تيانشان تورى
تيانشان تورى   ›   جاڭالىقتار   ›   سۋرەتتى حابار

بايلىق ارتىقشىلىعىن جانە وڭىرلىك ورىن باسىمدىعىن تياناق ەتىپ،جاڭا ەنەرگيا كاسىپ سالاسى شوعىرىن جەتىلدىرۋ، زورايتۋ كەرەك

ما شيڭرۇي ءۇرىمجى قالاسى دابانچىڭ رايونىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

بايلىق ارتىقشىلىعىن جانە وڭىرلىك ورىن باسىمدىعىن تياناق ەتىپ،جاڭا ەنەرگيا كاسىپ سالاسى شوعىرىن جەتىلدىرۋ، زورايتۋ كەرەك

ەركىن تۇنياز بىرگە تەكسەرۋ - زەرتتەۋ جۇرگىزدى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 9 - ايدىڭ 13 - كۇنى ءۇرىمجى قالاسىنىڭ دابانچىڭ رايونىنا كەلىپ، جاڭا ەنەرگيا جابدىقتارىن جاساۋ جانە ەلەكتر تاراتۋ سياقتى كاسىپورىنداردى ارالاپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋ، اۆتونوميالى رايوندىق 10 - كەزەكتى پارتكوم بەسىنشى جالپى ءماجىلىسىنىڭ رۋحىن تياناقتاندىرۋ، ”ەكىنى ءبىر تۇتاس جوسپارلاۋعا“ تاباندى بولىپ، جەل ەنەرگياسى، فوتوۆولت سياقتى بايلىقتاردى اشۋدى، پايدالانۋدى جەدەلدەتۋ، جاڭا ەنەرگيا كاسىپ سالاسىنىڭ دامۋىن ىلگەرىلەتىپ، ەلەكترمەن قامتاماسىز ەتۋ دەڭگەيىن جوعارىلاتىپ، جاڭا ەنەرگيا سياقتى ستراتەگيالىق جاڭادان گۇلدەنگەن كاسىپ سالاسى شوعىرىن جەتىلدىرىپ، زورايتىپ، ەكونوميكانىڭ، قوعامنىڭ جوعارى ساپالى دامۋىنا اناعۇرلىم ويداعىداي تىرەك بولۋ جونىندە تەكسەرۋ - زەرتتەۋ جۇرگىزدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.

  دابانچىڭ جەلدى ءوڭىرى ەلىمىزدەگى جەل ەنەرگيا بايلىعى ەڭ مول وڭىرلەردىڭ ءبىرى. ما شيڭرۇي جينفىڭ عىلىم - تەحنيكا دابانچىڭ كاسىپ سالاسى بازاسىنا كەلىپ، كاسىپورىننىڭ دامۋ جاعدايى جونىندەگى تانىستىرۋدى تىڭدادى، سەحقا كىرىپ، ءونىم جاساۋ، تەحنيكا دەڭگەيىن جوعارىلاتۋ، بازار ءورىسىن كەڭەيتۋ سياقتى قىزمەتتەردى ۇعىستى. ول بىلاي دەپ باسا دارىپتەدى: كاسىپورىنداردىڭ جەل ەلەكتر جابدىقتارىن جاساۋ سالاسىنداعى جەتەكشىلىك، باستاماشىلدىق رولىن تولىق ساۋلەلەندىرىپ، حالىقارالىق وزىق دەڭگەيدى ولشەم ەتىپ، شەشۋشى، وزەكتى تەحنيكالاردان قامال الۋدى كۇشەيتىپ، جەل، ەلەكتر جابدىقتارىن جاساۋ كاسىبىنىڭ جوعارى ورەگە كوتەرىلۋىن، زەردەلىلەنۋىن، جاسىلدانۋىن جەبەپ، تۇتاس كاسىپ سالاسى تىزبەگى دەڭگەيىن جوعارىلاتىپ، بەلسەنە ”سىرتقا شىعارىپ“ الەمدىك كاسىپ سالاسىنىڭ دامۋىنا ات سالىسىپ، شينجياڭنىڭ جەل ەلەكتر جابدىقتارى جاساۋ كاسىبىنىڭ الۋەتتەنۋىن، ساپالىلانۋىن، زورايۋىن دەمەۋ كەرەك.

