تيانشان تورى
تيانشان تورى   ›   جاڭالىقتار   ›   شينجياڭ حابارلارى

داستارقانىمىز شينجياڭ دانىنە تولدى

جەر اۋدانى، جالپى ءونىمى، بىرلىك ءونىمى تەڭ ارتتى

داستارقانىمىز شينجياڭ دانىنە تولدى

□ انار بۇلت \ شينجياڭ گازەتىنىڭ ءتىلشىسى ليۋ ي

  بيىل شينجياڭ استىق حاۋىپسىزدىگىنىڭ ىرىقتىلىق ۇقىعىن ءوز قولىندا مىقتى يگەرىپ، ءوز كەسەسىن مىقتاپ ۇستاۋمەن بىرگە، مەملەكەت كەسەسىن دە شينجياڭنىڭ ساپالى استىعىمەن تولتىردى.

  مەملەكەتتىك ساناق مەكەمەسىنىڭ ساندى مالىمەتىندە كورسەتىلۋىنشە، 2022 - جىلى شينجياڭدا جازعى استىق ەگىلگەن جەر اۋدانى 17 ميلليون 371 مىڭ 500 مۋعا، جالپى ءونىمى 6 ميلليون 552 مىڭ تونناعا جەتىپ، بىرلىك ءونىمى مۋ باسىنا 377.16 كيلوگرامنان اينالىپ، جەر اۋدانى، جالپى ءونىمى، بىرلىك ءونىمى بويىنشا ”ءۇش جاقتان ارتۋ“ جۇزەگە اسىپ، ءۇرتىس كوپ جىل بويى جازعى استىقتان مول ءونىم الۋداي اسا تاماشا جاعدايدى بەكەمدەپ، اۋىل شارۋاشىلىعى، اۋىل - قىستاق مينيسترلىگىنىڭ حابارلاندىرۋ شىعارىپ ماداقتاۋىنا يە بولدى.

     شينجياڭ ەل ىشىندەگى استىق وندىرەتىن نەگىزگى وڭىرلەردەن شالعاي، استىق جەتكىزۋ ارالىعى ۇزاق، وزىندىك قۇنى جوعارى بولعاندىقتان، تەك استىقپەن ءوزىن - ءوزى قامداۋدى جۇزەگە اسىرىپ، قامداۋى بۇكىلدەي حاۋىپسىز بولعاندا عانا، ەكونوميكالىق، قوعامدىق دامۋدا بەرىك نەگىز بولادى. بيىل جىل باسىنان بەرى بۇكىل رايوننىڭ جەر - جەرى استىق حاۋىپسىزدىگىندە پارتيا مەن ۇكىمەت تەڭ جاۋاپكەرشىلىك ارقالاۋدى جاپپاي تياناقتاندىرىپ، قۋاڭشىلىق جاعدايىن، ىندەتتىڭ ءتيىمسىز ىقپالىن جەڭىپ، ەرتە باستان جوسپار قۇرىپ، ەرتە باستان ورنالاستىرۋ جاسادى، ەگىس مەزگىلىن قولدان جىبەرمەي، ءتۇرلى اۋىل شارۋاشىلىق ءوندىرىسىنىڭ، اسىرەسە، استىق ءوندىرىسى شارالارىنىڭ ناقتىلانۋىن، تياناقتانۋىن ىلگەرىلەتتى. شينجياڭ ”استىقتى سىرتتان ەنگىزۋ“ تاريحىن تۇبەگەيلى اياقتاتۋمەن بىرگە، بۇگىنگى كۇندە، ۇندى ۋاكىل ەتكەن ساپالى استىق ونىمدەرىن دە شينجياڭنان سىرتقا شىعارىپ، بۇكىل مەملەكەتكە بەت الدىرىپ، شينجياڭنىڭ ساپالى استىعىنىڭ ەرەكشە ماركاسىنىڭ اتاعىن اسپانداتتى.

