اۆتونوميالى رايوننىڭ ”حالىق ءۇشىن مىندەت اتقارۋ، دامۋعا كۇش قوسۋ“ بويىنشا 100 حالىق قۇرىلتايى ۋاكىلىنىڭ اڭگىمە ءماجىلىسى اشىلدى
حالىق قۇرىلتايىنىڭ فۋنكتسيالىق رولىن اناعۇرلىم ويداعىداي ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا اقىل - پاراسات، كۇش - قۋات ۇيىستىرۋ كەرەك
ما شيڭرۇي ءسوز سويلەدى، ەركىن تۇنياز قاتىناستى، شاۋكەت يمىن باسقاردى
9 - ايدىڭ 14 - كۇنى اۆتونوميالى رايوننىڭ ”حالىق ءۇشىن مىندەت اتقارۋ، دامۋعا كۇش قوسۋ“ بويىنشا 100 حالىق قۇرىلتايى ۋاكىلىنىڭ اڭگىمە ءماجىلىسى شينجياڭ حالىق سارايىندا اشىلدى. اۆتونوميالى رايوندىق پارتكومنىڭ شۋجيى ما شيڭرۇي قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، لياڭ ليحۋا 9 - ايدىڭ 14 - كۇنى ۇرىمجىدەن حابارلايدى. 9 - ايدىڭ 14 - كۇنى تۇستەن بۇرىن اۆتونوميالى رايوننىڭ ”حالىق ءۇشىن مىندەت اتقارۋ، دامۋعا كۇش قوسۋ“ بويىنشا 100 حالىق قۇرىلتايى ۋاكىلىنىڭ اڭگىمە ءماجىلىسى اشىلدى، ءماجىلىس باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق 10 - كەزەكتى پارتكوم بەسىنشى جالپى ءماجىلىسىنىڭ رۋحىن تياناقتاندىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، جاڭا داۋىردەگى شينجياڭ حالىق قۇرىلتايى قىزمەتىن تىڭعىلىقتى ويداعىداي ىستەۋ، جالپى بارىستىق حالىق دەموكراتياسىن دامىتۋ، حالىق قۇرىلتايىنىڭ فۋنكتسيالىق رولىن ساۋلەلەندىرۋ جونىندە پىكىر، ۇسىنىس تىڭداپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ ءۇشىن كوپتىڭ كەڭەسىن تىڭداپ، ورتاق تانىم ۇيىستىردى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتىناستى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن باسقاردى.
ماجىلىستە ۋاكىل جاڭ شين، باھارگۇل، رىن ليلياڭ، جوۋ جىميڭ، ايشامگۇل ماۋلا، ەركىنجان عۇجى، جوۋ ليانحۋا، ما جيانشين، چىن جۋە، لي ۋىنجۋان ىلگەرىندى - كەيىندى لەبىز ءبىلدىرىپ، وزدەرىنىڭ مىندەت اتقارۋ كەشىرمەلەرىمەن جانە نەگىزگى ساتىنى تەكسەرۋ - زەرتتەۋ ناتيجەلەرىمەن بىرلەستىرىپ، حالىق قۇرىلتايى ۋاكىلى رولىن ساۋلەلەندىرىپ، باسىمدىققا يە كاسىپ سالالارىن زورايتىپ ەكونوميكانىڭ جوعارى ساپالى دامۋىنا دەم بەرۋ، باستاماشىلدىقپەن ۇلتتار ىنتىماعىن قورعاپ جۇڭحۋا ۇلتى ورتاق تۇلعا تانىمىن بەرىك ورناتۋ، نەگىزگى ساتىداعى قىزمەت ورىندارىن تياناق ەتىپ قوعام ورنىقتىلىعىن قامتاماسىز ەتۋ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋ، بۇقارامەن كەڭىنەن بايلانىس جاساپ ولاردىڭ قيىنشىلىعىن، تالاپ - تىلەگىن شەشۋ، ماماندىق باسىمدىعىن ساۋلەلەندىرىپ ىندەتتەن ساقتانۋ - تىزگىندەۋگە