  شينجياڭ حۋاديان شۋەحۋ جەل ەلەكتر شەكتى سەرىكتەستىگىندە ما شيڭرۇي كاسىپورىن جاۋاپتىلارىمەن ەگجەي - تەگجەيلى اڭگىمەلەسىپ، كاسىپ سالاسىنىڭ ورنالاسۋى، نىسان قۇرىلىسى، تيجارات اينالىمى، جەرگىلىكتى ورىننىڭ ەكونوميكالىق دامۋىنا قىزمەت وتەۋ سياقتى جاعدايلاردى ۇعىستى. ول بىلاي دەپ باسا دارىپتەدى: ورتالىق كاسىپورىندارىنىڭ باسىمدىعىن تولىق ساۋلەلەندىرىپ، شينجياڭنىڭ جەل، جارىق سياقتى ەنەرگيا بايلىق ارتىقشىلىعىن تياناق ەتىپ، جەل ەلەكترى، فوتوۆولتتىق ەلەكتر تاراتۋ سياقتى بازالاندىرىپ، كولەمدەندىرىپ اشۋدى ىلگەرىلەتىپ، دامۋ ءتاسىلىن جانە قولدانىلمالى ۇلگىسىن بايىتىپ، شينجياڭنىڭ جاڭا ەنەرگيا كاسىپ سالاسىنىڭ كەڭ كولەمدى، جوعارى سالىستىرمالى، بازارلانعان، جوعارى ساپالى دامۋىن جەبەۋ كەرەك.

