تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق عىلىم - تەحنيكا قوعامىنىڭ 9 - قۇرىلتايى وتكىزىلدى

جاڭ يۇيجو بەينە ەكراندا ارناۋ ءسوز سويلەدى، ما شيڭرۇي ءسوز سويلەدى، نۇرلان ءابىلماجىن، لي يفي، جاڭ چۇنلين قاتىناستى

  9 - ايدىڭ 15 - كۇنى شينجياڭ ۇيعۇر اۆتونوميالى رايوندىق عىلىم - تەحنيكا قوعامىنىڭ 9 - قۇرىلتايى شينجياڭ حالىق سارايىندا وتكىزىلدى.

  □ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق عىلىم - تەحنيكا قوعامىنىڭ 9 - قۇرىلتايى 9 - ايدىڭ 15 - كۇنى شينجياڭ حالىق سارايىندا وتكىزىلدى. جۇڭگو عىلىم - تەحنيكا قوعامى پارتيا باسشىلىق گرۋپپاسىنىڭ شۋجيى، شۋجيچۋىنىڭ ءبىرىنشى شۋجيى جاڭ يۇيجو بەينە ەكراندا ارناۋ ءسوز سويلەدى. اۆتونوميالى رايوندىق پارتكومنىڭ شۋجيى ما شيڭرۇي اشىلۋ ماجىلىسىنە قاتىناستى ءارى ءسوز سويلەدى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين، جۇڭگو ينجەنەريا اكادەمياسىنىڭ اكادەميگى ۋاڭ شياۋدۇڭ، دىڭ ميڭجياڭ جانە جۇڭگو عىلىم اكادەمياسىنىڭ اكادەميگى شياۋ ۋىنجياۋ قاتارلىلار اشىلۋ ماجىلىسىنە قاتىناستى.

  جاڭ يۇيجو جۇڭگو عىلىم - تەحنيكا قوعامى اتىنان قۇرىلتايدىڭ اشىلعاندىعىن قىزۋ قۇتتىقتادى، قۇرىلتايعا قاتىناسقان بارلىق ۋاكىلدەرگە جانە بۇكىل رايونداعى قالىڭ عىلىم - تەحنيكا قىزمەتكەرلەرىنە شىنايى قۇرمەت ءبىلدىردى. ول بىلاي دەپ اتاپ كورسەتتى: اۆتونوميالى رايوندىق پارتكومنىڭ باسشىلىعىندا، شينجياڭ عىلىم - تەحنيكا قوعامى ىستەرى جان - جاقتى العا باسۋدى جۇزەگە اسىرىپ، بۇقارانىڭ عىلىم ساپاسىن جوعارىلاتۋعا، شينجياڭنىڭ عىلىم - تەحنيكا ىستەرىنىڭ دامۋىن ىلگەرىلەتۋگە بەلسەندى ۇلەس قوستى. شينجياڭ عىلىم - تەحنيكا قوعامىنىڭ نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، پارتيا ورتالىق كوميتەتىنىڭ عىلىم - تەحنيكادا جاڭالىق اشۋ جونىندەگى كەلەلى ستراتەگيالىق ورنالاستىرۋىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىن تياناقتاندىرىپ، قالىڭ عىلىم - تەحنيكا قىزمەتكەرلەرىن جىگەرلەنە تالپىنىپ، قايراتتانا العا ىلگەرىلەپ، جۇرەكتىلىكپەن جوعارى دەڭگەيلى عىلىم - تەحنيكادا ءوز كۇشىنە سۇيەنۋدىڭ، ءوزىن الۋەتتەندىرۋدىڭ سەركەسى بولىپ، شينجياڭدى ورنىقتىرۋعا، شينجياڭدى گۇلدەندىرۋگە اقىل - پاراساتتارى مەن كۇش - قۋاتتارىن ارناپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋىن ءۇمىت ەتەمىن. يدەيالىق - ساياسي جەتەكشىلىكتى كۇشەيتىپ، پارتيا 20 - قۇرىلتايىن قارسى الۋدى، ۇيرەنۋدى، ۇگىتتەۋدى، دايەكتىلەندىرۋدى نەگىزگى جەلى ەتىپ، قالىڭ عىلىم - تەحنيكا قىزمەتكەرلەرىن شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، جەتە ءتۇسىنىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداۋعا جەتەكتەپ، عىلىم - تەحنيكا دارىندىلارىن پارتيا ورتالىق كوميتەتىنىڭ توڭىرەگىنە ەڭ كەڭ كولەمدە ۇيىستىرۋ كەرەك. وزەكتى ارقاۋ ەتىپ، كەلەلى جاعدايعا قىزمەت وتەپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، قالىڭ عىلىم - تەحنيكا قىزمەتكەرلەرىن جۇڭحۋا ۇلتى ورتاق تۇلعا تانىمىن بەرىك ورناتۋعا جەتەكتەپ، عىلىم جالپىلاستىرۋدىڭ شينجياڭدى مادەنيەتپەن نارلەندىرۋمەن توعىسۋىن ىلگەرىلەتىپ، عىلىم - تەحنيكادا جاڭالىق اشۋ قابىلەتىن جوعارىلاتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا بەلسەنە قىزمەت وتەپ، شينجياڭنىڭ جوعارى ساپالى دامۋىنا دەم بەرۋ كەرەك. عىلىم - تەحنيكا قوعامىنىڭ جۇيە رەفورماسىن تەرەڭدەتىپ، كەڭ كولەمدە بايلانىس جاسايتىن، دارىندىلارعا قىزمەت وتەيتىن عىلىم - تەحنيكا قوعامى قىزمەت جۇيەسىن كەمەلدەندىرىپ، سيفرلاندىرىپ تيبىن جاڭالاۋدى ىلگەرىلەتىپ، عىلمي قوعامداردا پارتيا ۇيىمىنىڭ جانە پارتيا قىزمەتىنىڭ جاپپاي قامتۋىن ىلگەرىلەتىپ، عىلىم - تەحنيكا قوعامى جۇيەسىنىڭ كادرلار قوسىنى قۇرىلىسىن كۇشەيتىپ، عىلىم - تەحنيكا قوعامىنىڭ ۇيىمدىق قۋاتىن، ۇيىسۋ قۋاتىن ۇزدىكسىز جوعارىلاتۋ كەرەك.

  ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان اتىنان قۇرىلتايدىڭ اشىلعاندىعىن قىزۋ قۇتتىقتادى، اكادەميكتەرگە، قۇرىلتايعا قاتىناسقان ۋاكىلدەرگە جانە بۇكىل رايونداعى قالىڭ عىلىم - تەحنيكا قىزمەتكەرلەرىنە شىنايى سالەم جولدادى. ول بىلاي دەپ باسا دارىپتەدى: ءار دارەجەلى عىلىم - تەحنيكا قوعامى ۇيىمدارى باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى كەلەلى بايىمداۋىن جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسىنىڭ ورنالاستىرۋلارى، تالاپتارى توڭىرەگىندە، دامۋعا جاڭالىق اشۋ ارقىلى دەم بەرۋ ستراتەگياسىن، عىلىم - تەحنيكا ارقىلى شينجياڭدى گۇلدەندىرۋ ستراتەگياسىن جانە دارىندىلاردا قۋاتتى رايون ستراتەگياسىن ىشكەرىلەي اتقارىپ، شينجياڭنىڭ عىلىم - تەحنيكا قىزمەتىنىڭ تىڭ ساتىعا ۇزدىكسىز كوتەرىلۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك. قالىڭ عىلىم - تەحنيكا قىزمەتكەرلەرىنىڭ ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، جۇڭگوشا دەربەس جاڭالىق اشۋ جولىمەن تاباندىلىقپەن ءجۇرۋىن؛ مەملەكەتتىڭ كەلەلى ستراتەگيالىق قاجەتىن كوزدەپ، جىبەك جولى ەكونوميكالىق بەلدەۋى وزەكتى رايونى، ”ءۇش بازا، ءبىر ارنا“ قۇرىلىسى جانە شينجياڭنىڭ ەرەكشە، باسىمدىققا يە كاسىپ سالالارىنىڭ دامۋى سياقتىلاردى ارقاۋ ەتىپ، اكادەميكتەردىڭ، مامانداردىڭ رولىن ساۋلەلەندىرىپ، شەشۋشى، وزەكتى تەحنيكالاردان قامال الۋدى كۇشەيتىپ، جەتىستىكتەردى كادەگە جاراتىپ، پايدالانۋدى جەبەۋىن؛ عىلىم مادەنيەتىن جالپىلاستىرۋدى ويداعىداي ىستەپ، تۇعىرلاردى، دانەكەرلەردى ويداعىداي قۇرىپ، ويداعىداي پايدالانىپ، ۇگىت - تاربيە جەتەكشىلىگىن كۇشەيتىپ، تۇتاس قوعامدى، اسىرەسە، جاستار مەن ورەندەردى عىلىم ساپاسىن جوعارىلاتۋعا باستاۋىن؛ عالىمدار رۋحىن اسقاقتاتىپ، شينجياڭدى قىزۋ ءسۇيىپ، شينجياڭعا تامىر تارتىپ، شينجياڭدى گۇلدەندىرىپ، شينجياڭعا ءوزىن ارناپ، شىندىققا جۇگىنىپ، ناقتى ىستەر ىستەپ، عىلىم جولىندا شوگەلدىلىكپەن ىزدەنىپ، عىلىم - تەحنيكادا اناعۇرلىم كوپ جاڭالىق اشۋ جەتىستىگىن جاراتۋىن ءۇمىت ەتەمىن. ءار دارەجەلى پارتكومدار مەن ۇكىمەتتەر عىلىم - تەحنيكا قىزمەتىنە باسشىلىقتى كۇشەيتىپ، عىلىم - تەحنيكا قوعامدارىنىڭ دامۋىن قولداپ، دارىندىلاردى باۋلۋ، ەنگىزۋ، ولارعا كوڭىل ءبولۋ، قامقورلىق جاساۋ سياقتى قىزمەتتەردى ويداعىداي ىستەپ، ءبىلىمدى قۇرمەتتەيتىن، دارىندىلاردى قۇرمەتتەيتىن قويۋ راي قالىپتاستىرىپ، ءتۇرلى دارىندىلاردىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، شينجياڭنىڭ عىلىم - تەحنيكا ىستەرى دامۋىنىڭ جاڭا جاعدايىن قۇلشىنا اشۋ كەرەك.