دەم بەرۋ، ۋاكىلدەرمەن بايلانىس جاساۋ بەكەتىن ويداعىداي قۇرۋ، ويداعىداي پايدالانۋ، جالپى بارىستىق حالىق دەموكراتياسىن دامىتۋ، شينجياڭدى زاڭمەن باسقارۋدى ىشكەرىلەي ىلگەرىلەتۋ، نەگىزگى ساتىعا تەرەڭ تامىر تارتىپ بۇقاراعا قىزمەت وتەپ، جۇرت تىلەگىن ۇيىستىرۋ سياقتى قىزمەتتەر جونىندە مىندەت اتقارۋ بارىسىنداعى اسەرلەرىن كوسىلە اڭگىمەلەپ، قىزمەت اسەرلەرى جونىندە پىكىر اۋىستىرىپ، پىكىر - ۇسىنىستار قويدى. ما شيڭرۇي لەبىزدى مۇقيات تىڭداعاننان كەيىن، كوپشىلىكپەن ىقپالداسىپ، پىكىر اۋىستىردى، قاتىستى تاراۋلاردان پىكىر - ۇسىنىستاردى دەر كەزىندە اقىلداسىپ، قابىلداپ، حالىق قۇرىلتايى ۋاكىلدەرىنىڭ مىندەت اتقارۋ ۇگىت قىزمەتىن جاقسى ىستەۋدى تالاپ ەتتى.
ما شيڭرۇي اۆتونوميالى رايوندىق پارتكوم اتىنان بۇكىل رايونداعى ءار دارەجەلى حالىق قۇرىلتايىنا جانە ونىڭ تۇراقتى كوميتەتتەرىنە، حالىق قۇرىلتايى ۋاكىلدەرىنە شينجياڭ قىزمەتىنىڭ باس نىساناسىنا قىزمەت وتەۋ ءۇشىن قوسقان بەلسەندى ۇلەستەرىنە، ساۋلەلەندىرگەن ماڭىزدى رولدارىنا العىس ايتتى. ول بىلاي دەپ اتاپ كورسەتتى: ءار دارەجەلى حالىق قۇرىلتايى جانە حالىق قۇرىلتايى ۋاكىلدەرى ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن، اسىرەسە، ورتالىقتىڭ حالىق قۇرىلتايى قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنۋمەن، دايەكتىلەندىرۋمەن بىرلەستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، جاڭا داۋىردەگى شينجياڭ حالىق قۇرىلتايى قىزمەتىن تىڭعىلىقتى ويداعىداي ىستەۋ كەرەك. پارتيانىڭ جاپپاي باسشىلىعىنا تاباندى بولىپ، پارتيانىڭ باسشىلىعىن حالىق قۇرىلتايى قىزمەتىنىڭ ءار جاعىنا، جالپى بارىسىنا ءسىڭىرىپ، حالىق قۇرىلتايى قىزمەتتەرىنىڭ باستان - اياق پارتيانىڭ باسشىلىعىندا جۇرىلۋىنە شىنايى كەپىلدىك ەتۋ كەرەك. جالپى بارىستىق حالىق دەموكراتياسىن دامىتىپ، دەموكراتيالىق سايلاۋ، دەموكراتيالىق كەڭەس، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋدىڭ ءارقايسى بۋىندارىن ساباقتاستىرىپ، حالىقتىڭ تارتىپپەن ساياسيعا ات سالىسۋىن كەڭەيتىپ، حالىق پىكىرىن كەڭىنەن قابىلداپ، حالىقتىڭ اقىل - پاراساتىن ۇيىستىرۋ كەرەك. فۋنكتسيالىق رولدى شىن مانىندە ساۋلەلەندىرىپ، شينجياڭنىڭ ءىس جۇزىندىك جاعدايىمەن تىعىز بىرلەستىرىپ، ءتۇيىندى سالالاردا زاڭ ەرەجە شىعارۋدى جەدەل ىلگەرىلەتىپ، دۇرىس باقىلاۋدى، ءونىمدى باقىلاۋدى، زاڭ بويىنشا باقىلاۋدى اتقارىپ، ۋاكىلدەر قىزمەت دەڭگەيىن ۇزدىكسىز جوعارىلاتىپ، جاڭا داۋىردەگى شينجياڭ حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋ كەرەك.
