپ، ەكولوگيالىق ورتانى قورعاۋ دەگەنىمىز وندىرگىش كۇشتى قورعاۋ، ەكولوگيالىق ورتانى جاقسارتۋ دەگەنىمىز وندىرگىش كۇشتى دامىتۋ دەگەنگە تاباندى بولىپ، ”ەكولوگيا ارقىلى اۋداندى ەڭسەلەندىرۋ“ ستراتەگياسىن زور كۇشپەن اتقارىپ، ەكولوگيانى جونگە سالۋ جانە قورشاعان ورتانى قورعاۋ قىزمەتىنىڭ جالپى تۇلعالىق ونىمدىلىگىن كۇش سالا جوعارىلاتامىز.

  التاي ايماقتىق اكىمشىلىك مەكەمەسىنىڭ ورىنباسار باس حاتشىسى، ەكولوگيالىق ورتا مەكەمەسى پارتيا باسشىلىق گرۋپپاسىنىڭ شۋجيى، مەكەمەنىڭ ورىنباسار باستىعى شى چيڭسان بىلاي دەدى: ”وسىزاماندانعان جونگە سالۋ جۇيەسىن ورناتۋدى قامتاماسىزدىق ەتىپ، ەكولوگيانى قالپىنا كەلتىرۋ مەن قورشاعان ورتانى قورعاۋدى اناعۇرلىم ماڭىزدى ورىنعا قويىپ، بەتالىستى وزگەرتپەۋگە، سەرپىندى تومەندەتپەۋگە، ىشكەرىلەي تەرەڭدەتۋگە، كەڭدىكتى ارتتىرۋعا تاباندى بولىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزىپ، تاۋ - وزەندەردەن باستاپ كىرىسىپ ىستەپ، ەكولوگيا جاعىنا كۇش سالىپ، اسپانى اشىق، جەرى جاسىل، سۋى تۇنىق ەكولوگيالىق ورتانى التايدىڭ جوعارى ساپالى دامۋىنا جەتەكشىلىك ەتەتىن قوزعاۋشى كۇش ەتىپ، ’14 - بەسجىلدىق‘ ەكولوگيالىق ورتانى قورعاۋ نىسانالارىن، مىندەتتەرىن تياناقتاندىرۋدى ويداعىداي يگەرىپ، ەكولوگيالىق وركەنيەت قۇرىلىسىنىڭ تاعى دا تىڭ ساتىعا كوتەرىلۋىن ىلگەرىلەتەمىز“.

  (ءتىلشى ءپاريزات ابدۇل، قاتىناسقان تىلشىلەر جاڭ جىلي، ۋي يۇڭگۇي، جاڭ تيڭ، سۇڭ يا - ۋىن، دۋ جيانحۇي، رايدا، ءجازيرا نەسىپبەك، ەرىكتى ءتىلشى جاڭ جياۋ)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.