جاۋاپكەرشىلىكتى قاتايتىپ، پارمەندى قولداپ - قۋاتتادى

  جازعى استىقتان مول ءونىم الساڭ، تۇتاس جىلدا ىرىقتى بولاسىڭ. ءبيداي − شينجياڭداعى ءار ۇلت بۇقاراسىنىڭ باستى ازىعى، جازعى استىق وندىرىسىندە ماڭىزدى ورىندى يەلەيدى، ءبيداي ءوندىرىسىن ويداعىداي مىقتى يگەرۋ − بۇكىل رايوننىڭ جازعى استىقتان مول ءونىم الۋعا قول جەتكىزۋدەگى جانە ازىق - تۇلىكپەن بۇكىلدەي حاۋىپسىز قامداۋ تومەنگى شەگىن بەكەمدەۋدەگى ماڭىزدىنىڭ ماڭىزدىسى.

  بىلتىر قىس پەن بيىلعى كوكتەمدە جەر - جەر، تاراۋلار جەر سۋارۋعا قاجەتتى سۋمەن قامداۋ جوسپارىن ۇيلەسىمدى جاساپ، استىق داقىلدارىنا پايدالانىلاتىن سۋمەن الدىمەن قامتاماسىز ەتىپ، ەگىس ۋاقىتىن قاتاڭ مەڭگەرىپ، استىق جانە ماڭىزدى اۋىل شارۋاشىلىق ونىمدەرىن ەگۋ جوسپار - مىندەتىن ويداعىداي تياناقتاندىرىپ، اۋىل شارۋاشىلىق ءوندىرىسى قۇرال - جابدىقتارىن ازىرلەۋ تەبىنىن كۇشەيتىپ، اۋىل شارۋاشىلىق ءوندىرىسىنىڭ قالىپتى، ءتارتىپتى جۇرگىزىلۋىنە كەپىلدىك ەتتى.

  استىق ەگەتىن ەگىنشىلەردىڭ اۋىل شارۋاشىلىق ءوندىرىسى قۇرال - جابدىقتارى باعاسىنىڭ قىمباتتاۋىنان كەلىپ شىققان استىق ەگۋ شىعىنىنىڭ ارتۋ ىقپالىن تومەندەتۋگە كومەكتەسۋ ءۇشىن، بيىل جىل باسىنان بەرى رايونىمىز ورتالىق پەن اۆتونوميالى رايوندىق قازىنا ورنالاستىرعان ەگىستىك جەردىڭ قۇنارلىلىعىن قورعاۋ قوسىمشا قاراجاتى مەن ناقتى استىق ەگەتىن ەگىنشىلەرگە بەرىلەتىن ءبىر رەتتىك قوسىمشا قاراجات قارجىسىن بۇكىلدەي ءبيداي ءوندىرىسىن قولداپ - قۋاتتاۋعا جۇمساپ، ەگىنشىلەردىڭ استىق ەگۋ سەنىمىن سەرپىلتتى. بۇكىل رايوندا ءبيداي ەگىمشىلىگى قوسىمشا قاراجات سوماسى مۋ باسىنا 230 يۋانعا جوعارىلاپ، ءبيداي قوسىمشا قاراجاتىندا ”قوسىمشا قاراجات بەرىلۋگە تيىستىلەردىڭ بارىنە قوسىمشا قاراجات بەرۋدى“ جۇزەگە اسىردى. سونىمەن بىرگە بۇكىل رايوندا تاعى اۆتونوميالى رايوننىڭ سويا بۇرشاق جانە جەر جاڭعاعىن ەگۋگە بەرىلەتىن ارنايى قوسىمشا قاراجاتىن قۇردى، مۇندا سويا بۇرشاقتىڭ ءار مۋىنا 300 يۋان، جەر جاڭعاعىنىڭ ءار مۋىنا 500 يۋان قوسىمشا قاراجات بەرىلەتىن بولىپ، بۇكىل شينجياڭدا سويا بۇرشاق، جەر جاڭعاعى ەگىلەتىن جەر اۋدانى تۇگەلدەي جوسپاردان اسىرا ورىندالىپ، استىق - ماي داقىلدارىنىڭ ورنىقتى دامۋىن پارمەندى قامتاماسىز ەتتى.

