ەركىن تۇنياز باستالۋ سالتىنا قاتىناستى ءارى ءسوز سويلەدى
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 15 - كۇنى ۇرىمجىدەن حابارلايدى. 9 - ايدىڭ 15 - كۇنى تۇستەن بۇرىن 2022 - جىلعى مەملەكەتتىك كوپ بولىپ شارۋاشىلىق قۇرۋ، جالپى قاۋىم جاڭالىق اشۋ قيمىل اپتالىعى باستالدى، شينجياڭ بولىمشە ءماجىلىس الاڭى قيمىلى دا ءبىر ۋاقىتتا باستالدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باستالۋ سالتىنا قاتىناستى ءارى ءسوز سويلەدى.
ەركىن تۇنياز اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى اتىنان وسى رەتكى قيمىل اپتالىعىنىڭ وتكىزىلگەندىگىن قۇتتىقتادى. ول بىلاي دەپ باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋدى ورىنداپ، بازار تۇلعالارىنىڭ ومىرشەڭدىك كۇشى مەن قوعامدىق جاسامپازدىق قۋاتىن اناعۇرلىم قاۋلاتۋ كەرەك. اۆتونوميالى رايوندىق 10 - كەزەكتى پارتكومنىڭ بەسىنشى جالپى ءماجىلىسىنىڭ ورنالاستىرۋى مەن تالابىنا ساي، جوعارى ساپالى دامۋدى حالىق تۇرمىسىمەن تىعىز جاناستىرا ىلگەرىلەتىپ، جاڭالىق اشۋدى، شارۋاشىلىق قۇرۋدى بەلسەنە ىلگەرىلەتىپ، شارۋاشىلىق قۇرۋعا قىزمەت وتەۋدى جاقسارتۋ، جۇمىستاندىرۋ تۇعىرىن قۇرۋ، تۇزىلىستىك كەدەرگىلەردى الاستاۋ سياقتى قىزمەتتەردى ۇزدىكسىز مىقتى يگەرىپ، كاسىپورىنداردىڭ جاڭالىق اشۋداعى تۇلعالىق ورنىن نىعايتۋ، دارىندىلاردى باۋلۋ، ەنگىزۋ تەبىنىن كۇشەيتىپ، جاڭالىق اشۋدى، شارۋاشىلىق قۇرۋدى دامىتۋ جاڭا ارناسىن ۇزدىكسىز بەكەمدەپ، ەكونوميكانى جوعارى ساپالى دامىتۋدىڭ جاڭا قوزعاۋشى قۋاتىن ۇيىستىرىپ ىلگەرىلەتۋ كەرەك. جەر - جەر، تاراۋلار وسى رەتكى قيمىل اپتالىعىن وراي، قوزعاۋشى كۇش ەتىپ، جۇمىستاندىرۋدى الدىمەن ويلاسۋعا تاباندى بولىپ، شارۋاشىلىق قۇرۋدىڭ جۇمىستاندىرۋدى جەبەۋدەگى ”كوبەيتكىش اسەرىن“ اناعۇرلىم كۇشەيتىپ، اناعۇرلىم جوعارى ساپالى جۇمىستاندىرۋدى، اناعۇرلىم تولىق جۇمىستاندىرۋدى جەبەۋ؛ تاماشا ەكولوگيا قالىپتاستىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، تيجارات - ساۋدا ورتاسىن جاقسارتىپ، قولداۋ ساياساتىن كەمەلدەندىرىپ، بازار تۇلعالارىنىڭ ومىرشەڭدىك كۇشىن ءونىمدى قاۋلاتۋ؛ عىلىم - تەحنيكادا جاڭالىق اشۋدى كۇشەيتىپ، كاسىپورىندى نەگىزگى تۇلعا، بازاردى باعدار ەتكەن، ءوندىرىس، وقىتۋ، زەرتتەۋ تەرەڭدەي توعىسقان تەحنيكادا جاڭالىق اشۋ جۇيەسىن قالىپتاستىرۋدى ىلگەرىلەتۋ؛ قيمىل فۋنكتسياسىن كەڭەيتىپ، قوعامدىق بايلىقتاردى شارۋاشىلىق قۇرۋ نىساندارىن جەدەل دامىتۋعا جەتەكشىلىك ەتىپ، ءتىپتى دە كوپ جۇمىستاندىرۋ ورايىن جاراتۋ؛ قيمىل تاسىلىندە جاڭالىق اشىپ، ينتەرنەت جەلىسىندە جانە ينتەرنەت جەلىسىنەن تىس ىشكەرىلەي توعىسۋدى كۇشەيتىپ، توقتاۋسىز جۇرگىزىلىپ تۇراتىن قيمىل اپتالىعىن تۇلعالاۋ ءتيىس.
