− بۇكىل رايونداعى عىلىم - تەحنيكا قىزمەتكەرلەرىنە ۇندەۋ حات
بۇكىل رايونداعى عىلىم - تەحنيكا قىزمەتكەرلەرى:
جاڭالىق اشۋ دامۋعا جەتەكشىلىك ەتەدى، بولاشاق عىلىم - تەحنيكامەن كەلەدى. بۇكىل رايوندا جوعارىدان تومەنگە دەيىن باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ساتتە، اۆتونوميالى رايوندىق عىلىم - تەحنيكا قوعامى 9 - رەتكى قۇرىلتايىن اشتى، بۇل بۇكىل رايونداعى عىلىم - تەحنيكا قىزمەتكەرلەرىنىڭ ۋاكىلدەرى ءبىر اراعا باس قوسقان ءبىر رەتكى سالتاناتتى جينالىس ءارى عىلىم - تەحنيكادا جاڭالىق اشۋ ارقىلى شينجياڭنىڭ ەكونوميكالىق، قوعامدىق دامۋىنا دەم بەرگەن ءبىر رەتكى سالتاناتتى جينالىس، ونان دا ماڭىزدىسى، ءبىر رەتكى عىلىم جالپىلاستىرىپ، جالپى حالىقتىڭ عىلمي ساپاسىن جوعارىلاتقان سالتاناتتى جينالىس. وسى رەتكى قۇرىلتايدىڭ اشىلۋ ورايىندا، بۇكىل رايونداعى قالىڭ عىلىم - تەحنيكا قىزمەتكەرلەرىنە تومەندەگىدەي ۇندەۋ تاستايمىز:
ءبىرىنشى، عىلىم - تەحنيكا ارقىلى وتاننىڭ ءۇمىتىن اقتاۋدى امالياتتا ايگىلەۋشى بولۋعا تالپىنايىق. شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ عىلىم - تەحنيكا قىزمەتكەرلەرىنەن كۇتىپ وتىرعان ىقىلاستى ءۇمىتىن ەستە بەرىك ساقتاپ، مۇرات - سەنىمدى بەكەمدەپ، يدەيا ۇلى كۇشىن ءتۇسىنىپ، ”مەملەكەتتىڭ زور ءىسىن“ كوڭىل تورىنە قويىپ، وتباسى - وتان سۇيىسپەنشىلىگىن جۇرەك تۇكپىرىنە تەرەڭ ۇيالاتىپ، ءداۋىر ۇندەۋىنە ءۇن قوسىپ، قايراتتانا ءتۇسىپ عىلىم - تەحنيكا ارقىلى وتان ءۇمىتىن اقتاپ، عىلىم - تەحنيكادان قامال الۋدى مۇرات ەتىپ، عىلىم - تەحنيكا ارقىلى شينجياڭدى گۇلدەندىرۋدىڭ باستاماشىسى بولۋعا تالپىنىپ، ەرلىكپەن جوعارى دەڭگەيدەگى عىلىم - تەحنيكادا ءوزىن الۋەتتەندىرۋدىڭ، ءوزىن كۇشەيتۋدىڭ اتويشىسى بولىپ، شينجياڭنىڭ عىلىم - تەحنيكادا جاڭالىق اشۋىندا سەرپىلىس سيپاتتى ىلگەرىلەۋشىلىككە قول جەتكىزۋىن جەبەپ، ءىس جۇزىندىك ارەكەتپەن وتان ءۇمىتىن اقتاپ، كورىكتى شينجياڭ قۇرايىق.