  ”بيىل مەن 250 مۋ جەرگە ەككەن ءبيدايدىڭ ورتاشا بىرلىك ءونىمى 550 كيلوگرامنان اسىپ، بىلتىرعىمەن سالىستىرعاندا 100 كيلوگرامداي جوعارى بولدى“. كۇشار قالاسى ءچىمان قالاشىعى ءعالبيات قىستاعىنىڭ تۇرعىنى روزى ءشامشى ەگىستىك جەردىڭ قۇنارلىلىعىن ساقتاۋ قوسىمشا قاراجاتى سياقتى حالىققا ءتيىمدى ساياساتتىڭ قولداۋىندا، ءوزىنىڭ ءبيداي وندىرىسىندە سۋ مەن تىڭايتقىشتى ءبىر تۇلعالاندىرۋ سياقتى وزىق تەحنيكادان پايدالانىپ، ءبيدايدىڭ ءونىم مولشەرى مەن سورتىندا قوس ارتۋدى جۇزەگە اسىرعاندىعىن ايتتى. بيىل ول ەككەن ءبيدايدىڭ ءار كيلوگرامى ورتا ەسەپپەن 2.5 يۋاننان ساتىلىپ، مۋ باسىندىق ورتاشا كىرىسى 100 يۋاننان استام ارتىپ، ءتۇسىمدى ارتتىرۋمەن بىرگە، كىرىستى دە ارتتىرۋدى جۇزەگە اسىردى.

  قازىر بۇكىل رايوننىڭ ”جازعى جيىن - تەرىن، جازعى تۇقىم سەبۋ، جازعى باپتاۋ“ قىزمەتى اياقتالىپ، ”كۇزگى جيىن - تەرىن، كۇزگى تۇقىم سەبۋ، كۇزگى باپتاۋ “ قىزمەتى رەسمي باستالدى، جۇگەرى كۇزگى استىقتار ىشىندەگى باستى داقىل رەتىندە، ءونىم الۋ مەزگىلىنە ءوتتى. اۋىل شارۋاشىلىق ءوندىرىسى جاعدايىن ورنالاستىرۋعا قاراعاندا، بۇكىل رايون (جەرگىلىكتى ورىن) 2 ميلليون 200 مىڭ مۋ جەردەگى كۇزگى استىقتى جيناپ، تۇتاس قارقىنى بىلتىرعى سول تۇستاعىدان ەرتە بولعان. مۇندا جۇگەرىنىڭ جەر اۋدانى %90تەن استامىن يەلەدى، سويا بۇرشاق، كارتوپ سياقتى داقىلداردىڭ جينالعان جەر اۋدانى بىلتىرعى سول تۇستاعىدان تۇگەلدەي جوعارى بولعان. ءار دارەجەلى اۋىل شارۋاشىلىعى، اۋىل - قىستاق تاراۋلارى نازاردى ”كۇزگى تۇقىم سەبۋدى مىقتى يگەرۋگە، كۇزگى باپتاۋدى جەبەۋگە، كۇزگى جيىن - تەرىندى مىقتى يگەرۋگە“ شوعىرلاندىرىپ، دۇمبە ءبيداي تۇقىمى سياقتى اۋىل شارۋاشىلىعى ءوندىرىسى قۇرال - جابدىقتارىن جانە تۇقىم سەبۋ ماشينالارىن جەتكىزۋدى، دايىنداۋدى ەرتە باستان تياناقتاندىرىپ، اۋىل شارۋاشىلىق ماشينالارىن ءوڭىر اتتاپ جۇمىس جۇرگىزۋگە ءتارتىپتى ۇيىمداستىرىپ، كۇزگى استىق داقىلدارىن دەر كەزىندە جيناپ الۋعا شىنايى كەپىلدىك ەتىپ، دۇمبە ءبيداي ەگەتىن جەرلەردى ءونىمدى تياناقتاندىردى.