باستالۋ سالتىندا ەركىن تۇنياز قاتارلىلار 2021 - جىلعى تۇتاس رايونداعى تاڭداۋلى جاڭالىق اشۋشىلارعا جانە شارۋاشىلىق قۇرۋشىلارعا سيلىق تاراتتى. مۇندا مەملەكەت دارەجەلى عىلىم - تەحنيكا كاسىپورىندارىن جەتىلدىرۋ بازاسى، مەملەكەت دارەجەلى جالپى قاۋىم جاڭالىق اشۋ كەڭىستىگى، مەملەكەت دارەجەلى ارنايىلانعان، كەمەلدەنگەن، ەرەكشە، جاڭا ”شاعىن قۋاتتى“ كاسىپورىندار، اۆتونوميالى رايوندىق كاسىپورىن ”جاڭالىق اشۋ ەگەيى“ سىندى اتاقتارعا يە بولعان كاسىپورىنداردىڭ جانە جەكەلەردىڭ ۋاكىلدەرى قامتىلدى.
باستالۋ سالتىنان كەيىن، ەركىن تۇنياز قاتارلىلار اۆتونوميالى رايوندىق عىلىم - تەحنيكا كوميتەتىنىڭ ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ ارناۋلى تاقىرىپتىق كورمەسىن“، ”كاسىپورىنداردىڭ عىلىم - تەحنيكادا جاڭالىق اشۋ كەلبەتى كورمەسىن“ جانە ”شينجياڭ جاستار مەن ورەندەردى عىلىم - تەحنيكادا جاڭالىق اشۋعا تاربيەلەۋ جەتىستىگى كورمەسىن“ ەكسكۋرسيالادى.
ۇعىسۋعا قاراعاندا، 2022 - جىلعى مەملەكەتتىك كوپ بولىپ شارۋاشىلىق قۇرۋ، جالپى قاۋىم جاڭالىق اشۋ قيمىل اپتالىعىنىڭ شينجياڭ بولىمشە ءماجىلىس الاڭى ”جاڭالىق اشۋ قوزعاۋشى قۋاتتى ارتتىرادى، شارۋاشىلىق قۇرۋ جۇمىستاندىرۋدى جەبەيدى“ نەگىزگى تاقىرىبىندا ينتەرنەت جەلىسى جانە ينتەرنەت جەلىسىنەن تىس فورماسى ارقىلى ءبىر اپتا ۋاقىتپەن 6 جاقتا 51 ءتۇيىندى قيمىل ورىستەتەدى ەكەن، بۇعان باستالۋ سالتىن وتكىزۋ، نەگىزگى تاقىرىپتىق كورمە وتكىزۋ، جارىس قيمىلىنا ۇيىمداستىرۋ، نەگىزگى تاقىرىپتىق تالقى مىنبەرىن وتكىزۋ، كوپ بولىپ شارۋاشىلىق قۇرۋ، جالپى قاۋىم جاڭالىق اشۋ بويىنشا باۋلۋعا ۇيىمداستىرۋ، قىزمەت وتەۋ قيمىلىن ورىستەتۋ سياقتىلار قامتىلادى.