ەكىنشى، عالىمدار رۋحىنىڭ جەتەكشىسى بولۋعا تالپىنايىق. وتاندى كوڭىل تورىنە قويىپ، حالىققا قىزمەت وتەپ، وتاندى ءسۇيۋ سەزىمىن، وتاننىڭ ءۇمىتىن اقتاۋ مۇراتىن جاڭالىق اشۋدىڭ، جاسامپازدىق جاراتۋدىڭ ءىس جۇزىندىك ارەكەتىنە اينالدىرىپ، ”ەڭ ارداقتى عىلىم - تەحنيكا قىزمەتكەرى“ بولۋعا تالپىنايىق؛ ەرلىكپەن شىڭعا شىعىپ، جۇرەكتىلىكپەن قارا ءۇزىپ العا ۇمتىلىپ، شينجياڭنىڭ شەشۋشى، وزەكتى تەحنيكادا ناتيجە شىعارۋىنا اقىل - پاراسات، كۇش - قۋات قوسىپ، باتىلدىقپەن ”جاس عىلىم - تەحنيكا تيانشان دارىندىلارىنان“ بولۋعا ۇمتىلايىق؛ اقيقاتقا تالپىنىپ، عىلىممەن ىجداعاتتىلىقپەن شۇعىلدانىپ، اتاق - ابىرويعا قۇمارتپاي، زەيىن قويا زەرتتەۋ جۇرگىزىپ، عىلمي ماقالانى تيانشان الابىندا جازىپ، ”تيانچى دارىندىلارىنان“ بولۋعا تالپىنايىق؛ اقىل - پاراسات ۇيىستىرىپ قامال الىپ، ىنتىماقتاسا ىستەستىك جاساپ، شينجياڭنىڭ نەگىزدىك زەرتتەۋ سالاسىنىڭ ءتىپتى دە كوپ ءتول جاسامپازدىق سيپاتتى جەتىستىكتەردى شىعارۋىن جەبەپ، باسىمدىققا يە كاسىپ سالالارىنداعى ”القىمداعان“ ماسەلەلەردەن قامال الۋشى بولۋ جاۋاپكەرشىلىگىن ارقالايىق؛ باسپالداق بولۋعا پەيىل بولىپ، شاكىرتتەردى شابىتتاندىرىپ، شينجياڭنىڭ عىلىم - تەحنيكادا جاڭالىق اشۋ جوسپارىن، از ۇلت عىلىم - تەحنيكا تىرەكتىلەرىن ارنايى باۋلۋ جوسپارىن ويداعىداي اتقارىپ، عىلىم - تەحنيكانى جالپىلاستىرۋدىڭ ىلگەرىلەتۋشىسى بولۋعا تالپىنايىق؛ جاس دارىندىلاردى دەمەۋ ينجەنەرياسىن ويداعىداي اتقارىپ، جاس ۇرپاقتى ”جاستار مەن ورەندەردى عىلىم - تەحنيكادا جاڭالىق اشۋ سيلىعىن“ الۋعا قۇلشىنۋعا جەتەكتەيىك؛ اكادەميك زاپاس دارىندىلارىن باۋلۋ جوسپارىن ويداعىداي اتقارىپ، كاسىپورىن ينجەنەرلەرى قوسىنى قۇرىلىسىن كۇشەيتىپ، كەلەلى مىندەت ارقالاي الاتىن ءبىر توپ جاس دەمەۋشى دارىندىلارىن جەتىلدىرەيىك.
ءۇشىنشى، جاڭالىق اشا دامۋدىڭ ىلگەرىلەتۋشىسى بولۋعا تالپىنايىق. ءداۋىر جۇكتەگەن كەلەلى مىندەتتى شىن مانىندە ارقالاپ، دامۋعا جاڭالىق اشۋ ارقىلى دەم بەرۋ ستراتەگياسىنا، دارىندى جاعىندا قۋاتتى رايون بولۋ ستراتەگياسىنا جانە عىلىم - تەحنيكا ارقىلى شينجياڭدى گۇلدەندىرۋ ستراتەگياسىنا بەلسەندىلىكپەن كىرىسىپ، جاڭالىق اشۋ تانىمىن كۇشەيتىپ، جاڭالىق اشۋ قابىلەتىن جوعارىلاتىپ، جوعارى دەڭگەيلى عىلىم - تەحنيكالىق قۋاتتى جەدەل قۇرۋ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتۋ، عىلىم - تەحنيكا ارقىلى حالىقتى يگىلىككە كەنەلدىرۋ ارەكەتىنىڭ تەرەڭدەۋىن، ناقتىلانۋىن ىلگەرىلەتۋ، عىلىم - تەحنيكادا جاڭالىق اشۋ ءتۇزىلىس مەحانيزمىن جاقسارتۋ، كەمەلدەندىرۋ، عىلىم - تەحنيكا دارىندىلارىنىڭ قوزعاۋشى كۇشىن، ومىرشەڭدىك كۇشىن جانداندىرۋ، شىعارۋ سياقتى جاقتاردا شىنايى يگەرىپ، ناقتى ىستەپ، جىبەك جولى ەكونوميكالىق بەلدەۋىنىڭ دامۋعا جاڭالىق اشۋ ارقىلى دەم بەرۋ سىناق رايونىن، ءۇرىمجى − سانجى − شىحىزى مەملەكەتتىك ءوز كۇشىنە سۇيەنىپ جاڭالىق اشۋدان ۇلگى كورسەتۋ رايونىن جوعارى ساپالى قۇرۋدى ىلگەرىلەتۋدە باتىلدىقپەن ۇزدىك بولۋعا تالپىنىپ، مەملەكەتتىك ءتۇيىندى تاجىريبەحانا قۇرۋدا مەملەكەتتىك عىلىم - تەحنيكادا جاڭالىق اشۋ ورتالىعى قۇرىلىسىندا باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، عىلىم - تەحنيكادا جاڭالىق اشۋ ارقىلى شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا جەتەكشىلىك ەتەيىك.