  ”بۇكىل رايوندا كۇزگى استىقتان مول ءونىم الۋ جاعدايى ايقىن كورىندى، مەملەكەتتىڭ استىق ءونىم مولشەرىن ارتتىرۋعا ءۇرتىس 5 جىل بويى ۇلەس قوسۋدان ءۇمىت بار“. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى ەگىمشىلىك سالاسىن جانە ەگىس دارىلەرىن باسقارۋ باسقارماسىنىڭ باستىعى تاڭ ي - ۋ تانىستىرىپ بىلاي دەدى: قازىر ءار دارەجەلى اۋىل شارۋاشىلىعى، اۋىل - قىستاق تاراۋلارى اتىزداعى كۇزگى استىق داقىلدارىنا سۋ - تىڭايتقىش بەرۋدى باسقارۋ، دەرت - دەربەزدەن، زياندى جاندىكتەردەن ساقتانۋ - تىزگىندەۋ سياقتى شارالاردى بەلسەنە تياناقتاندىرىپ، اپات جونىندەگى ساقتىقتى، باقىلاۋ - ولشەۋدى كۇشەيتىپ، اپاتتان ساقتانۋ، اپات شىعىنىن ازايتۋ شارالارىن تياناقتاندىرىپ، تۇتاس جىلدا اۋىل شارۋاشىلىعىنان مول ءونىم الۋعا دەم بەردى.

تەحنيكاسى وزىق، سورتى جاقسى بولدى

  بيىل اۆتوماتتانعان، زەردەلىلەنگەن اۋىل شارۋاشىلىق ماشينا - جابدىقتارى بۇكىل رايوننىڭ اۋىل شارۋاشىلىق وندىرىسىندە كەرەمەتىن ايگىلەدى، تەك كوكتەمگى ەگىس مەزگىلىنىڭ وزىندە بۇكىل رايون ىلگەرىندى - كەيىندى ميلليوننان استام ەگىن شارۋاشىلىق ماشينا - جابدىقتارىن ىسكە قوسىپ، اۋىل شارۋاشىلىق ءوندىرىسىن قولدادى. وسىمدىك قورعايتىن ۇشقىش اپپارات، سۋمەن تىڭايتقىشتى ءبىر تۇلعالاندىرعان جابدىق سياقتى اۆتوماتتاندىرۋ دارەجەسى جوعارى، دالمە - ءدال جۇمىس جۇرگىزۋ قابىلەتى كۇشتى زەردەلىلەنگەن ەگىن شارۋاشىلىق ماشينا - جابدىقتارى ارت - ارتىنان ”شەپكە اتتانىپ“، اۋىل شارۋاشىلىعى ءوندىرىسىنىڭ ”باس كەيىپكەرىنە“ اينالدى.

  ”جازعى جيىن - تەرىن، جازعى تۇقىم سەبۋ، جازعى باپتاۋ“ قىزمەتى باستالعاننان كەيىن، بۇكىل رايوندا جيىنى 11 مىڭنان استام كومباين، 14 مىڭنان استام ءبيداي ورۋ، كەپتىرۋ ماشيناسى ءبيدايدى ماشينامەن ورۋعا پايدالانىلىپ، ءبيدايدى ماشينامەن جيناۋ سالىستىرماسى %99تەن استى، جەر - جەر باعىتتامالى شارا قولدانىپ، ءبيداي ەگىس ۋاقىتىن اقساتپاي، دەر كەزىندە جيناپ الۋعا شىنايى كەپىلدىك ەتتى.