ما شيڭرۇي ءار دارەجەلى حالىق قۇرىلتايى ۋاكىلدەرىنەن مىنالاردى ءۇمىت ەتتى: حالىق جۇكتەگەن داڭقتى قىزمەت جاۋاپكەرشىلىگىن مۇقيات اتقارىپ، زاڭ بويىنشا حالىق ءۇشىن مىندەت اتقارۋ قابىلەتى دەڭگەيىن جاپپاي جوعارىلاتىپ، اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسىنىڭ ورنالاستىرۋىنا ساي، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى توڭىرەكتەي اقىل - كەڭەس بەرىپ، مىندەت اتقارىپ، جاۋاپكەرلىگىن ادا ەتىپ، شينجياڭنىڭ رەفورما، دامۋ، ورنىقتىلىق قىزمەتتەرى ءۇشىن ۇزدىكسىز اقىل - پاراسات، كۇش - قۋات ۇيىستىرۋ كەرەك. دۇرىس ساياسي بەتالىستان جازباي، ساياسي تۇرعىدا بەرىك تۇرىپ، ساياسي جاۋاپكەرشىلىكتى اتقارىپ، پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، ادالدىقپەن پارتيانىڭ قامىن ويلاپ، ادالدىقپەن حالىق ءۇشىن جاۋاپكەرشىلىگىن ادا ەتۋ كەرەك؛ مىندەت اتقارۋ قابىلەتىن ۇزدىكسىز كۇشەيتىپ، حالىق بۇقاراسىمەن بايلانىس جاساۋدىڭ مازمۇنىن جانە فورماسىن بايىتىپ، بۇقارالىق قىزمەت دەڭگەيىن جوعارىلاتىپ، شىن سوزدەرگە قۇلاق ءتۇرىپ، ناقتى جاعدايدى تەكسەرىپ، ناقتى ونىمدىلىككە تالپىنىپ، شينجياڭنىڭ رەفورما، دامۋ، ورنىقتىلىق قىزمەتى بارىسىنداعى ءىس جۇزىندىك ماسەلەلەردى شەشۋدى ىلگەرىلەتىپ، جۇرت تىلەگىن بارىنشا ىنتىماقتاستىرۋ، ۇيىستىرۋ كەرەك؛ ۋاكىلدىك قىزمەت جاۋاپكەرشىلىگىن زاڭ بويىنشا اتقارىپ، نەگىزگى زاڭ مەن زاڭدارعا ونەگەلىكپەن بويسۇنىپ، وزىنە قاتاڭ تالاپ قويىپ، ءوزىن قاتاڭ تاربيەلەپ، شىندىققا جۇگىنىپ، ناقتى ءىس ىستەپ، جاۋاپكەرشىلىك ارقالاپ، ناقتى ىستەپ، مىندەتىن ىرىقتىلىقپەن اتقارىپ، سانالىلىقپەن باقىلاۋدى قابىلداپ، قىزمەت جاۋاپكەرشىلىكتەرىن شىنايى ارقالاپ، جاڭا داۋىردەگى جاڭا جورىقتا جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
قادەن كابەن، لي شۋەجۇن، سارقىت اقان، دۇڭ شينگۋاڭ، جاۋ چيڭ، سو يۋە، لي نيڭپيڭ، توحتى ياقۇپ، مۇقيات جارمۇقامەت، باھارگۇل سامەت قاتارلىلار ماجىلىسكە قاتىناستى. اۆتونوميالى رايوننىڭ قاتىستى تاراۋلارىنداعى جانە مەكەمە - ورىندارىنداعى جاۋاپتى جولداستار، بەس دارەجەلى حالىق قۇرىلتايى ۋاكىلدەرى قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ايماق، وبلىس، قالا، اۋدان، قالا، رايون جانە بيڭتۋاننىڭ ءىشىنارا شى - قالالارىندا بولىمشە ءماجىلىس الاڭى ورنالاستىرىلدى.