  ماجىلىستە اۆتونوميالى رايوندىق باس جۇمىسشى ۇيىمىنىڭ قاتىستى جاۋاپتىسى حالىقتىق ۇيىمدار اتىنان قۇتتىقتاۋ ءسوزىن سويلەدى.

  شياۋ ۋىنجياۋ شينجياڭ اكادەميكتەر بىرلەستىگى اتىنان تۇتاس رايونداعى عىلىم - تەحنيكا قىزمەتكەرلەرىنە ۇندەۋ حات تاستادى.

  ءماجىلىس «اۆتونوميالى رايوندىق عىلىم - تەحنيكا قوعامى 9 - قۇرىلتايىنىڭ اۆتونوميالى رايوندىق عىلىم - تەحنيكا قوعامى 8 - كەزەكتى كوميتەتىنىڭ قىزمەت بايانداماسى جونىندەگى قارارىن» قاراپ ماقۇلدادى؛ قاتىستى قارارلاردى قاراپ ماقۇلداپ، «شينجياڭ ۇيعۇر اۆتونوميالى رايوندىق عىلىم - تەحنيكا قوعامىنىڭ <جۇڭگو عىلىم - تەحنيكا قوعامىنىڭ ۋستاۆىن> اتقارۋ ناقتى ەرەجەسىنە» وزگەرىس ەنگىزدى؛ اۆتونوميالى رايوندىق عىلىم - تەحنيكا قوعامىنىڭ 9 - كەزەكتى كوميتەتىن سايلاپ شىقتى. دىڭ ميڭجياڭ اۆتونوميالى رايوندىق عىلىم - تەحنيكا قوعامى 9 - كەزەكتى كوميتەتىنىڭ ءتوراعاسى بولىپ سايلاندى. قۇرىلتاي سونىمەن بىرگە ۋاڭ يۇڭميڭگە اۆتونوميالى رايوندىق عىلىم - تەحنيكا قوعامى 9 - كەزەكتى كوميتەتىنىڭ قۇرمەتتى ءتوراعاسى مىندەتىن بەردى.

  ءيۇسۇپجان مامەت، جاڭ گولياڭ قاتارلىلار اشىلۋ ماجىلىسىنە قاتىناستى. اۆتونوميالى رايوندىق عىلىم - تەحنيكا قوعامى 9 - قۇرىلتايىنىڭ ۋاكىلدەرى، ايماقتارداعى، وبلىستارداعى، قالالارداعى عىلىم - تەحنيكا قوعامىن باسقارۋعا جاۋاپتى جولداستار، اۆتونوميالى رايوندىق عىلىم - تەحنيكا قوعامىنىڭ داڭقتى مۇشەلەرى، دەمالىسقا، زەينەتكە شىققان عىلىم - تەحنيكا قىزمەتكەرلەرىنىڭ ۋاكىلدەرى قاتارلىلار قۇرىلتايعا قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.