  وزىق ەگىن شارۋاشىلىق ماشينا - جابدىقتارى جۇمىس جۇرگىزۋ ونىمدىلىگىن جوعارىلاتىپ، عىلمي، جوعارى ءونىمدى اۋىل شارۋاشىلىعى تەحنيكاسىن جالپىلاستىرۋعا شارت - جاعداي جاراتىپ، اناعۇرلىم كوپ قاراپايىم ەگىنشىلەردى ءوندىرىستىڭ ءتۇيىنىن ءوز قابىلەتتەرىن ارتتىرۋعا قويۋعا دەم بەردى.

  ”بيىل مەن حيميالىق تىڭايتقىشتى ءتىپتى دە از ىستەتىپ، ءونىم مولشەرىن ءتىپتى دە جوعارىلاتتىم، ءبيدايدىڭ مۋ باسىندىق بىرلىك ءونىمى 500 كيلوگرام اينالاسىندا بولدى“. كەريا اۋدانى يىڭىباق اۋىلى باشلامپا قىستاعىنىڭ تۇرعىنى مامەت ءماتتۇرسۇن بيىل دۇمبە ءبيدايدىڭ جاڭا سورتىن ەككەندىگىن، جەرگىلىكتى ورىنداعى تەحنيكتەردىڭ وتباسىنا كەلىپ تەحنيكالىق جاقتان جەتەكشىلىك جاساپ، ءبيدايدىڭ ءوسۋ جاعدايىنا نەگىزدەلىپ، ۇيلەسىمدى باعىپ - باپتاۋ شارالارىن قولدانۋىنا كومەكتەسكەندىكتەن، ءوزىنىڭ استىق ەگۋ قابىلەتى نەداۋىر جوعارىلاعاندىعىن ايتتى.

  بيىل جىل باسىنان بەرى اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى، شينجياڭ اۋىل شارۋاشىلىعى عىلىم اكادەمياسى، شينجياڭ اۋىل شارۋاشىلىق داشۋەسى سياقتى ورىندار بىرلەسىپ مامانداردى، تەحنيكالىق تىرەكتىلەردى تاڭداپ جىبەرىپ، كوپتەگەن تۇيىندەردە تۇرىپ، اۋماقتاردى كوتەرمەگە الاتىن مامانداردىڭ تەكسەرۋ - زەرتتەۋ، جەتەكشىلىك ەتۋ گرۋپپاسىن جىبەرىپ، بۇكىل شينجياڭداعى 14 ايماققا (وبلىس، قالا) ىشكەرىلەي بارىپ، ەگىنشىلەردىڭ كوكتەمگى ەگىستە ءوندىرىس تەحنيكاسى جونىندەگى قيىن تۇيىندەرىن شەشۋىنە كومەكتەسىپ، شەشۋشى شارالاردىڭ اتىز باسىندا تياناقتانۋىن ىلگەرىلەتتى. سونىمەن بىرگە ءار دارەجەلى اۋىل شارۋاشىلىعى، اۋىل - قىستاق تاراۋلارى ىشەر استىقتىڭ مۇلدە حاۋىپسىزدىگىنە كەپىلدىك ەتۋ شارتى استىندا، بيدايمەن قامداۋ جاعىنداعى قۇرىلىمدىق رەفورمانى بەلسەنە ىلگەرىلەتتى. سولتۇستىك شينجياڭ ەرەكشە ساعىز، ورگانيكالى، سەلەن قۇرامى مول، جوعارى ساپالى ارناۋلى ءبيدايدى ءتۇيىندى دامىتىپ، ءبيدايدى ءوندىرۋ مەن قاجەتسىنۋدىڭ ءونىمدى ۇشتاسۋىن جەبەدى. وڭتۇستىك شينجياڭ جوعارى ساپالى، مول ءتۇسىمدى ءبيداي جاڭا سورتىن تاڭداپ جالپىلاستىرۋدى جەدەلدەتىپ، ءبيداي ءوندىرىسىنىڭ سانى جاعىنان ارتۋىن سانى، ساپاسى جاعىنان بىردەي ارتۋعا وزگەرتىپ، قامتاماسىز ەتۋى اناعۇرلىم پارمەندى، پايدالانۋى اناعۇرلىم كوپ نەگىزدى، قۇرىلىمى اناعۇرلىم ۇيلەسىمدى بيدايمەن قامداۋ جۇيەسىن جەدەل قالىپتاستىردى.