ءتورتىنشى، وزەكتى تەحنيكادان ناتيجە شىعارۋشى بولۋعا تالپىنايىق. مەملەكەتتىڭ ستراتەگيالىق قاجەتى مەن اۆتونوميالى رايوننىڭ ەلەۋلى قاجەتىنە ىرىقتىلىقپەن قىزمەت وتەپ، سەنىمدى بەكەمدەپ، شىندىققا جۇگىنىپ، ناقتى ىستەپ، نازاردى مۇناي، گاز، كومىر، كەن ونىمدەرى، استىق، ماقتا، جەمىس - جيدەك، كوكونىس سياقتى ەرەكشە، باسىمدىققا يە كاسىپ سالالارىنا جانە جاڭا ەنەرگيا، جاڭا ماتەريال، سيفرلى ەكونوميكا، زەردەلى اۋىل شارۋاشىلىعى سياقتى وزىق سالالارعا شوعىرلاندىرىپ، زەيىن قويا عىلىم - تەحنيكادان قامال الىپ، شەشۋشى، وزەكتى تەحنيكالاردان قامال الۋ شايقاسىنىڭ جەڭىسىنە باتىلدىقپەن قول جەتكىزەيىك. جاڭالىق اشۋ ارقىلى جەتەكتەۋ رولىن كۇشەيتىپ، مۇناي، گاز ءوندىرۋ، وڭدەۋ كاسىپ سالالارى شوعىرى، كومىر، كومىر ەلەكترى، كومىر حيميا ونەركاسىپ كاسىپ سالالارى شوعىرى، جاسىل كەنشىلىك كاسىپ سالالارى شوعىرى، استىق، ماي كاسىپ سالالارى شوعىرى، ماقتا جانە توقىماشىلىق، كيىم - كەشەك كاسىپ سالالارى شوعىرى، جاسىل، ورگانيكالىق جەمىس - جيدەك، كوكونىس كاسىپ سالالارى شوعىرى، ساپالى مال شارۋاشىلىق ونىمدەرى كاسىپ سالالارى شوعىرى، جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالالارى شوعىرى قاتارلى شينجياڭ ەرەكشەلىگىنە يە وسى زامانعى كاسىپ سالاسى جۇيەسىن جەتىلدىرۋ، دامىتۋ، ۇلعايتۋ بارىسىندا ماڭىزدى عىلىم - تەحنيكالىق شارىقتاۋدى جۇزەگە اسىرۋعا كۇش سالىپ، شينجياڭنىڭ وڭىرلىك كەشەندى جاڭالىق اشۋ قابىلەتىن ۇزدىكسىز جوعارىلاتايىق.
بەسىنشى، عىلىم - مادەنيەتتىڭ تاراتۋشىسى بولۋعا تالپىنايىق. نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، عىلىم جالپىلاستىرۋدى شينجياڭدى مادەنيەتپەن نارلەندىرۋ، اۋىل - قىستاقتى گۇلدەندىرۋ جانە ۇشقارىلىقتى الاستاۋ قىزمەتتەرىنە كىرىستىرىپ، نەگىزگى ساتىداعى قوعامدىق باسقارۋعا قىزمەت وتەيىك. جالپى حالىقتىڭ عىلمي ساپاسىن جوعارىلاتۋدى بۇلتارتپاس جاۋاپكەرشىلىك ەتىپ، نەگىزگى ساتىعا ىشكەرىلەي بارىپ، بۇقارامەن ەتەنە بولىپ، عىلمي حيكايالاردى ويداعىداي اڭگىمەلەپ، وركەنيەتتى، پاراساتتى بولۋدى دارىپتەپ، عىلىمدى سۇيەتىن، عىلىم ۇيرەنەتىن، عىلىمعا سەنەتىن، عىلىمدى قولداناتىن تاماشا قوعامدىق راي قالىپتاستىرۋدى ىلگەرىلەتىپ، ءار ۇلت بۇقاراسىنىڭ رۋحاني دۇنيەسىن ۇزدىكسىز بايىتىپ جانە تولىقتىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، 2035 - جىلعا بارعاندا رايونىمىز ازاماتتارىنىڭ عىلمي ساپاعا يە بولۋ سالىستىرماسىن بۇكىل ەلمەن بىرگە ％25كە جەتكىزۋ كۇرەس نىساناسىن ورىنداۋعا كۇش سالىپ، عىلىم جالپىلاستىرۋدىڭ جوعارى ساپالى دامۋعا قىزمەت وتەۋ ونىمدىلىگىن كورنەكتى جوعارىلاتايىق.
جاڭا جورىق ەكپىندەي ىلگەرىلەۋگە ىنتالاندىردى، جاڭا بورىش جاڭا جاۋاپكەرشىلىك ارقالاۋعا شاقىردى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، بۇكىل رايونداعى 600 مىڭ عىلىم - تەحنيكا قىزمەتكەرىنىڭ ىنتىماقتاسا كۇرەس جۇرگىزەتىن تەلەگەي كۇشىن ۇيىستىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇش قوسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الايىق!
شينجياڭ اكادەميكتەر بىرلەستىگى
2022 - جىلى 9 - ايدىڭ 15 - كۇنى