  ما شيڭرۇي مىنالاردى باسا دارىپتەدى: باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسىنىڭ ورنالاستىرۋلارى بويىنشا، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، شينجياڭنىڭ ەنەرگيا بايلىعى جانە وڭىرلىك ورنى سياقتى باسىمدىقتارىن تولىق ساۋلەلەندىرىپ، مەملەكەتتىڭ ەنەرگيا ستراتەگيالىق قاجەتىنە قىزمەت وتەۋدى ارقاۋ ەتىپ، جاڭا ەنەرگيا سىندى ستراتەگيالىق جاڭادان گۇلدەنگەن كاسىپ سالاسى شوعىرىن كۇش سالا دامىتىپ، ەكونوميكانىڭ، قوعامنىڭ جوعارى ساپالى دامۋىنا اناعۇرلىم ويداعىداي قىزمەت وتەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الۋىمىز كەرەك. دامۋ جۇلگەسىن ءبىر تۇتاس جوسپارلاپ، ساپالىلاندىرىپ، جىبەك جولى ەكونوميكالىق بەلدەۋى وزەكتى رايونى، ”ءۇش بازا، ءبىر ارنا“ قۇرىلىسى سياقتىلاردى كوزدە ۇستاپ، قۇمدى ءشول، ءشول دالا، قۋ مەديان وڭىرلەردى ءتۇيىن ەتكەن كولەمدى جەل ەلەكتر، فوتوۆولتتىق ەلەكتر تاراتۋ بازاسىن جوبالاۋ، ورنالاستىرۋ قۇرىلىسىن جەدەل ىلگەرىلەتىپ، جاڭا كاسىپ سالاسىن، جاڭا كاسىپ كۇيىن، جاڭا قوزعاۋشى قۋاتتى بەلسەنە جەتىلدىرىپ، جاڭا ەنەرگيانىڭ يەلەيتىن سالىستىرماسىنا ۇيلەسەتىن جاڭاشا ەلەكتر قۋاتى جۇيەسىن جەدەل قۇرۋ كەرەك. عىلىم - تەحنيكادا جاڭالىق اشۋ ارقىلى جەتەكشىلىك ەتۋگە تاباندى بولىپ، نازاردى رايونىمىزدىڭ جاڭا ەنەرگيا كاسىپ سالاسىنىڭ دامۋ قاجەتىنە شوعىرلاندىرىپ، كاسىپورىنداردىڭ جاڭالىق اشۋداعى تۇلعالىق ورنىن نىعايتىپ، عىلىم - تەحنيكالىق زەرتتەۋ - اشۋعا ۇسىنىلىمدى ارتتىرىپ، وزەكتى تەحنيكالاردان قامال الۋدى كۇشەيتىپ، ءوندىرىستىڭ، وقىتۋدىڭ، زەرتتەۋدىڭ توعىسۋىن تەرەڭدەتىپ، جوعارى دەڭگەيلى دارىندىلاردى ەنگىزۋگە ءمان بەرىپ، عىلىم - تەحنيكادا كوشباسشى دارىندىلاردى جانە جاڭالىق اشۋشىلار ۇجىمىن جەتىلدىرىپ، تۇلعالاپ، كاسىپ سالاسى نەگىزىنىڭ جوعارى دەڭگەيلىلەنۋىن، كاسىپ سالاسى تىزبەگىنىڭ وسىزاماندانۋىن ىلگەرىلەتۋ كەرەك. كاسىپ سالاسى دامۋىنىڭ ساپاسىن، ونىمدىلىگىن جوعارىلاتىپ، كاسىپ سالاسىنىڭ نەگىزدىك باسىمدىعىن تياناق ەتىپ، جاڭا ەنەرگياعا ءونىمدى قارجى قوسۋ جانە نىسان قۇرىلىسى سەرپىنىن ۇزدىكسىز ارتتىرىپ، جەل ەلەكترى، فوتوۆولت سياقتى كاسىپ سالالارىنىڭ دامۋىن جەدەلدەتىپ، جەل، جارىق، سۋ، سۋتەگى سياقتى كوپ ەنەرگيانىڭ ءبىرىن - ءبىرى تولىقتاۋىن ىلگەرىلەتىپ، قاتىستى سايكەستى كاسىپ سالالارىن جەتىلدىرىپ، زورايتىپ، ەلەكترمەن قامداۋدى ارتتىرۋ، قامداۋمەن قامتاماسىز ەتۋ، ەكونوميكانىڭ دامۋىن جەبەۋدەگى رولىن اناعۇرلىم ويداعىداي ساۋلەلەندىرىپ، دامۋدىڭ جاڭا باسىمدىعىن قالىپتاستىرۋ كەرەك. كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىنا بەلسەنە قىزمەت وتەپ، تازا، تومەن كومىر قىشقىل گازدى، حاۋىپسىز، جوعارى ءونىمدى ەنەرگيا جۇيەسىن ورناتىپ، كومىر مەن جاڭا ەنەرگيانى ساپالىلاندىرىپ، بىرىكتىرۋدى ىلگەرىلەتىپ، ”شينجياڭنىڭ ەلەكترىن سىرتقا جەتكىزۋدى“ ۇزدىكسىز ىلگەرىلەتىپ، جاڭا ەنەرگيانى شينجياڭنىڭ وزىندە قابىلداۋدى، جوعارى ءونىمدى پايدالانۋدى جەبەپ، تۇتاس قوعامدى جاسىل ەلەكتر تۇتىنۋ تەبىنىن ارتتىرۋعا جەتەكتەپ، ەكونوميكالىق، قوعامدىق دامۋدىڭ جاپپاي جاسىل تيپكە ويىسۋىن جەبەۋ كەرەك. رەفورمانى تەرەڭدەتىپ، قامتاماسىز ەتۋدى كۇشەيتىپ، جاڭا ەنەرگيا كاسىپ سالاسىنىڭ دامۋىن قولدايتىن ساياسات - شارالاردى جانە ءتۇزىلىس مەحانيزمىن كەمەلدەندىرىپ، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، ءونىمدى بازار مەن ىسكەرلىك كورسەتە الاتىن ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتىپ، جاڭا ەنەرگيا سالاسىنداعى ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، باسقارۋ، قىزمەت وتەۋ ءتارتىبىن ساپالىلاندىرىپ، جەردەن پايدالانۋ، قارجى سياقتى فاكتورلارمەن قامتاماسىز ەتۋدى كۇشەيتىپ، جاڭا ەنەرگيا كاسىپ سالاسىنىڭ جوعارى ساپالى دامۋىنا پارمەندى تىرەك ازىرلەۋ كەرەك.

  چىن ۋيجۇن، ياڭ فاسىن، ءيۇسۇپجان مامەت، قادەن كابەن قاتارلىلار تەكسەرۋ - زەرتتەۋگە قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.