  تاڭداۋلى سورتتى عىلمي باسقارۋ شارالارىمەن بىرلەستىرىپ، ءوندىرىس بۋىندارىنىڭ ساپاسىن ءوسىرىپ، ونىمدىلىگىن ارتتىردى. بيىل بۇكىل رايوننىڭ جازعى استىق ساتىپ الۋ ساندى مالىمەتىندە كورسەتىلۋىنشە، بۇكىل رايونداعى 3 - دارەجەلىدەن جوعارى بولعان ءبيدايدىڭ ساتىپ الۋ جالپى مولشەرىن %94تەن جوعارى بولىپ، ءونىم مولشەرىن ورنىقتىرۋمەن بىرگە، سورتىن جوعارىلاتۋ دا تالاس جۇرمەيتىن شىندىققا اينالدى.

كاسىپ سالاسىن تىرەك ەتىپ، ساپانى ءوسىرىپ، ونىمدىلىكتى جوعارىلاتتى

  وزىق ساپاعا سۇيەنىپ، تاماشا باعاعا ساتۋدا اۋىل شارۋاشىلىق ءوندىرىس بۋىنىنداعى تەحنيكا تىرەگىن قاجەت ەتۋمەن بىرگە، كاسىپ سالاسىنىڭ دامۋى مەن ماركالاندىرۋ قۇرىلىسىنىڭ قوزعاۋشى بولىپ، جەتەكشىلىك ەتۋىنەن دە ايرىلا المايدى.

  وزىق ءوندىرىس تەحنيكاسى ءبيدايدىڭ بىرلىك ءونىمىن ۇزدىكسىز جوعارىلاتقان بۇگىنگى كۇندە، شونجى اۋدانى بانجيەگوۋ قالاشىعى ياۋجانزى قىستاعىنان بۇرىنعىداي كولەمدى ”ءتۇسىمى تومەن“ ورگانيكالىق ءبيداي اتىزىن كورۋگە بولادى، بۇل ءبيداي اتىزىنا حيميالىق تىڭايتقىش، اۋىل شارۋاشىلىق ەگىس دارىلەرىن ىستەتپەگەندىكتەن، ارام شوپتەر كوزگە شالدىعادى، ءالسىن - ءالى زالالدى ناسەكومدار پايدا بولادى، ءتىپتى، تاقتا بويىنشا جاپىرىلىپ قالاتىنى دا بار، ءونىم مولشەرى ادەتتەگى ءبيدايدىڭ جارتىسىنا ازەر جەتەدى، ايتسەدە پايداسى توتەنشە كورنەكتى.

  ”ءبىز تۇتاس اۋماقتىق جاسىل، ءبىر ءبولىمى ورگانيكالى بولۋداي دامۋ ۇستانىمى بويىنشا ءبيداي كاسىپ سالاسىنا ورنالاستىرۋ جاسادىق، بيىل 10 مىڭ مۋعا تاياۋ جەرگە ورگانيكالى ءبيداي ەگىپ، ءبيداي ءوندىرىسىنىڭ ساپاسىن ءوسىرىپ، ونىمدىلىگىن ارتتىرۋدى جۇزەگە اسىرىپ عانا قالماستان، تاعى سايكەستى كاسىپ سالاسىنىڭ دا تيبىن وزگەرتىپ، دارەجەسىن ءوسىرۋدى جۇزەگە اسىردىق“. ياۋجانزى قىستاعى پارتيا باس ياچەيكاسىنىڭ شۋجيى تاڭ پەيكى تانىستىرىپ بىلاي دەدى: تومەنگى بۋىنداعى مانەرلەۋ كاسىپ سالالارىن ورنالاستىرۋ ارقىلى ياۋجانزى قىستاعى وندىرگەن ورگانيكالى ءبيدايدى ءوز قىستاعىمىزدا مانەرلەپ ورگانيكالى ۇن وندىرەمىز، مىعىم ساپانى ماركالاندىرۋمەن سايكەستىرىپ جالپىلاستىرعاندا ياۋجانزىنىڭ ورگانيكالى ۇنىنىڭ بازارداعى بولشەك ساتىلۋ باعاسى ءار كيلوگرامى 20 يۋان بولىپ، ادەتتەگى ۇننىڭ 5 ەسەسىندەي بولادى.

  ورگانيكالى كۋالاندىرۋدىڭ دەم بەرۋىندەگى جوعارى ساپا ارقىلى ياۋجانزى ءبيدايى ءونىم مولشەرىنىڭ تەڭ جارتىسىمەن 5 ەسە ەكونوميكالىق ونىمدىلىككە قول جەتكىزىپ، كاسىپ سالاسى تىزبەگىنىڭ تۇتاس تۇلعالىق دەڭگەيىن جوعارىلاتۋدى جۇزەگە اسىردى.

  سوڭعى جىلدارى رايونىمىزدىڭ استىق كاسىبىن باسقارۋ تاراۋلارى شينجياڭ ۇنى باسىمدىعىمەن بىرلەستىرە وتىرىپ، شينجياڭنىڭ ءوز ىشىندەگى ۇن ماركالارى بايلىعىن بىرلەستىرىپ، ۇكىمەت، كاسىپتىك قوعامدار، كاسىپورىندار بىرلەسكەن ”شينجياڭ ۇنى“ وڭىرلىك ماركاسىن سومدادى، شينجياڭ استىق كاسىبى قوعامى باس بولىپ ”شينجياڭ ۇنى“ كاسىپ سالاسى بىرلەستىگىن قۇردى، كوپتەگەن كاسىپورىن ”ۇيىرمە قۇراپ“ ”شينجياڭ ۇنى“ كوللەكتيۆ ساۋدا ماركاسىن جاراتىپ، بولكا ۇنى، تۇشپارا ۇنى، ءبيداي وزەگى ۇنى سياقتى ونىمدەردى كاسىپ سالالاندىرىپ دامىتۋ ارقىلى بۇكىل مەملەكەتتەگى 20 نەشە قالاعا ساتىلىپ، شينجياڭنان سىرتقى بازارلاردا تياناقتى تابان تىرەدى.

  ساپا جوعارىلاپ، كاسىپ سالاسنىڭ جەتەكتەۋىندە، سوڭىندا ساپالى ءبيداي جوعارى باعاعا ساتىلدى. بيىل بۇكىل رايوندا ءبيدايدىڭ ورتاشا ساتىپ الۋ باعاسى ءۇرتىس 3 جىل ارتتى، شيندۇڭ 22 - ءنومىر، شيندۇڭ 18 - ءنومىر سياقتى ساپالى ءبيداي سورتىنىڭ ساتىپ الۋ باعاسى ەڭ جوعارى بولعاندا، ءار كيلوگرامى 3.2 يۋان بولىپ، ورتاشا ساتىپ الۋ باعاسىنان كورنەكتى جوعارى بولدى. جوعارى ساپا، جاقسى باعانىڭ ارقاسىندا استىق ەگەتىن ديقاندار كوبىرەك اقشا تاۋىپ، پايدا تابۋمەن بىرگە، بۇكىل رايونداعى استىق كاسىپ سالاسىنىڭ دامۋ نەگىزىن ءتىپتى دە بەكەمدەپ، استىق حاۋىپسىزدىگىنىڭ تىرەگى مەن سەنىمدىلىگىن ءتىپتى دە قامتاماسىز ەتە ءتۇستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.